Owens (將軍澳中心)

营业中

休息中

喺將軍澳中心新開嘅餐廳Owens，真係一個唔錯嘅選擇。環境非常舒適，適合同朋友聚餐或者約會。我試咗佢哋嘅牛扒，肉質鮮嫩，真係好有牛味，咬落去超級滿足。另外，佢哋嘅All-day Breakfast入面有軟殼蟹，蟹肉厚實，仲有好多蟹膏！！味道絕對唔會令你失望。如果你鍾意海鮮，呢道菜肯定會成為你嘅最愛。整體來講，Owens係一個值得再訪嘅地方，無論係食物質素定係服務水準都非常出色。下次有機會一定會再試其他菜式！咖啡都好出色！！

最近知道太子好出名嗰間Owen開咗喺將軍澳中心，超開心😍因為之前一直好想試。今日過嚟將軍澳整證件特登嚟試吓佢嘅lunch。餐廳環境舒適，餐牌亦好多唔同食物嘅選擇，lunch set亦都好抵食，性價比高🫶另外不得不讚餐廳嘅員工服務態度十分友善，整體非常滿意🫰🏻🍽️法式蟹肉龍蝦餐湯餐湯我upgrade咗龍蝦湯，湯味好濃郁，仲有好多龍蝦肉，口感十足🍽️ 鴛鴦焗生蠔生蠔大大隻，熱辣辣，非常鮮嫩多汁，搭配濃郁嘅芝士同蒜蓉一齊焗，令生蠔充滿鮮味🍽️脆炸魷魚鬚魷魚鬚炸到金黃色而且好香口，魷魚鬚上面有紫菜碎，而粉醬又唔會太厚，十分脆口🍽️ 水牛城雞翼個醬汁係自家調配，辣辣地又酸酸地非常開胃～同平時食嘅buffalo wing醬汁有分別，雞翼即炸即整，熱辣辣，外脆內嫩🍽️ 龍蝦汁虎蝦闊條麵麵條十分彈牙，而且掛滿濃郁嘅龍蝦汁，大虎蝦大大隻，肉質彈牙，成個闊條麵都好足料🍽️ 紐西蘭頂級肉眼牛扒牛扒份量十足，我揀咗五成熟嘅，外層煎得金黃酥脆，肉質鮮嫩多汁，薯條亦好脆口🍽️ 巴斯克麻糬芝士蛋糕佢地既巴斯克麻糬芝士蛋糕真係好特別，入面有麻糬，芝士味都好濃郁🍽️Tiramisu擺盤好靚，😍mascarpone cheese部分好軟

樓下開左間新cafe網上search過原來係太子個間（見有好多like)都唔知將中有乜好食 於是試一試叫左2個sets 1. 黑麻油帶子意粉 （味道都ok¹ 有3粒帶子 算係咁了）粟米湯 （可能飲開滑身個d粟米湯 呢個真材實料 好多粟米皮（個層依） 每飲一啖都要lue返d‘’依‘’出來）2. 意式蕃茄燴牛肋條薯菜 （粗薯條 不錯）粟米湯 (同上） 咖啡 （不錯）蕃茄燴牛肋條（炆得好淋 味道可以 呢個應該要配飯／意粉有汁撈下）話說呀媽見到隔離同一個set有2棵西蘭花 佢個份無（有比較有傷害😆) 同職員反映下（轉頭卑返4棵西蘭花佢😆其實2棵就可以 不用多）呀媽見配薯條 撈唔到汁（想看下有無餐包／法包之類撈下汁 睇完menu係無既 職員主動卑左一碗仔飯我地 真係有d唔好意思😅 唔係想R碗飯 無唸過有呢個舉動 不過班後生仔服務生全部態度好好 好有禮貌 好有heart咁 真係好難得hk有呢d服務質素👍 ）香茅生薑蜜（不錯 好少餐廳有呢款飲品 可encore)呀媽話下次再支持下 係既 我都覺得值得支持下

朋友介紹，今日終於的起心肝過來一試，本來food gulu 見到咁多張飛有啲想放棄，好在好快就到我哋，門口嘅職員們招呼好好，好友善。見到個二人餐抵過三人各自叫餐即刻🔨話咁快已上餐湯同飲品，餐湯真係要一讚，溫度剛剛好，即飲唔燙口，非常有heart, 剛飲完湯啲後生仔女職員們好快手好有禮貌即來收湯碗，收完幾乎即上第一道主菜-虎蝦寬條麵，熱辣辣遞上，虎蝦好新鮮，連成個麵底都好有蝦味，跟住上嘅蒜蓉同芝士焗蠔，顏值一流，睇到食指大動，食落鮮甜多汁。最後上嘅肉眼扒，值得一讚嘅係用手機點餐時都有得揀幾多成熟，因為有小朋友，我哋揀咗七成熟，效果超好，完全符合我哋要求，唔韌得來仲好juicy, 啲西蘭花配菜初時以為係生嘅，食落先知原來有煮過，讚！最後上甜品，又係神速，窩夫仲係暖嘅，加埋雪糕一齊食，非常好味！餐廳整體都好好，尤其是啲職員好有沖勁，好快手，招呼又周到，離開時老闆都親自問一句"啲食物質素ok嘛"，咁有heart, 食物質素又咁好嘅餐廳，值得再次幫襯，希望餐廳上下保持呢份初心和沖勁，維持而家嘅水準！加油！

