Parkview (新城市廣場一期)

营业中

休息中

去新城市廣場, 貪其就腳. 但好味的Pokka永遠長龍, 退而求其次都會選其旁邊的西餐廳, 而Parkview 亦標榜有機食品及健康烹調. 所以亦試了好幾次!!今次點了兩套餐, 一是蘑菇大蝦Risotto... 另一款是安格斯西冷牛扒. 先從麵包開始:-麵包是我認為這餐廳比較有水準, 應是自家製, 不是一般餐包, 所以比較可口香軟, 熱噴噴(當然是叮熱的) 湯 : 今天是意大利菜湯, 不過不失, 味道清淡, 可能因為佢地是少糖少鹽少油吧, 湯料的蔬菜還是蠻多的蘑菇大蝦Risotto - 這個就真真差了, 下次不用點了, 飯淡(亦不是用正宗的意大利米煮的), 蝦肉味道ok, 但肉質不是很新鮮. 安格斯西冷牛扒 - 點了五成熟, 但似三成, 好彩我無所謂, 因通常我係出面真的steak house是吃medium rare(即三至四成). 這牛扒無特別, 但總比港式西餐的好.咖啡就okay...咖啡味濃!!服務一般, 對客態度要改善!! 每個服務員都求求其其怱怱忙忙, 時常好似心不在焉. 忘記比水, 便叫他們給兩杯水, 但到差不多吃主菜才記得拿過來.

今晚朋友請食飯,兩個去咗沙田搵食,個朋友話想食西餐,見未試過呢間野又唔駛等位就入咗去,我地選擇咗個二人晚餐,首先叫咗個女侍應落單時個侍應好心不在弦,一邊落單一邊左望右望,口吻又好似去咗茶餐廳咁...只問飲咩湯,但餐牌跟本冇寫有咩湯選擇,落完餐湯又只問主菜要飯定意粉,仲要落完單就攞餐牌走人,真係好無奈,之後諗住如果好食就算啦,點知.....嗰碟白汁海鮮天使麵(sorry~全名唔記得係咩)係暖的又乾淨淨,個忌廉湯冇咩野,等咗好耐黎個脆皮蝦伴薯皮...原來是炸的,好像天婦羅似的,真係頂唔順問個女侍應為何餐牌冇寫係炸的,佢話:脆皮丫麻,咪係炸架囉,我同個朋友你眼望我眼,我真的幾乎想走人,但個朋友話算!!另外有個雪魚扒都冇咩野,食完最後收晒野同個朋友傾完計就叫埋單,突然朋友發覺個甜品冇黎過,問佢係咪有甜品佢先話一陣攞埋比你,甜品係一個忌廉士多啤梨撻,士多啤梨唔新鮮,食咗一半冇食,之後叫埋單時問佢hsbc咭係咪有九折?個男侍應話叫餐冇架..."散餐"就有!我問咩叫"散餐"?佢話即係散叫嗰d"散餐"!真係哭笑不得=.=我就在一頭霧水加一肚氣之下走人...點解會有d咁嘅服務?睇個環境同埋又係A-1都算

行過見到呢SET二人下午茶餐好過引，當時又有D 肚餓!就拉朋友一齊入去試試別看款式多多其實沒什麼料到，全都是超迷你版!排名不分前後:迷你吞拿魚三文治 - 真的很迷你，二啖KO...蟹籽碎蛋沙律多士 - 呢個幾特別個沙律，做得唔錯!茄汁香腸 - 沒什麼好說!只有二片的說...蜜桃青蘋果沙律 - 看上去的感覺好似食剩的一樣，沙律似水的稀!青蘋果超酸....自製西餅及果撻 - cream多多，很漏!果，就只有一小粒的士多啤利~日式煎餃子 - 餃子皮很厚，裡面的料也不多!!!烤雞肉串 - 烤得入味~越南豬肉春卷 - 外皮很脆!扎得結實~香脆芝麻魚柳 - 只好說一句不香也不脆雖然食得開心，但味道真的試過就算了!

