Outdark (H8)

营业中

休息中

同朋友食生日飯，壽星女話想食韓國嘢這間餐廳之前有朋友推介過，今日終於一試餐廳座位幾乎爆滿，幸好有預留位置餐廳光線頗為暗一點都幾有情調，吧枱位置的旁邊掛滿不同的鎖，而且都吊掛星星形狀的燈飾！原味炸雞半份配薯條🔶又多種口味選擇～炸得好鬆脆，雞肉總算嫩滑，份量都比想像中大辣肉豬肉鍋🔶中間是炒豬肉，也不是太辣，反而有一點甜甜配以洋蔥，芽菜，仲有我鍾意食的年糕😍旁邊有紫菜飯，泡菜，辣肉腸以及非常香濃的芝士飲品：柚子梳打，西柚梳打略為甜一點，可能本身不是太喜愛甜～杯底還有蘆薈肉粒雖然嗌咗兩個主菜，但是份量都頗多如果食量不是太多的女生，真是足夠有餘

香港有唔少韓國菜選擇，但中伏機率都幾大㗎 ，變相食嚟食去都係嗰幾間。Outdark我之前都食過幾次，每一次都係食尖沙咀分店 。連店員都係韓國人，店員同店員之間都係講韓文，成個感覺特別道地 。今次嚟覺得最大嘅分別就係以前大排長龍要等lift上樓，但而家直入 🥲 。裝修同之前都一樣，黑孖孖嘅感覺，播住啲韓文歌幾有feel 。黎呢度一定要食炸雞，今次揀咗一半甜辣炸雞一半香蒜蜜糖炸雞 。呢度最特別係會配咗啲薯角等等嘅炸物 ，炸得好香脆，次次都食到好飽 都忍唔任食埋啲薯角 。以前有幾款醬汁可以俾你點，而家就要by request但可惜都係遇唔返好好食嘅香蒜醬 。發現多咗限定嘅水冷麵揀，以前唔識欣賞，早排去完韓國之後真係好鍾意食水冷麵 。冰冰涼涼，配住一啲油膩嘅嘢食真係好夾。呢度除咗水冷麵之外仲可以揀個配菜，我哋就揀咗甜甜地嘅燒牛肉。第一次叫海鮮蔥煎餅，雖然比較油膩，但非常香口惹味 ，配埋個酸酸地嘅醬汁，值得encore。之前同朋友黎係叫馬格利酒，今次唔飲酒就揀咗士多啤梨乳酪，唔會太甜，中規中矩 。

「Outdark」真係一間唔錯嘅餐廳！佢哋嘅韓國菜式口味豐富多元，全部由韓國廚師主理及設計菜式，特色又好味👍🏻烤牛肉炒粉絲入味多汁牛肉水冷麵，冷麵清新可口，令人回味無窮！🍜🥩炸蝦紫菜飯卷色彩繽紛，配合炸蝦同紫菜嘅鮮美，絕對係一道令人回味嘅菜式！泡菜煎餅香軟美味，帶有酸辣泡菜嘅風味，開胃又下飯！🍤🍙Fresh Strawberry Yogurt清新爽口，新鮮士多啤梨同酸奶嘅結合，絕對係餐飲嘅不二之選！🍓🥤如果想品嘗韓式料理，呢度絕對係一間值得一試嘅餐廳！🍽️🌟👍

講到食韓國嘢就一定會諗起呢間Outdark~由韓國人主理，食物全部自家製，味道夠哂地道!香蒜蜜糖炸雞半份估唔到份量都咁大，炸雞每一舊都好大份，外脆內嫩，完全無柴既感覺而且蜜糖配炸雞呢個組合簡直係無得輸，炸雞係新鮮炸起仲係好脆，再配上蜜糖，超夾而且伴碟仲有一啲薯格同薯脆，超滿足！炸醬麵甜甜嘅黑豆醬，斯味道濃郁，而且仲會配上一啲牛肉，炸醬份量好多，每一啖麵都充滿着炸醬！海鮮煎餅超級推介海鮮，好足料，有蝦魷魚等等仲配上野菜，而且煎得金黃香脆唔會好油，就算唔沾醬料都好夠味！烤牛肉飯卷睇相以為好唔會好大份點知嚟到飯卷超厚，料超多啱晒多人share！熱情果梳打唔會過甜味道好清爽，而且會配上蒟蒻粒粒增加口感！

