Promenade 西餐廳

营业中

休息中

好少見有榴槤甜品buffet～仲要有好多款～又有discount~所以一個月前已經bk定位去食～可惜只係得星期六日先有啦😞1505去到話要1530先入得～咁附近行下1530返去啦～點知都未夠3點半返到去⋯⋯發現大部分人都入曬座禁濟～🤔🤔🤔入到去首先行一圈睇下有咩食啦～嘩！原來勁多款式！日式～中式～西式～乜式都有～👍🏻👍🏻👍🏻而且講得係榴槤主題～相關甜品一定唔少得！有pancake, 榴槤撻，榴槤酥等～😋當然仲有好多其他款式嘅甜品啦！好好味真係呀！仲有成6款以上嘅Haagen Dazs 雪糕同雪糕批！😍淨係食榴槤都食飽～🤣不過刺身～pancake 哩啲即切即製嘅食物～就要慢慢排隊lu～最好笑我拎咗一件榴槤排緊pancake 時～榴槤撻個staff同我講～一件邊夠㗎！食多件啦！好正㗎！跟住夾多咗件喺我碟度🤣事前print定openrice coupon或者有指定信用卡～都有discount㗎！真心覺得好抵呀！😍走嗰陣我唔小心留低咗部電話～啲staff已經好快速追上嚟問我哋喇！👍🏻👍🏻👍🏻So warm!

今次去享用tea buffet1. 用餐嘅枱不平。用餐時不停搖晃！2. 問server house wine 係乜，佢答唔出。連自己酒店賣乜都唔知！3. Tea buffet係有刺身。不過得三文，鯖魚同比目魚！4. 有 Salad bar but no ham n cheese bar5. 其實都算抵食，最抵係提供Haagen-dazs雪糕

呢間一向係我No.1 Lunch buffet 選擇，因為凍海鮮佢有生蠔，蟹腳，熱盤有齊中，西之餘，仲有bbq, 生滾粥，湯，湯麵，咖哩，亦有日式刺身，壽司，又有沙律，芝士，跟住甜品真係好多，又蛋糕，梳乎里，心太軟，即制pancake, 格仔餅，再有Hagadez 蛋糕雪條共8款其實淨係睇以上咁數，雖然好多酒店都有，但係我試過咁多間，價錢，質素加上種類最多，一定係呢間，淨係講生滾粥，就已經有蟹黃，蟹肉，燕窩，魚，碎牛等，都唔好數可以加花生，豬肉鬆，生菜，油炸鬼呢啲跟住好多酒店又會做榴槤甜品，但呢到有你睇得出佢係榴槤肉既榴槤拿破崙，榴槤pancake,而家仲有榴槤黑糯米飯，呢3樣絕對唔係香精不過，黎過咁多次，新一年加價都唔緊要，但Buffet 12點開始，竟然係點半呢個時間，已經冇哂蟹腳出，仲要換埋翡翠螺，真係令人好失望，希望好好改善

之前的評論寫態度差我都唔信， 結果自己中曬招， 唔單止間餐廳，成間酒店好似睇唔起你去食自助餐啲人咁。 我向大堂個保安問路，佢啲態度差到我當時懷疑佢其實係其他房客 。餐廳出面有間露天酒吧 ,我同屋企人覺得好似Ok, 諗住食完可能出去飲杯嘢 ,要我出去睇下環境 ，我一出到去，嗰個侍應已經好冇禮貌 一句"係咪飲嘢 ", 我話我想睇下個環境先,食完出嚟, 佢居然趕我出去!冇錯係趕我出去! 一句"呢度係飲嘢嘅,唔係畀人參觀,麻煩你出返去!" 我當堂呆咗，唔入得唔緊要，都唔係咁嘅態度。我以前都做酒店 如果係咁嘅情況可以講 " 唔好意思, 因為餐廳想營造一個寧靜嘅環境 ,所以唔係咁方便參觀" 然後再口述一下個環境。本來諗住出去飲野傾下計， 咁樣畀人對待，以後唔會去。同名酒店都唔去!

