Relaxing tea house + Fragrant Kitchen (已搬遷) 新店位置

Food is delicious but drink is so bad, we are so disappoint.Soft drink have to pay extra $10 but which is under the meal, unreasonable charge!! Ice coffee is not strong, taste like milk, anyway i never try a ice coffee like that.

光顧葵芳Relaxing是一次巧合.在奧海城的Biem買西裝,奇怪地(奇係奇在宣傳的是老遠的商場食肆)在袋中發現了一張傳單,寫的就是葵芳Rleaxing的花之戀人半自助晚餐.自助餐吃過很多,但半自助未吃過,加上那時候有朋友住柴灣,為了"耍"她要搭廿二個站的情況下,我們決定飯局住走那兒試試.雖然立心有點不良，但結果是這一試，埋下了我們成為熟客的伏線。這趟的主菜仍然是有得選擇的(差不多一個月來一次，所以有時試主菜是同款的)，但大廚總算成日推出新式菜式。前菜依舊，咖喱波蘿雞沙律重現！還有好好食的龍蝦仔，自己撈的凱撒沙律。甜品多了水果選擇，感覺上健康了。而且不能不吃的就是芝士蛋糕。Relaxing在四月底就會結束葵芳現址，喬遷大角嘴埃華街。慶幸我就是住在近大角嘴的附近，以後就不用左度右度時間才能與朋友各自搭車到葵芳光顧。以往一直都很難請到很多朋友一起去，原因就是朋友很多住港島或九龍東，要他們到葵芳很多時都耍手擰頭，五月搬去近旺角的大角嘴後，生意應該更加興隆吧。葵芳Relaxing的外廳內廳也將成為回憶。

２００８／４／１５晚餐在未寫食評之前，要通知各位食家，Relaxing tea house的葵芳分店預計在2008年4月底搬遷，新地點是“九龍　大角咀　埃華街　84-86號大成樓地下”(近君匯港；可由奧海城/ 匯豐中心行過去)，電話不變，即2401-3591。梁經理表示新店會以全新設計﹑全新印象出現，而價錢還會比現在的調低一點。我聽後真的高興，這個什麼都加的時期，他們相反地將食物格價調低，真好^.^今天的胃口大好，凍蝦﹑蘑菇火腿片﹑聞就腥飲就無事的海鮮蔬菜清湯及質地幼滑﹑材料豐富﹑回味無窮的周打蜆肉湯，用超新鮮羅馬菜撈成的凱撒沙律也吃了1.5碟…終於吃得主菜。焗豬仔骨配玉桂蘋果汁：豬仔骨的樣子就像一塊超厚身的豬扒，當然，這個比豬扒好吃N倍﹗完全沒有脂肪膏的2CM厚的肉，質地彈牙有嚼勁，最緊要這麼厚身也能醃得入味﹑焗得全熟，那條骨給我啜下啜下差點兒要吃埋落肚…如期說是蘋果汁，不如說是蘋果蓉，味道像極蘋果批，甜味較重。每啖豬扒，樓上是蘋果蓉下面是醬汁，吃到滿口歡喜。帶子拼巴拿馬火腿煎鱸魚：(忘記了正確菜名)帶子是中SIZE，不過夠新鮮，焗得很香又好味；煎魚方面，魚皮很脆，肉多汁也帶點滑，不

敏&大頭文食評<五>見到呢度咁多好評,專登黎試下星期六七點去到,叫o左semi-buffet。出到去salad bar見到海鮮冷盤度有好多凍蝦,青口,但龍蝦仔得兩隻。每樣都拎o的返去試下,三樣都好好食喎。凍蝦好甜,尤其是龍蝦仔,好新鮮,連平時唔多鍾意食龍蝦仔既我地都覺得好好食。主菜方面叫o左一set豬柳扁意粉,一set豬骨扒配紅酒蘋果,兩個都ok,份量唔多,食完都仲可以留肚試哂所有甜品。甜品有好多款,blueberry cheese cake好好食,西瓜都好甜。飲品蜜桃茶幾好飲。美中不足係o的雪糕麻麻,朱古力雪糕裡面有冰粒...七點鐘拎完o個兩隻龍蝦仔之後等到八點半都無再refill過喇,臨走諗住問一問waiter會唔會再refill啦,佢真係即刻拎出黎喎,雖然數量都係唔多,但真係好開心,呢餐食得好滿足。埋單兩個人total都係$250,咁既價錢黎講食物款式唔算少,服務亦好,真係好抵。見到隔離檯叫o左海鮮鑊仔飯好足料,下次要試下

