RBTea (已搬遷) 新店位置

同朋友shopping完畢，找個地方叉電之時，見到banner廣告介紹，而朋友又喜歡吃窩夫，於是決定一試，看了餐牌之後見到相片介紹窩夫的選擇都很多，於是乎朋友點了個草莓窩夫輕食同玫瑰荔枝紅茶，而本人就點了杯黑糖咖啡，買完飛過後，等了約莫十分鐘，兩杯飲品隨即奉上，玫瑰荔枝茶味道都不錯，玫瑰味香濃，而黑糖咖啡即只屬一般，我們邊飲邊等著今餐希望一試的主角窩夫，結果等了差不多二十五分鐘才奉上，一望之下，我們都很失望，因為跟餐牌相片的落差實在太大，兩球雪糕跟一球雪糕，四粒半邊草莓跟十片薄切草莓的分別，一試之下，等了二十五分鐘的窩夫，竟然不是熱的，賣相的落差以及等侯的時間，實在令人失望，雖說餐牌上的相片多數都是只供參考，但落差真的太大，只能說句，沒有下次。

情人節當日，如果唔想花費太多，就要搵一些不提供情人節套餐的餐廳~ 這間餐廳的好處是位置上人流不多，環境比較寧靜，而且餐廳裝修挺漂亮，特別係有少量座位設置鞦韆，幾有特色~ 點菜時要去付款處俾錢，而食物會有工作人員稍有送到，咁樣唔洗加一又慳返d～我們點了一個晚市套餐及一個甜品：(1) 晚市套餐 - 香辣日式照燒汁帶子意粉 $88套餐包括有前菜蕃茄沙律、餐湯及飲品~ 蕃茄沙律的味道比想像中好食，沙律的醬汁和蕃茄挺配合~ 是日餐湯是粟米湯，味道一般~ 飲品我地免費轉左芒果綠茶，茶味挺濃，酸酸甜甜幾好飲~ 主菜意粉微辣，意粉及茄子都非常入味，幾好食，只可惜帶子只有3粒~(2) 焦糖朱古力脆香鬆餅 $78鬆餅份量比想像中大，而鬆餅整得幾香脆，配上雲尼拿雪糕一齊食更好味，香蕉加上焦糖朱古力漿依個配對亦冇得輸～總括來說，食物質素中上，環境令人舒服，價錢合理，值得推薦～

隨著年紀增長， 各有家庭，各有各忙， 難得大家夾到時間出來，更係坐低飲下食下傾下啦！在銅鑼灣，要找個地方坐得耐， 坐得舒服，食品同飲品價錢合理的， 真的有點難， 正當我們站在sogo 門外躊躇著去邊到時， 眼前見到一隻可愛小白兔同waffle 相片,所以決定去試一試一入門口，裝修清新，充滿坐在小花園的感覺， 您可選擇鞦韆上、樹底下、鳥籠下、大樹（壁畫）旁或在馬頭下都可以，這裡是先坐後購票，再有侍應生送餐， 如要額外餐具或熱水可自行到自助區自取我地揀在梳化位置， 貪佢坐得舒服我地點左水蜜桃梳打， 熱抹茶牛奶， 凍蜜桃蘆薈， 當然要試一試佢嘅新出品---凍爆POP朱古力食物方面因剛食完晏還很飽， 所以只點左1個草莓脆香鬆餅 share 食水蜜桃梳打:可能是文字上的誤解， “梳打”我地理解為雪糕加七喜 點知是水蜜桃加梳打水， 所以感覺很酸， 即是有雪糕放上面都感覺很酸，水蜜桃的味亦被這個酸味覆蓋左熱抹茶牛奶:重綠茶味，奶都香滑 凍蜜桃蘆薈:除了“甜”，無其他字形容， 因為甜到飲唔到蜜桃味， 蘆薈份量一般凍爆POP朱古力:今期新產品， 賣相的確吸睛， 不過味道有待改善， 爆谷一早放在朱古力飲

