Red Rice 米飯主題餐廳 (億利工業中心)

营业中

休息中

一路我係麗枝角成日都覺得無咩野好食, D朋友成日問我麗枝角附近有咩好食,我都答唔到而家可能會介紹呢間出去! 因為1. 價錢不算貴, 2味道相當不錯 如果係呢個價錢level黎講.服務黎講店員都好熱情, 我覺得算係唔錯!燒玉子, 相當好食, 賣相都唔錯, 雖一問題係芝士比較多,易d濟同易肥姐!味道係日式燒玉子既口感同味道, 內里夾心有芝士, 食落去味道衝擊感比較強豬肋骨呢到黎講味道算濃, 我覺得同出面百幾蚊個d 差不多, 質素算係咁, 呢到先賣70蚊多d望落去都係juicy! 肉質黎講小小偏爽口, 微硬身小小, 味道好味, 最重要係好味得黎價錢平!蛋包飯係之前呢間餐廳既特色, 至少我係咁覺得, 之前我認識red rice好似無咁多野食, 而家多左好多, 蛋包飯入面既米係紅色的, 味道微甜比較一般白飯, 蛋好滑, 價錢照舊好平40-80不等, 有送有菜, 不過我比較偏食菜通常都食好少, 有d浪費既感覺.牛扒,汁好香, 一上汁已經香到好遠都feel到, 有紙防彈汁, 可以選鐵版or 木版上,可以選飯or意or薯菜, 牛扒相當大件, 又厚身, 基本上滿足求十分!整體黎講呢間餐廳最大特色係質素高

今天放工與好友逛過D2 Place有點餓，眼見對面工廈地舖餐牌食物選擇多，價錢便宜，便入去開飯啦~先點了重量級爵士西冷牛扒餐:重量級爵士西冷牛扒餐，🐂扒切開後，肉質粉嫩，豐盈多汁，肉香四溢，嚼勁十足，淋上黑椒汁，更濃郁惹味!跟餐的迷你胡麻沙律，沙拉律鮮美爽脆，加上胡麻醬汁，酸甜醒胃; 海龍皇湯，溫熱可口，口感濃稠，充滿濃厚鮮味的龍蝦味，加上🦀柳豐富口感，鮮香味美!榴槤芭菲，賣相吸引，🍨香滑，底托粟米脆及涼粉豐富口感，甜而不膩，原價$38，跟餐加配$22非常抵食!另散點了其他美食飲品:挪威煙三文伴蟹棒雜菜沙律，煙三文🐟大大片，煙燻味濃，🦀柳清甜，生菜/車厘茄/粟米鮮味可口，加入胡麻醬汁，酸甜開胃，健康味美~水牛城辣汁雞翼，🐔皮脆香少油，肉質嫩滑，加上🍅汁及辣汁， 香口微辣!夏日水蜜桃草莓綜合水果茶，嚐到清甜微酸的🍑及🍓等雜果味，果香四溢，酸香怡人，加入蘭香子豐富口感，健康味美!芒果布甸伴十勝紅豆雪糕，賣相吸引，布甸口感滑順，入口即化，充滿甜香的芒果味; 十勝紅豆顆粒與軟滑的🍫雪糕交織，味道襯絕，上佳的飯後甜品!前菜至甜品皆滋味十足，埋單每人只需約$100，而且座位滿舒適的，物超所值!

