PAUL LAFAYET

营业中

休息中

同事離職，散水餅竟然係Paul lafayet嘅cake，我好好彩地分到個creme brulee🤩creme brulee質地偏軟身，非常滑，見到入面有一粒粒嘅雲呢拿籽，面頭嘅焦糖厚度啱啱好，燒到脆卜卜，連埋下面嘅蛋布丁一齊食甜度啱啱好☺️ 不過佢個盤好厚，creme brulee嘅份量比我想像中少，有少少唔夠食🥲有少少可惜嘅係我食果陣已經攤熱咗，如果即買即食的話應該可以食到凍布丁加暖焦糖，下次一定要去堂食！

第一次訂呢間生日蛋糕，睇完食評，有彈有讚，都怕會太甜。穩陣起見，都係訂個細試下。款式選擇太多，心大心細最後都係選擇左招牌蛋糕-Creme Brûlée cake ，因為見譜語都唔錯，而且Paul Lafayet出名食creme brûlée ，應該都唔會太差。因為唔想行兩次，所以online落單，觀塘店取，都幾方便。加左$20要生日牌，可以寫30個字母。個袋同蛋糕盒都好靚，好鍾意支金色蠟燭。個蛋糕雖然得半磅，但都夠四個人食。味道唔會過甜，有淡淡焦糖味，cream的部分都幾滑幼，不過底部蛋糕有少少乾。總括來說很滿意，價錢略貴但可以接受，下次再有生日慶祝會試下其他口味。

Paul Lafayet好出名焦糖燉蛋! 見好耐冇食過就買個食下~~ 買完之後店員即場係燉蛋灑上蔗糖, 再用火槍燒到焦糖金色, 望見就覺得好吸引! 另外,店員仲有提點記得半個鐘內要食, 如果唔係上層既焦糖會溶晒影響口感, 所以買完急急腳番番屋企食第一淡會有少少脆卜卜既口感, 係面頭個層好香甜既焦糖, 佢既燉蛋好香好滑, 雲呢拿味好真, 食到底層仲會見到雲呢拿子係度食完之後當然會留番個咁精緻既陶瓷容器啦, 用佢黎再整甜品就岩晒喇!

之前機緣巧合底下，我屋企人攞到優惠券竟然可以俾機會我試到全系列嘅Artisanal Pastries 系列蛋糕！有個咁好嘅機會當然要影吓相啦~ 外貌精緻唔使講，每個唔同口味都有好襯佢嘅小裝飾, 例如有Paul Lafayet 最拿手嘅馬卡龍~ 一睇就知道係來自邊到嘅蛋糕啦~ 打卡friendly(*ﾟ∀ﾟ*) Food /Dessert : 📸📸📸📸.5 /5 盡量由左至右講( ^ω^ )Chocolate Craquelin 最左邊嘅長條型朱古力蛋糕，有好濃郁嘅朱古力夾心，比起蛋糕更加覺得似係一舊朱古力🤣 朱古力迷唔好錯過呀！ Creme Brûlée Cake 以佢哋最出名嘅creme brûlée 為基礎嘅蛋糕，上半層係慕絲，下半層係海綿蛋糕~ 成個口感比較light 啲~ 不過相對上其實雲呢拿味就比較重，唔係好食得出creme brûlée 嘅味道~ Tiramisu (推薦！) 咖啡味好濃好香，入面嘅餅浸滿咖啡嘅精華，非常creamy嘅口感, 加埋少少苦味嘅可可粉，好傳統嘅Tiramisu~ 少數冇咩甜味但係我都覺得好好食嘅Tiramisu~ Royal Chocolate

朋友過年前送左張換領卷，話呢間既焦糖燉蛋超級正咁岩過apm行街，即刻換黎同朋友一齊試吓職員即場用火槍燒至表面有微焦薄脆一入口surprise到我，係超級無級霹靂香濃幼滑，蛋味十級濃，超高質既甜品！Must try！