這次自助餐最大的驚喜是有一排小型焗餅爐，用來焗梳乎厘、榴蓮撻和心太軟。算最名貴食材之一的龍蝦鉗是雪藏貨，又乾又沒有味道。其他食品如刺身等新鮮程度一般。生蠔不知為什麽即開之後要麻煩另一位員工用潔水清洗，蠔內的汁液全被洗去。餐廳的天花板很高，有氣派，可惜擺枱擺得太密，有點像食堂格局。據說平常擺枱比較疏，只因為在聖誕新年期間才想多做生意。這一五星級酒店餐廳最大的敗筆之一是利用保護客人掛在椅背的衣服的衫套替人賣廣告，過份市儈了，高貴度大減。

是次是為父母慶祝幾十年的結婚週年和順道慶生。選擇這裡主要的原因是因為有齊我們想食的類別：有爸爸喜歡的生蠔，我最喜歡的鵝肝，蟹腳等！首先因為怕老人家上落樓梯取食物會不方便，酒店都很貼心地安排了靠近食物桌的座位給我們！食物方面選擇很多，無論海鮮、冷盤、熱葷甜品都有好多選擇，而且賣相一流！最後精美的慶祝甜品為這個獨特的日子劃上完美的句號！多年來辛勞養育我們的父母，也難得可以浪漫和盡情地慶祝一下！使用了OpenRice 的85折coupon, 價錢也算性價比高，非常滿意的一頓晚餐！

久不久也會吃自助餐，這間我來過三次，特點是選擇多，你想吃的東西它基本上都有，例如生蠔，魚生，長腳蟹，螺，青口；一些你沒有想過的東西，他們也有，例如蛇羹，榴蓮 Pancake，這讓我有點意外。食物質素方面，感覺只是一般，可以入口但未去到很美味的程度；環境則算中上，招呼甚好，服務員甚有禮貎。BBQ 也有，我喜歡燒雞翼，司華力腸，他們也有，還有鵝肝多士。來點小朋友玩意也不錯，例如蝦片。蛇羹應該是我全晚當中感覺最驚喜的一味，我未試過在酒店吃自助餐有蛇羹。甜品選擇也多。我最印象難忘的是榴蓮 Pancake，真的是有榴蓮在裏面，而且份量甚多，好榴蓮的人必然樂而忘返，成本甚貴，現時在這裏可以任吃。榴蓮撻也有。整體感覺滿意，久不久可以一來。

很久沒有去吃buffet 見放假相約朋友去吃過tea buffet先，一去到見到過環境已經心知不妙，名叫西餐廳竟然內裏有中式大圓枱算吧，這也不是問題，問題係食品質素，如果你只想要多種選擇這樣的話這個buffet絶對適合如果你想吃有質素的食品你會失望。味道真的一般而且很多比較好的食物也很快消失，refill 速度比較慢。總括而言多選擇，環境可以啦，服務還可，味道不提也罷，價格算便宜。

地方都好大, 我地早左半個月BOOK,可以坐係窗邊位, 望出外面, 都幾好Feel. 而且服務幾好, 係餐茶,要自己行出去斟姐, 羊架, 鵝肝,湯品, 甜品, 都幾出色. 生蠔點可以無呢? 里到D生蠔都係即開.要排隊, 每人取2隻,  但係就細隻左d囉.推介 ~冷盤 麵包蟹, 好大隻, 仲好多膏添. ~ 記得早DBOOK, 留定個靚位.食後感評價 ~ 用左OPENRICE COUPON 1個人唔駛$500, 可以再黎食過. 

一定不會再來！！ 服務員態度極差！！朝早Book了枱，來到說無位，又叫我們去隔離扒房食... 之後又叫我地等多半個鐘先有位....... 求其安排左個門口位（枱唔似枱）就算！其實食物都ok，算多款同新鮮，但一開始就就比個staff搞到無哂mood 食嘢期間佢不停眼超超望住我地，似係嫌我地阻住佢d位！..............................

完全唔知呢間嘢想點囉.. 環境超級差，又窄又迫！ 人多嘈到D聲焗住晒，散唔到音！想聽同枱人講嘢都好似要鬥大聲甘！ 似去左food court 多過似係去左酒店食自助餐， 食物唔係想像甘好食！ 個所謂蟲草花雞湯！ 應該落左勁多味精，飲完個口乾到無朋友，望落好似好多嘢食，但食唻食去都係果兩樣，生蠔新鮮開，細隻過屋企D蠔豉，不如唔好賣啦！ 唯一係熱食夠熱，凍食夠凍，凍到雪都未溶就攞出唻，唔問唔講有咩credit card 有 discount. 唔知係唔記得定唔想比囉⋯⋯埋張單埋足半個鐘， 唔洗旨意會有下次囉

