RBTea (已搬遷) 新店位置

難得嘅假日約朋友食個Tea，傾下計，呢到既環境舒適，真係好適合朋友傾計飲野。小食拼盤，炸雞塊嫩滑帶汁，雞翼烤得色澤金黃皮香肉嫩，薯角外脆內軟芒果窩夫，芒果jam、雪糕、加香甜的芒果，窩夫外脆內軟，鬆軟可口朱古力千層蛋糕，有D失望的蛋糕，面層有輕微烤過，但是切開的時候蛋糕好快就鬆散 ，朱古力味不濃郁 

之前太子食過，原來銅鑼灣金百利也開了分店！感覺比太子店坐得更舒服！芝士肉醬螺絲粉，雖然係拉絲芝士，但芝士味好淡，唔夠味道，意粉亦硬身唔夠淋，肉醬味反而唔錯，茄味濃，如果螺絲粉淋D就好了腸仔薯角，普通野，腸仔好一般，仲好咸薯角新鮮炸，炸得外脆內軟，D蝦片又幾好食配既係沙律酱，仲有幾條生西芹!叫做係銅鑼灣揾到間坐得舒舒服服，又唔驚有人趕你走既小食店！

RBTea 本身係朋友介紹話下午茶好正所以先黎試下，呢間餐廳環境唔錯，坐得舒服既。叫左幾樣野食下，D食物賣相係唔錯既，先黎個豬扒窩夫，我自己真心覺得，如果將炸豬扒窩夫分開食的話係好好食，但硬要將兩樣野夾埋一齊食就好怪，味道怪怪的。。。不過佢呢杯綠茶紅豆冰好飲，唔係太過甜！但其他嘢就令我非常失望喇，例如個pizza同埋嗰D薯條完全係凍既。。。好唔開心，佢用微波爐叮一叮都好丫，呢幾樣非常差，下次唔黎

食完晚飯點都要食番個甜品先覺得完美。路經銅記金百利、得知開了間Ｃａｆｅ、順道試下啦! 真係好順路去！Tiramisu Mille Crepe ($28)Pancake層數不多、但相對價錢是ＯＫ的。至於味道有意外驚喜、不過甜、入口充滿咖啡香、好滋味。Brown Sugar Latte with Salted Cheese Float ($42)其實黑糖作用不大、只感覺奶味太濃、蓋過了黑糖的味道。甜度太過火了、可能又黑糖、又奶、又芝士、太重口味、絕不是我杯咖啡。

之前都睇到有好多對呢間餐廳嘅好評，所以就打算去試下，點知中伏到不得了。首先講下環境，個裝修係幾舒服，D位亦都唔會好窄好逼，但係D冷氣機就不斷滴水，我地坐左兩張檯，兩張檯上面部冷氣機都係錦滴水，真系唔知想點。跟住講下服務，D服務生大多數都係年輕人，我地入到門口都無人招呼，D服務生很見到我地企響到都唔過黎幫手帶位，要我地自己去搵個服務生，同佢講我地幾多位，問佢坐邊，然之後佢就淨係指一指，同我地講坐邊，仲要D態度好似係覺得我地阻住佢咁。之後我地就入座，個度D杯同碟都係自己拎，係半自助服務，我地好肚餓，所以就好快落左order，叫左個小食拼盤、黑椒牛肉窩夫三文治、帕爾馬芝士薄脆同埋香草三文魚意粉。落完單無幾耐就有野食到，不過唔係我地叫嘅，然後想同D服務生講佢地送錯野食黎，但係又再一次被無視，要係錦叫先有用。點知個服務生收走個餐無幾耐，另外一個服務生就打算送同一碟啱啱送錯左嘅餐比我地。終於D野食黎啱啦，但係D質素同味道真係不敢恭維。先係個小食拼盤，個拼盤一共有雞翼、薯角、雞塊、香草腸通龍蝦片五樣野，結果就漏左龍蝦片，即使後上翻比我地，我地又再一次失望，D龍蝦片係脆但係偏硬，唔多好食，D薯角白雪雪

