Parkview (新城市廣場一期)

营业中

休息中

二人一路 hea 到沙田, 一期一樓既食肆都無乜試過, 見呢間好多人就試吓先!二人各自叫了個 lunch set! 我要了西班牙雞肉配螺絲粉, 連菜湯, 餐包, 沙律, 啫喱, 熱檸水, $55, 老公叫了法式龍蝦汁海鮮飯, $59, 連....同之前既 set 一樣! 菜湯唔濃, 不過夠多菜, 沙律無咩特別, 有啲菜, 通粉, 生果! 餐包似 A1, 幾鬆軟, 微暖! 雞肉係骴肉, 夠腍, 螺絲粉腍咗少少, 不過, 就真係少鹽! 啫喱無興趣食! 老公叫海鮮飯....我食咗件魚, 肉散, 麻麻地! 有齊咁多配件....五十幾蚊都幾抵, 不過, 好好食又唔係, 個場咁多食肆, 無咩特別...唔會吸引我食第二次!

不用錢，用open rice送的換票證看戲。所以晚餐可以吃好一點。今日我都依然想吃西餐，但男朋友又話肚餓，不想等位，但點都不會再幫襯Ｔｕｔｔｏ的了縱然不用怎麼等位。實在有太大陰影。又見這裏不是太多人，價錢也合理。雖然有點擔心，但不用排隊的吸引力實太大了。入到去的裝修不錯，但座位略窄。坐下沒多久己麵包吃，味道不錯。但西湯真的麻麻，尤是豆腐湯，完全是一吃中式的味精湯，只喝了兩啖便算了。雖然說此餐廳是標榜有機，但沙律不太知道是否有機，也不吃不出有甚麼特別。主菜我點了焗芝士米多龍蝦天使麵，和大豬扒。味道不錯，但龍蝦的份量略少，並油了點。豬扒大塊軟滑，有肉味可見功夫。而且在旁邊的配菜也有用牛油略炒，可見製作的用心。但聽聞鄰桌客人的二人餐牛扒不太好吃。甜品則只有我不吃的芒果蛋糕，飲品我點的奶茶都幾難飲。實是美中不足。在服務方面也有很多方面雖要改善，侍應對餐廳的認知不足，經理處理突發事件也媛慢。在送餐方面居然較我們遲來及點菜的有得吃先，要我們久等。在豬扒送來時我們不知跟意粉是菠菜意粉，但因男友不吃菠菜的源故，所以要更換普通意粉。但侍應居然要擾讓一輪先知每日只有一種意粉或天使麵供應。

分兩層上-一件tiramisu-得兩層.無咩味一件cream cake-cream好smooth,蛋糕好滑.中間有芒果粒兩個士多啤梨tart-士多啤梨一粒好紅,另外果粒偏白.tart底夠實.仲coated with chocolate.4塊朱古力曲奇-唔係脆,都唔係mrs field果款,應該係a1貨色!幾好味下-生果-西瓜,蜜瓜數舊,唔係太新鮮炸雞寶6粒-脆醬有黑芝麻,麻麻地.d雞好實魚餅4件-好正!有香茅味.加$10轉花茶

前晚約左3個朋友食dinner,拎住一大抽野,朋友又遲到,見到pokka同pizza都要等50張飛以上,呢度就可以直入,雖心知不妙,不過見佢食物賣相同價錢都OK,咁就入去啦...後來叫左個4人餐,揀左4款主菜同天使麵...侍應問我地要牛肉湯定清湯,真係打左個突,唔係紅湯or白湯架咩...4個人都揀左牛肉湯,來到原來係紅湯,味道都唔錯...跟住係沙律...ok啦,average.主菜來了,燒鴨胸同西冷的份量多到嚇親,味道麻麻地,仲唔係好熱添(賣唔出所以俾多d我地?),於是食淨好多;吉列魚普通啦,好似超市賣的拎去炸,質感實左d;意式燴海鮮最好,汁好味,海鮮質素ok,蝦仲去左殼添,唔洗煩...伴菜的芝士焗蕃茄粟米朋友話好吃(我已經吃唔落了),薯蓉就怪怪的-點解南瓜咁既色,味道又比一般薯蓉濃烈,但係又食唔出除左薯仔,仲有咩野...天使麵好多,都係食唔哂...最好吃的就係士多啤梨mousse(?),同之前講漏左的-餐包.埋單$495,朋友覺得唔值,我就覺得as expected啦,我邊吃邊望住隔離pokka,如果拎住我張飛都要等成個鐘,以呢個價錢,可以唔洗等,舒舒服服咁坐超過2個鐘,同朋友傾計,

