Parkview (新城市廣場一期)

营业中

休息中

d 野真係唔掂我地當晚4個人叫左4個set西冷排, 同龍蝦天使面 各兩個3個set 都再加左18蚊 ..要左3個頭盤一個柞雞..好喊...一個係海(節)...都ok仲有一個生蠔法包..算係最好來左4個餐包..d 包好硬又唔熱..有餐湯只有玉米湯同唔知咩菇清湯唯有要個玉米湯..好難飲..仲衰過罐頭湯到主菜,,我個西冷排好細,,,我朋友果個就大d 但佢要5成熟..比左個8 成佢個天使面..d fan 話唔好味到飲品..叫左十年都唔來埋單又係咁..比錢都要等十年如果好多人都話ar.根本仲有好多枱冇人...都唔知攪咩正咁耐

(補寫) 係二月果陣同EX BF黎左依間PARKVIEW食飯 .. 兩個人叫左兩個SET DINNER .. 望落都好似唔錯咁 .. D SERVICE都算OK .. 前菜有個煙肉SALAD .. 一個係吞拿魚既通粉 .. MAIN就係串燒&日式蛋包飯 一個係西冷牛扒意粉 .. 整體黎講都算OK的 .. 不過個蛋包飯真係太大喇我食唔晒 .. 同埋個人黎講覺得蛋包飯好難整得好食 .. 因為淨係得個蛋面有汁 .. 有味 .. 入面炒飯就會好乾 .. 所以食食下已經唔多想食 好濟 .. 要加D茄汁先食到 .. 其他都OK .. 埋單二百幾蚊我覺得OK丫又食得飽 .. 食物都算唔錯 .. SERVICE都OK .. 有機會會再黎食 ..

上次幫襯已經是半年前的事, 見水準不錯, 於是最近入開沙田, 又去幫襯一下.星期日的中午, 這間仍然是最多人在店外排隊的店. 照樣地拿了票子等位, 照樣地等了一會便有位子, 環境也是一樣地有點嘈吵. 今次點了四款午餐: 越南扎肉檬粉配炸軟殼蟹, 芝士焗南瓜野菌雞扒配飯, 馬來西亞娘惹牛尾咖喱伴腰果芋頭香飯, 香辣檳城鮮蝦和墨魚仔炒貴刁配素菜春卷. 先送來的一籃麵包雖然仍是軟綿綿的, 不過已經不再是暖暖的且淡而無味. 餐湯方面, 羅宋湯的材料今次較多, 但湯仍然頗稀, 也是水準以下! 餐前小食的沙律, 蔬菜的分量寥寥無幾, 加上配上了千島醬, 味道絕對令人失望!! 越南扎肉檬粉配炸軟殼蟹 - 檬粉是凍檬, 份量不多, 可惜附帶用來撈的酸甜汁只有一小杯, 根本不夠撈! 而且酸甜汁一點也不酸, 卻有大量辣椒, 所以頗辣, 不是人人受得來. 扎肉吃起來好像有種說不出的怪味, 但又不是變壞的那種; 軟殼蟹也是一般水準. 芝士焗南瓜野菌雞扒配飯 - 雞扒有兩塊! 可惜調味不足, 所以淡而無味, 大量的芝士, 吃久了給人很"漏"的感覺; 而且居然一塊南瓜也沒有, 實在有點被騙的感覺!!!馬來西亞

身為九龍人的我，甚少會黎沙田。有事要來沙田一趟，於是就在新城市食晏。Parkview 有多款set lunch、所以就揀咗呢間試。set lunch 有沙律、湯、主菜、飲品同甜品。沙律只有生菜同幾粒車厘茄，味道麻麻。湯有雜菜湯 or 蘭花忌廉湯。要了蘭花忌廉湯。蘭花打得很爛，不會飲到一粒粒。可惜，蘭花味欠奉。忌廉味不會太濃，因此亦不會太漏。主菜選了雜菜牛柳粒闊條麵。份量較少；雜菜有carrot, broccoli等，新鮮脆口。闊條麵煮得過火，太淋了！完全唔彈牙。牛柳粒有驚喜。本以為係cheap cheap 普通貨色。但唔係喎！牛柳粒好淋滑，唔會實得得，完全唔鞋唔韌。有幾舊仲要有肥膏相伴，很香。甜品為類似芒果布丁的丁方小甜品。味道不過不失。環境較為擠迫，枱與枱之間的空間實在少得很。侍應們做野都算勤快，落order、埋單都唔需要等太耐。