我是銅鑼灣常客，各式食店，吃過不少。星期天，走過銅鑼金百利廣場3樓，發現有間RBTea，開張不久。RBTea最搶眼是它的園林佈置，餐廳沒有梗牆間格，祗用小籬笆與公眾地方分隔。綠色牆身配原木椅桌，再加灰白梳化卡座，另四週都是綠色植物，卦牆壁畫也用上綠色花草、加上燈光火猛，還有雀籠吊燈，整個環境如同森林，充滿朝氣，身在其中，有種寧靜感覺，令人心曠神怡。餐廳採半自助形式，枱面有點菜紙，剔好了就去櫃台落單，店員會把食物送上。食物種類也多，有多款脆香鬆餅、三文治、沙律脆香吐司、班戟、烤薄脆、香濃咖哩、意粉、甜品、蛋糕、小食和特飲。由於環境舒適，坐下就食指大動。剔了一客香腸西蘭花芝士薄脆 ($42)、黑椒牛肉鬆餅三文治 ($56))和日式咖喱炸魚柳飯 ($72)。飲品就叫了Oreo朱古力冰雪樂 ($52) 和益力多香橙冰雪樂 ($48)。香腸西蘭花芝士薄脆 ($42)，非常香脆，餅皮超薄，餡料有西蘭花和香腸，面頭再灑上芝士，相當惹味。黑椒牛肉鬆餅三文治 ($56)份量十足，賣相吸引，微焦窩夫散發陣陣蛋香，中間夾著鮮嫩黑椒牛肉、新鮮生菜、番茄和芥末沙律醬，大口吃下，非常好味。窩夫另跟香草薯角一杯，略

難得Long weekend，同朋友黎港島行下，想係銅鑼灣搵個坐得耐既地方食飯，竟然俾我地係openrice搵到呢間台式餐廳。我地7點幾黎到，都有唔少人食緊飯啦，但好好彩唔洗等位，呢度環境唔錯，都算靜，都幾適合傾計，裝潢走綠色青幽森林路線，感覺柔和。餐牌裡面既選擇都幾多，有甜品，主菜，小食，飲品等等。水果果茶: 水果果茶係熱既，用個玻璃茶壺裝住，好精緻，味道有少少似微甜既利賓納咁，份量一D都唔少，2個人飲都夠飲。甘菊荔枝烏龍: 茶味清甜，而且有少許jelly，口感幾特別，我地坐左成個幾鐘，就算D冰溶左後味道仍保持水準。香濃忌廉蜆意粉: 意粉落左唔少芝士，唔多好芝士既我地唯有潑開佢，除此之外味道好香濃，口感都好creamy，蜆既份量都唔少，唔錯。綜合菌菇芝士薄脆: 薄脆一份有 6 件，賣相有D似切開咗既 Pizza，食落口感好香脆，菇菌既量都很多，價錢合理，值得一試！RB Tea 小食拼盤: 小食拼盤有香草腸，薯角，炸雞粒，雞翼同埋蝦片。雞翼焗得幾香口，配埋芥末沙律醬，感覺幾特別，香草腸好幼身，脆脆地幾好味。芒果輕食鬆餅: 甜品對於女生黎講先係主菜，Waffle 有分2個size，正常s

