Our Restaurant

营业中

休息中

自己在OPENRICE寫了3個月,但自己要給一個喊面只有2個~想不到今次要給一次喊面.這間店鋪做土耳其菜~當然自己也未試嘗過,阿哥說要去看電影,我則說不如這間食一頓晚餐吧~這間店鋪細小,只有數張桌子,桌子的面積非常細小,只能放到2碟飯,再放一碟小食則爆滿~坐下看看有什麼好東西吧~侍廳說今次沒有牛肉,則要2碟轉轉羊肉飯吧,再來一個轉轉雞肉卷~一杯凍紅茶和一杯凍檸茶.上菜的速度也較快~數分鐘,轉轉羊肉飯也來到~我開始看到有少許呆~這就是羊肉飯,賣相不多討好,當然要食過先知才好不好味~份量不多,飯煮得比較硬,羊肉則比較好一點肉比較滑,但是吃不出羊肉的味道,份量不多~要用醬汁來蓋味道,的確醬汁也不賴,~我未食過土耳其菜,不知道是否這樣,像阿哥說去外國旅行時導遊說特色不代表好食,食完這碟飯也擔心個卷也叫了轉轉雞肉卷,應該不是即叫即造~1條分開2件~內裏的餡料不多,有少許雞肉伴著生菜等等~外層不鬆化,比較凍,差不多40元~完全不值得~晚餐食了150元~而晚餐來說的確不昂貴,但相對食物質素來說不值得這個價錢~

去到旺角唔知食乜好..一於試試新菜式@@點左個轉轉羊肉+雞肉配飯 (因為果日冇轉轉牛肉..所以揀左呢2樣)D飯就咁食就鹹鹹地...但配埋D肉同埋上面既醬汁食既時侯...又幾好味喎...但係D肉我覺得燒得太乾身...不過薯條好脆...正!因為想飲凍野...所以加左3蚊轉凍檸茶唔知佢係咪用土耳其茶既呢?茶味係有的...不過佢落得太甜..督晒D檸檬仍然好甜...D服務態度唔錯呀...加埋D中東音樂....都幾特別..野食又唔算好貴...值得再去 !

20Jul2007 1958旺角這個地方都有冇咁熱門菜式的食店，價錢唔貴，唔好食都唔會肉痛。2條友叫了4個菜式：蕃茄沙律 (Tomato Salad) ($25) - 除了蕃茄外，還有青瓜粒、洋葱及紅蘿蔔，只有少少鹹味，味道清新，沒有我地平時用慣現成醬料的味道，食濃味者絕不適合；牛肝薯條 (Beef Liver Kebab) ($50) - 完全有住家的感覺，牛肝過份熟透，不過茄汁及乳酪用來送薯條也幾特別；土耳其特式炒蛋 (Melemen) ($25) – 像我地平時第一次煮蕃茄炒蛋時的炒完蕃茄後立即加蛋上去，裡面還有青椒粒及洋葱，味道不好係諗住同中式一樣，今次我覺得真係冇乜味，入鄉隨俗，唔夠自己加料；轉轉燒牛肉配飯 (Beef Doner with Rice) ($50):牛肉落左少少黑椒粒燒，之後落左少少乳酪，厚度與茶記與牛扒有關的早餐/常餐有得揮，蕃茄片及椰菜絲為伴菜，最特別係飯帶有甜味，配合它們一齊食又不錯。埋單連加1共83蚊，經常食乜乜豉油西餐的你，係時候轉轉地方。

很久很久沒有食過卡巴了 , 記得以前係灣仔電腦城對面曾經開過一間 , 印象中幾美味的 !今天下午要去旺角幹點事 , 順道周圍找個地方食Tea 。本來小弟想去食農夫包的 , 不過想想已食過幾次 , 還是找點新的東西試吧 , 想了一會就決定來這間店了。三點幾入到去 , 入面得我一個人 , 土耳其老闆係度一個人做緊野 ..... 無其他侍仔 ?! 冷氣感覺到 , 我坐最入第二張枱 , 土耳其老闆拿了 Menu 給我看 , 睇了一會 , 揚手他過來 , 我唔知佢聽不聽懂中文 , 我說 No.1 (羊卡巴) set , 不過佢問番我咩 .... ???? , O 咀 , 唔明 , 後尾他講了中文 "辣唔辣" , 哦 ! , 唔要辣 ..... 呵呵 ! 我想叫飲品 , 問下佢個土耳其咸乳酪 good taste ? 佢唔知點答我了 .... anyway I want one ! 等了十分鐘 , 飲品來先 ..... 第一啖 , 嘩 ~~~ 古怪 ! 乳酪很浠似水 , 嗅有奶香味 , 飲就好酸 .... 絕對不似香港 / 國內果D 乳酪 , 好似牛奶 + lemon 汁 , 一少少咸

