Promenade 西餐廳

营业中

休息中

這次是公司舉辦的活動，由早上九時至下午5時。我也沒有特別想午餐是吃什麼。去到後，有同事估會否吃自助餐？估不到真的是自助餐，有些喜出望外。唯一不足，是大概一個鐘45分鐘的時間，真的不夠吃。不是可以吃很多，只是時間少，不能每樣試小小。跟著同事，第一round取魚生。如果是我自己來，魚生我是少吃的，原因是自助餐中的魚生質素較差，不如到居酒屋吃。果不其然，三文魚不肥美，吞拿魚很瘦，醋鯖魚ok。見到有人取生蠔，即刻排隊。因為剛開始，隊伍有十多人。共兩款生蠔，每人每次只可取每款一隻，總共兩隻。太少啦！兩款Size都很小，沒多口感。每次只可取兩隻，時間太少，我只取了3 rounds，平時的我，會吃打半的。冷盤都有多款，我只拿了一隻大蝦、2條長腳蟹，及兩款各兩件的青口。大的青口口感、味道不錯，質感像西餐廳的白酒煮青口；小的味道及口感都一般。大蝦爽口、大隻；長腳蟹我拿的味道淡，很一般。見朋友拿了一大碟蝦、長腳蟹，分給大家吃，我便幫吃，拿了一隻大蝦、2條長腳蟹。他的長腳蟹是大蟹腳，這次的很甜，不會梅，味道不錯，朋友說是不同蟹，不知是否？一如往常，熟食沒怎吃，只取了少少。燒牛肉很普通，不juicy，但不會鞋

唏唏！！今天又來自助餐分享喇！今次我到紅磡都會海逸酒店在香港數一數二食物選擇多的Promenade食自助晚餐！！多年沒到訪環境依舊，高樓底跟落地大玻璃，充滿溫暖的陽光偷偷透入室內，在香港沒多間能享受到這一絲都會魅力。大家準備好未？現在帶大家行一圈先！講明啊需時不少㗎！先介紹是我最為欣賞的生滾粥檔吧！ 這個生滾粥檔的生了選擇十分之多而且還有不少矜貴食材如瑤柱、鮑汁花枝、蟹黃、水晶燕窩，另外還有碎牛肉炸米粉、豬肉絲及皮蛋等。 熱食種類繁多先肉騰騰的燒鴨、叉燒、及脆皮炸子雞。 這夜燉湯是蟲草花燉螺頭湯，是車爸爸至愛的湯水！這夜除了燉湯外還有餐湯供應，分別是粟米忌廉湯和中式羅宋湯。 想吃鑊氣小炒有福建炒飯、清炒時蔬及香口泰式炒河粉。 接下來有這款勁好脆香芒咕嚕明蝦球，清純的上湯浸芥菜，惹味的水煮牛肉，香脆香煎素鴨及酥炸百花球，豉椒涼瓜炒鴕鳥肉，酥炸軟殼蟹配蟹肉咖哩汁及牛油麥皮蝦夠吸引了嗎？ 咪以為完喇熱食還會繼續送上！這邊廂有德國鹹豬手兩食，另外還有香煎鱈魚柳配番茄汁燴牛肝菌雜菜。 夠曬特色的法式焗帶子蘆筍米多和馬賽魚湯。燒烤區有外型超靚仔的低溫烤香料有骨牛肉。 燒烤醬燒雞翼，德國色森林豬肉腸

因為閨蜜生日, 所以約咗佢一齊大食一餐第二次黎食, 雖事隔二年, 仍然咁多野食享用時間:12:00-14:30生蠔隊依然咁多人排除咗生蠔之外, 我都好鐘意呢度既甜品尤其係個梳乎里, 好正!

