Private K (已搬遷) 新店位置

其實之前都寫過多次，觀塘工廈區搵嘢食真喺越嚟越方便，適合工作繁忙嘅觀塘人！今日難得得閒，又約到靚女朋友一齊食飯，所以要搵舒適嘅地方好好閒過一吓 Lunch時間！經食友介紹之下，搵到依間特色私房菜！依到環境裝潢簡單整潔，充滿屋企感覺！有長長嘅 sofu 同特大電視，提供俾夜晚包場嘅客人作唱K或打機之用！而門口同牆上都掛滿藝術油畫，可見老闆非常有藝術細胞！（最少我冇囉！）原來依到嘅老闆由外國返嚟！雖然冇正式學過廚，但由於外國生活多年，凡事都要自給自足，為咗要照顧好自己日常三餐，同唔同國家嘅朋友交換煮嘢食嘅心德同學問，慢慢精通哂中英日泰多種菜式，對烹飪有獨特嘅見解同深入嘅認識！講返正題先，原來依到嘅lunch 可以俾客人自由選擇配答！近來鐘意食日本料理嘅我，叫咗《熊本和牛粒配日式富士蘋果咖哩》跟飯！依個和牛粒真喺幾好食，入口即熔，都好有牛味！個咖哩汁都跟足日式咖哩做法，比較甜身同香！喺白飯加上香草，特別吸引！我靚女朋友鐘意食西餐，又要健康，所以叫咗《煙三文魚配鮮菠菜汁》跟長通粉！其實第一眼望落去，我以為喺三文魚沙津，因為實在太多菠菜汁！但睇清楚喺長通粉！賣相精緻唔在講，但味道方面真喺好好食！

秘書小姐今天話我知觀塘區竟然臥虎藏龍的有間特別的私房菜開了半年，我真的很興奮，二話不說的跑上去吃午餐，因為要見客的關係，肚子開始打鼓了，所以希望找一間舒舒服服坐一下，豪嘆一個好的午餐，當獎勵自己見客成功!Private K 在駱駝漆大厦十一樓的當眼處，我到的時間己是二時正！門口的裝修特別時尚亮麗，面積大約有一千五百呎！最特別之處中間竟然有一個大電視，而廚房是開房式的，中央有很大的長桌可以讓十個人坐下來，不到一分鍾，老闆竟然親自地走到招呼我，更好客的是和我聊天，大家都是海外留學果然特別投緣！他熱列地說皇牌是最好的是德國腸煙肉意粉，加上今天的南瓜湯會是完美的配搭！果然秘書小姐没錯，德國腸煙肉意粉熱辣辣地送上，兩條很大的香腸真的很香和很脆，我咬下去真的肉汁美味，伴上白汁的煙肉，真的很配！白汁是自家制的，和外面的很不一樣，意粉爽口彈牙，不到二十分鍾，我己完全吃完了，感覺真的很有誠意創作！最重要的是環境舒服，我坐了一個半小時用notebook把contract 完成了，我下次一定要請我的team members在這裏嘗嘗不一樣的自家製的醬汁意粉！

今日過觀塘training, 呢度之前剛開lunch時來過一遍覺得幾好就帶D同事黎食. 見到佢menu轉左, 而家lunch主要係serve pasta 或飯, 無左salad.因為好想食salad.. 就問下Chef Kiefer menu係咪無左salad, 佢話係不過都可以做比我因為佢咁啱有食材. 好surprised 亦都好開心, 想食就有得食even menu上面無hoho.原本就咁食個salad都無唸過要寫openrice, 所以一開始都無映相. 不過食食下覺得好好食都係想寫下 =P呢個煙三文魚沙律除左夠大兜, 多煙三文魚(有4大塊)同d菜新鮮爽脆之外, 個醬真係做得非常出色. 沙律上有黑醋, 黑醋比較”傑”身, 食落似係靚野. 另外個醬食落口酸酸地又令人好想繼續食, 但係我同同事都食唔出係咩醬. 一問之下先知原來個醬係用左日本鰹魚汁做. 菜上面還有脆脆的炸蒜蓉, 食哂成兜菜都唔會覺得齋, 絕對是誠意之作.

