QUE (新城市廣場一期)

营业中

休息中

店內裝修以和風木系做主調，感覺好舒服，細心睇睇會見到啲燈旁同橫樑上有啲貓公仔😄menu上樣樣嘢都想食😆最後我地揀左鰻丼同蟹肉丼🍱▫️汁燒鰻魚意大利飯丼鰻魚厚肉肥美，有炙燒過，燒得好香口，醬汁量岩岩好，食落幾juicy唔會乾爭爭又冇咩刺👍🏼平時食鰻魚丼配珍珠米白飯，今次配risotto有驚喜😍餐廳都係用日本珍珠米，煮出黎既risotto一樣creamy，仲有啲蜆肉、磨菇，好豐富，味道份量都調得好好👍🏼▫️松葉蟹肉丼🦀️有蟹肉、蟹膏、蟹籽，食落鮮甜，配上日本珍珠醋米，份量都唔少，附上既甜醬油都唔錯。旁邊有碟小配菜，係核桃加白飯魚仔，味道甜甜地。▫️靜岡有機抹茶鮮奶咖啡可以自己沖同調教抹茶苦度👍🏼先倒幾匙抹茶粉落奶到攪勻，再將抹茶奶倒入咖啡中，試試味道岩唔岩自己再調教，如果覺得苦可以加粒方糖。靜岡抹茶出名好飲，依家可以自己整Macha latte幾特別。▫️Q-san京都宇治抹茶蛋糕原來都幾大個，蛋糕旁邊仲有抹茶雪糕cone😍兩個人share岩岩好。蛋糕外面係mousse，中間係紅豆蓉同柚子麻糬，底部係海綿蛋糕，好軟熟，mousse好滑，抹茶既苦澀味都岩岩好。我地都幾鐘意呢到既食物同環境，有好多選擇，

沙田新城市廣場最近新開多間食肆，其中這間咖啡店主打日式及西式的Fusion菜，店內裝修以簡約的日系木設計，如置身大自然般寧靜舒適，非常適合約會或群體聚會。晚市二人套餐 - $588/兩位小食(二選一)脆炸單骨雞翼配辛子明太子醬(8件)酥脆不膩的雞翼咬開雪白的雞肉嫩滑多汁，單骨更易進食，蘸上綿密的明太子醬帶微微辣，更有少許沙律菜解膩。沙律(二選一)北海道帆立貝羽衣甘藍沙律配牛油果、蕃茄、合桃、中東米及乳酪柚子汁酸甜的乳酪柚子汁正好中和羽衣甘藍的微甘，雪白肉厚的帆立貝香煎更惹味，還有綿密的牛油果等等口感好豐富。主食(六選二)軟殼蟹意粉配蟹肉蕃茄忌廉汁酥脆可口的原隻軟殼蟹，咬開有著鮮甜的蟹肉及少少甘香的蟹膏，煙韌彈牙的意粉掛滿香甜幼滑的蕃茄忌廉汁，更拌著絲絲蟹肉很鮮味，還有少少巴馬臣芝士及車厘茄等等。月見燒牛肉意大利飯丼一片片牛肉外焦內嫩，塗上惹味的照燒汁，入口軟腍又牛味濃郁，粒粒明分的意大利飯滿滿香滑的芝士忌廉汁，拌以日本生蛋黃、蔥花、辣椒絲及紫菜更有層次。甜品(二選一)靜岡縣紅茶芭菲(日本甜蕃薯、紅茶醬)白朱古力被微溫的紅茶醬溶化，與杯內的雪糕球、日本甜蕃薯、慕絲等融合起來，充滿紅茶淡淡

同朋友係沙田新城市搵食見到里間裝修幾唔錯就入左去試我叫左個月見燒牛肉意大利飯朋友叫黑松露野菌貓耳朵粉加配左兩個小食薯條同單骨雞翼再加配que咖啡同埋凍檸茶凍檸茶上枱時得三分二杯咖啡好普通，可以唔使加錢試薯條份量好多味道唔錯不過醬汁唔夠單骨雞翼不過不失牛肉飯牛肉超級多，女生一定食唔曬加上意大利飯好多忌廉蛋黃加埋汁就好多汁好膩好易飽米飯硬度適中唔錯👍🏻黑松露貓耳朵都係好多忌廉松露味都濃都係好易飽午餐食左$488價錢黎講唔貴唔平不過小食同飲品可以再做好啲