中午有啲時間去試下owens平日2pm 都要等咗15分鐘到，真係幾多人！好多人都讚佢哋甜品好正原來佢哋除咗甜品出名服務仲好好辦事速度快而且好有禮貌(好耐無試過唔洗叫都有人自動幫手加水）本身加左個開心果tiramisu 但我哋有啲眼闊肚窄覺得食唔晒同佢哋講我哋想外賣左個甜品原來tiramisu無得外賣佢哋竟然立刻提議取消個甜品仲要好好禮貌食左羊架同墨西哥卷墨西哥卷意外地超好食，足料又開胃羊架少咗啲羊味，但有三大塊，正大力推薦

以高質甜品聞名的太子咖啡店 ᴏᴡᴇɴs最近驚喜在將軍澳開設新分店將軍澳居民的 ᴍᴇ 在開業頭幾天已經在ғᴀᴄᴇʙᴏᴏᴋ群組看見不少好評馬上來個探店ᴏᴡᴇɴs 位於將軍澳中心尾端位置裝修風格與太子店相近 都是溫暖的木系空間跟餐桌都較為擠擁 客滿時環境會較嘈雜呢餐點一如以往供應多款西餐 小食還有多款招牌甜點晚市會有性價比較高的ᴅɪɴɴᴇʀ sᴇᴛ可以優惠價加配各款小食跟甜品𓋪 意式芝士肉醬焗千層麵𓋪 牛油果大蝦黑醋沙律因為要留肚吃甜品就點了沙律跟千層麵分享沙律菜跟牛油果新鮮 配上濃稠的黑醋口感微甜又不酸 吃著很開胃千層麵中間夾着軟綿的薯蓉跟茄子吃完也不會有飽膩的感覺 相當滿足𓋪 脆炸魷魚鬚𓋪 意式白酒煮蜆晚餐可以 $𝟸𝟾 - $𝟹𝟾 加配各式小食炸得外脆內軟的魷魚鬚十分惹味我最愛的煮蜆 蜆肉也相當鮮甜ᴊᴜɪᴄʏ白酒酒香也相當有存在感𓋪 開心果麻糬提拉米蘇𓋪 紫薯芋泥麻糬卷蛋重頭戲甜品環節 每桌必點有提拉米蘇大熱的開心果忌廉口味香濃帶 ᴄʀᴇᴀᴍʏ底下軟糯ǫ 彈的麻糬為口感加了不少分比起傳統咖啡味 我更愛開心果口味另外一款卷蛋也是人氣商品賣相已很 ɪɢ-ᴀʙʟᴇ 芋泥綿密帶微甜中間還有大大顆

Owens 係將軍澳中心新開左分店，真係覺得性價比非常高，食物質素好唔駛講，最重要係所有店員都係好有禮貌，非常好，值得讚！這間餐廳係太子都有分店，以後多一個選擇，薯條三兄弟必叫，其他食物都唔差，甜品好受歡迎，唔太甜，會再返去食.

👧🏻😋👅🍽✨將軍澳新café冇得輸🎉-🍽️ 將軍澳中心新開cafe西餐, 晚市完全係座無虛席, 樓面起碼有4-5人服務都好周到, 食物即叫即製但出餐都好快手, 就算好多客都保持到服務質素🍽️ 餐點選擇極多, dinner set仲可以無限追加小食同甜品, 而單點亦好經濟實惠, 客路之廣令佢由我地入座到離座都排緊隊-🍝 明太子虎蝦意粉 $128💯香煎虎蝦鮮甜彈牙, 明太子以沙律蛋黃醬形式呈現, 令意粉更濕潤掛汁-🍤追加小食✨意式白酒煮蜆 $38 每一隻都大大粒好厚肉, 白酒汁充滿海水味, 用蒜同三色椒一齊煮更有口感✨脆炸魷魚鬚 $28 呢個加配價份量算超多, 唔算厚粉但炸得好酥脆, 魷魚鬚好彈牙✨酥炸吉列生蠔 $28 新鮮熱辣咬開爆汁好juicy, 生蠔外脆內軟-🍱Dinner Set💯包餐湯餐飲, 是日係粟米忌廉湯, 好多粟米粒好清甜, 唔係用粉開既質地抵讚; 另外仲可加$38配升級法式蟹肉龍蝦湯, 入面有一梳梳蟹肉, 湯底又夠鹹鮮唔錯💯餐飲包檸檬柚子蜂蜜唔使加錢, 甜甜地又加左薄荷葉更清新, 果汁/咖啡都唔使加錢, 亦可用半價升級特飲-🍔 單點美食✨美國安格斯芝士牛肉漢堡配薯條 $118

