Red Rice 米飯主題餐廳 (億利工業中心)

营业中

休息中

挪威煙三文魚伴蟹棒雜菜沙律 $32一上菜，哇咗聲，好大碟啊！煙三文魚份量絕對唔少，有至少五塊！仲有好多麻醬，唔驚食到最後得啲菜無醬。芝士白汁煙肉焗西蘭花 $28好正啊！上菜時熱辣辣，調味剛剛好，西蘭花又夠冧！特濃火山紅豆華田 $18 跟餐+$9推介！！好濃嘅華田，而且表面仲有華田嘅粉，再加上煮得夠淋嘅紅豆！正啊！第一次見有呢種飲品，值得一試！一呎 爆芝士玉子燒 $46真係好大份！不過蛋可以再煮熟啲，好易夾散。一呎 真蒲燒原條海鰻 $72正！真係原條上！好鐘意食鰻魚嘅人可試！另外，一呎系列全部都有沙律一齊上㗎！小食拼盤 $42唔知點解無脆辣香雞腿，得五隻烤雞中翼，話係水牛城但就無乜味，而可樂餅同蝦餅就正正常常。天使雞翼燴黑松露磨菇意粉 $58好大碟，扺食，係二人份量！意粉好重黑松露味，正啊！雞翼亦到拆咗骨，方便，啖啖肉！

這個幾星期，晚晚都下大雨，有時黃雨，今晚更加是紅雨，收工時交通混亂到極點，搭地鐵是較為穩陣的選擇。搭地鐵時，同Honey度下去邊食，佢話唔想食得太heavy，我就建議去食 Red Rice，佢係一間米餃王主意的餐廳，而且有幾間分店，非常就腳。橫掂搭緊地鐵，就搭咗去荔枝角站。一出D 出口就到，落雨都唔怕。行到門口，見有班姐姐喺度研究緊菜牌，阻住晒，落梗雨架嘛! 借借唔該!呢間餐廳都好大間，裝修簡單又四正整齊，顏色是以紅色為主色，襯晒個餐廳名。因為是收工時間，所以都好full。企咗一陣，侍應姐姐就執咗檯卡位俾我哋，真係唔該晒!睇住新聞報道，原來新界北部變成澤國，而丁九更出現水龍卷，嘩! 好震驚呀!睇番呢度有咩食先? 嘩! 好震驚呀! 一蚊雞竟然重現江湖! 唔使諗，緊係要食佢啦!叫咗【豉汁脆瓜蒸排骨 $46】、【清蒸菜心 $28】，轉套餐加咗 $12，就有埋一個白飯、一個例湯和一杯熱咖啡，呢個組合就可以加一蚊雞換一碟例牌原味雞喇，即是$75搞掂，超抵!再叫多一份雙拼雞翼$32，和一杯特濃火山紅豆華田 $9 (跟餐價)。加加埋埋成餐飯都只係$128。【熱咖啡】咖啡係即是磨的，味道正常。【特濃火

以前細個喺荔枝角番工,嗰時都未有而家咁多嘢食,林林種種多元化,今日就試下呢間新開咗冇幾耐嘅米飯主題餐廳。 一入到去,燈火通明,好光猛,裝修新穎,令人感覺到一啲都唔似喺茶餐廳食嘢咁,同埋餐牌都好精美,睇睇下,發現呢度嘅食物種類繁多,無論中式或者西式都可以選擇,晚巿叫餸食飯仲有優惠,$1蚊就可以叫蒸魚或者切雞,好抵咁。大家嚟到呢度一定要慢慢睇清楚佢哋有乜優惠,唔好走雞呀🤪經過一輪反覆思量,我哋最後叫咗以下食品 小食:泰式一口炸蝦餅 $16～有四塊,價錢合理,蝦餅薄薄地炸到好香口,點小小泰式辣醬更加有風味 主食:美式重量級特大爵士西冷 $78～見到佢話特大,驚食唔哂所以諗住兩個人一齊分享,本身仲可以配飯/意粉或者薯菜,我哋兩個薯條控梗係揀薯菜啦嚟到果然大大份,牛扒有三塊,配汁方面都有五款咁多：可以揀意式茄汁/黑椒汁/咖喱汁/蒜蓉汁或者照燒汁,都好貼心。阿肥就揀咗佢至愛嘅蒜蓉汁,汁嘅味道唔錯,而牛扒本身都有醃製過其實都OK夠味,唔點汁都可以食到,只係肉質略欠鮮嫩,如果較厚嘅部分就會有啲韌喇,如果佢哋係人手切扒的話只要將厚薄平均番就perfect喇薯條夠熱夠脆,難得 甜品:十勝紅豆伴芒果布甸 $

