Red Rice 米飯主題餐廳 (六合街) (已結業)

六合街未必及得上大有街一帶咁多食肆揀，除咗間貝xx 酒店，隔離有間都開咗好耐嘅紅彤彤餐廳都幾揀得落手！呢間餐廳平日懶豬時間多數迫爆，雖然話多咗人外賣唧，但亦多番人係堂食，所以我揀星期六，仲要係十一點半（遲左一分鐘啱啱過咗早餐時間）去吔。忘記咗影低餐牌，佢係設定左每日不同午餐喺個menu度，比較有興緻去追加啲小食，尤其薯條，有薯味又唔馬虎都要淋啲芝士肉醬喺面都只係十蚊。明知佢啲炒蛋幾香滑，所以成日都忍唔住蛋包飯，拼板煎雞扒，最好又有火箭菜、紫椰菜、車厘茄沙律伴碟，好顏色控又均衡營養。比較驚喜係個「蒲燒鰻魚鐵板炒烏冬」，上碟企理好似某胡椒午餐餐廳咁用紙帶圍住鐵板防彈汁，烏冬索哂啲鰻魚汁，用紫椰菜、粟米炒啲色水好醒神，依家午市五十幾蚊堂食再咁嘅質素仲想點吖！

Red Rice 米飯主題餐廳🍙💛 韓式鐵板微辣豚肉炒烏冬🍜($68 連飲品) 7/10完全超出所想嘅味道，用鐵板上保持熱辣辣出哂煙已經好吸引🔥。味道係BB辣，有少少偏咸，加埋鐵板嘅少少燶味，幾惹味🌶豚肉唔老，而且好入味，個烏冬都值得一讚，唔係cheap cheap烏冬，而係煙韌較淋身嘅烏冬，入味得黎又唔會太軟，仲keep到有咬口，對得住個價錢💰蒲燒鰻魚伴滑蛋蓋飯 🍚 ($58 連飲品）4.5/10呢個價錢有成半條鰻魚同滑蛋，成個賣相真係超過預期。首先讚下隻蛋🥚炒得好滑，個飯都軟熟，但鰻魚汁加卡夫醬就有少少偏甜，而最大問題係條鰻魚都幾腥🤢，加上煮到好軟爛，冇哂口感，好彩唔多骨，只能說呢個價位可以理解。蔥油阿土煎蛋餅🍳（$18) 4/10雖然上枱仲係熱辣辣，但都係彌補唔到佢嘅先天不足。外皮尚算軟糯，但真係好油膩，而且蛋同蔥味完全唔香，只係靠最上層嘅章魚燒醬調味，感覺自己食咗成口粉🥴Extra comment: •餐牌上面仲有好多有趣嘅item，例如台式麵、石頭鍋飯、雞煲等🍲•環境都算闊落，但見到有小昆蟲係枱面，扣分😐

依間茶記嘅選擇都幾多下，裏面成間嘅裝修到以紅色為主🏮一入到去坐低睇餐牌嘅時候佢啲款式多到都幾選擇困難症🤣🤣🤣佢有好多中式或者係西式野可以揀我覺得佢最好嘅係午市時都有得俾你揀輕食如果有d人可能唔想食太多又唔想食飯嘅可以揀嗰啲牛角包🥐拼沙津 今次我就揀咗個蔥油雞扒三蛋飯，見到佢餐牌上推薦呢個飯所以就諗住試吓！而我朋友就試咗咖喱牛腩飯首先講吓個蔥油三蛋飯先，佢嗰三隻雞蛋撈埋落啲飯到好好食，而且佢雞扒好入味如果咖喱牛腩飯朋友話唔辣，同埋都好好食啱晒啲想食咖喱又唔想要辣嘅人！🙌🏻

今日去左新蒲崗六合街食呢間紅米，入面選擇頗多，焗飯、中餐、西餐、酸菜魚、東南亞食物樣樣齊，滿足哂所有願望。我揀左個茄汁雞扒蛋包蓋飯，佢個滑蛋非常絲滑多汁，味道都好好，雞扒脆得黎又香，夠哂水準！叫完五分鐘又有得拎，好有效率。環境方面，梳花同地板都比較舊，唔夠新淨，加上係新蒲崗呢啲平民地帶，都合理既。