我早2日去食過都ok呀....叫左羊同雞卷係真係有d乾..不過味道都可以丫之後要左個芝士卷..正!!唔知點解大家都覺得個紅茶冇特別既...我就覺得好香好好味係2個侍應d服務真係差左d...不過我宜家留意到一樣野..一到暑假就係咁...宜家d後生仔做野真係好唔掂!!點都好..我下次會再同d朋友去食過

系女人街有間土耳其餐廳聽聞唔錯，個名叫our restaurant，一對土耳其+香港夫婦開既，入到去間餐廳冇我想像中禁有特色，裝修同佈置都好簡單，牆身只系貼d菱形鏡同d土耳其建築物既彩圖，d彩圖仲好似系報紙到剪落黎禁，唯一有d特色系放左幾個土耳其煙具。野食方面，味道真系唔錯架，我地叫左一客轉轉雞肉卷同芝士春卷，配凍檬樂同土耳其茶，一個set40蚊左右，禁既價錢可以食到d異國地度食物其實都幾抵。轉轉雞肉卷好好食，如果唔配雞，其實可以配牛同羊，一口咬落去唔會太乾，熱熱地d雞肉都好香口，而且d汁多到流到我一手都系，而個土耳其茶就普通d，加糖飲，幾清下。芝士春卷亦都好好食，因為我鍾意食芝士，熱辣辣既芝士都好難唔好食啦~

今日系好朋友生日. 我地決定要帶拒去食d特色d既野系開飯呢度左睇睇右睇睇. 最終決定左帶拒去食土耳其菜.地方雖然淺窄 不過坐得都幾舒服.d音樂好中東. 雖然听上去怪怪地. 不過幾match個度d感覺可能因為早 ( 我地去到個陣先12點幾鬆d ).個度冇中國人侍應 得個吾知乜野國藉既人系度serve我地..我地叫左個雞肉卷 , 羊肉卷 , 土耳其肉丸 同埋cheese roll第一樣入口既系羊肉卷. 一d都吾騷 不過食上去感覺似牛肉.d 醬汁同d配料味道好夾, 加上都叫熱熱地. 幾好食!!之後食雞肉卷.. 味道比羊肉卷差.. d雞有d"鞋" .. 麻麻地..個土耳其肉丸味道吾錯 幾特別 但系太咸.. d 沙律.. 吾太岩我口味 = ="芝士春卷好食. 不過都冇乜特別 同平時食到既芝士春卷好似冇乜分別甘不過都算幾抵食. 而且service 吾差初初入去個陣先得我同3個frd.. 食到尾已經有坐左一半滿既客間野都ok 格sip.. 而且食d野甘特別.. 都有甘多人 算系甘總括泥講. 間野真系ok :] 而且吾貴 會再食*v*

相隔數月，卡巴癮起。同朋友仔要了伊斯更達羊肉薄餅同土耳其肉丸配沙律2個set dinner。伊斯更達羊肉薄餅唔知道係咪拎錯定點，食落去既時候感覺似曾相識，連朋友仔都覺得同我地上次食既轉轉燒羊肉卡巴(辣)既味道係一模一樣。雖一唔同既就係，上次嫌佢食到臨尾突然勁辣，因為d辣汁流曬去一邊；相反今次就好平均。土耳其肉丸配沙律本來想試新野，但睇勻成個menu好似得呢款比較多菜。上到檯，整碟既份量比之前少左。不過咁既份量對於我地就剛剛好，唔駛浪費。依然有洋葱、蕃茄、青瓜、生菜絲...幾款蔬菜，真係夠曬fresh夠曬健康。後再追加米飯布甸。今次似乎比較失色，因為雪既時間不夠，食落不夠杰有點稀。但就依然飯粒十足，好味。成晚雖一不太滿意的就是服務差了，尤其是2個新人。看到客人杯子裡已經無茶，而又只是行行企企無野做都無主動斟茶。後尾我地同比較老的女人講，她之後就多次來來回回的幫人斟。另外，係我地就黎食完set dinner既時候開始有人坐係廚房邊既2人高檯等位。有個比較後生既女仔不斷睇過黎，我唔知佢做咩，但感覺到佢係度催促我地快d走。其實我地都只不過吃了半個鐘左右，又不是食完唔肯走。佢咁樣，無論d食物有幾