為了預祝下周日的父親節，今天一家大細來到這裏吃下午茶自助餐。用了Openrice coupon以後，每人$250，三歲以下的baby免費，價錢算是非常相宜。酒店餐廳樓底很高，地方闊落，雖然多人，但不致感到很侷促，而且小孩也有走動的空間雖然是下午茶自助餐，但食物選擇是很多的。刺身、凍蝦、凍青口當然有，另外天婦羅、咖喱、中式點心、Pizza、明檔的粉麵等等都應有盡有。甜品的選擇更是目不暇給，即製的窩夫、Pancake、soufflé、沙冰飲品、各色蛋糕、流心撻、心太軟等等，根本沒有可能一一品嚐。刺身有吞拿魚、三文魚及醋鯖魚。質素不算頂級，但也可以接受，可是排隊的人很多，只有一人在切刺身，要稍稍排隊。天婦羅有數款，包括沙椎魚、蟹棒、蝦和秋葵，新鮮炸起熱辣辣的，炸漿有一點點厚吧凍蝦質素不錯，爽囗有海水味；靑口就不太好吃，淡淡的沒有味道。雖然凍蝦和青口一直都很多人拎，但值得一讚的是，refill速度很快，而且一直都五點半凍蝦和青口的盤子都沒有是空的咸點還有一些包和三文治，這個風乾火腿意大利包味道不錯，的的式式，兩口就吃完，不會浪費！素pizza是薄脆的款式，芝士分量足夠拉絲，味道不錯明檔負責煮麵

很久沒有來海逸食自助餐，這裡還是人山人海，可能他們款式種類繁多，而且價錢合理，所以是他們吸引之處😎即開生蠔(法國，美國太平洋) - 大排長龍每次每人只可取兩只，而質量參差有時很瘦不夠飽滿，法國生蠔海水味重，美國生蠔較淡身食自助餐最開心可以樣樣食少少，而且種類又多：沙律，刺身，長腳蟹，龍蝦仔，燒味，粥粉麵飯，湯，燒牛肉，Pizza，熟食，蛋糕甜品，雪糕…最喜歡他們的生滾粥粥很綿滑。牛仔骨很入味。沙律很新鮮蔬菜爽脆。疏乎厘很鬆化。甜品糕點也很精緻。Haagen-Dazs可以選雪條和杯裝。這個價錢可在酒店吃自助餐選擇還這麼多還想點😆

好似有7折/75折 coupon, 有parma ham haagen dazs, 都有燒牛肉, 但係唔係平時嗰隻, 好唔同, 咬落去好粉, 唔識食廢話唔講, 睇圖, 差唔多影曬所有選擇我好重視燒牛肉, 雖然呢間酒店食物選擇好多,但因為燒牛肉唔啱食, 應該唔會再去

諗左幾日，都係決定寫呢篇食評。呢餐buffet係我暫時食過最差既一次。好後悔冇影相。首先講海鮮。長腳蟹係霉既！！明顯係十分唔新鮮，蟹腳邊邊位已經變黑，肉質硬硬地好奇怪，也沒有鮮味，淡貿貿的。麵包蟹也是差不多，蟹蓋是有膏但偏硬，同樣也是淡而無味，更不用說蟹鉗，乾爭爭的。生蠔ok既，但真係好細隻，食過百幾蚊lunch buffet果d都大隻過佢，每次攞兩隻，初期係要排幾個字先排到。其他海鮮有藍青口，翡翠螺，鮮蝦，都不過不失啦。熟食方面選擇係有不少，但冇乜野係好味的，有個咩咩蟹餅直頭食左兩啖唔想食落去，勁乾又冇味。成晚最好味係帶子刺身，好大粒又甜。甜品就好好多，超多選擇，芒果拿破菕同心太軟好味，大部分甜品都幾好，有haagendazs雪糕批當然加分。整體黎講，甜品比主食出色，但$500一位呢個價錢質素太令人失望，感覺只值$3xx。睇其他食評都幾好的，去到竟然係咁，只能話呢間野質素太唔穩定了，浪費了同家人慶生咁重要既晚上。