悶悶地，想出去食個甜甜地既tea，去到沙田，好多人，咦，見到Parkview好似” 吉” D喎，又想試下佢地個叫做” 石板街芭菲” 甜品，即刻入去坐低，首先，地下好污糟，枱都不見得乾淨好多，anyway，忙嘛，算啦….. 好啦叫左諗定果2個甜品 (跟友人) ，等…. 等…等….. 等左起碼30分鐘，影都無，係咁見D waiter/waitress行黎行去，得一個經理，又係咁，正想問佢地究竟得未之際，見到出餐位有個盛雪糕既杯，心諗，: 「點解無野係個杯到既？？」跟住見到個waiter拎住個杯，去我個位後面個櫃度” 不” 雪糕，佢無帶手套or任何野架喎，跟住再就咁拎住杯雪糕返去出餐位，比佢地去再搞D野上去，再等多一陣，果杯疑似我杯雪糕終於黎，雪糕溶左1/4，原來石板街就係朱古力雪糕加兩三粒棉花糖係面，仲有一大”pat” cream，咁就$40啦！火都黎埋….. 我個frd個香蕉船就不過不失，但係得兩個雪糕球揀，收成$40，又唔係HD既出品，都幾唔抵囉, 仲有呀，佢地成日都係好窄既枱同枱中街行，撞歪哂d枱，我有一刻同佢frd一齊望左去隔離果BB度，個經理聲都唔聲插左個香蕉船去我個frd個邊，

今日食晏, 呢間餐廳生意好好, 食物及服務都唔差, 但點解咁多個喊臉ge?兩個人點了:軟殼蟹漢堡&腸仔餐 $55雞扒 & 金菇牛肉卷 跟意粉 $65紅酒一杯 $33 套餐有1.湯 (豆腐粟米湯), 2.麵包(有大小共四個, 聽見隔離枱個女仔指定要某種包, 個待應又快手換俾佢)3.沙律 (細細碟, 用千島汁醬, 個人意見覺得夏天用油醋汁會醒胃啲) 4. 主菜 : 見下面5. 甜品, 細細碟jello, 幾好味, 賣相又靚6. 餐飲.咁多嘢, 洗碟都洗窮. A. 我點了軟殼蟹漢堡 & 腸仔 (因為餐牌內其他冇様鍾意), 個軟殼蟹郤出奇地好味, 口感外脆內軟, 有種多汁的感覺, 冇話軟爭爭, 但側邊兩條腸仔就好平凡, 好似令咗個長方形擺滿嘢而夾硬放落下咁, 冇乜特別.B. 老公點了雞扒 & 金菇牛肉卷 跟意粉, 上枱時, 個碟只有三分一滿, 其實三分一係空的, 賣相都幾奇怪, 但雞扒幾腍下, 兩件金菇牛肉卷個樣黑忟忟, 以為牛肉會硬, 但食落又OKAY, 金菇中亦夾有紅蘿蔔, 所以冇平時食金菇咁UN整體服務友善而快手

星期六沙田人來人往.想搵間餐廳食飯都起碼要等至少 3 0 mins ~見到 parkview 有位.就拿拿臨就入坐....因為太肚餓叫左個 set dinner + $ 1 8 要埋個頭盤....點知惡夢就開始來啦 ~ 頭盤:泰式紫蘇雞....wa ....得個兩件仔....仲要係兩件炸雞粒加青檸汁 j a餐湯:意大利菜湯 : 下....同大快活個 $ 1 0 雜菜湯有咩分別....一樣主菜 : 美國牛柳 : 牛柳好少少.都做到 8成熟.唔會太淋.但伴碟的都係 d 罐頭雜菜.而且份量小甜品 : 都唔敢再叫啦 ~太失望如果呢餐平均用 $1 3 0 去食....真係好唔抵.......食完仲肚空空...唯一新奇的就係個餐飽係用豬仔飽

