RBTea

营业中

休息中

這天選擇到花園街買衫，但逛不到一半，就開始後悔，因為天氣實在太熱，加上人又多，最後決定到始創RBTea飲嘢。 餐廳門外雖然有少人龍，但舖面大，而且座位舒適，不到5分鐘就已經有位了。 新餐牌「黑糖勢力」賣相吸引，而且大部分食客亦點這一款，所以我們也不多想，直接點了餐牌上2款飲品及再以優惠價HK$46換了鹽酥雞拼盤來試試。 鹽酥雞拼盤 這天有點可惜，因為地瓜條已經售罄，換上了薯角，拼盤內有蝦片、鹽酥雞、薯角及香腸，店員還貼心送上茄汁，非常細心。 鹽酥雞細細粒，外脆內嫩，軟硬適中，口感酥脆，一啖一口，超惹味。 香腸雖然感覺有點格格不入，但在這個拼盤內又起了新奇作用，因為吃太多炸物，總會有點膩，在這個時候吃香腸，就能中和炸物的膩滯感。 黑糖布甸鮮牛奶 用上鮮牛奶泡製，所以奶香味極濃，但又不失黑糖甜香，布甸口感細滑，口感豐富。 黑糖珍珠鮮牛奶 這個基調與黑糖布甸鮮牛奶是一模一樣，但就將布甸換上珍珠，而我亦加了點錢，加上oreo雪糕，半融化的雪糕令整杯飲品的口感變得更細滑，脂香味濃，配上珍珠口感煙韌，大滿足。 RBTea 太子彌敦道750號始創中心2樓232號舖

Good place for All Day Breakfast. They have several options like Parma Ham salad, fish fillet, sausages or salmon with caesar salad all paired with waffles. I had Waffles with scrambled egg, potato wedges, grilled tomato, beans, and sausages. The portion was big enough and it was delicious., though the waffles were a bit too crispy and dry. Overall it is a nice place for a casual meeting with friends. 

旺角太子區係有好多唔同嘅餐廳，但係中唔中伏有時都係睇彩數⋯⋯好似今日天氣悶熱，鼠咗入商場搵地方食Brunch，可能熱到個人太攰，無乜心機閒逛，肚打鼓之際就衝咗入一間都好似幾多人吓的多士窩夫店。以為好好彩，因為點幾鐘入去啱啱有位唔駛等。入到去侍應就話要自己記住枱號出去買野食，都okay，但排隊排咗我15分鐘，但其實前面只係得兩個人，而原因就係佢收銀機壞咗，出唔到單...所以當前面有人要求要收據，佢又要搞張手寫單，我身後面就慢慢咁形成咗一條人龍⋯⋯我都試過為咗食好嘢去等，但呢一度就唔係好值嘞⋯⋯所謂嘅岩鹽奶茶一啲奶茶味都冇，亦都冇岩鹽或者小小鹹味⋯⋯我覺得似加咗冰好普通嘅奶多啲...呢個魚柳窩夫all day breakfast更加同menu張相差天共地....唔吸引不特止，窩夫淋 pat pat,個什果浸住嘅糖水成陣藥水味，魚柳係脆嘅，不過真係好細舊囉⋯⋯成分野食完，我呢個成日俾人話細食ge女仔，都冇六成飽，我覺得好唔抵囉⋯⋯呢個忌廉汁肉醬螺絲粉，除咗面頭有芝士就乜味都無，我只好狂落芝士粉自己加味⋯⋯食完呢餐，我居然要去麥當勞再買魚柳包食，係唔難食，但你話我仲會唔會嚟呢

我已多次光顧這間餐廳，食物水準不錯，環境舒適，與朋友聚會又一好去處。我最喜歡其中一個主食是海鮮意粉，材料豐富鮮味，意粉爽口，甜品綠茶紅豆窩夫更是我至愛，味道鬆軟可口，甜味適中。