一行3人, 晚上來到沙田, 但已好餓, 見呢間不用等, 姐姐又好落力推介, 門口的display 又像樣, 便坐下了.就叫晚餐 set 啦.有三文, 雞, ribs.湯先上, 一般啦, 都有d 菜食, 冇咩特別.反而果籃包就幾特別,有3款唔同的包包. 我食左個淋淋的, 幾鬆軟, 送湯不錯.d 主菜之後上, 塊三文都幾大塊, 煎得ok, 塊肉本身都不錯.大豬女友最鐘意食d 薯蓉ribs 要讚, 夠juicy, 肉靚, 多汁, 很好!size 都唔細架, 幾抵~雞方面, 有半隻, 夠份量;略為辣!肉也多汁, 唔乾, 夠晒入味, 香料好香.個小小的lasagna 也幾驚喜, 夠size 過口癮; 但因本身好漏, 食少少已夠,份量o岩o岩好.服務ok , 全無問題.3人食了唔洗300, 我覺得好抵噃

有些東西真的不可以亂試，其一就是在openrice上喊面數目多過笑既餐廳。見呢間未試過於是就試下，點了兩個下午茶餐，一個薯條金沙骨配沙律，一個煙肉菠菜汁意粉，兩個食物都好一般，當中薯條是淋的，菠菜汁意粉很淡口，而且汁太多，只有金沙骨較正常。最慘係服務，點菜的男服務員聽了要什麼就趕住走左，你都唔知佢有無聽錯，餐飲無黎向一位貌似較高級的服務員詢問，她很大聲咁「下?」，夠哂自然的回應，但唔應該出現係一間唔算低檔既西餐廳吧?最後連昆蟲都到來為這一餐錦上添花，畫上完美的喊面。

食物大致上無乜問題，唯一要提提係SET 餐+芝士焗生蠔釀美式薯皮, 要另加$18，份量極細，仲要得<一塊>如手心大，一點也不值。在這埋我要重點講下佢D 服務，我地一坐底落了order, 當所有餸菜都端上來，侍應問了一次要否落餐飲，友人已吩咐待會兒才點，隔了十分鐘，侍應又問一次，真係好煩，好似想拿拿聲上埋d 食物趕客走，我地當然斷然拒絕話陣間先。其次我哋食食下野，左右兩邊的食客都埋單走了，侍應把我左手邊既桌子搬出來，好讓空出位子來，把我們桌子私過一邊 (這樣佢咪可以把原本左右桌子合併以供四人食用囉)，重點係我地當時係進食中，這樣要求是極之不合理+不禮貌。果位女部長仲唔知醜話︰唔好意思，陣間送返d 甜品給我們，但係到我哋叫完餐飲，甜品還未到，要主動問果位部長先拎過來，好似我哋貪佢d 甜品咁，服務態度係完全負分。最令人氣憤的是當我埋單用信用卡簽賬，我先簽<銀行客戶存根>，之後(依舊是果位女部長)拎開張銀行底單，用手指篤另一張食物單<兩下>，以命令的口吻叫我簽名，除此之外，以兩指夾住我張信用卡+底單俾返我。我心諗你第一次出黎做侍應呀，做到部長級連

同fd去了新城市食飯，花多眼亂好亂，太多間唔知食咩好，最後見這間價錢比較合理，又想試下，所以就入左去啦！set dinner幾多選擇，有成10多20款，最後點了﹕法國蜘蛛蟹肉大蝦燴黑白天使麵日本蠔肉軟殼蟹菠菜扁意粉餐湯揀了紅椒忌廉湯，聽落已覺特別，白湯加入紅椒，原來真係幾得意，而且都幾好味，好似帶點辣，但又吃不出那點辣...不知如何形容~唔會好sticky，但口感都幾豐富~上主菜啦！法國蜘蛛蟹肉大蝦燴黑白天使麵，食唔出用了咩汁，但味道幾特別，都有4-5隻大蝦，爽口彈牙，天使麵唔會煮得過火，還有麵的質感與口感，正~碟頭唔細，好滿足！但其實幾油膩，碟底...見到勁多油...日本蠔肉軟殼蟹菠菜扁意粉，軟殼蟹幾脆，味道亦不錯，蠔就麻麻地，細細隻，但就感覺麻麻地新鮮啦，死實實咁...食落口有d唔想吞..最後都吞左....麵質同樣唔錯，汁都好creamy！仲有兩杯餐飲~同fd都揀左凍奶茶~一般西餐廳式的奶茶味，唔好咁大期望。加$10可以有甜品，加$18可以有頭盤~但太飽~唔加lu~埋單每人$90幾啦~唔平，但都覺得ok，只因食物味道唔錯~滿足！另外，此店幾開揚，環境舒適~又sell 有機材料~我都