今個月生日同朋友去食lunch, 總共一行六大一小。由於有一個朋友之前已經食左野, 因此佢冇食任何野, 淨坐。落order時個waiter見我地有一個大一個小冇叫野食, 面露不悅, 但並冇提醒我地任何野。野食方面唔多講, 味道唔錯, 沙律款式唔多。到埋單時, 先發現小朋友要計一個沙律既價錢, 而冇食野0既大人都要計一個沙律餐價錢。我地十分不滿, 因為:1. 落單時冇人提醒過佢地0既規則。我地唔介意冇食野要俾錢, 但waiter係唔係有義務提醒我地呢?2. 既然那個冇食野0既大人會自動order一個lunch set, 但佢最終都冇左個餐飲同湯, 而且冇人提醒過佢。係唔係有d過份呢?3. 埋單個waiter話: 食開0既人都知規則......但我第一次去, 點知.............4. 落單waiter態度非常差, 黑面不特止, 當另一個waiter同我埋解釋時, 佢竟然搭咀。我地都未話佢, 佢竟然夠膽出聲。就係咁, 一個開心0既lunch, 食到一肚氣。或者佢地唔憂做啦, 咁0既態度我一定唔會再去食。

未夠七時已經全場爆滿，十之八九也是吃semi buffet dinner。小小吧桌已經有齊沙律和海鮮（青口及蝦）。沙律菜頗新鮮，加上車厘茄，我這個沙律怪可以吃足兩碟。主菜意大利雲吞($88)－－比自己煮的juicy多了，份量也多，只吃半碟也飽了。鴨胸薯蓉($98)－－鴨胸好好味！肉質煮得剛剛好，不會過火太老，第一次吃煮得這麼好的鴨胸，很驚喜！看見其他食客的主菜，果真如食評所講非常美味，下次也試試其他款。甜品不看食評也不知芝士餅有這麼多款，個人覺得不算十分美味。反而麵包布甸令人一吃再吃。埋單也不用$200，單是上乘的主菜已值回票價，難怪笑臉數目一直高企。

兩個半月沒來ＲＥＬＡＸＩＮＧ吃晚餐了。今次被安排坐室內的雪糕櫃旁的位，其實我不太愛坐室內，問梁生才知道今晚的ＢＯＯＫＩＮＧ較滿，那就算吧^^”因為咳嗽，很多東西也盡量少食為妙！（至少凍飲﹑甜品和沙律不能吃）。但美食當前，怎能忍得下口呢？最後也吃了少少凍蝦（雖然細細隻，但肉夠彈牙）﹑凍火腿﹑少少哈蜜瓜和西瓜（前者很甜美，後者起哂沙，正～）﹑兩碟凱撒沙律。主菜一是烤鴨胸配香草薯蓉，二是鮮蝦酥皮盒配香煎三文魚柳。一）本身討厭吃中式的燒鴨ＯＲ燒鵝，它們有一陣陣怪怪的“ＳＯ”味，我很怕。但這裡烤的鴨胸沒有那陣‘ＳＯ’味，吃入口的味道不似鴨，像烤雞XD；肉質是非常的嫩滑且彈牙（第一次吃鴨肉可以咁嫩口！）；香草薯蓉除了很香，又不膩，蠻開胃的。二）盒內是載著芝士白汁焗洋蔥磨菇大蝦，大蝦夠大，口感彈牙；白汁配外圍的酥皮，好味道；略嫌酥皮盒不夠企身，上檯前的餡料也流了一半出來。三文魚柳的魚皮煎得金黃鬆脆；魚柳肉很滑很滑，今次這個魚位少了陣三文魚的‘腥’味，我不愛吃熟三文魚（也是因為那種‘腥’味），但最後也吃了４分之一。邊邊的醬汁應該是芒果莎莎，酸酸甜甜，點魚柳一流呀～謝謝梁生送給我們的紅酒和芒果菊花花茶啊

