Outdark (H8)

营业中

休息中

Outdark一直都幾有名氣，今日專程同朋友上黎試下係咪真係咁好食。一上到黎真係嚇親，星期四既晚上竟然都坐無虛席要等位，今時今日已經好少見喱種情況，咁即管等下睇下係咪咁值得因為我地只有2個人，所以入到去都保守先叫左兩樣野食：雙併炸雞 表皮金黃香脆，雖然價錢只係$200但係嚟到嘅份量真係多到嚇親，本身炸雞仲已經配左薯格，仲好食過連鎖咖啡店以前出名嘅薯格。蜂蜜蒜蓉炸雞比想像中話濕，但係並唔影響炸雞脆嫩嘅口感，甜酸醬就味道合乎想像😋，好味。海鮮蔥餅 薄薄的餅身包著豐富海鮮餡，而且好鍾意佢有勁多蔥得黎做到嗰種爽脆嘅口感，配埋特製醬汁，正！士多啤梨奶昔 奶味重，仲有一種雪糕嘅味道，鍾意士多啤梨牛奶必試。檸檬梳打 酸甜清爽，個人覺得好適合配炸雞飲，因為比較清新冇負擔，飲完我仲加咗個無糖可樂落去變咗做凍檸樂。食完一次就知道點解呢度星期一至五都會座無虛席，價錢抵食又好味✌🏻

海鮮煎餅最推薦嘅係海鮮煎餅👍 滿滿嘅新鮮海鮮同煎得好脆嘅餅，沾上自家製醬汁，味道更加有層次，一上就清左🤣玫瑰忌廉海鮮炒年糕個人好喜歡Rose 火雞麵，呢隻醬汁同佢好似😍 辣辣地好香奶味，不過當然冇咁辣，應該大家都食到，入面好多料，最吸睛當然係中間大大隻嘅炸魷魚，裏面仲有魚餅、年糕、蝦仁、椰菜、等等，配上醬汁一流🤤個鍋隔離有粟米芝士、泡菜、香腸仔、紫菜飯，如果兩個人係食一個鍋已經好飽🥹烤牛肉配冷麵洋蔥同牛肉燒得好香，調味好惹味，冷麵可以自己淋上醋同芥末醬，完美還原以前去韓國旅行食過既味道😋烤豬肉（鹽味）豬肉燒得好香又保持嫩度，只有簡單既鹽做事先既調味，已經完全帶出香氣，點上佢既醬汁就會重口味小小。我地叫左份生菜黎包肉，配上金汁菇、辣椒、蒜頭、蔥，超好食🤤芒果米酒好香既芒果味，酒味吾重好易入口，只有6度，推薦大家試下✨

尖沙咀的韓國Outdark過江龍炸雞店，是與朋友聚會的好地方。餐廳位於H8韓國菜樓上，環境昏暗而有氛圍，令人感覺輕鬆自在，適合享受美食的同時放鬆心情。先來到的飲品是藍莓乳酪，水果飲料入口清新可口，藍莓的酸甜與乳酪的滑順相得益彰，十分適合作為開胃飲品。另外仲有熱情果梳打，飲品顏色鮮艷，味道酸甜適中，熱情果的香氣更令人忍不住多飲幾啖。主食分別叫了兩款炸雞，先來半份無骨炸雞，選擇了甜辣口味。炸雞外皮酥脆，肉質鮮嫩，甜辣醬汁的味道恰到好處。芝士炒雞則是另一道餐廳必試的佳品，份量不但大大份，足以三至四人享用。餐牌上更仔細配合適用方式。濃郁的芝士與嫩滑的雞肉十分配合，口感滑順，令人驚喜。最後，水冷麵是一道消暑的選擇，涼爽的麵條搭配清新爽口的湯底，十分有韓國風味。

