Our Restaurant

营业中

休息中

近來對土耳其菜十分鍾情，在旺角區好像得呢間。尋晚友人從台灣回來，買來一大堆手信。當然要請食飯道謝。七點半去到，少人可以坐四人檯。先叫芝士春卷，羊肉卷。什錦卡巴拚薯條。之後加埋個土耳其啤酒。落單唔夠五分鐘，先來一個春卷，好熱。但係點解冇配菜。芝士唔夠綿，口慼有少少實。應該係翻炸，一般。之後上羊肉卷，唔juicy，少醬，包硬唔軟。唔合格。再來卡巴配薯條，除左個薯條係叫好食之外，呢肉好乾好碎，懷疑係割完呢肉之後再炸。之後醬只係茄汁同乳酪。唉……未飽，叫多一個雞翼配沙律，怪味乾煎雞翼。沙律好酸，係勁咸酸。甜品米飯布甸，好重云呢嗱味。唔得……值得推介的係土耳其啤酒，可惜自係來貨有得選擇的話，我唔會再幫襯。因為灣仔的 Istanbul Express真係好食同埋佢有好多醬俾你揀。食Kabeb Roll我可以推介中環擺花街的貝魯特，好Juicy呢一間，似茶餐廳多d

因著eating lover 的一句'著條好有薯味'啤龜和家人一起去試果然係好有薯味!勁愛著條的啤龜與爸爸媽媽吃得好開心!以後去旺角就多一處買到薯條的地方~羊肉,雞肉都好食本人略嫌舖面的醬太多那杯土耳其紅茶亦不可錯過老闆娘提議加糖但其實單喝已經很美味

在旺角經過很多次，一直也想入去一試昨晚終於同個　ｆｒｄ　兩個人去食，想食　轉轉轉牛肉卷＋轉轉轉雞肉併薯條侍應佢話無牛肉！算ＯＲＤＥＲ　羊肉卷啦！轉轉轉雞肉併薯條等左五分鐘但轉轉轉牛肉卷等左成二十分鐘，催左三次轉轉轉雞肉併薯條等了五分鐘其他桌Ｄ人遲過我地來都有得食！野飲兩柸茶！不知點解只來了一柸！第二柸！都催左兩次！都算了，本人都未有發怒！到找＄！佢話多謝　＄９９蚊因為是朋友俾＄！所以才是不為意但想走之際！才想起兩份餐每份　＄４０　＋　１０％本來是　＄８８蚊！為什麼收　＄９９！立即再取　ＭＥＮＵ　看！　ＣＨＥＣＫ　清楚真是　＄８８！立即叫個侍應回來！之後那佢三個待應不知在相討甚麼很久很久才把 $ 找回來走時和朋友傾回頭先的事！才記起隔離木台的一對人也是叫了兩個餐！但收他們了　＄９９！！

之前經過見土耳奇..幾有特式..香港唔太多間..今次終於單拖去試下..入面爆哂..但要劑得落我呢一支公唔係話唔得..但我個人好比面一條友都黎試..你仲要我做 "洩臺腳"..我更係唔肯話坐近門口D兩人座位..問男後生個侍應有乜好介紹,佢話串燒炒香D..我就叫左串燒羊肉卷40$,凍檸茶+3$等左5分鐘黎左杯野..飲一啖..淡而無味..叫佢加糖漿..佢肯比一杯仔我自己衡量加幾多..我加左小小試下..點知都係無味..加哂成杯..都係符合唔到標準..即係根本就係糖漿都無味..好!唔理咁多..反正人地賣點一定係D卷呀.肉呀咁啦~~~滿心期待下..但係結果令我明白期望愈大,失望愈大..舊卷摸D鍚紙係有D熱力..但食上去..冬既咬一口..無肉味..乾身..根本唔知咩肉黎!!一路食一路覺得好似食梗7仔買個D冬左既3文治咁..當然以埋個價黎比 我寧願幫襯7仔好過..唉..無味到我唔輕描淡寫都唔得..食之無味....得外表...有名無實..環境本身想比4分..但諗起d野食一差就自然想睇清楚d..但d燈光暗..所以睇唔清自己食梗乜..要減 一分仲要加一....承惠47$..

睇完食評，講到好好味，所以去試下叫左羊肉卷：感覺好新鮮和特別，辣辣地，配合得真好味。轉轉燒雞肉配薯絛︰Ｄ雞肉加埋白色沙律醬，好“夾”，雞肉好嫰滑。土耳其肉丸配沙律︰肉丸辣辣地，好夠咬口，沙律我以為係平時食個Ｄ，但原來係生菜絲、青瓜粒、紅洋蔥絲、蕃茄粒等等，一ｄ臭青味都無，連平時吾太喜歡食青瓜的我都覺得好食。跟餐有杯熱飲，叫左土耳其紅苶、吾加糖奶，就好似飲茶一樣，ｏｋ啦！　