今日同媽咪出去沙田行街, 見佢唔太多人等位, 就好隨便地入左依間餐廳。我叫左個磨菇汁肉眼扒($72), 5成熟; 媽咪就叫左個黑椒汁西冷扒($72), 5成熟。餐湯我地都係飲牛肉濃湯。牛肉濃湯, 冇話特別好飲同難飲, 都係普通餐廳既餐湯咁囉。之後黎左個牛扒。我個肉眼扒切開都有少少血同埋肉汁流出黎, and then d磨菇係佈滿成塊扒, 都夠腍。而媽咪的西冷就冇咁腍, 同埋熟左少少, 但牛味比我既肉眼扒重, 同埋媽咪跟意粉, 佢d意粉唔係平時d餐廳咁就咁錄熟, 而係有埋少少白汁, 唔會乾爭爭。之後我見隔離台d人個個都有沙律, 我先記起好似有頭盤, 問一問原來唔記得比我地。侍應係到講唔好意思, 都算啦。餐飲就叫左一杯凍咖啡同熱咖啡, 我飲熱咖啡都幾滑, 幾好味。甜品幾得意,係一件3色o者哩, 有一隻色係芝士定唔知乳酪黎, 夾埋d o者哩食落口, 酸酸甜甜幾得意。我同媽咪都幾滿意依餐lunch。不過我就覺得依間餐廳既管理需要改善下。因為我叫左埋單, 比埋信用咭。過多陣另一個侍應又比多次我簽, 我咪話頭先咪簽左囉。跟住明明埋緊單, d侍應係到問我甜品黎未=.=

同朋友叫左個二人套餐, 揀兩款主菜同一款飯或面, 包餐湯, 甜品同餐飲都係230蚊, 以為好抵啦, 點知...兩款主菜(我地揀左燒西冷同豆腐煎魚)放响一隻長碟度, 每樣都得少少, 個天使面又得細細碟, 真係唔抵呀, 佢話送埋沙律吧, 但根本冇咩野食, d生果同沙律梅梅地, 旦糕又係肉肉酸酸咁, 見到都唔想扲...猶豫左一陣最終拎左少少火龍果同粟米...食完諗住叫佢上甜品啦, 但原來甜品即係沙律吧0個d唔吸引0既旦糕, 朋友拎左兩舊tiramisu, 好彩都不算難食...終於明白點解質素一般0既pokka出面會咁多人等而佢地出面就一個人都冇....

尋晚九點幾差唔多十點去到計埋自己都係得2台新客叫左個6成熟既肉眼扒湯係咩雞清湯黎左個湯同包先成晚最好味係個包熱熱地個湯黎到好似比豬食果d咁飲落去味精水史雲生清雞湯都好味過佢之後等左成9個字個扒先黎賣相已經唔吸引食落去唔入味外表煎得太燶 塊扒又唔算太新鮮仲要賣到178 唔知有咩值呢個價去茶餐廳食40蚊果d都仲好味好失望食食下仲走黎叫我地埋單話要埋數態度又勁差眼神好似同我地講左著佢收鋪咁今次之後一定唔會再有下次真係好差未試過食咁差既食物