有誠意，用心同最緊要好食。對食飯有少少追求，對於價錢都有啲重大，我覺以咁嘅價錢食到呢個水平，係而家香港嚟講，係值得要表揚。大把cafe又難食又要一碟百幾數，食到懷疑人生仲要服務未必好。我係呢間餐廳感覺幾好，係碼唔會叫我QR落單，仲要服務生有笑容。叫左呢個軟殼蟹蕃茄意粉 同 抹茶蛋糕，真係好食。個意粉仲要唔細碟🤣食到好飽。最後埋單2百三十幾蚊，真心性價比出色。但好開心，新城市開番一間正常價又好食嘅鋪可以再嚟食

呢一間係日式簡約風嘅餐廳，你會發現周圍都有好多貓貓嘅蹤影🐱好得意📷鍾意貓貓嘅朋友唔好錯過每一個角落🤭必食：壽司塔可！😍拖羅蓉牛油果醬TACO😍超級好味，海苔炸得非常鬆脆，口感好有層次，配上開胃嘅醬汁，真係好夾👍🏻👍🏻再嗌埋黑松露野菌貓耳朵粉，賣相當吸引，貓耳朵粉軟硬度適中，黑松露味非常濃郁，配埋木魚絲，好滋味😋如果你係黑松露粉絲嘅話呢一個係必食推介💗我哋追加咗壺橘香伯爵茶☕️香噴噴嘅茶配搭酸酸甜甜嘅橙味😍👍🏻最後店長好熱情，推介左期間限定芭菲🌸櫻花芭菲🍧每一啖都係淡淡櫻花味香氣，十分特別，幼滑細膩的口感中增添多一份層次

新城市廣場開了間新嘅日式西餐廳Que，由於星期六，日實在太多人排隊，所以選擇了平日去試吓，果然沒有失望，先order 了海膽壽司塔可，白魚刺身同吉烈炸廣島蠔，海膽塔可紫菜炸得非常鬆脆，而且海膽亦非常新鮮，一啖咬落去口感非常豐富，面廣島蠔就炸得非常香口，白魚刺身廚師應該用了油甘魚，肉質非常肥美，而且上面加了青蘋果芥末，口感非常清新，中和了油甘魚的肥膩感，之後還order 了三色魚生丼，甲羅燒，先講三色魚生丼，齋講賣相已冇得輸，魚生及牡丹蝦已將整個碗面填滿，一落枱嗰吓已經Wow 一聲，厚切魚生，牡丹蝦又夠大隻，飯粒軟硬適中，食完真係好滿足，甲羅燒賣相非常不錯，味道正常，最後點了一個限定甜品，櫻花芭菲，賣相非常吸睛，粉紅色嘅賣相已非常吸引，而且仲有得玩，將紅桑子醬倒到杯上面的朱古力上，由於醬汁係熱的，會將朱古力溶化，然後醬汁就會慢慢流到下面的芭菲上，撈埋一齊食，口感又熱又凍，感覺非常特別，除了以上食物，還點了一杯抹茶豆腐花紅豆沙冰，顏色唔錯，好明顯見到有幾層，味道很好，最重要係唔太甜。餐廳裝修環境舒適，而且服務員亦非常之有禮貌，整個用餐過程，服務員亦經常會主動加水，成餐飯嘅感覺非常滿足，絕對

醬汁夠清新單骨雞翼唔夠脆身，明太子醬不夠突出兩款塔可都非常好食，唔海苔夠脆身，而且非常特別，香港亦很少地方可以食得到👍👍👍👍牛肉意大利飯丼：飯比較濕！明太子意粉：非常好食，分量剛剛好！宇治抹茶沙冰：不會太甜，抹茶味突出，紅豆亦夠香，非常好飲兩款甜品味道都非常突出，而且不會太甜，多食亦不會膩，