金百利～樓上多野食就係人都知～係三樓都有野食？咁就要約友人去試下喇～因為友人遲到的關係，我自已上去先，但咁就出事了😂因為唔醒起可以搭扶手電梯，走左去排隊搭電梯，但就出錯左樓層，搞左勁耐先落得返去，所以一坐底就what's app 友人可以搭扶手電梯上黎😂😂八點幾，可能係因為新開的關係，唔使等位。呢度係自助形式，自己劃單再交俾店員～要碟同水，自己行出去拎喇～太肚餓的關係，好快就決定左叫咩食～因為叫左餐的關係，會有湯同餐飲～一飲個湯就有好熟悉的味道～無錯～就係金寶忌廉湯～只想講，估佢唔到😂友人叫左熱的檸檬綠茶，我個人就覺得好伏，個味好奇怪，飲左一啖就放棄症～但友人表示無咩野，佢接受到😂意式香草雜菌意粉～唔算太特別，正常味道～d菇都幾香～香草味好出～香腸西蘭芝士薄脆～整體唔算係重味好脆，好似食緊薯片，感覺個西蘭花好生😂小食拼盤～正餐黎計，算係全晚最好食的～😂有雞粒、雞翼、香草腸、薯角、蝦片雞粒juicy 有雞味，其他都好普通，蝦片一半半脆，有d"立"珍珠奶茶班戟～第一次見呢個味，珍珠無味，個珍珠奶茶味都幾出，唔錯～幾得意～可以一試～係fb / IG 打卡會有$10現金券送，可以留番下次用～但

銅鑼灣工作的我，午飯時間總是有很多選擇。今日途徑金百利樓下被一個易拉架吸引著，RBtea已登陸在三樓決定去尋覓讀書時的回憶。三樓只有一間食肆立即變得別樹一格。喜歡此店佈滿綠色植物，舒服又悠閒。場內更有綠色壁畫，濃烈的藝術氣息。這種有午市、下午茶及晚餐等等，價廉物美必定有一款適合你。香濃忌廉香腸意粉忌廉濃度適中不會太稀，意粉也不會太硬身。香腸切成一片片容易入口，並且添加了少許胡椒更加惹味。焗芝士磨菇鴨胸飯磨菇與芝士是匹配選擇，煙肉鴨被煎香再去焗製表層脆卜卜。不過飯比較失色，並没有任何炒過只有白飯，頓時覺得分開上一樣似的。烤檸檬雞膇還以為檸檬汁秘製雞膇，上枱後原來只是半個青檸弄在雞膇上；沒有半點半點驚喜。雞膇一共四隻，肉質軟身不是太嫩的！旁邊更在沙律，希望添加多點美味程度。木糠芝士球信心之選必定是它，一共六粒的芝士球每粒滿佈木糠已經極具吸引力。第一口冰凍的芝士雪糕，透心涼味道也不算太甜；令人一粒又一粒放在口裡。草莓輕食鬆餅Rbtea最有名是鬆餅，士多啤梨係我的最愛。單單外觀已經別具吸引力，微脆的窩夫遇上紅莓醬汁大滋味。將草莓切片整齊排列美極了，雲呢拿雪糕滑溜而香濃。還會配上少許糖霜添，2塊

生活在繁華的香港，每天生活緊張，放工既時候真係好需要放鬆一下，所以一個舒適既地方絕對重要。今日老婆就帶左我去銅鑼灣話有一個地方好適合我。佢帶我去到金百利，估唔到呢個繁忙既銅鑼灣都有一個咁relax 既地方。從外面望入去，餐廳既裝修好似森林，翠綠既顏色加上木傢私，已經比到我舒服既感覺，加上餐廳既寧靜環境，坐下來整個人頓時放鬆，正正是忙碌一天後我想要的。餐廳食物種類多，有主餐又有小食甜品，各式飲品，今晚又可以一邊享受這個環境，邊享受食物。厚切吉列豬扒鬆餅三文治非常特別既配搭上下層係窩夫，中間有厚切吉烈豬扒。窩夫整得夠香脆，入口唔會覺得好硬。吉烈豬扒夠厚身，又唔會過左火喉，加上佢落左芥末醬，食落有清新既感覺。不過覺得有少少奇怪，雖然各種食材都整得幾好食，但係整個三文治一齊食既時間又咸又甜，感覺有少少複雜！意式蕃茄蝦意粉蕃茄味都幾濃，而且還帶有香草味。意粉又滑又彈牙，入口舒服。蝦既份量都幾多同埋爽口。BBQ烤雞翼先食左伴碟既西芹加少少沙律醬，清一清口腔，然後再食雞翼。雞翼好惹味，有色澤，入口熱辣辣，仲有絲絲既熱氣冒出。雞肉幾軟熟，食完仲想再encore。木糠芝士球用玻璃杯載住既木糠芝士球，表面

