Plato Cafe & Bistro (吳松街)

之前喺網上見到呢間餐廳，想嚟食好耐，今次終於同朋友一齊嚟食晚飯。餐廳位置近佐敦C2出口，方便易搵，店內座位寬鬆，相當適合朋友聚會傾偈。今日同朋友兩個人嚟，餐牌有提供二人餐，平嗰款$498加一，係一個飯或者意粉，配一個扒。貴嗰款$546加一，就可以揀兩個扒。今日唔想食咁多肉就揀左平嗰款。套餐包咗餐湯，小食可以揀沙律、魷魚鬚、黑松露芝士薯條，主菜就可以喺扁意大利粉同埋意大利飯二選一，然後再喺豬鞍、肉眼扒同燒春雞三揀一，最後再配咗甜品同埋餐飲。小食我哋揀咗黑松露芝士薯條，薯條炸得好脆，每一條都沾滿黑松露，配搭芝士醬食，味道好夾。主菜我哋揀咗龍蝦汁虎蝦意大利飯同肉眼扒，意大利飯個龍蝦汁味道好出，好香嘅蝦味，虎蝦有切開處理，好容易就食到唔使落手，意大利飯乾濕程度啱啱好，入面仲有菇菌同蘆筍，整體口感好好。肉眼扒生熟控制得好好，切開係粉紅色，再配有焗薯，兩個人食絕對夠飽。最後仲有兩件芝士蛋糕，好好食！

我同好多人一樣都好鍾意去cafe,但一般只可以係星期六日先去，原因喺平日我收工，佢哋都係一樣收左鋪。香港人通常就係朝早係咁飲咖啡，驚死自己會訓著，夜晚好少飲咖啡，怕自己會訓唔著。難得俾我偶遇一間夜晚都會開cafe。 🍖 由於係晚餐時間，點都要先叫野食先。我要左肉眼扒。肉嘅份量相當大，當然抵食，但係不得不提嘅係蔬菜份量亦都相當豐富。翠玉瓜，車厘茄，仲有大大個焗薯。牛扒叫左五成熟，煎得啱啱好，煎完之後，上枱之前應該有足夠時間去rest 塊牛扒，所以切開嘅時候，就保持裡邊鮮嫩紅潤，但係有冇太多血水滲出黎。我最欣賞係佢地既調味，牛扒用少少鹽帶出肉香，同埋牛味，可以食到最原始嘅味道，gravy另外上，由客人自己作主睇下加唔加。同樣道理，蔬菜夠新鮮，所以都冇做太多嘅調味，比如焗薯上面有d忌廉同煙肉，但係唔過多。咁樣就可以令我專心食到薯仔嘅味道同口感。呢種處理方法，感覺係既健康，又食到最原始風味。 🍺食牛扒飲紅酒是常識吧。呢度有齊紅白酒，而且有唔同種類。但係我本身呢度就係為左夜晚飲咖啡，所以冇叫到酒。但最終我睇完餐牌竟然叫左薄荷朱古力奶昔。夜晚飲邪惡既奶昔，一邊內疚，一邊暗喜。奶昔嘅味道唔喺死甜，但

Plato Cafe (2/12/2023)今天是假期和朋友到佐敦一帶行街和吃晚餐。 朋友提議吃西餐，仲話附近有一間出名好食的西式餐廳，名Plato Cafe & Bistro！ 它在佐敦吳松街186-188號舖。門面以落地玻璃的設計，光猛又美觀！ 內裏裝修簡約，以西式為主調，給人一種很舒服的感覺。枱椅的擺設整齊，地方寬敞，坐得舒適！餐牌上的食物有很多選擇，我們點了精選二人套餐：前菜+是日餐湯+主菜+意大利飯+甜品+飲品前菜：煙三文魚凱撒沙律三文魚的煙熏味好香濃，和凱撒沙拉汁好夾，沙律菜很新鮮又爽口。還有烤牛油麵包粒和脆煙肉碎，口感豐富！餐湯：蕃茄忌廉湯蕃茄味濃，忌廉軟滑，還加咗脆煙肉碎，好好味！龍蝦汁虎蝦意大利飯鮮味的龍蝦汁配上兩隻新鮮又大隻的虎蝦意大利飯。 蝦肉超爽甜，意大利飯與龍蝦湯汁煮得剛剛好，超正！主菜：美國安格斯肉眼牛扒 (5成熟）肉眼扒的脂肪分配比例好，有牛肉的香味，肉質鮮嫩多汁又有咬口。配上蛋黃醬的焗薯、翠玉瓜和車厘茄，真的太好吃啦！甜品：日式芝士蛋糕濃郁的芝士味，軟滑的蛋糕。真的好滋味！飲品：美式咖啡和冰果茶咖啡香濃帶微酸，好喝！ 冰果茶有鮮果和薄荷葉，很清新怡人！這