其實我在最近十年內，曾經在香港很多區不同的酒店，吃過午、晚不同時段的自助餐。只是這些酒店的自助餐，都是我在進入開飯網之前食的，無奈未能留下寶貴的食評。但是數我吃過次數最多的酒店，我敢寫包單，一定是紅磡的「都會海逸酒店」。我媽向來都是不喜歡折騰的人，不喜歡反覆找尋酒店，更加不是吃完不滿意的自助餐又在抱怨那種人。所以她找到情有獨鍾的「都會海逸酒店」，又有開飯網的優惠券，種種優點好處，令她長期保留了「都會海逸酒店」的訂座電話，想吃的話自動自覺打電話訂座就行。我吃過「都會海逸酒店」自助餐次數最多。除了因為「都會海逸酒店」有生蠔供應兼又多又密，又有「哈根大師」雪糕跟雪糕批之外，亦因為「都會海逸酒店」有很多精選，考廚師工夫心思的食品提供。例如「都會海逸酒店」有生滾粥品，和即場製造的中式粉麵供食客選擇。生滾粥品讓我第一時間，想起以前西貢小巴總站的「林X小食」，晚上旁邊還有一檔賣生滾粥的小販。可惜我近年很少幫襯該小販，該小販亦已經沒有賣生滾粥很久了。現在，我趁「都會海逸酒店」也有生滾粥品，也即場向廚師柯打了一碗「生滾魚片粥」。儘管「都會海逸酒店」的「生滾魚片粥」魚片，肉質比西貢那檔小販的來得新鮮，但卻

二百零蚊有咁多嘢食又唔算難食，算抵食了！食材就唔會有咩貴價嘢，但總算唔係粗製濫造，而且選擇多。因應個人喜好都搵倒啲亮點架~生蠔 - 即開夠快手，另一人沖水，排隊夠快，但生蠔質素麻麻，蠔味海水味淡，只食咗兩隻。凍海鮮 - 有小龍蝦，青口，藍青口，蝦等。小龍蝦就梗係唔食啦，蝦唔算鮮甜，藍青口味如塑膠。唯獨青口唔錯，煮得火候剛剛好，熟得嚟唔鞋唔韌仲有啲鮮味。刺身 - 有三文魚，吞拿魚，希靈魚同比目魚。三文魚同希靈魚唔食，只試吞拿魚同比目魚。吞拿魚so so, 比目魚果然係比目魚，有啲泥味。哩碟都有半數熟食喺度，唔逐樣講，味道叫還可以。最底嗰煎魚餅似係三文魚肉碎嚟，幾好。焗蠔 - 焗完細細粒，味道唔錯，推介去食自助餐好少會食粥飯粉麵之類，但由於現場提供嘅中湯太油冇咩嘢濕濕哋，就叫個河粉食下。河粉質地非常唔掂，有啲散口，其他配料冇乜特別，比較特別係個湯底，係龍蝦湯底，係有啲龍蝦味。亮點1, 粥 - 粥居然可以係亮點唔係講笑。粥底唔錯唔係一味粉漿，配料最正係有蟹肉，係真蟹肉，加埋瑤柱，皮蛋，鮑片，有啲鮮甜味。唔係開始飽實嚟多碗。抹茶心太軟 - 細細粒新鮮出爐夠晒流心，女士實like其他如芝士ta

一家人假日Lunch去enjoy個buffet，來到這裡，光猛舒服，選擇又多。有幾個位置都要排隊拿取，推薦有羊架，焗蠔。生蠔及刺身都麻麻，淡而乏味。羊架及牛排都純正常水準，羊架稍勝，因肉嫰而羊羶味不會很濃。其他熟食勻正常普通。值得一提的是這裡的甜品！眼見焗爐就在背後，光波爐都有幾台在運作，疏乎厘一個個看著它慢慢澎脹，排隊拿時都剛從爐中取出，甜而不膩。轉眼就清了一盤，排伍再重列。芝心撻外脆內軟，芝味甚濃，在口中歷久不散。心太軟流心剛剛好，不代太稀不會太稠，朱古力味厚滑，令人感到幸福。此處更提供了脆皮、窩夫等讓客人自行配上雪糕！雪糕口味異常豐富，比一般超市還要齊全！還有其他如麵包布甸，pancake奄列等甜點！

係一個朋友食過好多間酒店，佢話印象之中呢間係佢食過既最多款式既buffet，而今次因為朋友生日，所以我請左佢黎呢間酒店試一試！嘩！唔黎過真係唔知呀！ 淨係食自助午餐都咁多野食，我未食過一間午餐都咁多款式呀！熱盤又多又好食，甜品又係勁多又係好好食，唉…我個胃唔爭氣啦！食唔到好多碟呀！午餐居然有生蠔，你話有幾抵呢！應有盡有，我已經係選擇性黎食，否則我真係行唔到嘞！有好多野我都未食，就已經攬住個肚了！好飽呀！$318仲要用埋coupon添，簡直人都巔呀！ 抵食到呢……我以後有乜野聚會都要簡呢間！希望讚完紅磡海逸酒店，佢唔好加價啦！因為我覺得好抵食，所以將來大把機會都會再食佢。我食完呢餐午餐，飽到晚上都食唔落飯呀！簡直一餐當兩餐。朋友食完呢餐，非常滿意我呢餐生日飯，勁開心，我都好開心喔！誠意推薦大家去食呢間自助餐，好多好多野食啊！我唔影相嘞！因為我掛住食野，唔得閒影相，而且我都見有好多食評家都有放相片，所以我唔放了！

