R&B (已結業)

聖誕當天 同朋友知道呢間餐廳🍴刻意去個邊食嘢 聽聞view 唔錯 所以就過去一趟參觀下 一去到立即比個度個窗🪟吸引左 當時去到已經近乎黃昏🌆 望出去 成個人都覺得好寧靜 時間真是過得好快 個度內部設計同聖誕裝飾同配搭 都有聖誕氣氛 例如有聖誕樹等 濃蝦汁蟹肉意粉 $188好吃😋 吃完還想再吃 juicy 唔會太乾 控制火候幾好 蝦好爽口 絲狀 咬咬下就有蟹味 好多芝士碎白白的 當日聖誕節🎄餐廳裡每個人顧客都有紅酒🍷 一杯而且係熱紅酒暖胃 聖誕節 送一杯仔 火雞每人都有得拎 一起慶祝聖誕感覺好有氣氛Double grilled cute cheese burger $1382個拳頭👊大的burger 2塊安格絲牛扒係裡面夾住 芝士 生菜 食唔曬包 只是食左扒 剩下皮 實在太飽啦 我盡力啦蒜香松露薯格$98熱到冒煙 新鮮出爐 軟軟地

今日下午幫朋友慶祝生日 餐廳服務員非常有禮貌點了一份龍蝦意粉 一份墨西哥粟米 一份漢堡包和一份雞翼 漢堡包的牛肉質素欠佳 有點難吃 the worse burger I’ve ever had 還有雞翼非常乾巴巴沒有味道 希望有改善 甜品Tiramisu非常出色

聽日同小朋友喺附近上完堂想搵個地方坐得舒服咁樣食lunch，見到呢間樓上鋪裝修幾靚，就即管去試吓，估唔到都有驚喜！首先小朋友入座店員都會送一個氣球，嘢食方面都係主打西式嘅早餐，另外亦都有意粉同埋其他主食，今次就叫咗一個最簡單嘅卡邦尼忌廉意粉、一個牛油果三文魚薄餅同埋一個全日早餐加兩個迷你scone，忌廉意粉用鐵鑊上所以夠熱，另外啲醬汁亦都唔會因為好容易凍而黐埋一齊，食呢啲白汁意粉真係好怕個醬汁會凍到杰哂，牛油果煙三文魚薄餅係長方形嘅薄餅，薄餅變脆身醬汁好食，不過牛油果同煙三文魚的份量就略嫌少咗啲，估唔到最普通就係全日早餐，另外兩個迷你鬆餅亦都冇任何果醬或者clotted cream，鬆餅雖然熱辣辣好好食不過冇嘢點都係爭啲。

喺網上見到個窗打卡位幾靚就係openrice book咗位食個lunch嗰日去到 分別嗌左 松露薯條同濃蝦汁蟹肉意粉😋松露薯條$98(傳聞係全香港最好食嘅薯條) 嚟到嘅時候上枱都真係好香松露味 但食落就無咗個松露味 不過都好食 係滿意嘅。😋濃蝦汁蟹肉意粉$188 呢個都好好食 個汁好濃嘅蝦味 好鮮味 我影咗一陣相先食 都冇變成一餅嘢 ，同埋有蝦嘅數量都唔少 飲品 Ice mocha 甜度剛好 同埋Handcraft beer Sunami Dark Honey Ale $68 唔錯 鍾意飲黑啤嘅人可以試下

🍽-R&B-位於佐敦同尖沙咀之間嘅西式餐廳🍴一開始被個落地玻璃吸引咗黎🏙 差啲坐唔到 不過員工都好Nice咁幫我哋轉🥰價錢偏中上cafe價 質素都唔錯 比較啱慶祝生日🎂見到好多小朋友嚟 店員都肯俾個氫氣球比生日個friend🤣🍝煙肉忌廉蛋汁意粉 $168 (7/10)偏向港式嘅cabonara🙈 都睇得出係好creamy嘅😙意粉都掛到幾多汁😍 用一個pan咁上幾特別🤪係價錢貴咗少少🤏 4個人好快就食晒🤰🍟蒜香松露薯條 $98 (8.5/10)好似餐餐都食薯條咁😛 雖然價錢平但係質素都幾唔錯🥰 份量都大 側飽晒我哋面頭有一Pat類似芝士嘅醬 好惹味同開胃😚粗薯都幾夠脆 松露味又香 仲有兩款酸忌廉同茄汁醬可以點☺️ 最推介依個😉🍕意大利辣肉腸薄餅 $168 (6/10)份量的確好大份 係薄批黎 咬落都幾脆🤩都幾多芝士🧀 不過啲芽菜搞唔掂🥲芽菜啲草青味太出 影響咗成個Pizza嘅味道🥺建議嗌嗰陣睇吓可唔可以走芽菜😳☕️Tiramisu (7.5/10)味道唔錯嘅Tiramisu 酒味就唔係好出🥃最緊要可以拆生日牌 好cute🥳🍹Arnold Palmer $48 (9/10)聽完個名都唔知係咩