#Paul Lafayet經常路過都會被他們家的馬卡龍吸引着這次來試試他們的小甜品🍮-▪️ #伯爵紅茶芝士蛋糕 HKD$50純白的外表加上乾花點綴頂上還有一粒迷你馬卡龍😚顏值很高的小蛋糕🍰入口很香伯爵紅茶味🧀芝士味比較輕一點 口感像慕絲很軟少許的餅底中和了甜膩感迷你馬卡龍外脆內軟 有著很香的杏仁味☺️-▪️ #意大利芝士蛋糕 HKD$50咖啡的味道很香濃☕️跟芝士的比例我覺得剛好入口非常細滑很Creamy😋很喜歡他帶有一點點咖啡的苦味 不會甜只是手指餅的比例少一點-(各項滿分為5分)餐飲分數: 🌕🌕🌕🌕🌑環境分數: 🌕🌕🌕🌗🌑服務分數: 🌕🌕🌕🌕🌑價錢分數: 🌕🌕🌕🌑🌑回頭分數: 🌕🌕🌕🌗🌑-Paul Lafayet (觀塘)🍴觀塘觀塘道418號創紀之城五期(apm) 2樓12號舖📞 3148 1498🕐 10:30-23:00

眨吓眼又就嚟有假放喇🤩 今年農曆新年會少啲周圍去，一於喺屋企都感受吓新年氣氛，今年陪我嘅係Paul Lafayet嘅金牛迎春禮盒 2021🐂個禮盒超吸睛，唔係一般成個紅噹噹咁，用上金黃色配搭，啲用色成個皇帝咁款🤣 六角型仲好有設計感𠻹！打開禮盒，打頭陣嘅係mix咗cookie同macaron嘅✨Cookirons✨ 超！好！食！ 一路影相一路已經聞到好香，底層嘅朱古力曲奇比起純macaron更香脆，口感更加有層次！中間嘅馬達加斯加雲呢拿忌廉好綿滑，個甜味令人念念不忘🤤第二層有法國🇫🇷嘅糖果，分別有Weiss 精選朱古力、牛奶榛子朱古力、開心果杏仁鳥結糖，total有36件，三三不盡、六六無窮，好意頭🤣🤣Last嗰層係好有收藏價值嘅别注版金牛陶瓷碟，禮盒仲附上底托，方便大家拎嚟display☺️每個禮盒$688，31/1前選購，仲有得早買平兩舊，$488 就搞掂！每個禮盒仲附上限量版利是封一套十個，送完即止～如果你鍾意睇我嘅食評，不妨關注我，支持吓我，謝謝你☺️💕

留意左哩間甜品店好耐，知道佢既焦糖燉蛋一直都好出名，不過要$50一個，性價比唔係好高。點知佢前排出左買一送一既優惠卷，計落焦糖燉蛋只係$25一個，成件事即刻抵返曬，於是即刻買返幾張，換左一張黎試。🍮🍮🍮哩個焦糖燉蛋最特別既地方係你買左之後，店員先會整表面個層焦糖，店員係凍櫃到拎左個燉蛋出黎之後，會係燉蛋上面加上砂糖，之後再用火槍燒一燒，完美既焦糖面就出現啦！焦糖面一敲就碎，唔會好難「不」，而且唔似坊間既焦糖咁甜，甜度適中。燉蛋蛋味香，質地相當幼滑，而且有淡淡既雲呢拿香味，同焦糖配搭埋一齊食，口感豐富，真係好好食😋甜品控一定鐘意❤️建議大家留意一下幾時有優惠咁就更加划算啦！

前幾日經過呢間店舖，見到佢啲蛋糕幾靚，而且又臨近聖誕，所以買咗兩件聖誕節款既蛋糕仔。原本以為幾好食，但一試咗第一啖，我就覺得甜到一個點... 等我介紹一下...Yuzu Mango Cake 望落個樣幾靚，特別係出面黃色部分。誰不知最甜既部分就係呢一part...呢個蛋糕係有好濃郁既柚子味，不過就好少芒果味，有啲令人失望。入面有啲 cream cheese, 海綿蛋糕同埋芒果柚子mousse，個人認為cream cheese係不錯的，可惜既係太甜。如果呢個蛋糕冇咁甜，會好食好多。Raspberry Cake呢個蛋糕好match 聖誕🎄，同埋本身自己都鐘意食raspberry。一樣，食落第一啖都一樣係咁甜。出面啲mousse甜之餘，口感都麻麻地。雖然佢入面有啲酸酸地既jam, 不過由於佢實在太甜，所以都冇太大改變。原本都幾期待呢個蛋糕，但係真係實在太甜...