尖沙咀韓國餐廳Outdark，門口除左有超大型既心心鎖牆之外，仲有一個未來郵箱，可以代客人寄明信片給一年後的自己，幫客人締造回憶，好有心思。菜單全部都係韓國人主理，除左炸雞，今次我哋仲食左好多韓國經典食物。腸仔年糕串：韓國人氣街頭小食，芝士脆皮腸和年糕，微微炸過之後，再淋上甜辣醬，味道酸酸甜甜，完美配搭。DIY飯團：戴上手套，將紫菜、飯素、蟹籽和飯撈勻，自己製作喜歡的形狀，份外美味。炸醬麵：賣相烏黑發亮，把豬肉碎、粟米粒、洋蔥、青瓜、鵪鶉蛋等配料和韓國特殊醬料撈埋一齊食，味道香濃帶微甜，麵條食落有咬口，而且很掛汁，果然係韓國經典國民美食。串串魚糕湯：這道湯以魚糕串、獅子狗串、青口、魷魚、鵪鶉蛋、韓國粉絲、蘿蔔、金茹，在鍋爐上熱住食，令湯汁特別清甜，魚糕彈牙，其餘食材索滿湯汁，美味又暖胃。柚子梳打&熱情果梳打：有粒粒椰果和爆珠，飲落冰爽開胃。

尖沙咀邊到最有口福？梗係厚福街啦今次同朋友嚟到Outdark，韓式料理餐廳環境幽靜舒適，裝潢講究有酒吧風，但係樓底高令感覺坐得好舒服Outdark係由韓國開黎香港的過江龍，keep 到水準餐牌亦有好多地道韓式小食，好吸引首先品嚐下招牌「芝士炒雞」先雞肉鮮嫩多汁，與香濃順滑既芝士醬汁完美結合炒到恰到好處既火侯，令雞肉保持原汁原味，超好味道！仲可以伴泡菜同埋紫菜飯，好豐富呀建議可以四個朋友一齊分享～另外叫左一份「串串魚糕湯」湯頭鮮甜濃郁，魚糕彈牙爽滑，加上配料的野菜，香菇、蔥花等，層次豐富，口感十分出色。營養均衡既經典韓式街頭小食，伴住炸雞食一流Outdark無論係環境、菜式質素、服務態度等都好出色，值得encore 同埋朋友一齊黎聚會!

今日去咗尖沙咀Outdark食炸雞，真係好滿足呀！呢到係樓上鋪，一開門就見到勁靚既燈飾呢間餐廳主打韓式食品，裝修好有特色，燈光特登教得昏暗柔和啲，比大家坐得舒服。餐廳嘅環境都幾舒服，座位唔會太逼，服務員嘅態度好好，笑容滿面，而且好有禮貌，會主動幫你介紹餐牌同埋解答問題。我哋叫咗個雙拼炸雞，雞塊全部都無骨，仲配上大量薯條薯格。炸雞外皮脆卜卜，咬落去好香口，肉質又嫩滑，真係好juicy又唔會油膩，好惹味。醬汁配搭都好多選擇，今次我地揀左蒜香蜜糖同辛辣，even個辣醬食落都係先甜後辣，好過癮！海鮮薄餅，食落好煙韌香口，面頭加左魷魚同蝦仁，配上個醬汁食真係一流！炒粉絲，作為傳統韓國街頭小食一定要試下，估唔到勁入味，全部粉絲都索晒啲汁，又唔會煮到太淋，仲有好多配料令整體口感同味道更豐富。整體嚟講，我覺得Outdark嘅炸雞真係好出色，值得一試！下次我一定會再嚟試其他口味嘅炸雞。

講起韓國餐廳一定會諗到Outdark! 環境氣氛浪漫，仲係韓國人主理，夠正宗！⭐️醬油炸雞（半份） 即使炸雞包裹住醬油依然外脆，咬落去充滿肉汁，鍾意鹹鹹甜甜的味道⭐️玫瑰醬海鮮年糕原隻炸魷魚非常吸睛，店員幫手剪開，酥脆的魷魚配上微辣濃郁的玫瑰醬。🤤鐵板旁邊仲有拉絲芝士，紫菜拌飯。入面有大量豐富配料，例如年糕，魚板，蔬菜，海鮮！⭐️柚子梳打加清酒而家叫柚子梳打可以加$8有一shot清酒，非常清新好飲。

韓國炸雞一直都係我最愛呢間主打真係炸雞而唔係烤雞雞皮炸到香香脆脆超正仲可以揀雙併口味蒜蓉蜜糖同甜辣都惹味真係好想辣啲嘅建議揀另一款辣炸雞仲要再on top有一大埋薯條、薯角同薯格完全係炸物天堂小朋友實勁like呢度好多特色飲品同埋啲菜式口味好正宗因為係由韓國人煮理Menu上啲野食都係自製除左炸雞我都好鍾意韓式粉絲呢度啲烤牛肉韓式粉絲係暫時食過最正嘅我個人口味鍾意啲有彈性有韌度嘅口感呢度完全做到回彈力好勁記住趁熱食如果唔係凍左啲粉絲個痴住仲好推薦芝士波！！可以拉絲到勁遠好芝味出面好少食到咁正嘅芝士波😍而家做指定打卡動作送無酒精飲品好抵，因為普通一杯飲品都四十蚊多啲如果出面無人等位其實可以一直坐無限時