夜晚過咗荔枝角食飯，見到呢間啲價錢都唔係太貴，而且入邊都幾多人食，所以就決定喺呢度解決個晚餐佢要轉入去工廠大廈入邊先至可以搵到個入口蒲燒鰻鐵板飯，我哋仲加咗個牛肉，原來個飯係本身配鰻魚燒汁，一上到黎就勁香，我哋就好快撈勻左個飯嚟食，但係略嫌多汁唔夠多，唯有用咗旁邊嘅蒜蓉汁撈埋啲飯黎食，鰻魚都好大條黑椒牛柳，餐牌上標榜係10安士，其實都算幾大塊，而且佢好厚身，我哋要咗七成熟，估唔到又幾好食，牛肉味重，肉汁多，而且唔會過分淋，保持咬口，其實唔需要點汁都已經好夠味道我哋要左一杯綜合水果茶兩份分，我地特登叫咗少甜，入邊真係有好多水果，好fresh 食完飯梗係要食甜品啦，我哋要咗個一口西多士配雪糕，一上枱都比個份量嚇親，勁多西多士，西多士有蛋香味，好耐冇食過啊，可惜係佢嘅雪糕剩返朱古力味，但係都叫唔錯買單唔使+1，都叫做幾抵食，而且都坐得幾舒服

今朝一早早去荔枝角睇中醫，睇完中醫之後覺得好肚餓，原來已經是午餐時間，見到附近有間剛剛新開張的餐廳，人不算多，不用等位👍🏻啱晒我😝午餐種類選擇多，加$6就有得飲了😆地獄肥牛鐵板飯$55 ，飯一到就聽到有鐵板的熱辣辣的聲音👍🏻好吸引，而且香味亦散發出來，牛肉同飯的份量也不太多，肥牛旁邊的醬汁非常辣，牛肉和雞蛋和飯混在一起更加惹味😋18禁地獄肥牛蟹棒手打烏冬👍🏻望落去平平無奇，但是食落是非常辣的，有四片肥牛加兩條蟹棒，肥牛是淡淡的，配合湯底就好好味，湯底辣得來非常鮮甜😆雖然好辣，但是食到停不了口😝手打烏冬非常彈牙👍🏻加咗$3有一杯凍檸茶餐飲，另外加$6就有一杯奶蓋綠茶餐飲！凍檸茶沒有什麼特別，但是奶蓋綠茶就很濃的奶味，綠茶味數較少

😎特濃3.6牛乳雞湯手打烏冬伴板煎雞扒蟹棒😎盛惠HKD46另收加一 $46一個兩餸既烏冬又唔係貴既，不過湯底就當然唔會好似佢個名咁好飲啦，蟹棒中規中矩，烏冬我個人覺得都幾好既，因為同事提醒左我千奇唔好揀佢蕃茄湯拉麵🤭至於雞扒，煎到勁燶，而且好大舊皮，成塊雞扒勁油勁肥，得一半部分係肉😢好失望！仲有一定要提既就係服務，上兩次去食既時候都唔係咁差，今次遇到呢個呀姐（/呀姨），佢係企係我對面望實我，等我點餐😢好似好大壓力咁，而且我點左個餐，佢仲黑哂臉問我「啫係number幾多」，乜係咁架咩😢😢😢仲fake左我加左$9叫左杯仙草奶茶😭$9唔係問題，仙草奶茶都唔係問題⋯問題係佢話我知果幾行都可以揀，仲話我知加$2，結果張單來到見到係$9💔💢 其實間野係收10pm ，我8點零鐘來到，落單唔洗咁趕呀嘛？！收工想食個安落茶飯都咁受氣，唔會再去🈲❌🚫⚠️