🥡相撲豬扒蔥油飯+三眼煎蛋 $51塊豬扒大過手板小小，咬落冧身～味道就較為淡口咗啲，加埋個蔥油食會比較好，蔥油本身啲蔥冇炒過，味道就爭小小啦。不過勝咗三蛋夠吸引，都驚得幾靚，補救返啦～另外朋友嗌左自家叉燒蔥油飯，不過就全部都係瘦叉，真係唔多好彩啦～🥡白汁海鮮芝士焗飯拼吉列炸蝦 $51份量都好大個下，大過平日嘅焗豬，男士都一定夠飽呀，味道都係比較淡啲，都算ok 啦～🥡煙三文魚伴蟹棒田園沙律 $44清新之選，40幾蚊唔會得一兩啖，食曬都好夠飽架～減肥就岩啦

港式蜂蜜烤雞扒早餐☕️有蜂蜜烤雞扒、炒滑蛋、茄汁豆、沙律菜、牛角包，很豐富。蜂蜜烤雞扒外表微焦🍯炒蛋很滑🍳沙律菜都算新鮮🥗拌了芝麻醬，牛角包微暖🥐不算很鬆化，有點厚實，但都有牛油香。這裏的早午晚餐性價比都不錯。

係熊貓訂左幾個外賣加1份小食土匪雞翼，一打開個盒見到果6隻土匪雞翼，真心唔開胃，點解可以黑到咁都仲出俾客？🤦🏻‍♀️係咪因為係外賣所以出餐可以咁求其？真心冇下次👎🏻

一開頭返工唔知食咩好，係OpenRice 揾到呢間，見佢都幾近公司同埋食評都唔差就試吓，而家已經變到係我lunch time嘅必選之一第一次係外賣食佢嘅蕃茄豬扒焗飯，好大份，我都已經幾大食，食完都飽到上心口。佢蕃茄同芝士嘅比例好好，焗到好香好惹味，豬扒勁大嚿。之後再試埋佢哋嘅招牌蛋包飯，個蛋好滑，汁嘅份量啱啱好，有時好怕啲餐廳俾得太多變咗做湯飯。我同事最鍾意係佢哋嘅鰻魚蛋包飯，佢哋好邪惡加咗沙律醬喺入面，令到個飯好香口，我個同事真係餐餐都叫呢個飯嚟食有一次我試咗咖喱飯但印象麻麻，下次會試吓湯飯或者鐵板燒～

經過新蒲崗唔熟路，唔知食乜好，最後入左呢度黎個quick lunch😗 餐廳主要裝修都係紅色😍 幾大間，座位好多，所以當日lunch hour唔洗等位～🌟 蔥燒牛肉鐵板飯 ($50)飯既份量非常多🤣🤣 女仔未必食得曬～ 賣相睇落似pepper lunch，雖然比較淺色，以為會淡，但好彩都夠濃味😋 呢個價位黎講牛肉份量可接受，不過不失啦～🌟一口牛粒伴溫泉蛋石鍋飯($62)牛粒比較似中式黑椒牛柳，整體比較多筋，有d難咬🤧 不過勝在配菜幾足料，有蘿蔔絲、溫泉蛋、粟米粒等🌽 撈埋一齊幾惹味😍lunch跟餐都有大大杯飲品，所以大份夾抵食🤣

呢間都算係新蒲崗工業區內嘅工廠飯堂價錢以平為主，的確係一間平民食堂食物選擇多，質素可圈可點聽聞蛋包飯同滑蛋係出色今次自己去食早餐，價錢有2字頭，坊間嚟講都算已經少見價錢平，但早午餐未至於食頹嘢其中一份早餐係港式蜂蜜烤雞扒 $39有蜂蜜烤雞扒、法蘭克福腸半條、炒滑蛋、茄汁豆、迷你沙律菜、牛角包、蜜糖另加迷你火腿粟米湯通粉 $6，味道都係普通嘢份量唔少，雞扒唔係一塊縮水雞扒有肉感又有烤味，有肉無骨，僅略嫌腸仔有啲乾另一份早餐係自選西式早餐 $28每個選項有3至4種選擇，揀咗即烤牛角包、香滑炒蛋、火腿、牛油粟米另加迷你鮮茄湯通粉 $6，通粉大概係一個飯碗嘅份量，有茄味，普通料牛角包表皮酥脆，入面軟熟，而牛油粟米都有牛油香炒蛋金黃色，半熟狀態，滑溜有蛋香