𝗢𝘄𝗲𝗻𝘀新店位於將軍澳⸝ * 紐西蘭頂級肉眼牛扒意粉味道帶焦香 外層煎至有點脆脆的牛肉味道濃厚 ⸝ * 美國BBQ 手撕豬肉漢堡包配薯條煙燻醬酸酸甜甜 沾滿撕撕豬肉仲有最愛的粗身薯條 ⸝ * 香烤雞胸西西里意粉原塊雞胸肉質嫩滑 完全唔乾配上蕃茄汁 份外開胃 ⸝ * 牛油果大蝦黑醋沙律兩隻大蝦加上牛油果及唔同種類嘅沙律菜 蕃茄仔 想食得較輕型呢個都係唔錯嘅選擇 ⸝ * 意式白酒煮蜆蜆肉粒粒都好豐盈 少許酒香調味⸝ * 脆炸魷魚鬚香脆可口 ⸝ *開心果麻糬提拉米蘇開心果氣味突出 加埋麻薯口感比一般 Tiramisu更豐富 ⸝ * 紫薯芋泥麻糬卷蛋好似食芋頭雪糕既味道海綿蛋糕濕潤軟熟 Lunch set 包含飲品及沙律凍檸茶 凍美式咖啡 正常發揮────୨ৎ──── 平日午餐時段都頗多人輪候我覺得同太子分店味道做到一樣性價比高 菜式選擇多樣

將軍澳中心《Owens 》新張，我馬上約好友食靚牛扒和精美甜品，餐廳環境優雅亮麗，座位比太子店寬敞坐位舒適。我們點左二個晚市套餐餐湯升級：法式蟹肉龍蝦湯：頗多蟹肉，湯底鮮甜，好美味。美國安格斯肉眼牛扒（五成熟）：牛扒厚身，煎得外皮焦香，牛味濃郁又嫩滑色澤嫩紅，配菜豐富，有BB薯仔、西蘭花、車厘茄，配燒汁、芥末醬，好好美味👍西班牙黑毛豬鞍架：頗厚身大塊，豬肉腍滑有鮮味，配料多，吃完飽左一半。蒜蓉、芝士焗生蠔（各2隻）：蒜蓉焗生蠔頗大隻又肥美厚肉，蒜蓉味清香帶出生蠔的鮮甜味💕芝士焗生蠔：厚厚芝士很香又滑，真美味又好食😋意式白酒煮蜆：大大隻蜆無沙，肥嘟嘟蜆肉很鮮甜，少少酒香味。甜品：開心果麻糬提拉米蘇：開心果粒很香，中層忌廉夾自家製麻薯軟又煙韌，超正👍值得推介👍紫薯芋泥麻糬蛋卷：紫薯和芋泥味清香甜度適中，中間夾有麻薯煙韌好食😋飲品：香蕉朱古力奶昔，真材實料，香蕉味濃郁很香滑。蘋果汁：正常發揮。總結：食物美味，服務周到，一定再食。

呢間位於太子的人氣餐廳，全日都座無虛席，全因為食物款式多選擇，有意粉、墨西哥卷、意大利飯、漢堡、肉眼牛扒、全日早餐等，套餐包餐湯或沙律同飲品，無論係單叫或者套餐性價比都好高！佢地最近係將軍澳中心開左分店，裝潢明亮自然，感覺和諧又舒適。甜品選擇有好多，啱晒我呢d甜品控！法式蟹肉龍蝦湯 $58我最愛嘅龍蝦湯，湯入面有粒粒龍蝦肉，入口creamy味道濃郁。蒜蓉 / 芝士焗生蠔 $48/2隻我好鍾意食生蠔，當然一次過試曬兩種口味！蒜蓉和芝士焗生蠔每款兩隻，生蠔好肥美好juicy，焗得岩岩好，個人就偏好芝士焗更惹味！意式白酒煮蜆 $68用上大大隻珍寶蜆，蜆肉很鮮甜美，有牛油和酒香味，下次一定要encore!海膽汁海鮮扁意粉 $152上枱已經聞到香濃海膽汁，扁意粉份量十足，每一條都掛滿creamy海膽汁！配料有大蝦和青口，好豐富啊！開心果麻糬提拉米蘇 $58甜品有多款選擇，有選擇困難症可以去玻璃櫃睇睇實物先揀，款款賣相都甘靚，真係想試晒😂期間限定的開心果麻糬提拉米蘇，三種食材混合埋一齊估唔到係甘夾甘好食！開心果碎灑在鮮綠色的開心果忌廉上，底下係提拉米蘇和麻糬。麻糬做到一粒粒正方形好似啫喱，口感好煙