尋日食個Lunch，見人多仲以為好野，點知叫兩個set都偏咸，鍾意食得有機野梗係清淡好D架喇，食物水準普通，唔值咁既價錢，係最後杯咖啡幾好飲！

Lunch 要等位, 見到佢以有機做selling pt, 所以想試, 一埋到位, 未叫野食, 便拎bread, 好快, 個包幾好味, 熱的, 叫了兩個set lunch, 一個係蒸三文魚炒雜菌配意粉($69), 一個係肉眼扒配薯菜($72), 餐湯我揀o左西蘭花忌廉湯, 好味, 有d d 三文魚醉, 好香, appetizer 係沙律, d 生菜幾fresh, 有d 生果, ok, main course 個三文魚是蒸的, 好健康, d 汁好好味, 好嫩, 個肉眼, 我叫了七成熟, 睇落好似幾生, 但食落o岩o岩好, 但普通d, 個薯菜都係細到離晒普, 好細舊, 同埋唔熱>.< 要意粉好過, 用忌廉炒, 好味, 但都好少, 兩啖都食得晒, 最尾有一粒啫喱做甜品, 好細粒, 但幾有心思, 佢d service speed 都算快, 係recept 個阿叔自己好亂, 都冇人"吹"佢, 自己打亂自己, 真係呆晒, 食物價錢都唔平, 但係o個度食咩都貴lor我食完都唔知食o左d 咩係有機???

Service 非常差. o個個星期六lunch 唔係好多人, 都要我地齊晒人先至可以入去坐. 我地即刻走. 以後都唔會去.

星期6(8/12)返學校test完就去左沙田~要左T骨扒黑椒汁配意粉~牛仔肉粟米五穀飯~~好多野食呢,,,,有湯+包+吞拿魚沙律+甜品仲有野飲~湯有西蘭花忌cream湯or雜菜湯~~塊扒好大塊呀!!!!!!有我塊面咁大呀!!整體上都幾好~~d野都好味道~~好豐富的lunch~~食完就去食街了~

星期日ge new town plaza 多人到傻周圍都要等好耐好似唔使$$6:30 去ruby tuesday 要等到9:30pokka cafe 好多人最後去左parkview 少人d標榜organic food餐包好軟又熱熱地YUMMY!蕃茄周打湯: 一般飲完有d口渴個沙律好味! 好freshd 粟米好甜食左2份salad!二人set牛扒: 好乾又"鞋"口食得好辛苦銀雪魚: 好香good!!舊薯我覺得唔夠淋粟米天使麵ok! 食左兩啖無食因為好飽甜品. 好tiny 不過不失啦其他: 薯條千祈唔好食衰過mcdonald o個d又細條又乾又皺皮..2個auntie 叫dinner set話個main course好鹹總括黎講咁ge price. 我會去隔離pokka cafe

食過幾次，旺日千祈唔好去，試過同澱粉王男友叫過2人set dinner (on sat)，D main 嘅魚呀羊架呀堆哂上同一個碟，情況就好似將尋晚食剩D隔夜餸咁，賣相同味道都唔得，好求其，risotto 濕得滯又無味，最好味喺個面包，熱辣辣，但比呢個價只喺為食個包咩。仲有，勁漏單，要追好多次。唔知喺咪旺日佢地做唔切呢?試過weekday同媽咪食lunch，無乜人，service好好，食物呢，湯、面包、salad、main同dessert都幾好ga，樣靚又好味。同人多嘅時候實在好太分別，如果我喺盲嘅，只有味覺同其他感覺，我會以為你帶咗我去兩間唔同嘅餐廳lor….但喺，做一間中價餐廳，點可以應付唔到多人ga…. 人多D就做唔好? 咁死梗啦。

今晚我同男友諗住去沙田行街&食晚飯,知道呢道有幾間新野,特登揀咗parkview試吓,見佢個環境都幾舒服,我地嗌咗一份安格斯肉眼set($178)&安格斯牛柳set($196),咁佢個set就包一份salad,餐湯(南瓜忌廉湯or蕃茄清湯),餐包一個,餐飲,仲有是日甜品(紅豆糯米滋)!!第一味個湯就唔熱,算la,點知連個扒,意粉.薯菜呀都唔熱,激死人呀,好睇唔好食,而家唔係屋企留飯ma,你估暖暖地易入口咩~~最後係個所謂是日甜品呀,唔凍唔熱都唔緊要,最弊係舊糯米滋硬掘掘,最終撬開個皮食d紅豆就算la!! 下次都係咪攪呀, 又貴又唔好食!!

同屋企人去食Dinner, 食物水準十分普通, 其中一塊海鮮竟已變壞, 可能是急凍貨關係所以廚師並無發現, 侍應態度很差, 下次寧願去其他地方等耐d都唔會再去lee間...