簡結：味道 極好環境 極佳韓意 甚重朋友推薦，Double Dating!! 第一次食這餐廳。這次用餐很驚喜，首先是食用味道很好，食材新鮮，不是用醬料蓋過味道，仍能吃到食物本身的鮮味。而份量4人用剛剛好，個人覺得相對其他韓餐廳來說份量較多。 食物：**大推他們家的牛肉冷面 , 牛肉燒得非常香口 / 海鮮炒年糕都要大大力推 , 整隻炸過的魷魚上 , 店員會把它剪開 , 沾上盤中燒熱過的汁和芝士 , 相當配 !! / 當天點過的基本都是好味的 , 放心跟著點 !! **飲品：我們4人點了一份大的Makgeolli , 超好喝 !! 平時不喝酒的朋友都讚 !! 也是份量剛剛好。用餐時是10月，餐廳每處已經佈置了很多Halloween的裝飾品，就每台的燈罩上都貼上蝙蝠的貼紙，窗戶的廉是拉上的（終於知道為什麼叫OUTDARK), 上面掛了一些蜘蛛和蜘蛛網。老闆佈置得十分仔細 !! 這種環境給情侶約會十分合適 !!需要餐廳內的桌子都是以卡位形式擺放，有4位和2位，空間感很好。必須再去 !!!!

朋友仔由英國返黎想食韓國菜，就揀左呢間在openrice 排名高企嘅韓國餐廳。由於早左成個月訂左位，我地一行四人去到直入，毋須等位。去到時大家身水身汗，但冷氣好唔給力，叫左侍應調高都無用。我地點左雙併炸雞、烤牛肉水冷麵、泡菜煎餅、炭豚紫菜飯捲、兩杯柚子梳打和兩杯Fresh Strawberry。第一碟上嘅係水冷麵，酸酸地又夠凍，飲埋啲湯，用黎降温仲有效過個冷氣。之後嘅煎餅同紫菜飯捲都好味，但唔算好驚喜。炸雞揀左Honey Garlic and Sweet Spicy，兩種都好味，Sweet Spicy辣度適中，但我更愛Honey Garlic嘅惹味。成碟嘢份量超多，又有薯格和薯條，我地最後都係食唔晒。Fresh Strawberry清甜唔漏，非常好飲。同場好多後生仔女，比較熱鬧，傾計都唔係聽得好清楚。因為堂食限時90分鐘，食完唯有轉場再繼續吹水。

其中一間會encore既韓國餐廳由韓國人主理 自家製菜式有氣氛 好熱鬧 人山人海已經食過好幾次不過有d items eg 豬手 好似都未試到只限晚市供應 數量亦有限可能要預早電話訂定？！另外 原本想食既菜包肉都冇晒...唯有下次早d到店員比較難分辨 個個都著便服 差d叫錯客人海鮮蔥煎餅 $138這是一個少量海鮮和大量野菜結合而成既傑作！煎餅煎到脆口 唔算太油膩 調味剛好如果多d海鮮 會更開心炸醬面 $118必點！配料巨多 同面既比例1：1少有炸醬面加左豬肉以前好似係豬肉粒宜家變左豬肉小片醬濃 面質彈牙 配韓國黃瓜 絕配！小食年糕腸仔串 $38微辣年糕外脆內軟烤豬梅頭肉 (鹽味) $198鐵板上枱 咋咋聲唔洗自己烤又食到烤肉 懶人表示很好厚切豬肉 口感軟嫩底部鋪滿金菇必加$20 蔬菜盤 連包肉醬生菜包 ( 點醬烤肉 + 蒜片 ) = 滿足！

由韓國人自製同主理嘅menu，完全食出韓國味道同氣氛炸雞做到喺韓國當地食一樣，皮脆肉嫩，醬油味同香蒜蜜糖味都好開胃，仲有大量著格同著角，夠晒邪惡正宗韓國烤肉食法，生菜包住又香又淋嘅梅頭豬肉，夾埋金菇、蒜片、椒同汁，味道口感豐富勁足海鮮同香蔥嘅煎餅，啖啖都食到好多餡料，汁加咗芝麻勁香粉絲好好𡁻好彈牙，烤牛肉好香口，炒埋一齊勁夾水冷麵配豬肉，覺得Outdark嘅肉整得好出色，味道香口感好，完全唔韌，冷麵亦好有咬口飯捲包滿各種餡料，又係啖啖爆餡，大滿足藍莓乳酪同柚子茶，勁足料勁濃味，飲完想encore餐牌圖文並茂好吸引，食物味道好份量足，性價比高，氣氛同環境令人感覺好放鬆，Outdark仲提供相機俾客人影相，即時留住同朋友嘅美好時刻，值得一讚！