是日約左朋友食飯，話說大家揀好哂之後，諗住落order，結果個waiter話要出面買，我地全部呆左，佢一個餐都唔平，而且亦無寫明出面買左先。我食嘅係一個餐，佢個意粉咸左啲，好重味，唔係好食得出有茄。。。沙律係蕃茄粒，杯檸檬紅茶都好特別，我只純粹求「浪」下個口，無咁咸啫。呢個餐就咁就72元，雖然話無加一，但係銅鑼灣，可以有更好嘅選擇嘅。

行完維園年宵，搵coffee shop hea。第一次黎，78蚊無野飲，得一塊手掌心咁大既魚柳，幾條唔熱既菇，兩啖炒蛋，幾舊仔薯塊加半舊蕃茄。 真係想請番佢食，m記醒神早餐好過佢多多聲，出餐又慢，人手又唔夠，我見唔少人都要催佢。咖啡買一送一算正常味道，但真係唔會有下次，。貴價劣食，d staff 仲要個個黑黑地面

我經常食黎間 雖然佢要自己serve 自己 不過唔緊要 野食係好味 次次食都覺得好正 佢個oreo岩鹽奶茶 真係正正子 野食又大份啦 唔洗等位 係等最鍾意 比起另一間食high tea 好好多囉好過所謂有service 餐廳 好好多 次次都有驚喜 好味呀！

在銅鑼灣等肥髀期間，先去食個午餐，搵咗呢間樓上咖啡店食午餐，樓下排隊等𨋢都要啲耐性，上到去一層兩間餐廳，門面好可愛，兔子加樹林感覺，好清新，店員安排我坐二人小梳化位，唔迫好舒服，店員解說先劃落餐紙再到櫃臺比錢，然後耐心等候！意式香草雜菌意粉（$48）份量唔大，賣相幾好，意粉炒得幾香，有咬口唔錯，雜菌用幾款菌，最喜歡鮮冬菇，淋身彈牙，不過調味略淡，我要後加少許鹽及辣辣仔辣汁、及芝士粉，味道先剛剛夠味！整體ok凍檸檬綠茶：綠茶味清爽，唔太甜，微微檸檬味！好味！店員有禮斯文，地方唔嘈雜，各自享受悠閒時光！以在銅鑼灣午餐價錢好抵

RB Tea is a classic. Though I didn't grow up here, I know that RB Tea is a place that is popular for their bubble tea and inexpensive snacks that bring in lots of students. But recently, RB Tea has redesigned themselves with a whole new look and focus.A new shop opened in Causeway Bay. Inside a shopping center that is more popular for selling clothes and accessories geared for women. But recently, the top floor of this shopping center has undergone a renovation and now there are two restaurants.

終於到學期尾，有少許時間可以放鬆一下，何不食好西？ 睡至自然醒，與剛下課的友人相聚，一同走進鬧市中的田園風憩息處 木感及綠色森系的裝潢稍為紓緩了多日來的疲憊，想不到這一坐下來就是兩三句鐘 只曾到過九龍另一熱鬧地－－太子的RBTea，不過已經是好一陣子之前的事情了 銅鑼灣金百利的分店面積更大，店舖裝設其實差不多，都有吊椅位 且發現原來有點餐紙，雖然都要自行到櫃檯點餐付費，但剔清楚，一目了然 飢腸轆轆，得馬上以暖熱鹹食滿足胃口，不多思索便選了焗忌廉汁肉醬螺絲粉 $58 餐牌相中是用圓形小焗碗盛著，而正式登場時就是更大的長圓焗盤，叫做提高些少量價比 微溶的芝士略為牽絲，有酸甜的蕃茄肉醬相伴，香口又不重膩 好在螺絲粉沒有煮至過水過爛，雖不至al dente富有嚼勁咬口，但屬可接受的範圍了 一眼相中黑椒牛肉鬆餅三文治 $56，鬆餅三文治在港不算常見，遑論鹹食版本 這次有煙鴨胸、黑椒牛肉及厚切吉列豬扒可選，結果還是清些少起頭為妙 有如一般三文治的生菜及蕃茄夾餡，清去黑椒牛肉本就不多的油膩感 鬆餅比較綿身而紥實，中和黑椒牛肉的鹹，入口是乾爽的 另配有一小籃黃金炸薯角，調味鹹度適中，沾茄汁吃不