位於將軍澳中心的新店開幕，食物種類選擇多，上菜、收拾都好有效率👍而且服務係而家香港少有的好😊午市套餐日本黑蒜油帶子意大利粉，賣相吸引，有3大粒煎香的帶子😋加錢轉法式蟹肉龍蝦湯及意式白酒煮蜆，龍蝦湯超級creamy 濃郁，仲有龍蝦肉，蜆有淡淡的洒香，非常新鮮大隻厚肉❤️紐西蘭頂級肉眼牛扒，五成熟剛剛好，牛味香濃，肉質軟淋juicy,配有西蘭花和粗薯條😋蒜蓉/芝士焗生蠔，飽滿大隻，上面鋪滿芝士/蒜蓉，咬落去充滿肉汁，大讚👍開心果麻糬提拉米蘇，開心果和麻糬我最鍾意，一次過滿足兩個願望，開心果蓉好軟滑，上面鋪滿開心果粒，超正👍紫薯芋泥麻糬卷蛋，鍾意食麻糬所以又係麻糬，甜品不可少😉

我今日約同好友去位於將軍澳唐德街9號將軍澳中心1樓135A號舖的 Owens 食午餐，環境舒適，坐得舒服。我點左個 美國安格斯肉眼牛扒（5成熟），好友點左個 挪威三文魚扒西西里意大利飯，餐湯是法式蟹肉龍蝦湯（2位），前菜係牛油果大蝦黑醋沙律，白酒煮蜆（細），甜品係 開心果麻糬提拉米蘇，自家製蛋糕（紫糬芋泥麻糬卷蛋）；餐飲係熱香茅生薑蜜，凍檸檬柚子蜂蜜。五成熟的肉眼牛扒煎得皮脆肉嫩，牛味濃郁，配菜豐富；三文魚的魚肉嫩滑鮮美；龍蝦湯香濃好好味；沙律菜新鮮，牛油果幼滑，兩隻大蝦煎得香口好味，蝦肉彈牙；白酒煮蜆的蜆肉嫩滑好食，無沙又入味👍；開心果麻糬提拉米蘇賣相吸引，口感豐富，紫糬芋泥麻糬卷蛋好好味，每啖都是享受。整體黎講係好有誠意的製作，每道菜都好味。

服務係好，但係待應太少了，得兩個人忙到甩碌，甩單問題多。可能仲新，平日夜晚去食都竟然要等位等到傻。印象中張枱都係用返上手？？？D圓枱好細好逼。意粉算油。牛扒，焗生蠔唔錯，估唔到跟餐個窩夫好食（我平時唔食既😂😂）杯凍檸茶千其唔好叫少甜，因為正常都好淡味。總括黎講夜晚二人餐係抵食，豬手想試要單叫set先有😎。遇上新開業人流咁多嘅時候，我自己覺得應該限時90mins. 仲有到齊過半數先入得等等。btw 見到店舖手機隨意放要小心呀，始終人多。送既甜品應該好食，小朋友食晒冇緣試😂😂😂

靚甜品，係永遠嘅加分位。位於將軍澳中心嘅”Owens”全新開幕，其實之前食過太子現店，當時甜品係焦糖燉蛋。今次嚟到新店，甜品誇張十倍。不過先講基本嘢，Set dinner百零蚊起，已包沙律/湯和飲品，非常親民。當然，可以再加少少錢，食埋傳說級嘅甜品。熱榛子朱古力 (set+$18)熱玫瑰鮮奶咖啡 (set+$21)雖然要加錢，但兩杯熱飲都做到佢要嘅功能，而且拉花相當漂亮。是日沙律/是日餐湯 - 餐湯蘑菇味非常明顯，質感頗厚身，沙律正常發揮。細白酒蜆 (set+$38) - 話就話細，其實份量唔算少，蜆係非常大隻，亦有酒味。黃金蟹肉意大利飯 set $138 - 面頭嘅蟹蓋本來已經好多蟹肉，但risotto仍然好有蟹味，但佢最突出嘅味道其實係鹹蛋黃，係食到顆粒感，相當惹味。德國脆皮鹹豬手 set $198 - 餐廳signature之一。脆皮非常脆，亦唔會太大件，鹹豬手肉亦唔會好咸，唔會太嚡口，整體嚟講唔輸蝕比德式餐廳嘅出品。伯爵茶麻糬卷蛋 set+$38本店名物之一，漂亮誇張嘅外觀底下係非常濃味嘅伯爵茶(係聞都聞到)，加上麻糬，其實已經係一件唔會輸嘅甜品…可惜佢遇到…開心果麻糬提拉米蘇