昨晚因為又交完稿,好想鬆一鬆,就會立刻想到relaxing這店鋪.放工後,到了葵芳逛一陣才入去,大約6點8左右,仍不算太多人,不過因為怕嘈,所以要求換了坐入面廳(平時會喜歡外面廳,不過夾兩兩檯中間,而兩檯人都好似有高談闊論的跡象!)沙律吧好像少了一樣野,食到一半想了很久才想到,就是那個好好食既咖喱波蘿雞沙律!唔知係今日唔出定以後唔出.如果以後唔出就會令好多食客失望.冷盤海鮮主打有青口和龍蝦仔,D龍蝦仔好正,我食左都有成廿幾三十隻!好食過早前係百樂酒店食的貨色.主菜因為有些已經試過,又因為朋友身子虛弱,又咳,佢就求我唔好點熱氣既,結果點了煙鴨胸香草薯茸同蝦酥盒拼三文魚柳.鴨胸初時以為係平時cafe個D一片薄薄地個D,原來係厚到成舊叉燒咁上,但係佢又唔靭,好好食.薯茸亦撈得唔錯,香草同薯茸混然天成.三文魚柳都好好食,尤其係塊皮更是一絕,正到飛起.蝦酥就林左少少,但都好好食(入面有蝦同其他配料)甜品同平時一樣,芝士蛋糕最出色,雖然已經飽了仍然要食兩件.朋友說水果都好甜好好食,但個人不太喜歡西瓜蜜瓜,所以略去無吃.p.s:個麵包布丁進步左好多,幾有水準!見有個食客添完再添仲要碟碟都好大碟就知正

開完會後，跟客戶到這兒吃午餐。點了客午餐，先來菜湯和蒜蓉包。附「自助沙律吧」，見有自助即撈凱撒沙律，於是自己來一客。主食係「鮮茄鮮蝦意大利飯」，味道係OK，倒是那蝦質素很差。忽然見沙律吧來了哈蜜瓜，當然來兩片，但質地好硬。餐飲選了熱咖啡，味道勉強OK。埋單$58 加一，有菜有飯有生果有餐飲，算係咁啦！

以花草茶作招徠的餐廳,但是泡出來的花草茶,無味花草茶,無花香無茶味,涸名吊譽.

今天在沒訂位之下來吃悠閒下午茶，兩點多來到幸好還有位子～一如以往，是日花茶﹑咖啡紅茶﹑兩款凍果茶﹑檸檬奶，任飲任加。沙律區及凍盤區外，還加了即叫即制的飛碟及窩夫，是由黑衫經理主理，他推介兩種美食給我，前者我沒有試，後者的味道竟然比外間吃到的好味N倍！我加了牛油和朱古力醬(牛油﹑朱古力醬﹑雪糕等，自由發輝)，好好味。他的推介真的沒錯啊^^問他是如果整得這麼好吃﹖他大方說原因是粉漿的調味及份量，加上窩夫機是歐洲出產的，制作時間較多，三者合成之下，令到出品這麼捧！熱盤有肉醬意粉﹑豬扒﹑黑椒牛扒﹑蜜糖雞翼﹑白色醬汁魚柳(又不記得汁名)﹑炒翠肉瓜，除左牛扒麻麻地之外，其他的都好有水準，正﹗甜品我就沒吃，因為不太愛喜好，主打的幾款芝士餅也有在鎮~梁生今日太客氣了，除了送了自家制的'苦丁花茶'﹑賣相靚靚的蜜糖桂花雞翼（熱盤之一）外，還買蛋撻給我倆吃，開心開心^3^