Plato Cafe & Bistro (吳松街)地址: 佐敦吳松街186-188號地舖電話:=====================套餐通常都是唔洗煩懶人之choice ,而價盒又會比散點每個item 加總後平。$498 必推之作 2人套餐，小情侶或兩口子來首選前菜要了salad ,仲有湯添澱粉質架美食有意粉或意大利飯risotto 要了虎蝦龍蝦汁意大利飯。龍蝦汁滲入米飯中，使每粒米都沾了芳香，味道甘香。主菜牛豬雞中要了西班牙豬鞍，豬鞍很實在大件，厚身個口感更實在，同埋都醃得好修味，配菜除了令擺盤更好看，也是考慮到益養的。甜品及飲料 ，點了兩杯熱coffee 一杯加奶！

佐敦西餐廳，因為都係方便，所以提早預約，星期日食晚餐，但其實入到店內，唔算好多人。。今次有帶小朋友👧🏻食西餐，叫咗兩個二人餐，另外都係住餐牌，試咗心太軟，朱古力咖啡，其實味道好一般。價錢中等。其實入到去環境都不錯，服務也不錯。叫咗兩個Pizza🍕🍟🍟🍕，一個意粉，一個意大利飯🍝🥓🥩同埋肉眼扒，上餐唔算耐。我覺得最好味係個芝士切餅。普通西餐質素。但沒有好評說得那麼好吃，未必會食下一次。

以前呢間餐廳在油麻地上樓店，搬左嚟佐敦地鋪，地點方便，環境比以前更舒適。睇完Menu 選了2份晚餐，一個西班牙海鮮飯及露絲瑪利香草燒羊架, 飲品點了青檸梳打熱柚子茶。蘑菇湯香滑好飲～2杯飲品青檸梳打及熱柚子茶亦很不錯。西班牙海鮮飯， 海鮮用料好豐富，有蝦，魷魚，青口及帶子。海鮮焗到微焦，汁飯比例剛剛好，食落醬汁夠濃又粒粒分明。露絲瑪利香草燒羊架-7成熟，上枱時有個疑問🤔️點解無汁嘅？食落終於明白，因為醃料好香好夠味，完全唔需要靠醬汁去配搭。羊架有3大支，肉質嫩滑，切開7成熟剛剛好。焗薯亦非常軟棉，醬汁配搭很不錯。食完覺得未夠喉，想試埋甜品，本來想食竹炭麻糬，可惜已經賣晒，唯有改食芒果牛角窩夫配雪糕，但呢個一d都唔失望。2大塊牛角窩夫有唔同口味，一塊鋪滿芒果，另一塊鋪滿糖漿+脆脆，口感好得意。

今日去咗這間Plato Cafe & Bistro 位於佐敦吳松街、整間店面好有別的風格🤔、同時係以木系為裝置及木系桌椅、以柔和色調坐著感覺都唔錯!.精選二人套餐 $498.前菜天婦羅魷魚鬚整款天婦羅魷魚鬚望見都幾好🤔、用咗金光閃閃器皿盛載夠哂吸引、魷魚鬚甘香酥脆入口煙韌味道美味😋!.餐湯煙肉薯仔呢款餐湯奶白色色澤、入口濃濃滑口味道美味、飲到煙肉粒粒口感、整碗嚟講都幾好!.北海道帶子松露野菌扁意粉 呢一碟松露野菌扁意粉望見都好想食🤤、整碟扁意粉色香味都有😙、意粉上面放咗3隻北海道帶子😲、帶子煎至甘香肉質鮮嫩、配埋扁意粉軟硬適口中掛滿醬汁及黑松露、令到入口充滿黑松露味道😋更加正!.西班牙黑毛豬鞍呢一款黑毛豬鞍整份有焗薯、翠玉瓜都好豐富、整件黑毛豬鞍都睇得吓🤔、散發香噴噴😚香煎味厚度十足、肉質豐富汁液又夠腍嫩😋味道惹味、沾吓店家自製醬汁又另一種味道、配埋焗薯上面加添咗酸忌廉味道特別又好食!.甜品 呢一件日式芝士蛋糕餐後食番件真的幾好😚、細細件入口啖啖芝士口感軟綿😋、帶點凍口感濃濃芝士香味!.熱奶茶 /冰果茶呢兩杯餐飲品望見都幾好、熱奶茶有傳統風味🤔、係用茶包茶味都過得去加添花奶都幾好、冰果