又在女人街搵食。係旺角呢d地方好少見kebab店，因為呢ｄ係鬼佬先鍾意食，通常都開係中環灣仔呢ｄ地方，估唔到呢度都有。我地叫左一個牛肝沙律同一個炸米飯肉丸。個牛肝切到一粒粒好細粒，好有膶味，但冇上次在澳門食個ｄ咁大塊，個炸米飯肉丸好大陣香料味，味道有ｄ怪。兩個餐都送土耳其茶，但係一般紅茶（我冇落糖囉），仲有好多薯條，食完飽晒，好熱氣。回想我地係巴黎的日子，係pompidou對面間kebab店，食ｄ咁的野只要4個幾euro，又係有咁多薯條，又有水飲，在歐洲已經超級著數。但返到香港，我地唔單止要抵食夾大件，又要好味，在歐洲要俾笑，在香港可能變左ok或喊了。

之前係OR search過除左西門町之外, 仲有咩推介,今日和親愛的係旺角拍拖行經這裡有點印象加上親愛的好似都幾有興趣, 所以就入內一試吧因為未來過, 所以就請教店內的哥哥有咩好介紹叫了一個羊肉卡巴($40)和轉轉羊肉、雞肉配飯(~$50)雖然餐廳幾細間, 不過環境都幾舒服羊肉卡巴: 雖然有醬汁搭救, 不過略嫌無咩肉汁; 我地要了小辣, 親愛的就受不住了(). 可能睇過蔡瀾嘆名菜的” 特制加料” 多肉卡巴, 真係覺得$40的價錢這個份量太小了轉轉羊肉、雞肉配飯: 相反依個就幾有驚喜, 驚喜在個飯! 好同意之前的網友話想加底的說話. 個飯少少鹹香, 好正! 雞肉和羊肉配上醬汁都不錯.隨餐送的土耳其紅茶, 侍應提醒我們係加糖飲的, 唔…無咩特別. 想試試米飯布甸和個咸乳酪呢(個紅茶和乳酪一樣$10, 不過無得轉=_=)偶然一吃, 轉轉口味是好的, 這時又再想起在澳洲吃的無敵卡巴了

尋日同同事過來呢度試，哎......熱辣辣仲要行早排有成41度既女人街真係唔好受，正當汗流浹背我地終於到啦..........首先，我想講既係以價錢來講真係接近平絕香港既中東店架啦，lunch價35蚊，洛克道同亞士里道果兩間連鎖既都接近50蚊份啦，所以我地本身都無咩特別要求架啦......我地叫左一個轉轉燒羊肉卷，一個素菜卷，我見到餐牌上面話跟杯所謂土耳其紅茶，價值10蚊，Menu隔離果杯土耳其咸乳珞都係10蚊，小弟自問英文有返咁上下全程都係用英文點單（因為裏面只有一個中東人），但係個夥計定唔知老細簡直就係雞同鴨講，問佢可不可以轉飲品問左幾次都唔知佢依依峨峨講咩...........最後放棄！等下等下越來越熱，點知發現原來無開冷氣！咁既天氣唔開冷氣有無搞錯啊？食物總體來講不裕，羊肉都有羶味，唔係死實實既，不過我就發現香港同我以前係英國食果d就都好大分別，可能爲了迎合香港人既口味啦，呢度就放好多千島醬，而且英國興用一大個卡巴包放超多沙律同肉，呢度就整成一個卷......我自己問佢攞左碟Garlic Sauce同Chili Sauce點來食，都好正，而我個同事就話無咩特別，不願置評。杯茶都