帶小朋友去公園玩，行過見到呢間Que,還以為係Cafe 入去坐下，原來餐牌都幾多野食，仲好特別，情不自禁，叫左幾種少見又特色食物同飲品一試佢地塔可必食，外脆餡夠大大口食正。猫耳粉小朋友最愛飲品叫左草莓沙冰，草莓味特濃俾小朋友搶晒黎飲，仲有個甜甜酸酸飲品，好特別最後食埋個方塊蛋糕🍰甜而不脷好食到不得了，大人細路都食得好開心

難得放假 決定同屋企人入沙田行街落電梯見到一間裝修清新既食肆 眼球即刻被吸引過去QUE 真係好cute門口甜品櫃上面已經有小貓咪見價錢係沙田新城市黎講又唔貴 決定入去一試原來唔止門口有貓 店內都仲有好多位置有貓貓擺設講番食物 似係日式同西式fusion 菜其實食物同飲品都真係幾有驚喜 揀幾樣重點講啦🔸松葉蟹味噌甲羅燒意大利飯配海膽忌廉汁初時睇餐牌以為得一隻平碟既份量 仲會擔心太少但原來QUE係用碗上 同屋企人每人都分到好多而且蟹肉蟹膏加埋落海膽汁既忌廉飯 鮮味更加提升呢個飯打卡賣相味道都一流 正呀👍🏽 🔸軟殼蟹意粉配松葉蟹肉及蕃茄忌廉汁蕃茄汁意粉通常都會過酸 但QUE配搭得啱啱好 每條意粉仲被大量蟹肉包住 食得好滿足🔸鰻魚玉子壽司搭可個造型就同墨西哥既taco 一樣 而外層係天婦羅紫菜 咬落脆脆嘅 口感特別又好食🔸加賀培茶蛋糕一舊四方體 唔會過甜而且茶味超濃厚 好味道🔸草莓香桃沙冰🍧又一驚喜 飲落口超濃士多啤梨味 唔係人造果啲味 而係好似一啖食左好多粒士多啤梨咁 超香甜 好正👍🏽總結 QUE 環境舒服 食物又好食 而且店員服務態度好好尤其係男經理 見我地睇左餐牌好耐都未決定好叫咩 （因

上次係佢東涌店開張初期，就撲去試左。今次難得開到去新界區，更方便係新界區返工返學既我一定要支持。成間餐廳最值得推介的正方型蛋糕又稱為旅者蛋糕，聽講係主廚將旅行時嘗到的味道以日本甜品方式去呈現，今次焙茶蛋糕比綠茶味更重茶味，蛋糕一貫保持開業水準，日本牛奶與鮮奶油，配上有香梨味道內餡，算是比較小見的配搭。薯仔配茄汁食得多，薯仔配京蔥絲同木魚絲，再加日式芥末醬 就好像西方菜式融合了日和文化，這道菜沒激發了我係屋企時煮飯可以嘗試多點不一樣配搭食完甜品同小食，梗係進入主題食個清新沙律。日本人最常使用的沙律汁就是柚子汁，這個沙律汁還增加了乳酪，在輕怡的味道增加了兩重不同甜酸味上，配上新鮮帶子，牛油果與核桃，可以想像沙律口感好有層次(又軟又Crunchy)。結尾來多杯滑既黑咖啡，又黑又凍又夠多泡。

同阿仔去完Snoppy Land玩，路經呢間日式西餐廳，淨係個門面已經好chill好吸引，一於同阿仔入去試吓。餐廳行類似無印風既日系西餐廳路線，叫左個和牛芝士漢堡俾阿仔試吓，幼薯條即叫即炸，漢堡牛味重夠 juicy ，份量又夠大同老婆一人一杯抹茶豆腐紅豆沙冰，濃濃既豆腐味，配搭紅豆抹茶，無得輸既組合我自己叫左個燒牛肉意大利丼飯，牛肉份量多，嫩滑多汁，意大利飯夠汁，軟硬適中，撈埋隻雞蛋簡直世一老婆叫左松葉蟹甲羅燒意大利飯，一上枱擺盤勁吸睛，蟹殼上全部鋪滿蟹肉蟹膏，將佢哋撈埋落個意大利飯度食，very good 最後叫咗兩個甜品，一個焙茶蛋糕，蛋糕出面硬，但一切開，入面有層cream，食落好濃茶味，一硬一軟，感覺不錯，另一個係個芭非，芭非夾雜不同nuts，口感好得意整體環境唔錯，都幾適合打卡影相，侍應執枱速度快，主動遞上熱水，其次上菜速度快，嘢食夠大夠熱