勞動節假期睡夠了，出街吃下午茶，突然想起旺角有一間土耳其餐廳食評不錯，於是走去試。此餐廳不難找，經過一定看到，可能是兩點幾三點關係，入面得一枱客。叫了兩樣食物，轉轉羊肉kebab和雞肉拼薯條，再加兩杯土耳其紅茶，一冷一熱。羊肉kebab：整個kebab用薄餅包着羊肉、生菜、洋蔥和沙律醬。羊肉好乾(是否turkey特色?)，好像吃羊肉乾，但調味不錯。而薄餅硬硬的有些咬口，包著羊肉、生菜、洋蔥和沙律醬，有不同味道都可平衡到，不會太過肉味或菜味。雞肉併薯條：無特別，不過雞肉好乾，乾得有點硬，所以我才懷疑是否土耳其的肉全都是乾乾的。土耳其紅茶：熱的，普通茶；冷的，超甜。總結是食物一般，如未試過土耳其食物，一試無妨，但我不會再試，因為不太合口味。

昨天由我做陪客來食kebab~hi，我又嚟喇！照舊叫了askana+mixed rolls kebab，因為水準同上次我半年前幫趁時一樣，所以詳情我都不多講了。反而今次前菜由過往的田園沙律改叫土耳其肉丸配沙律…咦！？肉丸！？似肉餅多d喎！雖然未至於肉碎四散，但諗住叫肉丸係圓碌碌嘛！但…hahah~廚師冇力搓嗎？-_-講俾各位g，肉丸其實都係羊肉嚟架咋！咁今日個salad其實都唔錯，幾fresh，又有蕃茄，甜甜酸酸咁，適合我胃口。杯土耳其茶味道幾得意，既似中式涼茶、田冠草嗰類，聞落又幾有咖啡feel~XD總結返我今日食的kebab：喜歡濃味的朋友，選mixed roll錦繡卷就岩，卷裡面的羊肉店方還用到有少許肥肉lun住的部位，連我這個一向都唔太鍾意食肥野嘅人都覺得幾有咬口，質感有少少滑入口唔錯，依然鍾意食，應該有下次！喜歡清淡、醒胃的朋友，選askana卡娜卷就岩，雖然與上面那款同係有羊肉作為配料，但相對同係肉類的這款反而明顯冇咁漏！食後感：自從上次在長洲我被辣完後，今日我身痕點菜時走去同意侍應kebab要辣！嘩，第一啖kebab辣辣地真係勁正架！其實…當食到中段時，就會由上面發覺愈食

從disney怱怱忙忙地回到現代化既旺角，為的，就是實踐年多前既承諾。要了辣既轉轉燒羊肉卡巴set、土耳其肉丸配沙律set、豆蓉湯，同米飯布丁先上豆蓉湯，料足，啖啖都是吃到不少豆蓉。如果加點附送既檸檬汁會令豆味加重，更好喝和易入口。若是熱些會更好。之後是隨set送既紅茶，正如之前既食評所講，的確要落糖先好味。轉轉燒羊肉卡巴(辣)應該是即叫即做，所以層皮仲好脆好熱，羊肉既騷味剛剛好，又幾多菜，感覺幾健康，唯一可以彈既只係d辣汁流曬落末端，所以食到尾既時候就突然好辣。土耳其肉丸配沙律入面既肉丸幾Juicy，而且時間控制剛剛好，唔會鞋，而且香料令肉味更香更出。沙律滿滿的一大碟，有3.4種瓜菜，夠曬健康。米飯布丁係因為我覺得食埋個甜品先令呢餐完滿而叫，其實我地果陣都已經幾飽。個甜味似係煉奶味，食到好多米粒，口感十足。朋友仔好鍾意呢個，因為佢覺得似BB食既糊仔。店員主動斟茶，又好好禮貌，特別是老的更會時常幫手拎走無用既食具。相反後生既唔知係咪新黎，所以都唔係幾識d菜式。另外地方真係好窄，通說只夠一個人行。而且只得2人檯和4人檯，2人檯基本上只可放2隻大碟，所以人多的話就真係要分2張。總之呢間舖值

同個朋友仔去女人街搵食，記得哩間d食評幾好，入去試吓。只得幾張枱，要搭枱，要咗個雞肉卡巴餐($40)，卡巴配紅茶，都幾好味，不過好油，一路食一路d油係個底度漏出嚟，而且入面唔熱，只係dd暖，雖然兩個女仔一人半件都飽飽地，但其實都算貴囉，所以試一次就夠。

lunch time,成日都見到唔full,唔知點解呢?果位女士真係老闆娘?以佢咁欣勤的服務態度對比果個外國人staff,真係唔似喎,正當個'老闆娘'serve緊其他人時,個老外staff坐左o係一枱老外客度傾計,個'老闆娘'仲遞左杯野飲比個老外staff tim...?????anyway,今次order左轉轉羊肉卷(辣)-問左'老闆娘'佢同其他羊肉有咩分別,佢話呢個juicy d,另外果款就香料多d.其實真係好難選擇.因為我食開阿士厘道果間係唔會將呢兩樣野分開.但係最後唔想太乾,都要左呢個.食落都夠juicy,但係d羊肉羶味唔會太濃,有少少肥膏.幾淋,但係真係唔野味...差左d...個sauce幾好味,局部地區性辣..哈哈.佢d羊蔥食完個口唔會有陣味.唔錯!不過overall都要讚下佢個餅皮,暖暖地,脆脆地.好好!!土以其特式炒蛋-同佢張圖片有好大出入,上枱時幾odd,因為佢似屋企o既蕃茄炒蛋多d,最多係加多左d洋蔥粒囉!食落都有8成似,但係佢整得再好味d,d蕃茄同蛋,所以材料都好match,食完個碟仲有d橙色的汁.唔知係咩呢?