之前就已經黎過outdark食野，覺得都幾有氣氛，菜式都相當正宗。今次再訪見到店員都有韓國人，而且留意到原來係來自釜山嘅品牌，食物係由韓國人親自煮嘅，menu上嘅都係自製的。所以難怪食物嘅味道同我係韓國食嘅咁相似啦，推薦黎outdark尋找韓國嘅味道。芝士炒雞超級邪惡又豐富嘅芝士炒雞，芝士加熱溶哂之後店員將芝士加入炒雞到，然後就可以用叉將芝士包住炒雞同年糕一齊食。本身雞就已經加左辣醬一齊炒，加埋芝士就冇咁辣但又更惹味。雞肉本身都好滑嫩，而且啖啖肉冇骨，好方便食。 另外鍋邊都有其他豐富嘅配料，包括爐邊蛋 泡菜 蕃薯蓉同紫菜飯，真係好豐富，好岩一大班人share海鮮炒粉絲海鮮方面有蝦同魷魚，另外仲有木耳 菇 青紅椒等配料，材料幾豐富。粉絲本身都好有口感，加埋麻油一齊炒整體幾香。熱情果梳打熱情果酸酸甜甜夠哂消暑，一個字爽呀。食韓國菜好岩要叫一杯。 藍莓乳酪乳酪好重奶香，口感creamy順滑，藍莓味夠哂fresh。推薦！餐廳仲增加左依家成日係韓國見到嘅photo boxes，免費就可以影相，所以我都影左兩張，可以同朋友或者屋企人留個紀念。

要歎韓食嚟尖沙咀就無錯🇰🇷(偷偷講🤫是晚呢間真係有Oppa駐場架!!)上到去一踏入已經感受到啲韓氣湧埋嚟😆難怪全場滿座啦!!食物由韓國人負責煮～味道自然係正宗自家製韓味👏🏻裝潢氣氛均令人錯覺身在首爾～另外凡惠顧仲可以免費玩photo boxes自拍一番😝😝啱哂同fd嚟又飲又食又玩啦🤟🏻🤟🏻.✨반반치킨 雙拼炸雞(全份) $208心大心細唔知揀咩味道😆😆最終決定揀雙拼要咗✨양념치킨 甜辣炸雞 & ✨갈릭치킨 香蒜蜜糖炸雞❗❗上枱熱辣香脆可口！皮脆肉嫩又惹味！Be尤其鍾情香蒜蜜糖口味🧄甜甜哋又帶有蒜香氣！！仲要伴隨住大量鮮炸薯條、薯片、薯格😋😋過足口癮呢！！.✨소불고기 韓式烤牛肉 $198以燒熱得滋滋響嘅鐵板上菜🔥🔥牛肉醃得非常入味又軟嫩～仲配搭上韓式年糕、韮菜、金菇、辣椒、青瓜…香噴噴得嚟又好味道😌.✨새우튀김김밥 炸蝦Kimbap $98滿滿麻油香嘅韓式紫菜捲飯係Be嘅心頭愛之一❤️是次叫咗呢款捲有🍤彈牙炸蝦、爽脆漬蘿蔔、爽口青瓜、蛋香玉子嘅Kimbap🍙一大啖放入口～簡直太滿足😚😚.✨Fresh Yogurt 딸기 Strawberry $48清甜又冰涼🍓🍓滿載士多啤梨香氣與甜美！

尖沙咀H8食肆好多，今日同朋友食Outdark，一入門口就見到愛情鎖牆，韓國氣氛十足，好多打卡位。海鮮煎蔥餅：外層煎到金黃酥脆，內裡柔軟綿密，配料仲有唔同既海鮮粒，包括鮮蝦、八爪魚、香蔥、韭菜，口感相當有層次，十分惹味。烤牛肉飯捲：韓牛特別鮮嫩多汁，將紅蘿蔔、青瓜等食材，包在紫菜裡面，令口感倍添清爽。雙拼炸雞：韓式炸雞外皮炸得金黃酥脆，每一口咬下去時，鮮嫩多汁既肉質和香氣四溢既調味料，讓人垂涎欲滴，絕對係炸雞愛好者既最佳選擇。串串魚糕湯：將魚糕、蘿蔔、獅子狗、粉絲、青口、鵪鶉蛋等食材放在鍋爐上烹煮，充分吸收湯汁既精華，令湯底更覺鮮甜，係出色的韓國街頭小吃。芒果&藍檸檬梳打：清爽開胃。總結，餐廳位置方便，食物質素高，以後韓國菜又多個選擇。