沙田新開主打創新啲新日式西餐，約朋友一起過來體驗！獨一無二新塔可，Q-ube主打蛋糕，是這間餐廳特色，食物創新，特色食物加一流材料，味覺同視覺享受！黑松露野菌貓耳朵粉好值得推薦，黑松露搭配野菌芝士，味道一流！食咗辣味帆立贝塔可味道真系好惊艳，第一次吃用炸过嘅紫菜包寿司，帆立贝好新鲜值得一试，甜品举荐濃郁朱古力沙冰唔甜表面創新，適合拍照！總結用餐體驗，食物材料新鮮，味道一流有創意，有營造出一種異國風味的完全融合！

平時好少去沙田行街，到食飯時間經過呢間QUE俾佢個名同裝修吸引左就入去試下，一坐低梗係叫杯野飲下啦，佢哋有好多特色嘅飲品最後揀咗 石榴泡泡綠茶同粟國鹽焦糖鮮奶咖啡， 一句講曬有外形有內涵，之後揀野食， 先黎叫左鹽燒吞魚牛油果醬Taco同鹽燒帆立貝Taco，味道好食塊紫菜炸得非常脆，一口咬落去口感豐富有層次(必試)，再叫左個炸薯條同酥炸廣島蠔，個薯條居然係加左煙肉，木魚，紫菜重有D日式燒汁同wasabi沙律醬，完全估唔倒係咁好食，炸蠔個粉漿唔厚入面非常juicy 有蠔味，主菜叫左松葉蟹肉甲羅燒意大利飯，蟹膏蟹肉同意大利飯一齊食鮮味十足(推介)，最後叫左2款甜品， 靜岡縣紅茶芭菲同京都宇冶抹茶蛋糕，芭菲個紅茶醬味道濃沃，用白朱古力更能帶出紅茶味道， 抹茶蛋糕裏面一層層夾心，有梨蓉，蛋糕同抹茶mousse非常有特色，兩款甜品都唔會太甜值得一讚，整體食物質素非常好，員工嘅態度都非常nice亦會主動介紹食物同飲品，令我食左一餐愉快嘅晚餐。

星期日放假帶仔仔去新城市廣場Kiztopia 玩，發現原來沙田都開左之前係東涌食過既QUE，玩完之後就入左去食少少野 hea 下。沙田店對比東涌店較細，座位無東涌咁舒適。食物方面水準同東涌一樣，我地點左份炸雞軟骨同埋軟殼蟹 Benedict，隻蛋熟度做得剛剛好，配埋牛角包幾好食 本身食完諗住試埋甜品，見隔離枱甜品賣相幾靚，唔知味道如何，但因為仔仔扭計，所以唯有下次再試不過依度係無 bb 椅，帶小朋友黎就需留意啦

今天約了朋友在沙田午餐，原來先前在東涌食過的 Que Cafe 在新城市都開了，先前食過有信心，所以朋友都沒問題。自己先前在東涌食過的甲羅燒配意大利飯好好食，所以介紹了給朋友，朋友食過都好滿意，總算冇介紹錯，我就點了明太子意粉，鹹鹹香香的明太子，調味剛好，意粉充分吸收了醬汁和明太子鮮甜的味道，融和感十足，令人食指大動，另外叫了小食北海道蟹肉薯仔球，酥脆鬆化的炸皮，包裏著軟綿綿的薯蓉，好好味，我和朋友都話要 encore 再來多份，滿足飽飽的午餐。