之前都有同老公o黎呢度食,但就無帶囡囡來,諗住價錢OK食物一般,又住係附近,周圍都食到厭,咪諗住同老公帶埋3歲囡囡黎食多次啦, 下午打去問今晚係咪仲係有semi-buffet? ok, 仲有,再問3歲小朋友收唔收錢,佢話收Salad bar 錢, 印象中好似四十幾蚊,因為囡囡係我地食飯前已經係屋企食左飯先,所以同佢講佢~佢唔食野既, 跟住接電話o個個人竟然話"個個都係咁講架啦",我即時好嬲咁話我唔Book嘞"收左佢線,試諗下3歲小朋友就算食都唔會食好多野啦.更可況佢已經食左野...所以我決定Black list 呢間餐廳,唔會再去,更可況食物質數一殷tim..

同個舊同事約出黎食lunch..兩個行黎行去都唔知食咩好..咁就去左relaxing tea house..其實我有親戚以前o係尖沙咀分店做過summer job..所以對呢間野都未至於零認識...我叫左個野菌汁豬扒拼雜菜..舊同事叫左肉眼扒意粉..佢本來係跟雜菜但後來轉左意粉..先黎ge係蒜蓉多士同白湯...白湯幾好飲..比起尋日o係扒王之王o個d真係好太多啦..扒王之王o個d稀到好似水咁..主菜無幾耐都黎到..我o個碟有兩大塊豬扒..唔錯..豬扒可以唔洗整咁耐..如果時間over左就會變得好鞋..我個雜菜同我個舊同事o個碟意粉其實我只係多左三塊小小ge薯餅..對於女仔黎講係夠..但如果係男仔食就未必夠啦..之後就去左沙律吧擰野食...最鍾意係個長通粉沙律..我食左兩、三碟...沙律有好幾款..仲有d生果..食完都會捧過新ge出黎..但後來就無左西瓜..搞到個舊同事有少少失望...最開心係見到有好多男朋友鍾意ge車厘茄..下次一定要帶佢去食...o個度ge環境幾光猛..好o岩去傾偈..

上上個星期試左半-buffet，我order左咖喱牛尾麵包球(~$128+10%)，朋友就叫左咩鵝肝牛柳咩咩咩咁啦(~好似$158+10%)－－般喎．嘩！我個份個麵包好大個，如果食完個包我一定食唔到d甜品，所以我食左一半就放棄左啦！個白湯好creamy，個朋友飲左４碗，我就主攻甜品，我覺得最好味就係pudding同cheese cake，其他的一般．！D凍蝦都可以啦，青口就唔係好掂！但係要知道e個$唔應該咁要求！舖頭都打烊啦，我忘記左拿ice-cream，唔知係咪經理呢，佢知道我未食仲主動話幫我攞又問我要多少球，好感動！環境都好舒適！

上網search到呢間食評, 決定一試。首先, 好欣賞呢間餐廳既service, 我同朋友去到門口, 望左幾望, 對佢既semi-buffet最有興趣, 因為有沙律吧dessert吧, 但好擔心唔知係咩dessert, 呢個時候, 經理行左出黎解釋佢地今晚有set dinner,亦都有semi-buffet dinner, 見我地對dessert吧唔係好有信心時, 仲帶埋我地入去望一望佢地個dessert bar, 一個小王國, 真係好開心, 因此, 我同朋友未等經理問多次我地係咪要坐低, 我地已經迫不及待同佢地講o係呢度食呀!我地一坐低食沙律、飲湯、食佢個凍蝦同埋青口, 質素都okay... dessert有果撻cheese cake, chocolate cake chocolate door, 水果有西瓜,哈蜜瓜、火果龍自助食物由6:30pm供應到10pm定唔知11:00pm, 總之一定夠食, 佢既refill速度加執碟速度又係要一讚!!以為唔駛加錢有既野一定係馬馬虎虎, 點知錯晒!! 佢d dessert有d都幾好味ga! 不過有d我地因為眼闊肚窄, 所以食唔落.....朋友話