在生活節奏急速的香港裏, 你能悠然‧慢活嗎? 自問做不到, 不要說悠然, 簡直日日都抖不過氣來, 走路急、做事急、說話急, 連食野都急, 期望每刻都能爭取多一點時間做不同的事情, 事實上我並不享受每一天! 今晚跟友人來到一間提醒客人要【享受‧悠然‧慢活】的台式茶室, 它能給我新的體會嗎?茶室開設於金百利廣場三樓, 先發現在廣場的入口擺放了一大塊印滿食品相片的易拉架, 而沿電梯走往茶室時, 也發現有茶室的裝飾。兔子是茶室的主角, 在不同地方可找到草兔仔的蹤影, 果然下了不少心思。開放式的設計, 門口印上一個以粉綠和白色的招牌, 當然少不了印上店子的兔子標誌。店子以綠色為主調, 採用木製的傢俱, 大部份是二人至四人的枱子, 有矮木枱配沙發座、有普通木枱木椅, 而最吸引是在樹蔭下的吊椅, 給人舒適自在的感覺。內裏掛上一個個精緻的小盆景、安放多棵假大樹、牆上印了鳥兒和花樹, 以營造一個大自然的環境, 讓客人遠離繁嚣的鬧巿。茶室是自助式, 有兩處放餐具和調味粉, 客人自行拿取, 而斟水亦是自助形式。每枱都放了餐牌和點菜紙, 客人填妥後, 店員會前來取單並發票, 客人離開時便自行拿着發票款付便可。

銅鑼灣新開店，位於金百利三樓。環境裝修令人處身園林一般，地方清靜，舒適的休憩地方。（環境而言）我們大約七時左右到達，可能地點比較隱蔽，人不多，不用等位。其實之前已經心動想試特色pancake，因此衝著珍珠奶茶pancake，晚餐就選擇了這裡。不過實在.....食物方面...完全沒心思....可言只可以算...不過不失;溫度只是微暖,窩夫上面那塊是鬆軟的;下面最底那塊實在太硬...兩層窩夫中間夾著的吉列豬扒只是一般,不脆也不熱.....整體上.是一樣保險的食物整個晚餐中最差的....首先賣相已令人胃口大減...那個蛋毫無誠意一樣放在飯上面....雞粒看似很大...不過炸皮與肥膏佔百分之五十..溫度也只是微暖..個人認為跟平時便利店可以買到的CP炸雞是一樣....另外;咖哩汁很水....味道過份淡而份量也不足以用來伴上比石頭窩飯更硬的白飯.....白飯完全好像沒熟透一樣,非常硬....真是"粒粒分明"能夠吃到這樣一個飯,實在是神奇;能做出這菜式的餐廳,也是奇葩.甜品窩夫比包著吉列豬扒我好食.比較上可以勉強做到鬆軟.雪糕下面放了牛油,熱力融化牛油之後.吃到最後中間幾格會注滿牛油...如同被人