今日和朋友去佐敦行街，行到很攰，不知不覺就肚餓，朋友話附近有間不錯的餐廳帶我去試一試。試過真的很不錯。Parma Ham意大利巴馬火腿伴哈蜜瓜，火腿鹹，蜜瓜甜，薄薄的生火腿包住哈密瓜，一口一啖，入口火腿鹹香，哈密瓜新鮮香甜，淡淡的鮮果香，中和了火腿的鹹香味，入口味道十分夾，伴菜是新鮮沙律菜，加了沙律汁的沙律菜好好味，新鮮爽脆。蜜糖燒豬手，豬手表面燒到金黃色，而且脆卜卜，豬手入口外層卜卜脆，肉質細嫩，又脆又煙靭又唔乾身，爆脆肉香，蜜糖清甜，大大隻燒豬手，份量十足，食完燒豬手非常滿足。燒羊架，我點了七成熟，羊架燒得剛剛好，切開粉紅色的肉並不過火，切開而且肉汁滲透出來，入口羊肉嫩滑而且薄薄的羊脂甘香，沒有羶味，食材一流，沒有過多的花巧，好好食。芒果沙冰，選用新鮮芒果製作，淡淡的奶香和濃濃的芒果味，食一口透心涼，甜度適中，真不錯。百香果菠蘿乳酪，飲一口很香的百香果味，加上菠蘿的酸甜，和乳酪的香滑，原來是這麼夾的，我很喜歡。

LAB EAT Restaurant & Bar 尖沙咀金巴利道87-89號僑豐大廈地下1-2號舖，由港鐵佐敦站D出口 步行約8分鐘 (ST. Mary’s Canossian School旁邊)店內環境優雅舒適，坐位寛濶，空間感充足, 有多處打咭^^ 最要讚的係，店員親切和服務態度!海鮮生蠔及澳洲和牛優惠套餐 法國新鮮生蠔,入口清新自然, 進入海洋世界感覺法式香草牛油焗田螺,肥肥田螺香草味濃郁配薯蓉入口滿足吞拿魚拖羅蓉及鮭魚子, 非常特別配入, 感到入口鮮美新鮮海魚蕃茄濃湯, 蕃茄溶入海魚成湯送入口濃味開胃西班牙海鮮飯, 帶子和青口再加份量合到好處海鮮飯, 食後唸唸不忘澳洲M5和牛西冷, 和牛西冷肉質嫩滑,入口香煙,非常有口感 手工甜品創作料理, 美麗構思,帶出甜品另人無法抗拒飲品,一柸粉紅色Cosmopolitan 享受餐後滿足

🌟Plato Cafe & Bistro🌟放工同朋友出街搵食🤤見到間餐廳門口幾靚，就入去試吓✨✨見佢啲晚餐都唔算好貴，仲要送餐湯同飲品☺️!!餐湯琴日係南瓜湯，南瓜湯打得好細膩，完全見唔到粒~仲好有南瓜味~軟殼蟹忌廉意大利飯🦀軟殼蟹外層嘅粉漿薄身~令軟殼蟹唔會成口粉~非常脆!!!忌廉意大利飯份量唔少~忌廉汁好CREAMY~同時間唔會好膩!!澳洲肉眼牛扒🥩🥩澳洲肉眼牛扒我地叫咗7成，切開嘅時候~見到D肉汁湧出黎!超JUICY~配料有翠肉瓜同焗薯，翠肉瓜份量好多!!焗薯配埋沙律醬食!超好味~芒果乳酪,百香果菠蘿乳酪本來擔心乳酪會好甜，但飲完先發現甜度適中，完成無過甜情況!!非常值得一試!🤩🤩🤩