今晚約左老友喺荔枝角附近食飯，我記得早排去咗一間西餐廳食鋸扒感覺都不錯，就約咗老友食多次！開頭入去坐的時候也沒太多客人，到了差不多晚飯時間人客數量開始佔多，好彩早到一步。重量級-爵士西冷牛扒 $88,叫左西冷牛扒餐 有野飲 有沙律又有餐湯 好鬼飽 個肉質算嫩 因爲5成熟 唔會太乾同太「鞋」正😋👍🏻沙律味道也不錯，用上新鮮的蔬菜感覺清新。海龍王湯味道濃郁，份量雖然不算很多，但是也有一點飽的感覺！奶蓋綠茶跟餐加 $9綠茶很好喝 這個偏清新一點 茶味清香 同奶蓋一齊飲👍🏻♥️奶蓋很滑，而且唔會好膩👍🏻愛爾蘭瘋狂辣茄肉丸 $24肉丸口感不錯，有少許微辣，感覺好開胃！份量得五粒，感覺不足夠！石板朱古力芝士蛋糕 $24食落有好香好濃朱古力! 幾好味！全個芝士蛋糕都被朱古力包圍著，愛朱古力人士會like! 呢個蛋糕適合唔食得甜既朋友仔！雪糕丼 $16我本身係個綠茶控，飯後甜品當然要黎個抺茶雪榚先滿足啦! 雪榚食落好滑，抹茶味道十分香濃，而且軟雪糕本身夠涷夠挺身, 唔會好快溶，正啊!

去了朋友公司幫忙，放工帶了我去附近醫肚。這間餐廳食物款式頗多，價錢便宜。泰式一口蝦餅：蝦餅一啖一件，炸得外脆內彈牙，不會比較油膩。家鄉糯米釀無骨雞翼：雞翼香脆，裏面包著煙韌的糯米，比較有特色。無骨海南雞飯：油飯有淡淡的雞油香味，雞肉已去骨，肉質都算嫩滑，而且份量頗多，另配上昆布雞湯。18禁地獄麻辣湯手打烏冬伴肥牛辣味雞翼：有食肉獸及喜辣者必食，有三隻雞，還有肥牛肉，湯底超辣，絕對配得上地獄這個字。最後要飲返杯火山紅豆華田，紅豆夠腍，表面舖滿華田粉，才可以去掉辣感。

今天到長沙灣工作，收工同同事覓食，行過長順街D2 Place對面被這間”Red Rice”所吸引，餐廳新裝潢企理明亮，一於試一試。看看餐牌選擇十分多，有中式、有西式的飯餐選擇，最吸引莫過於這個”晚市優惠”，叫两個小菜，+$8就有原味雞或蒸魚，真係超值，可惜今日晏左，店員告知已賣曬，唯有等下次吧。這個真的超級抵食，夠曬健康，一整盤新鮮雜菜沙律，感覺2人share都夠多，還拌有甜薯和水蜜桃，好清新。餐廳新推介的鐵板飯餐都感覺不錯，我點了個珍寶肥牛伴芝士玉子鐵板飯 $59份量好足，鐵板上熱辣辣，汁係分開上的，淋上面後再把蛋和拉絲芝士拌勻，好汁潤，肥牛牛味香濃，整體都不錯。開心share綜合水果茶(特盛)2人份量跟餐升級+$20等於一渣的大小，好夠飲，還有新鮮水果在內。功夫.無骨海南雞客飯 $52+$20星級套餐(即烤蒜蓉包、胡麻沙律、餐湯、凍熱飲品)+$2 特濃火山紅豆華田這個fusion嘅套餐，真係乜都有，有即烤蒜蓉包、胡麻沙律和餐湯，再+$2就有杯超邪惡特濃火山紅豆華田，啱曬大食嘅我。海南雞一啲都唔hea，肉質嫩滑有雞味，配三款醬，各有特色；油飯就有點硬同唔夠熱。最貼心的是餐廳還奉送每人

這間位於荔枝角工廠大廈地下的Red Rice米飯主題餐廳，在午市時份全場爆滿，主要都是附近的寫子樓客人。午餐價錢都是幾十蚊起，款式都有幾多，中式、西餐、日式等。挪威煙三文魚伴蟹棒雜菜沙律沙律菜爽脆，淋上日式芝麻醬，酸酸甜甜超開胃。芝士蘑菇釀無骨雞翼雞翼裏面釀入芝士蘑菇，外層脆口，十分惹味。美式千島沙律炸魚塊炸魚柳有兩大塊，外層粉漿不算太厚，炸得香脆且不油膩，魚肉嫩滑，旁邊還有些沙律菜伴碟，去減油膩感。厚切焗豬扒飯豬扒有成寸厚，肉質需不夠鬆但亦不硬，表面有些芝士碎舖在飯面，非常大份。水蜜桃草莓綜合水果茶有些蜜桃、草莓及藍莓等，味道比較甜，份量足夠2人飲用。