聽聞Outdark menu由韓國人自家主理，正宗韓國味道，韓國人店員英文溝通完全冇問題，亦有本地店員，服務好好，食物味道同賣相都一流雙拼炸雞($208) - 我哋揀咗醬油同香蒜蜜糖味，醬汁味道啱啱好，濃得嚟唔會太咸同膩，啲雞又滑，口感同味道都好好，薯格同薯角炸到脆卜卜，好正海鮮蔥煎餅($138) - 啖啖都食到多款海鮮同香蔥，餅底唔會太粉，有咬口，口感好豐富烤梅頭豬肉($198) - 我哋揀咗鹽味，梅頭豬肉味好香，簡單鹽味加少少汁已經好好食，我哋加咗$20配一盤生菜香蒜同其他香料，夾埋生菜、金菇、蒜片同點埋汁，味道一流紫菜飯捲($98) - 揀咗烤牛肉味，啖啖都食到滿滿嘅餡料，飯粒粒分明煙煙韌韌，食得好滿足水冷麵($138) - 配Pork Bulgogi，豬肉炒得好好食，軟腍唔韌，冷麵口感煙韌彈牙，加埋青瓜、梨同醋食，勁開胃炒粉絲($138) - 揀咗配烤牛肉炒，粉絲炒得好出色，唔會太油，順滑爽口，配料好足藍莓乳酪($48)、熱情果梳打($48)、蜜糖柚子茶($25) - 飲品味道濃郁，大大杯勁解渴餐牌嘅選擇勁多，好多唔同種類同款式，眼花撩亂，樣樣都想試Outdark環境同氣氛好好

記得Outdark初嚟香港插旗時已經食過，當時韓式炸雞熱潮高企，餐廳門口滿滿都係人，估唔到多年後再訪，到而家都一樣排晒長龍😲😲即係代表咁多年都一樣能夠保持水準，繼續keep住有咁多fans 😆😆🐔炸雞有五款口味，想一次過試兩款味嘅話可以嗌全份雙拼炸雞🍗🤭🤭我哋今次就揀甜辣同香蒜蜜糖口味🏆😆😆除咗炸雞之外，仲會附送炸薯條、炸薯格、炸薯角等，好豐富又多款😆經典甜辣口味保持一貫水準，香蒜蜜糖嘅蒜香味可以再濃啲🤭🐮烤牛肉紫菜飯卷紫菜飯卷係必食之選，一客有10件，每一件包住超級多料，烤牛肉、酸黃瓜、青瓜、蘿蔔絲等，見到都流晒口水🤤紫菜仲搽咗麻油令整體香氣更突出🐷炭燒豚肉水冷麵夏日限定水冷麵就一定要點，啱晒邊食炸雞邊解膩☺️水冷麵可以選配一款肉類，我哋揀咗炭燒豚肉，豚肉分開上唔會浸到腍晒，加埋洋蔥一齊炒更香，店員仲好貼心會幫手剪面添👍🏻🫐藍莓乳酪🍓草莓乳酪Outback 有好多款飲品，我哋就揀咗以新鮮水果製而成嘅乳酪飲品，藍莓同草莓乳酪都可以食到水果粒粒👍🏻👍🏻