南瓜餐湯飲落都仲有啲南瓜蓉 好真材實料🎃 前菜揀左青口 口味偏中式 但蒜香味濃👍🏻 主菜多選擇 我地揀左肉眼牛扒同豬手 牛扒肉味濃郁又juicy🤤 點埋汁食就更濃味 配菜都唔馬虎 焗薯加上沙律醬同煙肉碎 食落好夾口感豐富😋 另一個主菜豬手 一上碟好驚訝 因為份量好澎湃！帶有蜜糖甜香嘅豬皮 食落唔會太肥膩 加埋啖啖肉 非常滿足🤤🤤 仲有酸蘿蔔可以解下飽滯感🤭 薯條炸得夠香脆👍🏻 烤過嘅翠肉瓜同車厘茄都好juicy😆 作結嘅芝士蛋糕都唔錯 食完都唔會覺得好滯～🔸蒜片白酒欖酒紐西蘭青口🔸蜜糖燒豬手🔸美國安格斯肉眼牛扒(五成熟)🔸芝士蛋糕🔸冰果茶、凍蜂蜜柚子茶

這間餐廳收到 貴公司的通知後，於11月23日才更改本人10月27日的出席人數為四人，現在才肯跟進有何用，應可以順利獲得20分積分，但他們的不重視態度，令我只可獲10分，仲要等一個月才更改人數，此動作有何用，無奈，驚訝

餐湯 南瓜忌廉湯好creamy 同好香南瓜味😋餐湯嚟講幾暖胃西班牙黑毛豬鞍$238肉質幾淋 juicy 好食！ 但個人唔太鍾意個香草汁 就咁食個肉汁都夠味😎因為有薯仔 所以食落都幾飽肚🤩呢個價錢食到高質嘅豬鞍幾抵👍🏻鮮茄煙肉三文魚意大利雲吞$138茄汁味好出 同埋酸甜度啱啱好 份量都好足 😝炸軟殼蟹忌廉意大利飯 $148賣相好可愛🤣🤣份量好大 個飯自己一個食應該會太膩 但同友人share 就啱啱好 但嫌個軟殼蟹唔夠脆😗😗總結都係間好食嘅舖 同服務員嘅態度好好👍🏻

之前喺油麻地食過覺得性價比幾好，搬咗去佐敦之後第一次嚟幫襯～入到去環境好，空間感十足，啲staff態度幾好，風格同舊址相近。兩個二人餐好吸引，決定叫精選二人餐HKD498😙餐湯係粟米忌廉湯，仲有啲蔬菜，平時餐湯都係暖暖的，呢碗係熱辣辣的，好好飲～前菜就揀咗個黑松露薯條，仲配埋芝士醬茄醬，幼薯條好脆好好食😋到主菜登場，我哋就叫咗個北海道帶子松露野菌扁意粉，幾個帶子煎得好靚，個汁非常之濃郁！👏🏻睇到人哋胃口大開，仲有大大片蘑菇一齊食，值得推介👍🏻美國安格斯肉眼牛扒，一拎上嚟真係有驚喜，成半嗰碟咁大🤤我哋叫咗七成熟，避免太過生！ 食落發現真係好正👍🏻七成都有肉汁而且啲肉好香，仲配咗個芝士薯蓉🥔一杯焙茶鮮奶，一杯芒果乳酪，完美嘅晚餐🥣芒果乳酪較為好飲😺值得encore嘅餐廳🥰

今日喺佐敦上完堂之後，想食吓啲西式嘢，見到呢一間非常之就腳，所以就決定試吓。由於同埋朋友，費事諗，所以叫一個二人套餐。見到Menu上面好特別，小食是天婦羅魷魚酥，所以叫嚟試吓，睇吓同中式平時食開嘅有乜分別。小食魷魚鬚非常之多，配上沙律醬，裏面煙韌，外面香脆。餐湯是粟米白湯，仲有蟹柳絲，非常知足料。呢度啲煮食非常之大碟，二人餐基本上夠三個女仔食，帶子意粉很香松露味，醬汁濃郁豐富。帶子入口即溶，喜歡剛剛燒香了，帶子上下兩面都是金黃色的。牛扒超級大塊，最鍾意食焗薯，仲有不少蔬菜，牛扒叫了五成熟剛剛好，配埋gravy，一啖接一啖。橙色的蕃茄仔亦都非常之甜。水果冰茶有很多水果，非常之新鮮。芝士蛋糕不會太甜，很香芝士味。