未夠鐘食晚飯,有點肚餓, 所以去食個下午茶餐.我哋叫咗一個藍莓芝士旦糕套餐和 蕃茄薄燒豬柳生菜軟包配有機沙律套餐 , 兩個人share. 藍莓芝士旦糕: 芝士味唔係好濃, 唔會好膩.蕃茄薄燒豬柳生菜軟包配有機沙律: 平時食果D有機食物, 食材本身的味道較濃,我覺得呢度個所謂的有機沙律唔似有機喎, 冇乜菜味. 蕃茄薄燒豬柳生菜軟包就似樣D,豬柳幾有肉汁. 侍應們對落單和埋單反應敏捷, 加水呢D額外服務請耐心等候. 正當我哋等緊加水的時候, 望到隔離枱的黑背心男用餐刀刮指甲, 佢刮得好入神, 遞高雙手,係枱上刮刮刮, 佢好 enjoy, 我哋就覺得好恐佈 . 正想影佢的時候, 被他的同伴發現了… 那黑背心男用餐刀刮咗最少一分鐘, 侍應們在旁行來行去, 都視若無睹 友人話佢哋咁忙, 可能真係睇唔倒…食物普通, 無乜service, 加上我怕我再嚟呢度食嘢, 只會燃點起嘔心的回憶, 只好給你一個苦臉.

係沙田食晚飯, 有時都幾頭痛的, 周圍都人山人海, 等位既時間仲耐過用餐時間好在, 老婆同舅仔一早拎定位, 一共叫左三個set dinner, 另加錢要了頭盤沙律, ok焗蠔, 唔錯, 醬汁好香, 蠔肉少少但混合左其他配料一齊, 又ok喎主菜燒排骨, 好大份菠羅海鮮焗飯, 好多料什扒, 呢個就比較一般招呼 : ok啦, 起碼上菜加水都好快手環境 : 唔錯的, 台與台之間唔太逼, 地方亦夠開揚價格 : 埋單 $370, 可以接受

見呢間未食過就去試下.不過價錢偏貴,服務9流,食物普通到垃圾,環境不過不失,唔通沙田真係無乜好野食?Total埋單86蚊沙拉,嘩,削到你呀,食落得d菜頭菜尾,沙拉醬又少.餐包,好睇唔好食,一d味都無,仲難食過生命麵包.餐湯要了紅湯,不過乜味道.我飲完個湯後,個小二居然問我要唔要先上甜品...我個主菜都未到呀...orz主菜,唔知乜野乜野西冷牛排,要了8成熟.有相你看,表面好柴,好在內裡都仲係生既.塊牛排不過不失,同我呀嗎係街市買到的貨色差唔多.薯條一d都唔脆,仲淋淋地.係個甜品叫做好食d

我地6個人叫左6個餐+1個沙律. 個餐當然同出面個D一樣, 有湯有麵包.不過好戲而家開始.我地叫左6個餐, 佢先黎左3份, 不過有一份數量唔岩, 叫佢再CHECK過, 覆我地既時候話冇呢個喎. CHECK完唔夠1分鐘, 我同我老婆既安格C肉眼扒就黎左. 咁又話冇叫到 = =" 食落去, 唔掂囉, D肉好"硬", 去太子食第尾牛扒仲正咁佢. 而且薯菜有甜蓮藕, 怪怪的.跟著只欠我另一位朋友個餐了. 我地5條友差唔多食完都未黎到. 我地不停咁吹...終於等到了. 當大家差唔多食完, 咦, 沙律都未黎既? 跟住又問WAITER..等左10分鐘終於到啦...不過大家對個沙律. . . 有點怪怪, 好似D食剩既野搞埋一碟.大家正研究緊個沙律時, 有個WAITER走埋黎, 話我幫你執執佢. 開頭以為終於有人黎執下野啦, 奇怪就係, 佢幫我執走碟沙律, 我地諗緊搞乜, 唔通幫我地分?正當諗緊, 我同AMY望住佢時, 我同AMY即刻好大聲叫住佢, 喂喂喂, 做咩呀!!!!佢竟然想我地未食既沙律想倒落個放污染盤到.嘩, 搞乜野呀~.~佢即時拎番過黎, 話唔好意思.真係想講唔要! 不過冇乜事~~跟住我地一