🍗Outdark🍗尖沙咀超人氣韓國菜 平日過嚟食 超級多人等位 我哋食到差唔多九點都仲有人等緊位 足以見到佢嘅威力 平靚正質素高 超級大份炸雞🍗三至四人份量都係$138-$198🤩所以吸引咗咁多人嚟🥢香蒜蜜糖炸雞 $198 全份呢個炸雞嘅份量絕對夠三至四個人分享🤩炸雞超級香脆 肉質好滑 一啲都唔乾 一咬落去啲肉汁爆曬出嚟🤤炸雞仲會配埋薯格同埋薯條 同樣係超級香脆 非常推薦呢個蒜香蜜糖味 甜甜地又帶出蒜頭嘅香味 非常推薦👍🏻🥢香腸年糕串 $38呢個係韓國經典嘅街頭小食 香腸外皮烤到焦脆 裏面就充滿肉汁 年糕，超級煙韌 表面都係微微燒過 好正🤩🥢海鮮蔥煎餅 $138呢個係我嘅最愛 而呢一度嘅海鮮煎餅都做得非常唔錯 個餅嘅愛層脆卜卜 中間包裹煮大量海鮮同埋其他配料 層次感滿分😍🥢烤牛肉炒粉絲 $118呢度嘅粉絲比出邊更加煙靭 拉起都唔會好容易斷 牛肉肉燒得好香🥢士多啤梨Yogurt $48士多啤梨好濃郁 用料有誠意 用嚟配炸雞一流🤤👍🏻-推薦指數: 🌟🌟🌟🌟/5 性價比指數: 🌟🌟🌟🌟/5 -📍Outdark (H8) (尖沙咀)🔎尖沙咀厚福街8號H8 17樓

餐廳內裝修非常有特色佈置左好多星星月亮燈飾，播放住K-pop音樂，好有韓式氛圍😆😆餐廳服務員係韓國人，加上食物是自製，幾有特色🔸雙拼炸雞(甜辣&香蒜蜜糖)+脆薯王雙拼炸雞色澤金黃，外皮酥脆咬下去時能感受到鮮嫩的雞肉🤤兩款調味都十分出色，甜辣味調得惹味，唔太辣，香蒜蜜糖則蒜香味濃郁脆薯王同薯條外脆內軟，再輕輕灑上芝士粉強烈推薦這道必叫組合，非常值得一試😋🔸串串魚糕湯🐟🍲這道串串魚糕湯的湯底清淡鮮香魚糕的口感滑嫩，搭配新鮮的蔬菜，讓整體味道更加豐富並且配有尤魚、青口等海鮮🦑🔸芒果梳打🥭🍹味道清新可口，是一款非常適合跟炸雞一齊食時既飲料🥰🔸草莓乳酪🍓🥤草莓乳酪口感濃厚，甜度適中，非常解辣😆總結: 👉餐廳環境舒適，食物美味有水準，服務良好😀👉餐廳位置方便，適合同朋友三五知己一同用餐，共聚時光

係尖沙咀最多美食既厚福街H8 十七樓正宗韓國味道更多一份創新感覺整體環境偏黑但有大量燈光佈置好有氣氛廚師及店員都係韓國人 可用英文溝通冇問題菜式地道份量又大即使平日都一早滿座唔想嚟到先排隊記得要訂位!門口屏風係用左多年嚟客人掛上既情侶鎖重回舊地搵返自已當年寫上既心意別有滋味樓梯邊更有部免費任影既相機台無論情侶或一大班朋友都可開心記錄呢一刻忌廉海鮮炒年糕 $328整個份量比預想的大而且足料地道韓式既芝士爐邊燒及紫菜飯一直加熱到理想焦香如果有叫炸雞薯條更可沾上多重芝士醬別有風味爐中間的熱辣忌廉更係萬用既調味醬任何炸物或辣菜係熱忌廉既中和下成為療愈既Comfort Food大量魚糕、海鮮及年糕吸收晒忌廉既奶香變得十分柔和順滑最後真係差D忍唔住問佢地可否加忌廉汁XD甜辣炸雞薯條 半份$138每一塊無骨既炸雞外皮都十分蘇脆新鮮炸出嚟每一口都爆汁包裹住甜辣醬亦令胃口大開仲有大量已調味既薯條及薯角岩晒香港人口味海鮮蔥煎餅 $138用左大量青椒代替餅底既超健康食品面層鋪上大量海鮮及超薄的煎餅粉再加上惹味既醬油令整個煎餅不單調想食韓國煎餅又怕肥既最佳選擇