得知Private K已經開設午餐, 價錢仲由HK$ 78起, 於是在第一天假期就馬上打電話去仆咗6位試試, 當然, 今次冇上一次咁好食 (上次係每位HK$ 280, 今次只係平均HK$ 90/位, 點同) 但年輕的厨師 Kiefer 就在食材上作出了不同, 比如蟲草花 (這並非我們在商店裏買到的, 因為好有 texture) 及西班牙白菜 (表面真係睇唔出, 但比一般白菜大同爽口) 對於一般喜愛吃素多於肉的我, 真係又帶來另一種驚喜相反, 阿囡就好喜愛厨師的南瓜湯, 我上次試過真係好好味, 所以今次我轉咗改飲佢地即場炮製咖啡, 一飲第一口我就後悔, 咖啡又點可以同南瓜湯比? 我下次會飲番南瓜湯整體而言, 冇令我失望, 雖然冇上次食280蚊個種驚喜, 但以90蚊價錢在外面肯定食唔到咁樣的食材, 極力推薦.

今年朋友仔生日想食啲特別啲既野，平時都係食放題或者燒野食多，行行下觀塘工業區搵平野竟然搵到呢間私房菜，入去問左啲資料就集合朋友們既意見，雖然價錢比起放題會貴，不過大家都覺得可以一試。訂位嗰陣廚師問左好多野，包括我地想食乜同有咩係唔食，總括呢講，所有今次食既每一碟材料都好新鮮，大家都好滿意。

"Private K"這兩個字...有猜到是甚麼嗎？看著這張照片，有猜到這是甚麼地方嗎？還有梳化跟電腦的丫~!!電視機~??開估啦，其實這是一家餐廳啦~沒錯喔，又是Lunch工廈美食團的必到之地。這是位於駱駝漆大廈的私房菜。餐廳的佈局是很悠閒的~整家餐廳佔地也多的，但座位並沒想像的多，就只有大概十至十二個位子而已~對喔，在對話其間，店主說Wing到達這家餐廳的時候是第一天做Lunch生意的丫，平日都是以晚上包場的派對居多~所以...第一天就來到這裡嘛，Wing是有食神的說~!!!店主是即席為大家煮食的丫，而且所用到的醬汁、調味，都是買入原材料自家製的，很有心的耶~!!嗯..換句話說，在觀塘這個繁忙的地區來說，是少有的私房美食耶~不論是環境、服務都是大讚的~好啦，看看Menu吧~嗯..沒錯耶~選擇並不多，但這是絕對可以理解的。就跟我之前說過的，每一滴醬汁都是店主親自炮製的，而爐頭就只有一個，要應付的人是多不勝數的，所以丫.....這個數目的選擇是十分恰當的啦~南瓜湯先是餐湯南瓜湯，店主選用的是日本南瓜(這是我好奇一問之下而知道的XD)，所以味道特別甜，入口第一個感覺是味道淡淡的，但當南瓜

在觀塘區返了工一段時間，BeautySearch也來過駱駝漆大廈好幾次，因為這兒確實有形形式式的好東西可買，除了衫褲鞋襪，還有零食、家居用品、電器、寵物用品等，可謂應有盡有，近期更發現，食店也不少呢！BeautySearch 好少食私房菜，不是不喜歡吃私房菜，而是不知那兒可找到好吃的菜式，而今次，適逢朋友在駱駝漆大廈附近返工，機緣巧合下，找來駱駝漆大廈內一間「私房菜」，Private K。這兒還有完善的 karaok 設備，開 party 就最合適不過。大廚好細心，知道只有我一人不吃辣，煮三文魚時，安排了兩款醬汁一進餐廳，已見廚師正準備肥美的烤雞，不過，這黑松露烤雞倒是壓軸出場。當這碟泰式辣忌廉龍蝦上桌時，BeautySearch 差點想哭出來，為何又是辣的？是朋友在戲弄我嗎？後來，與大廚多交談後，始發現是大廚較善長烹調帶有泰式風味的美食！這兒是沒有餐牌提供的，那可以怎樣？原來，客人可選擇全由廚師決定；或者向廚師提供個人喜好資料後，由廚師建議；甚或客人可提供期望的菜單，再廚師安排... 無論是什麼形式，這兒也可滿足你的需要！廚師獲得客人的要求後，會在宴會當天才購買食材，以確保食材新鮮，