荔枝角區lunch時間不嬲都兵慌馬亂，周圍都好多人等位，排哂長龍，完全唔憂做，所以好多餐廳都唔係特別好食, 但午餐要成6、70蚊，甚至近100蚊，每次食都好感概，點解俾左咁嘅錢，唔係食得返咁嘅質素。但近排近D2果邊嘅餐廳有幾間都轉左手，呢間第一間開張，新屎坑梗係約埋班同事去試下。新裝修都坐得好舒服，唔會好似附近嘅小X港X，迫到飛起。餐廳主打蛋包飯, 叫左雞扒蛋包飯，48蚊，好大碟，雞扒都煎得好香，蛋都OK滑, 飯係茄汁飯底又叫左個厚切豬扒餐拼司華力腸，本身有配少少律同一兜薯條，仲可以加個意粉? 痴線, 一個人點食，呢個餐就貴少少，62蚊另一個同事叫左個火山玉子肉醬飯鐵板飯，賣相似足PEPPER LUNCH，都幾香當然味就係肉醬飯加蛋, 不過47蚊, 唔貴得美心, 大快活好多，但有鐵板上，都幾開心其實細食嘅女仔, 一碟夠兩個人食。4個人叫3份, 一定夠, 仲慳啲錢上網Shopping，啱哂OL。睇埋佢啲早餐, 同埋下午餐, 都好多選擇唔怪得知朝早都幾多人食。諗都會繼續幫趁，希望佢唔會做做下份量縮水啦。

荔枝角新開佐紅米，好耐之剪在新蒲崗食過，味道唔錯，今次又試下。LUNCH時間好鬼多人，12點幾諗住走入去食，已經要等位，好在都唔算等好耐，基本上等佐大約10分鐘已經有位。間舖新開，裝修唔錯，好乾淨，D位都坐得舒服，餐具亦新，光線又夠。同朋友分別叫兩個LUINCH黎食，雞扒蛋包飯同海南雞飯。雞扒蛋包飯塊雞扒煎得好香，冇雪藏味，蛋包飯隻蛋亦好滑，可惜係就咁鋪在D 飯上面，如果有得包住D飯，俾我切開黎會仲開心！飯用茄汁煮過，都幾好味，不過嫌D飯唔夠熱，如果唔係就完美。另一個海南雞飯，聽講雞係用冇激素雞，食唔出係唔係冇激素，不過雞肉的確幾滑幾好食，加埋碗飯同個湯夠晒飽！埋單一百蚊有找，算經濟實惠！今次同個朋友齊齊食雞，睇餐牌仲有好多野食，以後都會繼續幫襯，試埋其他野嘅味道！

放咗工諗住是但搵間餐廳填飽肚子，見到呢度有間新野，之前好似都係餐廳，冇過來一排已執埋再開！叫兩碟小菜可以＄1亨蒸魚／雞。臘腸蒸滑雞，啲雞好嫩滑冇雪味，味道唔錯。自家梅菜蒸肉餅，淋滑惹味，餸飯一流。豉汁蒸倉魚，條魚蒸得剛剛熟，有魚味又香滑，同薑絲豆豉非常配合。三個小菜都好有住家嘅味道。兩個人晚餐都係一百蚊食到飽好滿足

由佢係荔枝角新開到而家大概一個月，我係第二次食☺️lonely dinner after work 😢不過今晚滿意度高過上次少少💪🏻💪🏻疲倦的貝兒揀左吉列🐷扒蛋包飯配胡麻汁既！天呀！呢個吉列豬比上次我食果舊生炸豬扒做得好好多呀！而且炸粉唔係厚到皮肉分離咁，肉質軟硬適中（咁講會唔會有啲怪😅），香脆可口，而且大大件，唔係求其敷衍我既果啲size👏🏻滿意滿意！不過，世事真係無完美🤭有咁出色既吉豬，隔離果個滑蛋就馬上輸了，外層上滑溜溜的背後，舊蛋係勁熟架😣外面看似18歲👦🏻，一反開睇下原來38歲👨🏻，呢個位扣左啲分咁啦👩‍🏫 至於佢個紅紅的茄飯，色澤的確吸引，但其實食落無乜蕃茄味，對於本身超愛蕃茄既貝兒黎講，算係普普通通啦！希望佢吉列炸物既質素保持到，同埋舊蛋改善下啦🙈畢竟我係附近返工又經常夜收，應該會成日都會食到😅題外話：佢跟餐加$20，有曬一份多士、一個湯、一份沙律同埋一杯飲品，算係幾抵食！呢點係唔錯既💪🏻💪🏻