OUTDARK 系一間好有質素的韓國餐廳，室內好有氣氛，燈光較暗，突顯彩色鎖墻同星星燈，感覺好浪漫，高身卡位舒適好坐，背景音樂係韓國流行歌曲，氣氛相當好！香蒜蜜糖炸雞拼甜辣炸雞+腸仔年糕串份量超級大，外相好吸引！用薯條薯格砌成一座小山，勁邪惡，打卡一流。甜辣炸雞微辣有滋味，香蒜蜜糖風味獨特，雞肉入味嫩滑，表層酥脆，蒜香加蜜糖，甜中有鹹，口感層次很豐富。韓式牛肉炒粉絲燒牛肉好高質，配上野菜芝麻，粉絲Q軟。炸蝦飯卷一份有10件，炸蝦、玉子、青瓜、蘿蔔絲餡料豐富。Soft drink 蜜桃汁罐裝韓式果汁，蜜桃味香味，凍飲解渴📍 OUTDARK尖沙咀厚福街8號H8 17樓

餐廳走黑色風格路線，天花垂吊星星燈飾點綴，令環境有情調。餐廳食品都係由韓國店主自己設計，由韓國人烹調，充滿韓國風味。餐牌上既每款食物都好吸引。忌廉海鮮炒年糕($328)，配上炸大魷魚。店員會幫手剪開魷魚，方便享用。魷魚超酥脆，肉彈牙，炸粉唔厚。忌廉唔會覺得膩，拌炒蔬菜、蝦仁、帶子粒，美味。鐵爐邊有紫菜飯，麻油味香。拉絲芝士充滿鹹香味。另外有小香腸、泡菜附送。烤豬梅頭肉($198)，揀左鹽味。以鐵板送上，熱辣辣。豬肉厚切油脂豐富，超多汁。底部燒烘左金菇、洋蔥等，吸盡肉汁，仲有青瓜泡菜添。加配左腸仔年糕串，淋上甜辣醬，炸烤過，完全係韓國小食。飲品叫左藍檸檬梳打，熱情果梳打。2杯飲品都唔會太甜，仲有d啫喱/蒟蒻係底，增加口感。另外有酒提供添。整體，食完好似去左韓國咁，地道韓國菜。尤其口味唔會過重，食完唔會口渴。而食物即叫即整，所以要預時間等候食物。如果多人食，就可以試多d款。等候位置，有彩色鎖扣牆身，仲有免費打卡影相機玩添。無論情侶定朋友聚會，都非常適合。

店名/Shop Name：Outdark (尖沙咀H8) 地址/ Adresss: 尖沙咀厚福街8號H8 17樓種類/Type：韓國菜，韓式炸雞推介/Recommend：牛肉水冷麵 $138， 雙拼炸雞人均價錢：$250店舖環境: 深色嘅背景牆同埋較暗嘅燈光，有啲造型嘅燈光點綴加埋牆身上面好多情侶鎖，諗起韓劇裏面嘅一啲場景交通:尖沙咀B出口行5分鐘上菜速度:⭐️⭐️⭐️⭐️⭐️服務態度:⭐️⭐️⭐️⭐️⭐️食物口味:⭐️⭐️⭐️⭐️⭐️牛肉水冷麵 $138點了呢個夏日特價套餐，有啲驚喜，韓式牛肉水冷麵，麵條滑順，牛肉鮮嫩，湯底清爽，搭配黃瓜絲和辣醬，口感層次豐富，夏日最佳解暑美食。雙拼炸雞，$208選擇了醬油口味和辛辣口味雙拼炸雞，醬油口味香濃甘甜，肉質外酥內嫩；辛辣口味則火辣刺激，帶來鮮香與熱情。兩種口味交融，讓人欲罷不能，令人回味無窮。下次要再試吓個蒜香味炸蝦紫菜飯卷$98韓式炸蝦紫菜飯卷，外酥內嫩，搭配新鮮蔬菜和醬汁，味道鮮美，口感豐富，令人垂涎。莫希托梳打 $48莫希托梳打，清新爽口，薄荷香氣撲鼻，酸甜平衡，佢裏面仲好似加咗啲口椰果粒，令到整體口感非常豐富。