主人與奴隸獸提前在中午十二時食飯，所以輕輕鬆鬆就找到了座位，跟著點了：1. 土耳其肉丸配沙律及紅茶（HK$40）：一端上桌就香氣撲鼻，土耳其肉丸其實是牛肉漢堡，但肉質有點兒『鞋』，不過配著醬汁及份量頗多的沙律，都幾好味。2. 轉轉羊肉配飯及紅茶（HK$40）：羊肉帶有少少肥膏，所以提昇了羊肉的味道，而且夠腍夠滑夠Juicy。配著醬汁及白飯，簡直是Perfect Match。

之前過門而不入，這晚終於重遊舊地，來吃個痛快！事前沒有做定功課，但目標還是轉轉烤雞肉卷，順道試試土耳其紅茶及豆蓉湯。紅茶不識欣賞，就是不懂和普通紅茶有甚麼分別。豆蓉湯則頗醒胃，酸酸咸咸辣辣的。雞肉卷由於是即叫即整吧，所以上桌時都是熱辣辣的。卷皮的厚度剛好，吃落也是脆脆的。那些雞肉雖吃不出有何特別味道，但是滑滑的，再配上極其惹味的醬汁，真的可以吃到不停口。再點了個肉丸配沙津。這些肉丸像是送你漢堡扒一樣，一樣有肉汁！煎的火喉又剛好，配上都幾新鮮的沙津吃，都真係幾好食。不過沙津Dressing唔夠勻，有些部份會吃到苦味。服務則麻麻，雖然見到老闆娘笑容滿面，但其他侍應真的麻麻，問問菜式都不能簡易到Point的解答。但為了那些烤卷，還是會來Encore的！

我同朋友黎到旺角想試特別野,諗到唔諗就入左呢間餐廳,叫左轉轉雞肉配薯條,羊肉卷,肉丸配salad,跟餐+15蚊要左個豆蓉湯.湯黎左之後個侍應仲叫我地加d檸檬汁,如果鐘意spicy可以加d紅椒粉和黑椒粉,個湯酸酸地好開胃好特別.之後羊肉卷,d羊肉加埋d疏菜同sauce味道好match,好野味.肉丸saladd肉丸好香入面應該加左好多香料,而啲salad好新鮮好足料好健康.最後就係雞肉配薯條,薯條係粗身個隻好有薯味d雞肉加埋d特製sauce好滑.呢餐我地食得好滿足.係食野其間,d侍應仲免費幫我地加茶又會叫我地加糖飲,走個時又會同我地講拜拜.總括而言我地一試難忘,一定會再來.

見到咁多個好就諗住試下，點知出事！！個春卷軟be be唔脆芝士味又淡，燒雞肉薄餅，很少肉差不多全塊只是薄餅，唔扺食!!最差都是d待應無禮貌，叫十次才睬你一次，有求不應，食這一餐真辛苦簡直是貼錢買難受!真係唔明是不是有人做咁多個好出來!!

喜歡飲飲食食的我，最近聽朋友介紹來了這間餐廳，這晚同男朋友食試食，朋友介紹點了一份阿丹娜卷同一個雞牛飯，還有芝士春卷同沙律　阿丹娜卷，好好味，好多肉汁，除了ｄ外加的茄汁外，本身的肉汁都好多，加上脆脆的外皮，同男朋友分，有ｄ想食多個　　^^個飯可以食到兩個出面燒緊的肉，試晒ｌａ～～　肉有好重的香料味，ｄ肉有少少燒焦，但依然好嫩，個人比較喜歡雞肉芝士春卷個表好脆，份量唔多，兩個人食啱啱好！！個沙律都好好味，完全你新鮮蔬菜，加埋ｄ檸檬汁，好清新，啱晒女子食另外跟餐有紅茶，記得加糖，茶香更出！！　而服務方面都唔錯，個姨姨個係咁倒茶俾我哋，又問我ｄ野好唔好味，好ｎｉｃｅ～～　而且仲有個唔錯的靚仔待應，一定會再黎！！！埋單都唔係太貴，加埋一都係二百有找，比起食日本野抵好多，而且又好飽，環境不錯，土耳其藍色，再加埋ｄ特色音樂！！　係ｄ位有少少逼，不過香港寸金尺土，可以諒解！！！