3-4月份係櫻花季節, 無意中發現呢間餐廳有關櫻花限定既食物, 買完野就過黎試下. 呢度以樹木做主調, 感覺好輕鬆舒服, 而且好多梳化位.半自助型式, 剔完食咩, 就自己拎出去收銀位比錢. 野食就由店員拎過黎, 買完坐響度等就OK.一睇呢個櫻花限定已經好吸引, 好靚.所以要左"櫻戀冰雪樂"$56, 顏色好靚, 一啖入口櫻花味唔算太濃, 一種淡淡既花香味, 少少酸, 所以將頂頭果舊似雪糕既一齊搞均, 均左酸味少左, 甜甜地仲好飲, 而且冰樂夠凍."意式蕃茄蝦意粉"$72, 意粉夠乾身爽口, 蕃茄汁唔係茄汁果D味道, 係真蕃茄味, 唔會太酸, 但好醒胃. 蝦夠爽口, 而且都幾多隻.另外仲想食甜點, 要左"焦蕉朱古力脆香鬆餅"$78, 份量超大, 鬆餅外脆內軟, 香蕉新鮮配埋焦糖一齊食甜甜地好味, 仲加左D朱古力餅碎, 有咬口, 好滿足.

做完一日野後，只想靜靜地食餐飯，去開銅鑼灣做少少野就順便行街食飯，突然醒起金百利3樓新開的RB Tea，就決定食新野6點半左右到，人唔算多，仲有卡位坐，都幾舒服BBQ烤雞翼, $36/4隻，雞翼焗得幾香口，配上芥末沙律醬，感覺幾特別，仲有西芹，食完無咁漏意式蕃茄蝦意粉，$72，一放上枱就聞到好香，份量都算大碟，意粉煮得岩岩好，唔乾身，蝦肉仲好彈牙厚切吉列豬扒三文治，$56，黎RB Tea就係因為佢，第一次食用鬆餅代替方包做既三文治，果然不負所望，有鬆餅，夾住蕃茄，生菜，仲有芥未沙律醬提升味道，鬆餅夠鬆化，厚切豬扒炸後仲有好多肉汁，淋身香口，脆醬夠晒薄，食完都唔覺得漏，推介！！！甜品，芒果奶凍千層，$28，千層與忌廉尚算分明，甜度適中，只嫌忌廉不夠滑櫻戀脆香鬆餅，$62，期間限定品絕不能錯過，等了20分鐘左右，賣相好靚，右邊係玫瑰忌廉芝士，由士多啤梨及芝士組成，都幾滑，似食緊雪糕，鬆餅都好鬆化，配上雲尼拿雪糕，一流期間限定飲品，櫻戀冰雪樂，$56，味道酸酸地，幾醒胃，夠凍又解渴

與好友一起來到此店一起食個dinner 這間餐廳嘅裝修簡樸精緻，周圍綠綠的 有種田園feel，環境俾人感覺好舒適配合櫻花季節推出的 櫻戀脆香鬆餅 $62 以外形來說 是一流既 Waffle鬆脆 伴上了煉奶，配合玫瑰忌廉芝士來食 更加香甜可口 兩者非常配合 玫瑰忌廉芝士，充滿了濃濃的草莓和淡淡的櫻花香，香味十足 醃漬櫻花帶著少許鹹味，令人就算食多了也不會感到太甜 唯一美中不足的是 Waffle的蛋香味編淡我揀了杯 櫻戀冰雪樂 $56來試試 粉紅色 挺夢幻的 不令女生們心動才怪 沙冰 入口香甜，帶有櫻花的微酸，令口感更清新，有春日的感覺！朋友那杯是 OREO朱古力冰雪樂 $52極濃嘅OREO朱古力味 Smoothie個texture好thick又幼滑 杯Smoothie係好飲 但味道 我個人覺得稍甜P.S. 兩杯Smoothie面層都有一球雲呢拿雪糕喔新推出的 厚切吉列豬扒鬆餅三文治( 配薯角) $56 賣相吸引 未食就已經聞到吉列豬扒既香氣 吉列豬排吃得出是新鮮炸起，又脆口又保持了肉的juicy, 不會感到乾身 還以外表色澤金黃的窩夫代替麵包夾餡，給人特別的感覺 窩夫外脆內軟，配上蕃茄