平時帶開lunch box既我, 今日有個朋友特登過來搵我來個lunch gathering, 佢仲好貼心搵左間有特式既餐廳, 講到冇咁橋, 原來間餐廳就係我公司附近的Private K工廈中不乏開飯好地方, 大前題要花點時間同心思探路, 呢到唔算難搵, 如果要係mtr行過來, 5分鍾左右到啦一入去, 地方寬敞, 樓底都算高, 空間感大, 眼見都係十多個座位左右, 一問老闆便得知, 他們平時只做晚市, 形式像私房菜, 後來仲有埋午餐供應, 實在是「無飯」人士的一大喜訊午餐餐牌內食物的配搭, 完全由食客自己話事價錢由$78~98, 可加$25配餐湯, 麵包, 以呢個價錢來講, 屬中高檔, 今日跟朋友們各選了一款, 朋友想食得清淡點, 就跟老闆(亦即是大廚)說要來一個沙津, 而我就揀左個澳洲和牛配以carbonara長通粉此三文魚沙津, 三文魚經少許煙薰後, 仍保持三文魚的魚香, 肉質仍是嫩漓滑, 完全沒有overcook, 蔬菜亦都好新鮮, 醬汁是日式芝麻醬, 是小妹最喜愛的, 如果能將醬汁分開上, 就可以隨心控制醬汁既份量啦~澳洲和牛carbonara長通粉, 上檯時賣相吸引, 和牛煮

愈來愈多商業機構移師去觀塘, 呢區而家weekdays對做lunch time嘅餐廳需求亦變得愈來愈大. 好似我呢d咁為食又成日會喺呢區做野嘅人, 就最鐘意周圍試下D新野~之前經過駱駝漆收到Private K嘅傳單, 上網睇過dinner嘅comment都唔錯, 就膽粗粗make個reservation la~去到門口以為自己去左畫廊, 見到個牌寫住lunch 先肯定自己無去錯~ 入面非常寬敞, 好cozy, 好係私房菜格局.原來呢度第一個星期做lunch架乍, 之前開左幾個月都係only 做dinner~ 而家可以唔駛一定夜晚包場先試到Chef Kiefer嘅手勢喇, lunch幾多個人黎食都得.我地2個人如果只叫一個salad一個pasta 以我地食量驚唔飽, 所以決定share個salad 再一人一個main.Salad嘅 portion 頗大, 因為佢本身係個main黎, 如果當佢appetizer or side 咁食, 3-4個人share都仲得. 我地叫嘅係smoked salmon salad with sesame sauce. 因為佢係open kitchen同埋c

我前幾日同幾個為食的人去觀塘食私房菜。廚師是外國回港的年輕男士,沒有特別的去學烹飪的,他只是在外國讀書時與不同國家的同學中學回來。外加,他本身也喜歡食及研究如何把食物煮得更加好食。佢地無特定的餐牌,只要你預先訂了位,廚師就會去街市睇下當日最新鮮及最好的食才,再安排是日的菜色。我地當日有4款菜,一款燙及一款甜品。胡麻柚子日式沙律~~芝麻,柚子,椰菜沙律,這款前菜比較清淡,可能我沒有把沙律撈均,我只食到比較酸的部份。下次如果有食沙律,記得把所有材料撈一撈,不要浪費了廚師的一返心意,因為汁料是廚師自制的。泰式蠔仔沙律~~平時食得泰式鳳瓜多,今次廚師整了個泰式蠔仔沙律。洗蠔是一個好麻煩的工序,我平時會用生粉洗2-3次把蠔的潺及腥味去除,及會每一隻蠔去清洗確保沒有蠔殼。這証明廚師好用心思去安排每一款食物。食落蠔也很新鮮及鮮甜,有大有少的蠔仔,我無想蠔仔也好可做泰式沙律,醬汁,酸酸辣辣好好食。 泰式辣忌廉龍蝦~~廚師用忌廉去煮這個龍蝦,再加入泰式辣醬。因為我地有一位人士唔食得辣,所以這款菜是輕微的辣,如果下次再食我會同廚師講加多d辣會比較適合我食。用忌廉去煮比較香滑,肉嫩,我又是食龍蝦鉗子,味道