朋友極力推介黎呢間餐廳，竟然平日的下午茶時間都會咁多食客。 朋友點左香草忌廉三文魚意粉配熱檸茶。朋友推介我點正價飲品，再以優惠價點下午茶。結果我就揀左玫瑰荔枝椰果紅茶配香腸西蘭花芝士薄脆。香腸西蘭花芝士薄脆:熱辣辣香脆可口嘅薄脆有六片，脆到好似食緊薯片咁，真係夠晒薄而脆。薄脆面放左好多芝士，芝士味濃，食落似食pizza 咁，啖啖芝士，份量恰到好處，唔會食到好漏咁。薄脆餡有西蘭花，平時西蘭花好少出現係pizza ，都幾新奇，西蘭花味較淡。蕃茄醬落得比較少，所以茄汁味唔濃，薄脆就更乾身了。香腸唔會好鹹，因茄汁唔多，咸味就剛剛好，而每片薄脆都有一片仔嘅香腸。香草忌廉三文魚意粉:意粉煮得剛剛好夠彈牙，忌廉汁都幾creamy，大大片煙三文魚係面，配埋香草，令成個意粉好有色彩。煙三文魚都OK，少少咸。啲香草就似火箭菜，食落好香口。玫瑰荔枝椰果紅茶:茶成壼上，大大壼，同朋友係度傾計可以慢慢飲。下午茶就係悠閒，最啱飲玫瑰花，夠晒 relax。荔枝味都幾濃，配埋幾粒椰果，不過椰果就食唔到味了。呢間餐廳算係旺區嘅綠洲，最啱傾計、休息。

之前行經過始創中心幾次見到呢間悠閒小cafe都想入去試下 但係次次都係匆匆忙忙 到今日先有機會係度食個晚餐晚市套餐附送既餐湯同埋沙津意式香草野菌意粉 ($78)香草味真係好濃烈 唔係個個都頂得順 而我就係其中一個 菇既份量都幾多 但係全部都係同一種菇 好單調 加上個汁又麻麻地 真係唔係幾想食 如果用雜菌應該會好d黑珍珠奶茶 (+$9)D珍珠太大粒又偏硬 好多時都卡住左係條飲管到唔上唔落 奶茶味道就ok又唔會太甜炸魚柳脆香鬆餅全日餐 ($89)塊炸魚柳比想像中細好多 而且食落乾爭爭 中間個碟水果粒又唔夠新鮮 鬆餅完全唔脆香 雖然個賣相似係唔差 唯一可取既係個滑蛋 加埋胡椒粉調味係唔錯嘅 蕃茄都夠新鮮Tiramisu 焦糖牛奶咖啡 (熱) +$15男朋友係咁話好好飲 不過我就無試到呢度既食物質素真係麻麻地 但係環境好好 氣氛好放鬆 座位都舒服

今日同朋友high tea,行到黎太子,已經無力再行番去moko睇下有咩食,見到呢間小白兔就諗住同朋友一齊試試啦,見佢d梳化好似坐得好舒服嘛😇,同朋友一齊揀左野食先,一見到呢個strawberry waffle,唔洗諗,就揀呢個啦😘小妹一向鍾意士多啤梨,所以一直好期待佢出餐,賣相好靚😍一層疊一層疊到好高🙈食落去都真係外脆內軟既waffle,唔似其他餐廳咁虛有其表,個waffle係林晒既,果d小妹唔ok,士多啤梨唔酸有甜味,食得出唔係糖水浸過既,仲有個雪糕球係入面☺️呢間餐廳都幾好,同朋友坐左好耐都無比人催我地走,下次想試下佢地d花茶☺️

珍珠奶茶班戟 ($48)珍珠奶茶你就飲得多，Pancake 你有無試過珍珠奶茶味？🤣 今次黎到太子依間 #RBTea Cafe 試下，其實專登為佢呢個pancake 而黎。Cafe 既座位比較密密麻麻，坐都唔算好舒服。pancake 質感厚實，唔係疏乎厘空氣感，蛋香亦欠奉，麻麻地。不過珍珠奶茶味既醬就幾好味既，加埋一粒粒珍珠，幾得意🤣 對pancake 要求唔高可以試下過下口癮既。不過我都係鍾意疏乎厘口感既pancake 多啲。

之前係附近返工，所以其實都已經食過好幾次。之前食過佢哋嘅pizza，肉醬螺螄粉覺得都唔錯，而且份量唔會好大，對女仔來講啱啱好。今日同朋友喺附近買野，行到攰決定再次食下呢間餐廳。今次點左吉列豬排窩夫，賣相都算唔錯，雖然炸粉略嫌太厚，但係個豬扒肉質都OK唔會好乾，夾埋waffle一齊食口感都幾得意！以呢個下午茶嘅價錢同食物質素，算係幾唔錯。