星期日下午去到新城市廣場, 仲未食嘢. 揾咗8/9間, 見ParkView 都多人食.入去坐低. 撰了三色多士拼 , 貪佢唔係好飽,仲可以去YATA 身串燒 !個餐跟嘢飲, 男朋友叫了 凍O茶 ( 已飲茶,好飽) , 我見到Drink Menu 杯Mocha 咁靚 ( 沙冰) 就叫了Mocha.8 分鐘後就有嘢食....但來了柸 熱 Mocha !!!問店員, 答" Mocha 係熱但有凍", 但個Menu 無寫明有凍and熱 ! 張相就Only 係沙冰既.咁落Order 又無問我 ?!佢都好禮貌咁問我要換嗎? .... 我話算了, 熱Mocha 我都OK 食物OK ! !! 個他他牛肉好特別! ( 右手面果件) 開心. 仲有Chips 送, 無咁單調. 好味!!!見到人地有個2層 High Tea Set ! $82 ?! for 2 people. 想試!下次會再來 ! TOTAL $65 走人

星期日既新城市廣場,人山人海,在Pokka,Piazza,Parkview,三間中,Parkview最快有位. 心想舊A-1 餐廳轉咗新路向,有機食品,又咁多人等位,應該好過以前好多,結果.羅宋湯 - 好淡,又稀.Bread - 最出名的bread,好期待. 不過比普通既方型軟包,唔熱又唔好食. 失望.主菜 xxx魚蝦炒飯 - 隻碟好熱 (個侍應一次過上3碟主菜,差d倒瀉我杯水,臨走唔係講對不起,係"差d碌熟隻手呀"),d飯唔熱,味道好淡.XXX牛肉飯 - 因為我個炒飯無味,我拎咗d外甥仔既牛肉飯個汁,都幾好味,不過舊牛肉係咬唔開.芝士雞扒天使noodles - 家姐見到賣相好得,不過食落好老.餐飲 - 凍檸茶 / 凍奶茶 - 我杯奶茶,好澀口,飲幾啖,都飲唔落. 其他既檸茶都一樣.甜品 - 配搭奇特既 桂花糕伴士多啤梨朱古力醬. 食西餐甜品係桂花糕.....配西式醬,忍不住把刀叉放成X.

買完保險 要拿回保單又唔想保險朋友走太遠，就諗住約佢響沙田, 方便少少去到都成八點三，但係Pokka, 小籠包, 壽司 都仲係好多人咁友人都選左呢間喇裝潢其實唔差, 個 feel 幾舒服不過d坐位都太逼了... 我個朋友頭頂間中就有野食"橫過", 有d壓力叫左 N.Z. 22oz 肉眼扒 set頭盤個包 有驚喜喎, 幾鬆軟, 但唔太乾身個湯, 叫做唔係普通紅白2款, 新意有, 質素都係咁上下啦main dish, 塊扒我 order 左6成熟黎到都成8成... 算啦, 都預左係咁不過塊扒比我想像中薄, 唔知夠唔夠 22oz 呢...味道都係一般, 當然好過 咩紅榭林 0個d好多既配菜 係白飯 + 唔好食既豆 服務就... 唔係佢地唔落力既, 不過係無乜 training, 講唔上係 好埋單 $100 左右.... ok 啦, 唔會 blacklist 佢, 不過沙田應會有其他 choice

前日去完食品嘉年華之後去左沙田新城市遊下先, 行到差不多8pm要搵野食啦, 想食西餐見pokka勁多人等, 對腳又鬼死咁累最後選左隔離間Parkview落腳啦, 叫野食先…...1) 串燒牛仔柳配天使麵 & 2) 西班牙海鮮飯問我地要咩湯有意大利菜湯 & 蟹肉忌廉湯, 要左2個忌廉湯, 先上麵包唔熱但夠軟, 湯要等約5-10分鐘先上湯, 但原來蟹肉=蟹柳, 應該個名叫蟹柳忌廉湯啦等左一陣主角出場先黎天使麵, 隻碟好大分量同賣相都ok, 因串燒牛仔柳有2串同友人分甘同味先, 牛仔柳超淋又有肉味, 正……, 串燒除有牛仔柳仲有d洋蔥紅椒黃椒都幾爽甜, 正正……, 天使麵睇落似無咩味, 食落有淡淡cream味唔溜軟硬適中, 正正正……, 我俾90分到西班牙海鮮飯喇, 賣相一般有d似石頭鍋飯, 味道麻麻似一pat pat咁, 因唔係我食不願置評餐飲ok啦無咩特別總括計食物+環境算不錯, 今次係我地第一次o黎食應該都會有下次o既……