復活節假全場滿座，有復活兔出埸，亦有小丑扭波哄小朋友。是次四大一小，餐廳一早準備好bb櫈食物呢…個場好大，食物款式超多，中菜，西菜，冷盤，沙律，甜品，車仔麵，生蠔…真係好多！好滿意的冷盤，款式多，味道好甜品:款式都好多，有榴槤甜品（我唔食的）另有梳乎里，法式pancake，窩夫等等…雪糕有Haagen-Dazs即開生蠔，雖然細仔，但新鮮，好好味！啲中式，西式熱般就50/50有啲好好味，有啲一般！另有慢煮牛柳（全名唔記得）&羊排都好好味飲品：咖啡，檸檬茶，檸檬水是次固住食，唔記得影相但整體不錯，推介生蠔，牛柳，羊排print埋優惠券就有85折

間唔中都會約幾個朋友過來都會海逸食Tea Buffet, 因為價錢適中同埋好夠好款揀，最重要係1餐可以作3餐食，食完夜晚只食生菓已經足夠了。唔好以為Tea Buffet就無咩野食，這間都會海逸就唔同喇，有中式，西式，泰式，韓式，中西式湯類，甜品 沙律啦…都好多款...最正就係有哈根大師食。點止呀，如果榴槤季節嘅時候仲有好多榴槤甜品，真係令我回味無窮呀😋😋如果芒果同士多啤梨季節1樣都會有這類生菓主題做甜品。

朋友介紹依間餐廳，話好多選擇，再加上見到Openrice有coupon就決定一家四口book位去試下😂😂😂刺身-帶子成粒比你，超厚肉，虎蝦都好大隻即開生蠔-淡淡地，有d海水味，不過食到有d生蠔殼賣相好靚呀！！熱辣辣鵝肝加上脆卜卜多士，好好味巴拿馬火腿有成三款比你簡平時食buffet都無禁多款，再加上哈蜜瓜，一流甜品選擇都好多，芒果拿破崙好正！但係木槺布丁麻麻地，我自己覺得太多餅乾碎👀Haagen-Dazs有雪糕同雪條比你簡，味道超多！好想款款味都食，但實在太飽了朋友真係無介紹錯！下次再食過

講起打食評 老實講真係好耐冇打好即講 首先為食妹同家人真係非常愛食。下次真係要申請會員卡先得!先講下地方 我試過最舒服人唔多既時候去食lunch buff 亦都試過尋日去食爆場。非常多人但係坐位安排係舒適既!第2樣要講既食品 沙律吧有肉類3至4種選擇 多數係魚及唔同既火腿 跟住係青瓜粟米類既基本蔬菜同一啲乾果類。醬汁有大概5至8種選擇。去到魚生部份有5種選擇要去排隊每次拎到一個品種有3片 前面就有玉子 蟹子 蟹柳同小量壽司自由夾的!然後就係熱湯 通常有2種 中西式 跟住到冷盤 蝦同青口基本係指定款 蝦都好大隻的而且都好鮮甜,當然唔少得係生蠔啦 ～每次都好多人排隊 不過服務員也開得很快 如見你手上有其他食物也會提點分開拿避免有交叉感染既問題!(這個我聽到也覺得都好貼心)再尼就係其他既冷盤例如泰式沙律 薯仔沙律 水牛芝士蕃茄 芝麻醬凍豆腐等等 都有6至8樣選擇。去到熱食方面 有3大類 第1係有服務員煮的粥有5至6樣選擇隔離就有粉類選擇配菜都有6至8樣(粉我每次都冇食因為我本人不太愛)粥就多數都會食一碗。第2樣就係牛扒類會有服務員為大家切片的第3樣就係pizza,燒味,燒烤既菇,燒羊架同意粉