對於銅鑼灣金百利的印象就是買衣服的地方來喔但沒想到原來現在3樓已經變成了2家餐廳，其中一家就是RBTea ヾ(｡･ω･｡)這家以前在太子上堂時有吃過，主要是吃鬆餅之類，也有一些主食合巧見到門口的宣傳牌子有爆谷款的飲品和窩夫便產生了興趣，反正又沒什麼人嘛找好位置坐下後就可以看看有什麼好吃!! 劃好單後就先拿去收銀處付錢(゜▽゜ ) 付好後就可以回位置等待店員上餐當然不會一開始就選擇甜食吧！先點了一份晚市套餐，有湯、沙律、主食和飲品湯的話是 粟米湯 不算很濃～湯料除了粟米外還有雞肉碎呢沙律則是 番茄沙律 是微冷的番茄～配了滿滿的汁不會很酸 (￣︶￣)主食選了 - 日式咖喱豬扒飯 ($74)咖喱不算辣且頗香的～但可惜只是溫的程度，再加上飯也是乾乾硬硬的 QAQ幸好在飯面上的蛋是滑身的，而且炸豬扒的貌相還不差！豬扒倒是新鮮炸的，外層很香脆。而且炸得剛剛好，肉質很軟稔~但只有四舊而已餐飲方面，媽媽選了 熱檸水！好酸！！因為擔心鹹食不夠，所以多點了 RBTea小食拼盤 ($78)很豐富！有炸雞、雞翼、蝦片、腸仔、薯角，均是香脆可口且極為濃味 (o´Д｀o)不過當中最吸引的是雞翼～外皮很香還帶甜味，

間中也會和帶朋友來到這間茶室, 因為它往往提醒我將急速的腳步變慢一點, 好好感受身邊的人和事, 亦要慢慢享受一頓晚餐。近排忙到抖不過氣, 將「唔駛急, 最緊要快」成為口頭蟬, 樣樣都提自己要快, 令到自己和身邊人都很緊張, 所以今晚決定約朋友來這裏抖一抖。裝潢沒有大改變, 同樣給我舒適自在的感覺。開放式的設計, 門口印上一個兔子標誌的粉綠白色招牌。內裏大部份是二人至四人的枱子, 有矮木枱配沙發座、有普通木枱椅, 而最喜歡還是樹蔭下的吊椅。四處掛上精緻的小盆景、安放多棵大樹模型、牆上印了鳥兒和花樹, 營造一個大自然的環境, 當然舒服啦!餐簿設計精美吸引, 圖文並茂, 色彩繽紛, 分別有脆香鬆餅、脆香吐司、班戟、意粉、香濃咖喱、烤薄脆、小食、甜品和飲品, 選擇不少。除了散點餐簿外, 還有晚巿套餐和期間限定, 大部份都經濟實惠。******************************友人愛吃香口食物, 在小吃系列中點了一客烤檸檬雞膇 Grilled Chicken Drumsticks ($38)。以一個小木盆盛載，一客四隻雞膇 伴上一些西芹、一角青檸，中間配有他他醬。雞膇 中等大小，表

難得同朋友聚下，最近又見雜誌介紹 RBTea 的新產品 「爆POP」，覺得又幾有趣，就決定去銅鑼灣金百利去試一試。爆POP奶茶濃滑的奶茶，配上出奇地好味的爆谷味忌廉，已經無得彈！仲要頂層舖滿大大粒的焦糖爆谷，正！日式唐揚雞塊炸得粒粒金黃色的雞塊，每件都很香脆，雞肉很juicy 嫩滑，旁邊還有能解除一些膩感的西芹，配得好！香辣日式照燒汁帶子意粉帶有辣味的燒汁，配上意粉，味道也很不錯！意粉的軟硬度適中，不會是軟淋淋的！帶子也有少許的燒汁味，肉質很爽口！晚市套餐還配有沙律、餐湯及檸檬綠茶蕃茄沙律。酸酸甜甜，很開胃！粟米雞肉餐湯。味道不太濃郁，粟米份量若多一些就會更適合我嘅粟米迷！鮮蝦沙律脆香吐司底層有一塊薄薄的香脆吐司，然後一塊生菜上放著秘製蕃茄醬汁，頂層再放上鮮蝦。秘製醬汁酸酸甜甜，非常開胃！(店員提醒這個脆香吐司需要盡快進食，否則醬汁會影響吐司的香脆度，非常貼心！)BBQ 雞翼金黃色的香港雞翼，不會很油膩，雞肉的汁還可以保留在內，咬落也很juicy，還有伴碟的西芹，不用常常只有肉！爆POP 脆香鬆餅香甜的焦糖爆谷，加上焗得鬆軟無比的鬆餅，伴上獨有的爆谷味忌廉，啖啖都覺得自已食梗爆谷甘！配