朋友生日，想搞飯局，剛好另一位官塘地膽，知道區內新開咗間私房菜館，名字叫《Private K》。據說店裡不設任何餐單，菜式全交由廚師發辦，而且友人試過後，覺得不僅價位親民，而且食物水準亦不俗，加上餐廳場地非常寬敞闊落，環境仲好有 home feel 添。嘩！聽落唔錯喎，尤其是係由廚師設計菜式，有驚喜之餘又不用大家傷腦筋點甚麼菜，實在太好了，就一於拍板來這裡。原來《Private K》隱藏在觀塘開源道的一棟工廠大廈裡，若非友人介紹，都唔知道這兒有間私房館菜添！推門內裡，嘩，原來這裡面積比想像中還要大，據說佔地約有 1,400 呎，而且設備非常齊全，除了開放式廚房外，唔少得的當然還有中央一張可以容納約 18-20 人的長餐桌、70 吋大電視、音響器材及 12 座位的大型梳化等，難怪個負責人兼大廚 Kiefer 話，這裡除了可用作私人晚宴場地之外，還適合舉行各樣發報會、派對及朋友聚餐喇。也簡單介紹一吓這裡的私房聚餐安排，據 Kiefer 講，為左令每位到訪客人對當晚的菜式充滿期待和驚喜，店裡是不會設任何餐單，當然如果客人有甚麼特別的要求，又或者對某些菜式敏感，也不妨清楚說明，廚師亦可以因應客

的確漸漸愛上了私房菜, 但先決條件必須湊夠一班朋友才能預訂, 所以每次都很珍惜、很享受這機會, 細細品嚐大廚為我們所炮製的每道菜式, 少不了要學習一下烹調技巧, 多問多看, 學返幾道旁身之用。容許我以“客廳”來稱這裏, 一張長木餐枱、一張舒適的大型沙發、一部大電視連卡拉ok影音器材、一個雜誌架、幾個廚架、數幅掛牆的油畫、幾盞家庭式的吊燈、一些小擺設, 還有開放式的廚房, 內裏放置都是家庭式大小的廚房電器, 今晚我走進了別人的家品嚐一頓住家菜。是晚整個空間都是屬於我和一班朋友, 大家舒舒服服坐下, 不用費神揀選什麼菜式, 只是安坐等待大廚逐一上菜便可, 而八卦的我便走近廚房看看大廚烹調的過程, 並不擔心被人趕出來, 明目張膽地偷師, 哈! 這就是我心目中真正私房菜的特點。******************************先上一客胡麻柚子椰菜沙律, 將椰菜 切成絲, 不但混入柚子醬 和胡麻醬, 為提升其味, 大廚還加入了柚子醋, 各款醬汁份量調較得剛好, 啖啖爽口清新的椰菜中能嚐到胡麻的甘香, 亦有酸咪咪的柚子味, 友人略嫌酸度過於強, 但愛吃酸的我卻覺得很合口味。這道清新醒神的