尋晚同bf睇完戲去左呢度食dinner,10幾到,得兩三枱客,裏面好熱,好似無開冷氣,得把風扇吹住...我唔食羊既,咁諗住叫牛肉啦,點知無...so叫左雞肉!轉轉雞肉巻$40...普普通通,好少雞肉,剩係見到番茄同d醬(好似千島醬),好似食醬落肚咁....土耳其腸拼薯條$35....以為係咩腸,佢碟野上枱時,我同bf不禁互望,四條貌似炸廚師腸($7-12條,係各大超市有售)淋上又係千島醬+茄汁,點知一食落口,直情係普通既腸仔,擺明揾笨,又話咩土耳其腸,勁過份囉,收得人呢個價錢,比d咁既野人食,完全唔得,我最後食左半條,比埋我bf食剩,食得好唔開心囉,完全係失望!芝士春巻$25五條....menu個樣同實際既好有出入,味道一般,唔覺得特別有芝士味,好似食緊炸春巻皮feel凍ot$10....no comment仲要加一,極揾笨,我唔覺得佢有serve過我地,茶都無一杯都要加一,同一個份量既野食,lunch同dinner個價錢已經唔同(dinner要貴$5),仲要加一,有無搞錯丫!以後都唔會幫襯,太失望啦!ps: 大家埋單時要睇清楚,之前d post都有人講過話佢地計多$$,尋日我隔離張枱

可能我唔好彩，但當晚點的食物水準真的很一般：　轉轉燒雞肉卷-卷物有多種，除了轉轉燒，還有亞丹娜燒、串燒(免治肉)等燒法，在侍者推介下要了最傳統的doner roll。個人幾鍾情這種肉卷，可惜此店的雞肉燒得較乾又鞋，毫無肉汁可言，加上卷本身也偏硬及乾，簡直是乾上加乾，味道惡劣..轉轉燒羊肉卷-羊肉有陣騷味，香口好多，但肉汁也不算豐富，少少的辣味調和之下，勉強過關。土耳奇芝士春卷-炸春卷中包含有軟香芝士，加上乳酪與茄汁，味道清新而獨特，熱食時滋味不錯。炸茄子薯條配乳酪-忘了名字，總之是一堆炸茄子、薯條加上一pat乳酪醬，造型與賣相絕對有欠誠意，炸茄子與薯條也較油，幸而乳酪化解了那陣油膩感。土耳奇肉丸配沙律-質感軟軟的肉丸，吃來充滿羊騷香又多汁，再淋上酸酸的茄汁，惹味又開胃，是整晚最美味的食物，令我想起中環Habibi的肉丸!沙律味道還算可以，就是水分過多。土耳奇米飯布甸-餐廳唯一的甜品，初吃口感幼滑又有奶香，有點似西米布甸，覺得不錯，但原來米飯大多沉底，吃到底層就十分飽滯了!　最後一杯土耳奇紅茶，無特別。　不太滿意的一頓飯，食畢忍不住有少少埋怨龍：「做乜揀旺角食飯呀?」不過，之後去掃街倒是

早前在女人街吃日本料理，哥哥仔已經說見到有一間土耳其菜好想試。他說前年自己去希臘旅行的時候吃過類似的，應該這間都值得一試。今天在我出發打羽毛球前先約在旺角等，就想起了這間食店。不過今天沒有牛肉供應，只可選羊肉和雞肉的 combination。轉轉羊肉、雞肉配飯飯，我指白飯呀! 真的好好好好味! 雖然我喜歡吃飯，但是我也不是每一種飯都說好味的。這個飯呢，連一向不吃飯的哥哥仔都讚口不絕! 這個飯有點似海南雞那個油飯，鹹鹹的，總之好好味，不知道可不可以「加底」的呢! 因為連哥哥仔也跟我「爭飯食」，唔夠喉呢!而羊肉和雞肉都好好味、夠份量，羊肉沒有太騷的味道，配上那個醬真的很不錯。***********************************************************************************************轉轉燒雞肉卷都好好味呢，不過我們叫了小辣都覺得太辣了。雖然只是暖暖的，但是卷皮都是脆的，yummy…很久之前在尖東都吃過類似的肉卷都很好味的，在那邊上班的時候都沒有留意那間店還在嗎?*************************

不知道為何被抬得如此高..order 左一客轉羊卷. 凍的. 擺明不是即做貨色. 料少. 全靠dressing 上味.芝士春卷-- 係得 春卷皮捲上少量 Cheese 跟住拎去 炸 . That' s all what they do ! 又係靠 搽上大量 Ketchup + Yogurt 上味. 一句講晒: "見識"過就夠!平均消費 每人 40大洋. 完全食唔到任何功夫 , 只係 汁 與 醬 的美化.BTW, 各位有機會就入 Lamma Island 近期熱爆的 Doner Kebab 鋪頭 試下， 再與此店比較， 一試便知龍與鳳!