店舖小小，店內大部分地方都用作放甜品的凍櫃。可外帶亦可坐下吃，其旁邊就有2張小圓枱可作堂食之用。櫃中有很多款式的甜品，有馬卡龍，各式蛋糕等其中此店的成名之作，亦是熱賣的當然是法式焦糖燉蛋，每個法式焦糖燉蛋都精心用小圓瓷砵盛住，需冷藏，是凍吃的。當你購買後，員工才會即場在燉蛋面層灑上糖及用火槍令其糖焦化，形成薄薄一層脆卜卜的焦糖薄脆。和軟滑的燉蛋一起吃，滑中帶爽脆，且燉蛋本身不太甜，所以多了焦糖碎混和吃，糖度剛好。招牌甜品品質不變。

Creme Brulee法式焦糖烤布蕾 HKD50 必食!!!勁香滑嘅焦糖燉蛋店員會在燉蛋上加糖～然後用火槍燒約20s 形成焦糖脆皮！！好脆嘅焦糖！而燉蛋係非常香 非常軟滑～蛋味極濃～非常推介！真的好好吃 超推薦

Paul Lafayet嘅creme brulee🍮真係好好味😭！個燉蛋超creamy，加上薄薄嘅焦糖😋，簡直係絕配🌟！外賣返屋企嘅話，仲可以拎走埋個兜💜🤩。可惜佢真係幾貴🥺。

好好味！朱古力堅特濃！我買咗四舊特濃朱古力，五十蚊一舊，全部加埋二百蚊，無優惠coupon之類，送了一粒馬卡龍，我選了桂花味。果舊特濃朱古力，真係好足料好結實！好好味！喜歡吃甜野的人會特別啱食！佢足料唔似得其他地方d蛋糕輕飄飄淋芝芝，而係一舊結實的朱古力蛋糕！而且個蛋糕下面塊托個底有少少似擦膠質地，啜住個盒，我遙遠搭地鐵回家也不會使蛋糕訓底倒下，呢個設計好好！至於送果粒馬卡龍，桂花味，味道十分人工，可能我本身又麻麻馬卡龍，不過送嘅就算啦，當試吓囉。

阿妹前排中左奬，有得拎兩個焦糖燉蛋，平時都知Paul lafayat有法式焦糖燉蛋好出名，不過平時嫌貴唔捨得試，今次終於有機會試到啦去到店員即整，話最好半個鐘內食，不過我返到屋企已經夜晚8-9點，媽媽一早幫我雪左落雪櫃；又真係幾好食，不過雪完之後表面既脆脆冇左 

之前買咗啲coupon，見就快到期，今日去開觀塘，就去apm諗住用埋最後一張券啦！嚟到店員竟然話俾我知creme brûlée 要預訂先有好好彩店員見到我失望嘅樣子，就問我係咪只係要一個，然後就將佢碩果僅存嘅燉蛋俾埋我，當堂開心返晒其實我今次都係第一次親眼睇到店員即整焦糖面嘅場面，佢哋嘅糖好特別，我估係法式brown sugar之類，店員用火槍慢慢將面層薄薄嘅糖燒成脆糖，就大功告成喇！平時我都係買外賣返屋企食，今次係第一次堂食，原來完全係兩回事，即刻食嘅脆糖面就好似一塊薄薄嘅玻璃一樣，面層少少暖，下層凍凍哋，雖然甜咗啲啲，不過真係好好食下次再有promotion的話一定要再買過！