平時都多人排隊,星期六諗唔到食咩, 一於試下! Meau中西款式餐都有相撲豬扒蔥油飯 拼 三眼仔煎蛋 @$49呢個算係餐廳既特色餐,呢個價錢但足料飯都多感覺ok👍🏻! 惟姜油比較鹹一點, 三飯蛋撈飯好食! ( ´∀｀); 豬扒唔會太硬~整咗泥講都算抵食~

今年因疫情關係，叫了一個2人聖誕餐外賣，焗豬扒飯好大份量，個餐有沙律、燒春雞、蔬菜、薯菜、焗豬扒飯、湯、飲品，仲送埋乳鴿，外賣9折都只係二百零蚊，食物ok超抵食，性價比高。餐廳還有聖誕禮物送，在這經濟環境下，真係要多啲支持這些良心小店。😋😋😋👍🏻👍🏻👍🏻

朋友講過，去到呢頭附近就自然掛住呢個蛋包飯。好奇心下，今晚就會下先～叫咗個推介icon雞扒蛋包飯（走汁），好快就上菜。一眼見到前菜同主菜放埋一碟，殺我一個措手不及，我好怕啲醬汁撈埋一齊＞.＜到個飯，咦…紅飯？好香，好似茄汁，又好似唔止茄汁，有好細好細粒肉，似叉燒粒咁。雞扒，唔鞋，但又唔係勁滑。合格的。至於凍0T，我都有啲要求，只鍾意飲茶記茶底，香濃為首要。呢間都幾有茶味，通常睇個顏色都估到啲，呢間算茶底唔錯。

蕭若元集團嘅旗下餐廳，之前食過時代冰室覺得幾抵食，今次就試下分店比較少嘅Red Rice!餐廳位置比較隱蔽，唔係喺大街，好容易行過咗。入到去店舖都幾大，有少少似飯堂嘅感覺，超闊落！佢哋個menu選擇好多，尤其係飯嘅餐特別多，真係有排揀🤭而且價錢都幾平，係茶餐廳嘅價錢👍🏻我今次叫咗個好似pepper lunch 嘅蔥燒肥牛鐵板飯💁🏻‍♀️ 同行友人叫咗比較熱門嘅相樸豬扒蔥油飯拼三眼仔煎蛋(無影到🙊)，但眼見豬扒超大塊又有三隻蛋，真係幾抵食😎❤️ 蔥燒肥牛鐵板飯 $49塊板夠熱可以整得熟哂啲牛👌🏻肥牛份量ok，有四五條。調味方面味道唔算濃，可能因為照燒汁太少，食到最後唔係好夠味。飯嘅份量算多，食唔哂。好食度：⭐️⭐️⭐️(3/5)餐廳推薦度：⭐️⭐️⭐️(3/5)同行友人對佢個相樸豬扒蔥油飯拼三眼仔煎蛋相當滿意，真係大件夾抵食！如果你喺附近返工又唔知食咩好，嚟呢度實揀到啱心水😂因為齋睇menu都有排你揀！

今日又係「掃黃行動」！嚟左蕭生嘅紅米餐廳食野😆嗌咗一個下午茶，但佢嘅份量絕對唔係普通茶餐廳下午茶嘅份量，通粉分量超多，又有菜又有雞扒，雞扒仲大大嚿添！蕃茄湯嘅湯底味道濃郁，蕃茄味好濃，湯入面仲有蘿蔔等嘅蔬菜粒，好真材實料！另外牛角包熱辣辣，上枱嘅時候仲係脆卜卜，好好食😋😋 火腿暗烈亦都比得非常之大方，火腿唔會得幾條，你食落口唔會鞋拾拾，下午茶來講，呢餐直頭係一餐正餐嘅份量，但係係下午茶嘅價錢，性價比超高！