第一次前往餐廳享用午餐一入到樓上，有一個金毛頭髮的侍應非常之無禮貌叫客人掃安心岀行問有冇紙仔填，話無ok無問題咁咪下載安心岀行囉但係個侍應生非常之唔尊重客人私隱，雙眼望實客人既電話填寫個人資料叫佢唔好望仲要望整完個安心岀行show左比佢睇轉個頭又再問掃左未！岩岩咪睇左囉！態度極差！重點食物質素差比一般茶餐廳更難食價錢又貴，食物質素低劣完全唔值冇服務，但係收+1服務費無禮貌態度差，仲要侵犯客人私隱唔會再去！

本來行過見到，去試吓，見佢個lemonade 同iced tea 可以refill ，2大1細，每款叫咗一杯，老婆同亞女飲完之後叫refill，服務員問係咪share，如果係就唔可以refill，佢話比多一杯我哋就算啦。我覺得如果全部係成人嘅話OK嘅，一大一細share嘢飲係好正常嘅事，我覺得佢講嘢好冇禮貌，完全唔尊重客人。嘢食好但服務都好緊要。

下午4點左右到，好彩有window seat，最岩傾下計食下啲輕食。跟住點左個chicken nugget, 好脆好香糊椒味，送酒送凍飲都一流，Happy Hour 仲有平。佢嘅dirty wings都唔錯，鋪滿晒海苔，個蒜汁on side 令佢味道更加提升。飲品點左杯cold brew，味道幾濃，就算溶左冰都keep到，條佢地嘅house special.其實價錢方面我覺得偏貴，不過質素都唔錯，當買左地方坐下ok的。

位置非常易搵，佐敦D出口向左直行三分鐘左右就到。咁啱打完風後一日去可能好多人取消booking，意外地唔需要等位，不過聽講平時要嘅，大家都係book咗先。環境幾闊落企理，上菜快，有一邊落地大玻璃，個view幾好，如果係tea time去個景應該好正。食物方面推薦個辣肉腸pizza同蟹肉意粉，非常好，pizza記得加 Tabasco，超正。R &B bacon真心鹹 同有啲肥，不過食落都唔會油膩，不過太鹹真係頂唔緊。

🍴蒜香松露薯條($98)小食嚟講價錢都算偏貴但上碟個陣份量都幾多~松露味超香👍🏼面頭仲有沙律醬解下膩旁邊仲有茄汁同酸忌廉醬可以揀一款薯條🍟可以有3款醬可以揀😏幾好幾好———————————————————🍴炭燒雙層黑安格斯牛肉芝士漢堡($168)聽個名都知😂個burger有幾豐富Burger個份量真係激厚😆同埋真係要趁熱食♨️遲左少少食真係差啲不過漢堡仲好juicy 係個包皮爭咁少少Burger本身都會配埋薯圈 薯圈炸得超脆☺️都幾推薦大家嗌呢個‼️‼️———————————————————🍴意大利辣肉腸薄餅($168)個pizza又係估唔到咁大份🤣本身pizza係薄批嚟🍕而且都有幾多芝士下☺️拉芝程度💯Pizza仲幾脆下👍🏼如果多人食既話 都幾推薦食呢個———————————————————🍴煙肉忌廉蛋汁意粉($168)上碟個陣又係比佢個份量嚇親😂未食之前已經feel到佢勁Creamy熱辣辣食真係不得了😋而且又唔會咸👍🏼不過食耐左會覺得有少少膩飲返啲可口啲野飲就good fit啦