上次點咗雞扒蟹棒烏冬，雞扒的雞皮煎得金黃，但反轉肉面見到好燶，好彩肉質尚算嫩滑，但湯唔夠熱，餐飲點咗柯華田紅豆冰(加$9), 杯面滿是柯華田，好香濃，粉狀遇凍會變脆脆地，口感幾得意，紅豆好味，如果多啲紅豆就perfect。朋友點咗叻沙烏冬，叻沙味唔夠濃，湯底好稀，熱度唔夠。今次點咗鐵板肥牛肉飯，飯量唔多，我細食都食得晒，汁料點咗照燒汁，甜甜地，配肥牛肉好正，餐飲點咗青蘋果綠茶(加$6)，好飲。朋友點咗海南雞飯，味道無特別評語，只是覺得飯唔夠熱。另一個朋友點咗蛋包飯，味道唔錯，又係覺得飯唔夠熱。餐廳要注意食物熱度，只有鐵板餐夠熱，無理由次次食鐵板餐卦🤣。

經過荔枝角見到價錢唔貴環境唔錯決定試試懷舊·港式紅豆冰/荔枝檸檬冰紅茶紅豆冰椰奶香濃唔會太甜而且紅豆夠腍夠甜；荔枝清香檸檬微酸配埋紅茶好夾小食拼盤(2-3人)雖然個唔唔太鐘意紫薯但係和風紫薯可樂餅漿粉夠薄而且紫薯蓉夠滑；泰式一口炸蝦餅肉質緊實彈牙；意式水牛城烤雞中翼醬汁微酸帶辣好上癮；脆辣香雞腿炸得香脆但唔乾身；夏日菠蘿胡麻雜菜沙律清新開胃富士山蛋包王二人份量夠哂大碟；個人超愛紅酒燴牛尾但係其他餐廳比較少見而且牛尾炆得入味好難得；板煎雞扒肉質嫩滑；蒜蓉汁同埋咖哩汁都好濃稠一呎·BBQ蜂蜜烤巨橋價錢唔貴諗住份量唔會好多點知真係好長仲要好厚；燒烤醬微甜加上香草好惹味；豬肋骨肉質軟腍離骨好正

荔枝角行街 晚餐惗唔到地方見米飯主義人頭湧湧 同朋友去八下有咩食正既係佢除左早餐，午餐同晚餐食仲有我最愛既all day breakfast 食好岩星期六日訓醒來嘆下靚早餐餐湯有非常濃既蝦膏蟹膏既味道極度中意膏類既可人兒們有福了飲呢個餐湯可以飲到濃濃既膏味沙津係前菜不可缺少既東西清下腸胃 感覺都健康d沙津菜是新鮮的 期待既牛扒到了做緊推廣80幾蚊就可以買到1set大快口福整體來說都算幾抵既使係鐵板上都好牛扒裹面都唔會太熟 大概八成熟左右所以大致上保持到軟糯既口感通常每去一間餐廳有焗豬都會一試佢既焗豬我是焗豬扒飯控 汁都幾足可以撈曬成碟飯芝士係拉絲可遇不可求無骨芝士磨菇雞翼肉質係嫩滑既而且因爲唔係炸既 感覺唔熱氣唔油利有濃濃既芝士醬點餐每滿100元仲有榴槤奶凍送奶凍上面有少少奶蓋同一塊真材既榴槤