星期六中午好想食自助餐，於是就揀左都會海逸食啦，又有得泊車又唔洗過海海鮮選擇都幾多，有五到六種，長腳蟹都唔錯不過其他我就冇咩點試，因為我自己唔太好冷嘅海鮮芝士選擇有五種，一般黎講都比其他酒店選擇多另外就真係要講下甜品啦，甜品選擇真係好多，有朱古力噴泉仲有好多款式嘅甜點有即叫即整嘅心太軟，梳乎厘，榴蓮撻⋯鐘意食甜品嘅真係岩曬。而且最吸引嘅就係哈根達斯嘅雪榚啦，杯裝有五款，雪條都有四款.....真係唔知點先食得曬🙈🙈🙈美中不足我覺得生蠔真係麻麻，唔夠太隻而且有啲腥😑自助餐都有個整飲料嘅角落頭，咖啡茶嗰啲都有得自己整。整體黎講都算幾好，選擇真係多，而且又唔會係太差，不過到兩半就開始趕你走，因為要做下午茶，搞到都唔可以坐多一陣傾下計🙈Citi bank 信用卡有8折，折左又真係幾抵食👍🏻

有酒店集團會員卡...我地享用旗下酒店buffet 都享有買1送1 優惠…午市自助餐埋單每人200大元有找...好抵食啊!! 所以今日陽光普照尼嘆翻個優閒下午...不過以為周二會比較人潮疏落D…但真想吾到… 全場爆滿耶!!酒店地點吾可以話好就腳…但餐廳環境著實算吾錯啊!! …全景落地玻璃…採光度足…食物多元化且豐富…一次實體驗吾晒!!相信buffet食物久不久會換換款…就陳列今日嚐過o既作個簡單評級吧!!讚:蟲草花煲雞湯...自助餐我少飲湯水, 但哩個飲左兩碗!!...係我覺得最讚o既!!串燒雞翼…簡單但味美!!...有太多嘢食, 如果吾係, 會多食1, 2隻!! 藍莓芝士蛋糕…結實口感絶對係我喜歡o既!!焗芝士撻…細過1元硬幣o既bite size…有專人不斷焗出尼…大姊食左10個都有!!...仲有榴槤口味架!!Haagen Dazs盒裝雪糕雪條…食左5杯雪糕 + 1條雪條!!! 破晒紀錄!!!中等: 燒羊架…OK細嫩!!...吾錯呢!! 芒果拿破崙…大底大底不斷補給…去貨快, 酥皮好新鮮…custard都算ok滑滑同埋吾係好甜!! 而且喜歡佢切到四方小磚一件件…方便食用!!楊枝金

近期感染了一股自助餐癮，友人加小人一下子連掃幾場，似乎還未夠喉……頭盤凍蝦乃差不多酒店自助餐必有之物，爭在夠不夠鮮、夠不夠凍。這裡的凍爽度就差了幾皮，蝦又細隻，要大費周章地剝掉大量蝦殼才吃到少許蝦肉，完全不過癮。魚生的色鮮豔得很假，食味不過爾爾，無甚驚喜。繼續無驚喜的蝦餃燒賣，俱為自助餐充場之物；蛋白撻更是無甚可言，又淡又欠蛋味，食到“O”晒嘴！反為芝士撻最覺誠意，熱得來有芝士香，不錯的。煎餃子和雞翼都不夠熱，還幸濶條麵挽回一點點分數。小人的甜品是梳乎厘，是整餐中的最佳。我們的評價是一般之作，未到最差，卻未得我們心。

上個月男朋友同我慶祝生日, 佢知我想食生蠔, 於是就帶我黎左呢間食自助餐!!一入到去侍應安排左我地坐到好僻, 距離食盤好遠但當我地提出可唔可以轉位時, 佢地都好有友善, 即刻幫我地安排坐出D服務態度一流呀!可惜惟一最失望既就係海景玻璃位, 竟然全部維修, 出面搭緊棚冇哂D影相位想影相既朋友就要留意返喇!至於食物質素, 都幾唔錯!先講今次既主角：海產類!去到有好多蟹腳、青口、小龍蝦、生蠔, 蟹腳好鮮味!推介呀生蠔即開即食, 最抵讚係每次去拎都冇限你拎幾多隻, 絕對回哂本呀!生蠔有好多品種, 海水味濃, 幾咸鮮! 而且冇蠔殼碎, 抵讚!!不過1D都唔厚肉, 口感差咁D!至於其他熟食.....就一般啦!另外推介既原因係有現場LIVE BAND!介會點唱生日歌, 好有氣氛!!!!