尖沙咀Outdark，店內佈置好有韓國風，氣氛浪漫。炭豚飯捲：把充滿炭燒香味既豚肉、紅蘿蔔絲、青瓜絲、雞蛋絲，捲進紫菜中，再切塊成一口大小，簡單好味。海鮮煎蔥餅：煎餅好香脆，滿滿蛋香味，餡料有鮮蝦、八爪魚、香蔥、泡菜、洋蔥，加上適量既調味，既能夠滿足味蕾，又不會太過膩口，令人回味。水冷麵配牛肉：冷麵入口涼浸浸，爽滑Q彈，牛肉烤得恰到好處，夏天開胃之選。雙拼炸雞：即叫即炸，肉質非常嫩滑，啖啖都爆汁，超級Juicy，散發出韓式炸雞既魔力，除左炸雞之外，仲有好多薯條和薯格，全部都熱辣辣，簡直美味到令人無法抗拒。串串魚糕湯：湯頭清甜鮮美，配搭魚糕、獅子狗、青口、魷魚、鵪鶉蛋、粉絲、大根等，全部都係非常掛湯既材料，我最喜歡韓式年糕煙煙韌韌既口感。總結，餐廳環境舒適，食物味道和品質都好有水準，而且份量十足，值得推薦。

Outdark成日都好多人排隊 幾次想食都等唔到 今次可靠嘅朋友一早book定枱 去到就可以即刻入坐 終於食到呢間韓國人嘅自家韓國野！叫左醬油同甜辣嘅半半炸雞雞塊炸到金黃色 外皮酥脆 內裏雞肉多汁嫩滑入口時會有輕微的嘎嘣聲甜辣口味在入口時會有明顯甜辣交織嘅味道回味起來會比較濃郁醬油口味就比較鹹香 拼埋甜辣口味相輔相成 令到炸雞唔會過於單一配菜仲有薯格同埋薯條全部都好熱辣辣再加點埋炸芝士條 外脆內部絲滑棉密濃香簡直就係多重享受串串魚糕湯充滿韓國風味高湯湯頭清甜 開胃消滯有魚糕串、獅子狗、魚糕片、木耳、蘿蔔魚糕Q彈 味道鮮美烤牛肉炒粉絲牛肉嘅嫩滑質感同粉絲嘅韌性完美融合入口充滿濃郁肉香、酸甜回味 再加埋啲配菜一齊炒 口感層次豐富海鮮蔥煎餅份量好足 煎餅外皮酥脆可口嘅質感同軟嫩多汁嘅海鮮內餡形成了美妙嘅口感蔥嘅微微辛辣同芳香同海鮮相結合令人食慾大開炸蝦紫菜飯卷韓國嘅紫菜飯卷真係冇得輸仲加咗小食腸仔同年糕甜辣醬好惹味西柚梳打 好refreshing又唔會好甜朋友叫咗杯藍莓Yogurt 話勁重藍莓味熱情果梳打入面有埋蘆薈添走嗰陣時見到側邊有部免費嘅photo box食飽仲可以免費影相留念真係勁滿

朋友好喜歡來尖沙咀呢一間<Outdark>食韓式炸雞同埋芝士雞，最鍾意就係呢度嘅環境同埋氣氛，大部分嘅服務員都係韓國人，感覺好似置身韓國嘅餐廳。<原味炸雞>先來一客原味炸雞，呢一大盤炸雞份量非常之多，起碼有成七八件炸雞，每一件炸雞都炸得非常之金黃香脆，咬落去又脆又鬆軟，而且肉質鮮嫩，帶有肉汁，配埋薯條同埋薯格，非常好食。<芝士炒雞>呢個芝士炒雞用一個大嘅鐵盤來放，入面有好多嘅雞塊，伴住非常濃厚嘅芝士，服務員會幫忙一面將芝士煮到半溶嘅狀態，一面將半溶嘅芝士同雞塊炒埋一齊，成為完美嘅芝士炒雞，拉絲感十足。服務員亦會將爐邊嘅蛋汁，煮成炒蛋，方便客人進食，另外仲有芝士年糕、紫菜飯、同埋kimchi，全部入口帶點兒微辣，而且帶有濃鬱嘅芝士香味，非常惹味好食。最後來一杯蜜桃梳打，集清甜、清新、冰涼於一身，同炸雞極配。下次有機會來尖沙咀食炸雞，我哋一定會再嚟Outdark!！~