而家好多打工仔揾食都有好多選擇，好多茶餐廳因此 應運而生,特別在工廠區附近,食嘢都講求快靚正,價錢又要實惠,最近行開荔枝角長沙灣道883地下有間裝修好時尚叫red rice嘅餐廳,入面環境裝修令人舒服而寬趟嘅座位服務員安排我和朋友坐於窗邊,窗台放了盆栽擺設令人舒服輕鬆閒暇感覺餐牌很多選擇,可謂中西日式也有,真的花多眼亂,最重要價錢十分大眾化,主题都環繞健康,最後由服務員推介之下,我地都想試多幾樣最後我老友想吃扒,而我就鍾情中式家常菜紅湯上先,湯料足又夠熱,酸酸地開胃,正套餐再加$8就有例牌原味雞,抵抵抵,肉質入味又嫩成碟娃娃菜都淋滿豆瓣醬,$32足料紅燒肉燥蒸豆腐,$38滑滑又大件豆腐淋滿肉燥料十分配味豉汁倉魚熱熱上枱,$58大大條,肉質嫩而鮮,配上絲苗飯撈汁絕配最後上埋碟精華重量級西冷牛扒12oz,$88超晒值,5成熟剛剛好,夠厚肉質鬆軟埋單都係$239, 飽到攬住個肚走人,下次再試其他

荔枝角工廈平靚正推介！喺荔枝角返工嘅朋友，相信都一定去過億利嗰邊搵嘢食。「誰是老闆」更加係嗰邊最旺場嘅餐廳，上兩個月租約期滿之後，就變咗宜家嘅Red Rice , 「紅米」今次選擇放左工，晚飯時間過嚟試吓，餐廳新開業兩個月，裝修非常之靚。 睇佢餐牌，原來非常之多元化。鍾意食中餐嘅可以點小菜或者蒸魚，食西餐嘅可以食鐵板，焗飯焗意粉，想食日式嘅可以選擇讚岐烏冬，蛋包飯⋯⋯餐飲仲可以選擇要台式飲品，例如珍珠奶茶，芝士奶綠⋯⋯連甜品都做埋，基本上真係你想食咩嘢呢度都會有！我哋今日放工都非常肚餓，所以分別點左一個呢度招牌嘅「富士山蛋包王」同勁量10安士黑椒牛柳！富士山蛋包王- 呢個其實真係兩個人都夠食，跟飯可以自選兩款醬汁，同兩款配料。我就揀咗板燒雞扒同漢堡扒分別配埋咖喱汁同白汁，仲有兩隻大蝦跟埋，正都不得了！勁量10安士黑椒牛柳- 唔好講笑，真係估唔到喺茶餐廳食扒都竟然有扒房咁嘅質素，用嘅了一定唔係平價貨，塊牛柳好juicy, $88一定值回票價！對面D2 place仲要開咗間新戲院，睇戲好似只係需要$20，平日約埋三五知己放工一齊食飯睇戲，正啊！

餐廳都幾大, 而且晚餐/下午茶時間都幾多人, 可能因為有好多選擇, 有沙律/小菜/牛排/意粉/鐵板飯/蛋包飯等等, 大人細路都一定揀到岩食, 所以短短兩個禮拜已經食左3次!晚市凡點兩個小菜就可以加$8 要蒸魚或者雞, 而小菜最平$23起, 豐儉由人, 今次叫左口水凍豆腐($24)同蒸雞($48), 加$8要左豉汁倉魚, 會有兩個湯同飯。另外再叫左鰻魚鐵板飯($68), 鰻魚蛋包飯($68), 玉子燒($46)同炸雞沙律($28)。晚市套餐會有個湯, 昆布湯就得D雞湯味精味, 西湯就普通, 反而凍飲唔洗加兩蚊。口水凍豆腐個汁好正好惹味, 鐘意麻辣野就會覺得好上癮。而蒸雞都幾滑, $8蒸魚份量都唔細, 呢個價錢分分鐘抵過自己煮!鰻魚鐵板飯超香, 仲有飯焦, 好大份, 鰻魚都好厚身好味!鰻魚蛋包飯就普通, 因為本身麻麻茄汁飯, 不過蛋幾滑, 同埋有埋沙律, 鰻魚同鐘板飯一樣, 都係好厚身好味!不得不推介既係呢到既沙律, 有3款揀, 炸雞沙律都係$28, 炸雞好香脆好大舊, 而沙律都好大盤, 其實健康人士真係可以當一餐!!另外個玉子燒都幾好味, 不過略嫌太多汁。最後, 食滿$100仲會送一個榴