與朋友前來R&B興祝生日過了一個極差用餐體驗的生日食物方面：首先卡邦尼意粉真的極難吃汁很快變得超乾極難入口 味道亦很差。Dirty Wings 口感好「鞋」及乾身、硬身，亦難以入口。唯一可以接受是極易烹調的薯條但亦非某食評所說「全港最好食薯條」只算是可接受。衛生方面：R&B 將一大支水放檯面供食客自行Fill 水，但是水瓶是沒有蓋子的，原本只由水杯蓋住瓶口位。由其疫情肆虐，我相信大部份人對衛生意識提高，這是完全不能接受。其他方面：另外，食客盤子極像狗的鐵盤子🙂🙂🙂餐廳Staff方面：8點15分到達，坐下來點餐後野食剛則來到大約8:30-40，還未開始用餐就問有無野加要Last Order。剛開始用餐15分鐘左右就拿帳單來說要先埋單🙂 還沒用完餐我們亦非餐廳結束營業前前來🙂 才剛開始就要我們先結帳是怎樣？真的極差用餐體驗店員態度亦無講唔該或唔好意思，只是單手拿帳單遞給客人🙂價錢方面：比一般西餐小店略貴，與食物質素亦不成正比，服務亦差。 不建議大家嘗試🙂

📍R & B 📍💡尖沙咀今次第二次黎食啦，不過都係坐唔到窗邊位🥴🐥煙肉忌廉蛋汁意粉Carbonara Pie呢個意粉好creamy好好味，個汁係唔Hea, 好濃，份量都好多兩個人食都多，意粉軟硬適中，加埋煙肉好夠味，另外用pan上賣相有加分😂🐥美國頂級安格斯西冷扒肉質鮮嫩多汁，塊肉好大塊，煎到啱啱好，肉味又濃加$24 要埋個薯條，好脆熱辣辣🐥mini chocolate blackout cake 個朱古力蛋糕叫就叫迷你，但個量真係叫多，朱古力迷既我真係好推薦，好香濃，朱古力真係厚厚一層，因為個蛋糕係用72%朱古力黎整，所以唔係好甜，但食到真係好漏😋

Yummy and relaxing restaurant食物好味環境舒適打咭一流！綠悠悠視野很舒暢在鬧市中難得交通方便在佐敦站旁！lemonade 清新好味！試了很多人推介的大蝦蟹肉意粉！個汁真正用心制作！中等價錢！值得推介！

之前朋友話呢間聽聞啲意粉同薯條都好好食加上地方好”打卡able”🤣所以朋友都直接早啲預約咗窗口位我哋去到當陣時都仲未有任何食客確實如果你好鍾意打卡嘅話佢個窗口絕對係唔錯佢個意粉如果你鍾意食啲好creamy 口感重嘅carbonara 絕對係你杯茶 而且呢個價錢呢個份量來講三個人share都絕對冇問題👍🏻薯條OK，不過個雞翼就比較乾。。。（加咗檸檬汁好啲）個人而言整體感覺非常一般所以試過一次就夠lu

🌹🐷🐷🐷9月份約會，相約先吃午餐再去做手工，揀選尖沙咀區內一間收藏Cafe 《R&B 》，R&B 地點就腳，鄰近地鐵站，是樓上鋪，在OpenRice可以訂位，即時確認很方便！🌹餐廳走休閑風格，訂位註明要求窗邊位，去到的時候，幸運地能被安排在心儀座位，這間Cafe吸引我是一排落地玻璃窗，配黑色窗框，配襯窗外綠色植物，滲入餐廳的陽光，恍如在戶外食飯一樣的感覺。🌹翻看餐牌，每人點了自己的主菜及飲品，大約等了10多分鐘，食物飲品陸續上枱，食物及飲品味道一般，價錢稍貴。Crab Pasta⭐️⭐️⭐️份量足Clam Pasta⭐️⭐️⭐️份量足，蜆肉有少許沙Snowboard Salad⭐️⭐️⭐️豐富的組合Lungo⭐️⭐️⭐️咖啡味香Iced mocha ⭐️⭐️味道不足個人評分食物味道⭐️⭐️⭐️飲品⭐️⭐️⭐️環境⭐️⭐️⭐️⭐️衛生⭐️⭐️⭐️服務⭐️⭐️抵食⭐️⭐️回頭率⭐️⭐️⭐️