今日落雨濕濕，行到始創，見到這間RB大把位咪入來坐。見到個all day breakfast都唔洗一百，諗住ok咪試下。間野係自己去收銀處落單的。自己填紙比收銀輸入去到落單，個收銀靚妹掛住傾電話，我叫兩樣野食，兩樣野飲，佢掛住傾電話落少杯野飲。我叫了All day breakfast $89, +$15 要杯Tiramisu 焦唐咖啡，+$70美極蝦意粉，再散叫杯牛奶咖啡$36。總共$210佢就發緊夢，唔知係咪電話比男友激親，佢落了all day breakfast $89 +$9 牛奶咖啡+$70美極蝦意粉。 收完錢我發覺少了杯野，再叫過杯Tiramisu 焦唐咖啡要$44。合共212。 咁我同佢講收多左$2。佢計來計去都唔識計，我咪計佢睇。之後佢都比返2蚊我。佢跟住就好悔氣叫我返埋位等得了。我唔係志在嗰兩蚊，收多左又唔係個靚妹袋，我係唔鐘意佢返工發夢做錯野又要我幫佢比埋。咁返到位等野食。來了兩杯咖啡和意粉，到我食到一半問個早餐幾時來。個侍應問我有冇落單……我話錢都在counter比埋，我唔知你有冇落單，佢先急急追個餐返來。侍應又唔醒目，食物份量少，價錢咁嘅服務來講算貴，試一次算數。

叫左份雞翼，話明1份有4隻，雖然呢碟真係有4隻雞翼😅......但其中一隻真係好迷你囉......😑服務、味道、食物質素都退步左，無下次啦，以後唔會再幫襯囉

假期嘅cafe總是人山人海, 好不容易找到張角落嘅枱, 有好幾張頗吸引嘅menu, 可惜唔肚餓, 純粹想找個地方坐一陣. 劃好點餐紙就出去order先. 鳳尾蝦油醋什菜沙律 (HKD69) 好大碟菜, 有陣微香醋味, 鳳尾蝦🍤大隻厚肉而且好爽口. 係喺超市買相等份量嘅沙律菜都成5,60蚊, 抵食之選.益力多香橙冰雪樂 (HKD48)引頸以待的smoothie, 好正呀一大球雪糕🍦, 成杯好thick好rich益力多味嘅smoothie, 仲附送橙🍊肉. 消暑之選(仲好大杯timmmmmmm)

今朝收工即刻上Yoga班, 完左餓極地食個Light TEA, 上到始創頂樓間RBtea見有位, 唔理了, 坐低先,其實食過好幾次, 印象中唔太好食, 係地點方便. 見到有沙律食, 應該唔會有伏呱. 煙三文魚芝麻豆腐沙律 (HKD69) 菜嘅分量足夠, 豆腐粒粒都fresh, 芝麻汁平均地佈滿喺菜面, 煙三文魚厚肉, 其他基本沙律材料例如粟米粒蕃茄仔都有使用, 今次沙律🥗好食. 岩鹽焦糖咖啡 (HKD44) 讚點: 大杯, 奶泡OK棉密, 焦糖味濃, 夠熱 唔讚點: 咖啡味太淡. 可能人手嚴重不足, 出菜等好耐, 枱面menu痴笠笠的.

滿心期待為左waffle all day breakfast而黎 落餐後等左成個鐘 其中既pizza出到黎係凍 叫佢再加熱 擺明放入廚房一陣再拎翻出黎 完全無分別 一催再催都無用 我又唔明 一份waffle加沙拉整咩要整成個鐘？ 野飲一啲都唔好飲 咖啡係用即溶咖啡粉 總言之 垃圾到不能

天氣咁熱，行街行到勁攰，唸住揾間餐廳坐吓，點知好有驚喜。個豬扒配窩夫，原來可以好夾。個雜菌pizza一d唔hea，好多唔同種類嘅菌類，啖啖都有！仲有其他小食，例如，雞翼、三文魚杯都唔錯，加埋杯特飲，真係可以好好地充吓電，再去shopping !