金百利的RB Tea，是一個蠻好hea的地方。這夜，與好友到此談心。 兩人座的梳化枱，最為吸引了﹗ 氣管敏感，凍飲不宜，故要來了一壼清香怡人的甘菊柚香綠茶$35/壼，寒冬暖笠笠。 晚市套餐有四款可供選擇，小妹要了意式香草蝦意粉$86，配是日餐湯和沙律。意粉均勻地沾滿了香草醬，混入蝦、煙肉、洋蔥和松子等，口感香氣有餘，然，稍嫌雪藏蝦鮮味爽口欠奉，意粉的硬度也可以稍稍再提升少許。 友人要了一客爆POP套餐$94，包一杯爆POP飲品，以及爆POP脆香鬆餅。爆POP飲品有朱古力和奶茶可供選擇，友人要了後者。試了一口，奶茶乃台式奶茶，茶香且順滑，配以香甜爆谷忌廉和粒粒香脆可口的爆谷，幼滑且香甜無比，最啱甜魔﹗ 爆POP香脆鬆餅，把一塊鬆餅預切成四件，立體地堆砌在白色瓷碟上，放上爆谷和雪糕，再淋上朱古力醬，並以薄荷葉作裝飾，賣相頗佳。 鬆餅混合雪糕、朱古力醬和爆谷同吃，集香甜脆口於一口，滋味非常﹗不過，爆谷和雪糕本身已經是甜的，再加上朱古力醬，不免甜上加甜了﹗建議可改用酸香的士多啤梨醬，或配上鮮果。

一向很喜歡造訪以慢享生活為主題的餐廳《RBTea》，特別是這間位於記利佐治街金百利廣場三樓的分店，門面以柔和的綠色為主調，環境舒服自在，配上店內的花草樹木，令人有置身於大自然的清新感覺。趁這晚約了老公來銅鑼灣選購寒衣，就一於兩口子再來重溫這裡閒適迷人的慢生活。餐廳採取半自助形式，客人可以先坐下細閱餐牌，在點菜紙剔上自己心儀的食物和飲品，然後去柜檯落單，侍應隨後會將食物逐一送上。店裡嘅晚市套餐很簡單，主餐四選一，包是日餐湯、沙律及餐飲，定價由 $72-$88，另外客人亦可以加錢將飲品升級至珍珠奶茶、美式咖啡等，愛吃甜品的話，更可以 +$18 或 +$20 換購千層蛋糕。至於散點方面，項目就包括有脆香鬆餅、脆香鬆餅三文治、脆香吐司、班戟、意粉、香濃咖喱、烤薄脆、小食、甜品、蛋糕、現泡茶果茶、特調鮮果茶、冰雪樂、梳打特飲、岩鹽系列、濃醇咖啡及幾款新近推出、以爆谷為主題的「爆 POP」系列特飲及甜品。筆者愛吃香口之物，決定先點兩客小食打開胃口，主菜就一於交由老公發辦。先來的香腸西蘭花芝士薄脆 ($42)，以木砧板盛上，面頭嘅 Toppings 分量不多，只有西蘭花、香腸和芝士三款。立即拿起一塊

星期五晚，人多的銅鑼灣，沒有想過可以找到一間那麼安靜的小cafe。 在金百利行完街就發現4/F 有這間幾雅致的小cafe.店內佈裝是清新童話Feel, 沙發位多夠舒服，有鞦韆位，小朋友好鍾意。一個令人可放鬆的環境，欣賞店主的心思。食物不錯，最正係飲品熱青檸水，入口清爽開喉。 千層疍糕有芒果、朱古力選擇，層次分明忌廉細滑，不會太甜。全個餐，有沙律、湯、主食、飲品另加甜品，都只係每人$100， 算抵食。