新城市地下這個大型美食廣場有好多不同美食，但是這間就從未食過，所以就去試下啦午餐 x 2南瓜汁伴豚肉柳焗飯 跟沙律、餐湯餐包、飲品這個焗飯都OK，個醬汁幾好味道，但豚肉柳就普通了點，不是好腍滑，肉味亦較淡。沙律普通。餐湯話是南瓜湯，但點睇都不像樣。金菇牛肉卷伴磨菇飯 跟沙律、餐湯餐包、飲品金菇牛肉就一般，不見得特別好，但配上一個磨菇飯就不太單調，好過食白飯Summary:其實只可說是抵食，味道雖然不算差但就好普通，只試一次就夠。

朋友未食lunch, 陪左佢黎食tea叫左3個tea set(1) 香燒雞脾拼煙肉青蘋果沙律($42): 炸雞一麻, 青蘋果好酸, 煙肉完全見唔到(2) 公司三文治拼炸魚柳($43): ok, 拼埋少少炸薯同件炸魚柳(3) 磨菇厚多士拼炸魚條($38): 唔得~ pizza似忌廉湯焗包.. 等左成15分鐘..凍奶茶似奶水...

我和honey 報完團, 沒有 資料搜集, 打算 隨便找一間 餐廳 食 dinner.晚上 8pm新城市廣場一期 地下 的 餐廳內都差不多 坐滿人, 我們見到Parkview門口餐牌都幾吸引, set dinner多選擇, 價錢吾貴 ($70+ - $100+). 便入去試下啦~ 啱啱有位,唔洗等~我們 要了 2 個 set dinner:餐包x2: 共兩款麵包, 味道差不多, 吾暖, 無咩特別.餐湯x2: 一個 粟米湯, 一個忌簾湯, 兩個都 好難飲. 好似水+生粉 既 忌簾湯, 只有 好多蛋花 和 粟米 的 味精粟米湯…..我地覺得好難飲., 飲了一口便沒有再飲.主菜x2:串燒蔬菜拼魚柳 粟米薯容 ~ 吾知點形容, 總之係味道奇怪, 吾好味. 食物吾 熱, 只有碟是熱? 我們 懷疑是 用微波爐 叮出來的. 魚柳好油, 有雪味, 未有解凍…..我地覺得好難食, 又沒有食.軟殼蟹 煙肉 波菜長通粉~ 一般 la. 我覺得 味道可以接受, 但honey 都覺得 個sauce 係有 d 怪. 今餐 只有 這長通粉可以食完, 其他食物都太奇怪了.餐飲x2: 熱檸水 及 熱奶茶茶, 水, 奶

又一次覺得香港d餐廳服務質素欠佳......6:30 p.m.到,見到門口餐牌都幾吸引.....咪入去試下啦~餐廳內都坐滿人....但我地啱啱有位,唔洗等~叫左一個芝士蕃茄蜜桃焗豬扒飯.....份量小,豬扒得一小塊....味道普通,但唔知點解無蜜桃....不過就等左好耐先有得食~仲叫左個E餐,印度咖哩雞,仲加左$18要左頭盤焗生蠔釀美式薯皮.....生蠔很小~有d失望....咖哩雞份量ok...但飯很小.....一樣都係好耐先有得食~後尾加飯....只係白飯.....都等左好耐...催左兩次先上到~仲要收$15一個飯~侍應又無講比客人知加飯要幾錢.....餐包餐湯餐飲都無咩特別....但印象就真係差啦~咩都要等好耐先有~侍應人數不足~