這天跟朋友們試到這家新開的餐廳～呢間新開的餐廳都幾多野食，有多種的扒餐、蛋包飯、沙律餐等等⋯當中我最推介這個這個是蟹捧煙三文魚沙律 配牛角包🥐（餐包）同餐湯～+多10蚊就有多塊魚柳/吉豬/雞扒，而本身沙律餐都係30多元（讚👍🏻）～又真係幾不錯的。白湯味道濃郁，入面仲有玉米同菇片，沙律份量大，而且三文魚同蟹棒的份量都唔算少，比例上不錯👍🏻雞扒是炸的，肉質都幾滑，只是粉多左少少，都幾大份，不錯（讚👍🏻）仲有餐飲，凍飲加3蚊

價錢唔貴，但出單錯晒，極之混亂...........餐具好污糟野飲又送錯晒，嘢食又漏左，張單又計多咗嘢食一般， 叫咗個全日早餐，快炸魚扭勁油，仲要凍冰冰.............

知道新開，但lunch太多人排，今日行過見到早餐時段都唔算多人，可能差唔多10點，D人返哂工～所以決定先試試佢地嘅早餐，估唔到都okay ～～～Order 咗呢個蜜糖雞排早餐，$35蚊呀，有大大塊雞排，蕃茄汁焗豆，香滑炒蛋，腸仔，牛角包，仲有一碗粟米沙律，加多杯熱檸水，都幾大份，最緊要價錢都okay! 35蚊有咁多野食算有良心～估唔到塊雞排都有手掌咁大塊，仲要勁香蜜糖味～～～個炒蛋同牛角包上枱嘅時候都仲熱嘅～～～最後仲有呢個沙律.... 食完真係飽到Lunch 都未食得落野下次會試埋個下午茶～～～

荔枝角呢頭開左呢間新嘅紅米主題餐廳, 喺d2隔離, 呢幾日中午都好多人排隊, 同同事二人嚟左試下。餐牌有好多野食揀, 好雜, 可以話係大fusion有 pepper lunch, 咖哩, 蛋包飯, 喇沙, 焗飯, 海南雞, 肉餅飯, 韓式炸雞等等..睇到個menu都疑惑咁多唔同嘅菜式, 究竟邊個係佢地主打菜呢? 咁我是但叫左功夫無骨海南滑雞伴馬來喇沙湯手打烏冬, 點知一嚟到, 我地當堂嚇一跳:說好的馬來喇沙呢, 點解係50嵐個假拉面湯底嘅? 點解馬來喇沙會有昆布同粟米嘅? 完全有被騙嘅感覺, 雖然我都唔expect呢到會食到啲咩正宗嘅喇沙, 但應該都唔會係50嵐呢種湯底掛?食落當然完全唔好味😷食到一半都仲好肚餓, 但都完全唔想食落去😷。。。食到好灰...同事叫左個肥牛鐵板pepper lunch, 聽講都好難食。😷😷😷呢間野真係唔會有下次😷menu講到有咁多野食, 但都係掛羊頭賣狗肉嘅。

本人進入餐廳坐下不久已找侍應下單，下了雲耳蒸雞套餐，飲品很快便上枱，稍後本人告訴給一杯熱些的水，之後上餐員遞上一杯熱水及凍華田，當時還未知是否隔離之2位客人所點，所以未開口講。稍後知道不是隔離之客人，本人便示意告訴侍應，那時她遞上白湯問本人有否點，本人說没有，因不知道升級套餐連白湯，唯不滿侍應事後未有確定便了之!最後本人離開埋單才知，告訴收銀員未飲湯可否金額扣減，但不行。另外飯餸等候了2O分鐘仍未見，本人向侍應詢問後，回覆等多一陣!再等候5分鐘還要是上冬蟲草蒸雞，不是本人所點，侍應說先給本人，因趕時間所以未有出聲指出!