唔係去新開嗰個商場都唔會見到，今晚想去荔枝角新開嗰間商場戲院睇戲因為佢啲戲飛而家做緊特價優惠所以晏晝就去買飛。咁晏晝肚餓就見到間餐廳度入咗去食。見到Menu佢都幾多嘢揀，無論早餐下午茶午餐都有好多選擇，最後我揀咗佢果個All day breakfast。$35 魚柳 $38 吉列豬扒 $36 雞扒，佢仲有好多選擇不過我唔係太肚餓所以就叫咗普通野。嘢食嚟到之後我都覺得份量okay，除左碗超細通粉外.....（加$6）😵😵😵其他都好合理，味道ok，魚柳亦都炸得好好。最後見到晚餐嗰度都有啲優惠睇下有無機會試下。

中午同幾位好朋友嚟到呢間平價嘅餐廳食午飯，中午12點已經坐滿晒客人，好彩等幾張枱就有位餐牌嘅食物款式都有好多，有扒餐、焗飯、蛋包飯、意粉、沙律同埋好多唔同嘅小食等等，令人花多眼亂，於是我哋就決定咗叫幾款唔同嘅食物share食仲有榴槤甜品食添，啱晒我哋呢啲榴槤狂迷我哋叫咗個忌廉湯，都幾足料，有好多粟米同蘑菇，忌廉湯味道濃郁，而且口感creamy我就叫咗個漢堡扒蛋包飯，雞蛋非常嫩滑，充滿牛油香同牛奶嘅味道，包住左嘅係茄汁炒飯，飯炒得夠乾身，非常認真。漢堡扒更加係食得出自家製嘅味道，外皮煎得好脆，內裏好多肉汁，配埋番茄醬，酸酸地，好開胃柚子蜜雞翼，雞翼皮脆肉嫩，配上柚子蜜，味道好夾，酸甜惹味芝士磨菇釀雞翼，係一個好考技巧嘅小食，雞翼脹卜卜，裏面充滿好多芝士同蘑菇，芝士味道濃郁，非常好食泰式炸蝦餅，炸得好香脆，蝦肉爽口彈牙，一啲都唔油膩，配埋泰式辣醬一流越式春卷伴生菜包，春卷炸得好香脆，而且好足料，用山菜包住黎食不但去除油膩感覺，而且更覺清新飲品方面我哋分別叫咗綜合水果茶、奶蓋綠茶同埋椰汁涼粉冰，水果茶大大杯足夠二人份量，好多生果喺裏面，果味香濃，唔錯。奶蓋綠茶比例啱啱好，奶蓋奶味濃郁，口感細

呆在家中的我真的肚餓了，攜同母親大人衝岀無飯開既困境(小妹媽媽成日行街行到無煮飯)爆芝士玉子燒46沙律也不馬虎，份量大，玉子還保留到到很多的旦汁，所以十分嫩，加入木魚絲沙律醬和紫菜更吸引，超驚喜，全餐最推。一呎美式炸魚塊38熱辣辣炸起超大份，外脆內軟，千島醬酸甜開胃。意式特濃芝士雙層巴士烤餅22便宜卻是美味，個名幾得意。但入面芝士未話溶扣曬分，好在手抓餅脆脆的不錯。原條海鰻72價性比高，大條兼肉嫩，醬汁不過咸，點到即止，旁邊的胡麻沙律都好好食。石板朱古力芝士旦糕24芝士味不濃，底部是朱古力海綿旦糕，切開時挺輕盈，但吃完有點漏。芒果布丁配十勝紅豆雪糕33要了呍喱拿雪糕，奶味多，冰感少，布丁不特別，賣相可更好。特濃火山紅豆華田18口味濃，甜度足，不過度，樣子不俗，粉狀增添不少口感，連紅豆亦香甜。奶蓋綠茶18甜的，不是我喜歡的芝士奶蓋，茶味清淡。消費100竟還送個榴槤奶凍😱呢！一上桌已大飄香，一口吃下，榴槤味勁到爆炸，奶凍還蠻幼細的。食後感：不用加一，明碼實價。