大少生日讓他做一日偉小寶，擁有7個老婆替他賀壽。要玩得自在又不怕嘈到其他人，private k 這私人派對場地就適合不過。門 口像gallery,放了數幅大畫。可容納6人至40人， 6人最底包場費$3000， 每人約 $420~500, 今次除開就$420一位。任用設施有karaoke同broad game , 而廚房亦都可以比想大顯身手的人當一天大廚。晚上包場食物有2個頭盤， 6個主菜加1個甜品，包場前商量好想吃得更體面招積，所以把預算變成少一道主菜遷就。目測有600呎空間自己帶紅酒蛋糕不需令付開瓶或切餅費如只唱k 3800 10個小食，無酒精飲品櫃中食物走私房型式，訂位時會先詢問口味方面資料，再買新鮮材料由廚師發板。廚師在澳洲讀書時roommate 是泰國人，功架廚藝都是自學改良，所謂功多藝熟嘛。椰菜沙律伴胡麻醬及柚子醋， 選購自日本的柚子醋，沒有嗆口醋酸，伴以胡麻醬豐厚的芝麻香，椰菜絲爽口，撈好就集結了甜酸香，小山堆般份量幾口食完。熱食的蠔仔沙律呀, 生洋蔥有點辛辣, 蠔仔半生熟又下了醋, 很特別牛肉湯似廣東湯有富士蘋果， 雪梨，西芹等材料熬煮，湯隔走所有湯渣，湯水清澈泛淡黃色，

膽粗粗一行10人仆咗今日這間開咗只得幾個月,但老是聽朋友推介說好的私房菜試一試,話晒食個Lunch都要3舊水一個人,環境仲要係工廈, 真係唔平但係來來去去飲茶實在冇新意, 新的一年就試下啦!為免尷尬Booking時講明有人唔食得貝殼海產, 有人又唔食牛同羊, 真係有小小考起厨師的感覺一入去見地方都好寬敞,枱又已經set好晒嘩!有大電視仲可以唱Karaoke潻,再看…個厨師好年輕,究竟係咪睇得Master Chef多,點解厨師會咁年輕架 ?雖然只得2個人,但佢地都好手快俾咗我地飲桔子茶,味甘香.坐咗一陣就開始我地頭盤:菜沙律 … 弊!份量咁小,雖然好味但以我一般的食量要哭了!!跟著上是南瓜湯 … 嘩!味道很好,厨師話南瓜係來自日本全天然,老實說味道絕對可以比美五星級, 真係想加潻一碗,唔知係咪俾厨師睇得出 … I get 1 more bowl of soup … Yummy主菜面包龍蝦意麵 … 嘩！不得了(說出口, 我自己都覺得有點誇), 一般食龍蝦都有膩感，厨師今日煮的，唔係誇, 小小辣飽得嚟一點膩感都冇, 最誇張係我地其中有２位唔食得辣, 但佢地都清晒只碟之餘, 一味話辣但一味話好

終於係觀塘區食到超驚喜，超舒服既真正私房菜喇！其實已經食過好多間所謂既“私房菜”，不過香港既私房菜都真係流流地！尤其荃灣，觀塘區d工廠大廈，越開越濫！不過，觀塘返工既我，唯有繼續揾好地方。之前聽講駱駝漆開左呢間private K。上兩個星期，終於試左！無得彈，正啊！一開始打去訂位，先知道原來係無menu 可以揀。最初，朋友們都有覺得有d唔可靠《其實我自己覺得好好，夠晒驚喜^_^》。不過，Private K 既大廚親自回覆，解釋話佢地當日先揀最新鮮材料。佢問左我地有咩唔食，有咩敏感等等。拍心口叫我地放心！當然，最後真係非常滿意喇！估唔到，4百零蚊個人，可以包千幾呎既場，餐單仲要有龍蝦，有紅蝦刺身，仲要有鴨肝等等⋯⋯足足8道菜。汽水仲要任飲，我地帶酒仲唔收開瓶費！食同飲都超滿足！最後，真係要讚下個大廚！由訂位，揀材料，煮完仲每道菜介紹俾我地聽。超like 佢啊！哈哈！最後提大家，要like佢地個fb page 先有7折架！已經訂左下個月搞生日party , 佢地話個時有埋k唱tim！哈哈！