行到有點累，快D揾間餐廳hea一hea先，見到呢度有tea set for 2，環境又OK，，就試一試啦。我哋一坐低就ordertea set for 2 ($85)，有雞翼、春卷、蝦多士、炸餃子、tuna 牛角包、蘋果沙律、蛋沙律包、粟米、Tiramisu 和 cream tart。雞翼 - 十分香脆，味道又好。春卷 - 淋淋哋，味道一般。蝦多士 - 都幾脆，但冇乜蝦又油膩。炸餃子 - 脆脆哋、OK啦。tuna 牛角包 -tuna就少咗D，味道都OK。蘋果沙律蛋沙律包 - 蛋沙律OK，但塊包十分韌，差D咬唔開。粟米- 牛油味重，甜甜哋，不錯喎。Tiramisu - 冇乜酒味，但幾creamy，OK喎。Cream tart - 仔仔話好味。最後嘅Coffee 也不錯

過幾天便是朋友生日,為了方便他,便選擇到沙田新城市. 到了新城市後,我們便考慮選擇到那一間食店,但新城市一期1樓,所有都要輪候,我們便揀選了幾間,最後就是這一間"Parkview"最快有枱,所以今晚我們三人一起到這間"Parkview"開餐和朋友預祝生日.當我們還未落order時,職員便送上三個包給我們,這一刻我便說,我們還未落order喎,職員很有禮貌回答說,客人坐落就會先送上包,你地可以一路食,一路慢慢諗食咩, 咦,服務態度不錯喎,值得加分!今晚,我們三人,每人也order了三個set dinner,set dinner裏,除了主菜外,還有是日餐湯及頭盆.餐湯不太刻意講,因今晚有不少食物及事情值得和大家share.首先,先講講頭盆,頭盆有三個,我們三人,三個也選擇了. 今晚的頭盆有1) 芝士焗生蠔釀美式薯皮本人很喜歡食芝士,所以一看到有芝士,也很期待是重芝士的,結果真的,濃厚芝士裏被厚厚的薯皮包起裏加上已熟的甜美生蠔,超正,真的想再order一客,但打後還有很多美味的美食,所以只唯有忍口,不給自己再落order.2) 紫蘇炸雞配泰國青檸檬汁幸好雞不是炸得很熱氣,所以可以馬上食. 小

今晚本來去BBQ既我地...因為唔想去咁遠...就黎左沙田新城市打算食据扖...睇左好耐...老公同我最後決定黎呢間PARKVIEW度食...入黎之前我地2個係門口睇左2次餐牌...門口果個侍應D SEVICE都唔錯...好好禮貌咁介紹我地食咩"入到去...見到個MEAN都唔算好多野食...想食意粉,但成個MEAN裡面得幾個...最後都係叫左2個牛扖SET DINNER.初初黎果2塊就真係差左D之後我地一人一個湯.(洋蔥湯同周打魚湯`)個洋蔥湯就真係好好好香不過周打魚湯就麻麻...淡左D啦.<蒜蓉汁>美國牛眼扖 + 頭盤既生蠔焗薯($128+$18) <<--我老公叫<黑椒汁>美國安格斯西冷牛扖($128) <<---我叫左整體黎講都OK...不過D汁咸左少少...蓋過左肉汁味. <<--黑椒汁但美國牛眼扖OK有機會都會再黎試...

好趕的要食個午餐, 和大豬女友來了一期;見不用等, 正呀, 衝入去, 食左先講!都係食set lunch 快, 一個豬肉磨菇意粉, 另一個燒牛肉沙律+紙米卷.跟餐仲有個湯, 沙律仔, 包;叫了什菜湯, 幾水; 點包尚算ok.湯中有幾片切到好薄的雞肉腸, 幾騎呢...沙律正常, 幾爽.燒牛肉沙律先上, 咦, 係凍既?係噃, 係個沙律o黎.... 一時忘了....燒牛肉都有幾塊, 雖不太多, 但都夠食.連個蕃茄食, 又幾得意~牛肉d肉質不錯.紙米卷點d 醋, 幾酸, 又幾好食.豬肉磨菇意粉, d豬肉係切到好薄, 肉少許肥; 似薄薄的豬頸肉;但跟d磨菇汁撈意粉又很配合, 好快食晒了.好快的飲埋個飲品, 閃~服務正常.回家看到喊多過笑, 嘩... 但其實服務, 價格, 食物質素都唔係咁差啫.... 起碼午餐set lunch 都ok!