Saravanaa Bhavan (已搬遷) 新店位置

今晚約了朋友聚舊，朋友先說明今日會帶我去吃特別點的菜色，我完全沒有想法就跟著朋友走了。上去餐廳後發現原來是一間印度菜的餐廳，而且裡面也坐著不少印度人在吃了，看來這裡是很正宗的感覺。服務員遞上餐牌時還怕著餐牌會看不明白，幸好餐廳有做翻譯，這樣至少知道是什麼，但我們也想了很久才決定點菜。套餐感覺上就是入門必點的，烤餅配上不同的醬料還有飯，其中酸奶及咖哩芝士是我最愛的，咖啡跟烤餅就是平常會吃到的，可是這裡香料比較多而且比較辣，而酸奶就是吃著辣的東西後用想來中和辣味真是很棒。因為我們想嘗試一些新菜色，所以就點了這個沒有見過的菜色，這個班戟吃起來就像是韓式海鮮煎餅的感覺，但是也是配著不同的醬料去吃，其中白色的是椰子味道，感覺真的是很特別。最後吃辣的東西當然要喝東西，而這一杯青檸梳打真的很好喝，青檸很濃郁但又不會太酸。整體來說，這裡是一個很新鮮的體驗，有機會也會帶其他朋友來試試。

放工約左好友食飯，佢介紹食印度菜，來左Saravanaa Bhavan!一入餐廳，環境光猛舒適，打開餐牌，有好多唔同既菜式，而且價錢唔貴，好抵食！朋友叫左個北印度套餐，賣相豐富吸引，中間係炒飯，則邊係有幾種唔同味道咖喱，有番茄芝士味、有酸酸甜甜、有微辣青咖哩。另外叫左個菠菜班戟，亦都有三款醬料，菠菜班戟份量夠大，食落軟熟，點埋醬一齊食，口感一流！我叫左個Gobi Manchurian，原來係椰菜花，混入左多種香料，好正！食落一d都唔似椰菜花，完全改變我唔食椰菜花睇法！食甘左甘多辣野，當然要叫番杯飲野，Mango Lassi..冰凍中又有酸酸甜甜既味道，十分解辣！

上次黎同一廈食野見到都唔錯, 所以今日就食喇.呢間個餐牌有哂翻譯係睇得明既~ 加分.店員都好NICE, 同埋佢地講既英文係聽得明既~溝通到方便好多~同場見到除左印度同鄉外, 都多HK 人同埋外國人黎食~睇黎都幾入屋~我地叫左一份芝士烤餅, 一份牛油烤餅.必叫既野黎, 亦發現左間間口味都唔同. 可見得真係手工製, 有唔同特色~兩款都好香~ 點埋CURRY 食就一流, 講真, 我地食呢D 餅都食到好飽...佢地係個胃度應該脹左幾倍~然後有個炸磨菇, 喂.好食呀呢個.. 好特別, 未試過...我地睇名以為炸野, 點解上到黎都係咁有印度特色既?! XD佢炸完脆卜卜再撈返佢地D 重口味~ 老實講, 你話佢係菇或肉我都唔會知道.因為佢地既做法同香料已將本身樣野蓋過左~ 可能呢個就係佢地既特色黎~唔係話唔好味, 我好中意呢碟野家~ 由其係佢D脆卜卜外層~最後黎個咖哩雜菜, 呢個比較辣, 我FD 幾乎冇掂過咁~全程我食哂咁滯~~>< 食完辣野我地叫返杯MANGO NASSI. 不過唔夠凍解唔到辣~哈~

- 《🥘come on curry night》今餐嚟個新鮮到未試過既，印度咖哩🥘其實都幾地道ga! 因為初次嘗試，就點左個北印度套餐啦! 有幾款唔同既咖喱、沙律、甜品同埋中間既印度炒飯🤷🏻‍♀️有幾款咖喱都幾好味既，最特別竟然有酸奶🤔配埋薄餅唔怪得嚟仲正添🤭🤭仲有點左芝士薄餅，呢個要趁熱食，淋左就爭啲! 同埋酥炸磨菇，有避風塘既風味🤩不過菇既份量少左d! - 👇🏻地址👇🏻.Saravanaa Bhavan (尖沙咀)尖沙咀亞士厘道23-25號雅士利中心4樓-

朋友吃素的，呢到佢帶我黎，佢話味道好正宗！雖然今餐無肉，但估唔到又幾好味！會再黎食！嘿嘿薯仔餡薄餅，好好食！又重蒜香，牛油香，薯仔蓉應該溝左Ｄ香料　咖哩，愈食愈有辣感。正！兩片都好大片。第一次食有夾層既ＮＡＡＮ！口感味道都很不錯，嘿嘿雜菜咖哩，有青豆，豆角，椰菜，紅蘿蔔粒非常香口，覺得好好食！咖哩好香濃！嘿嘿小食，ＳＡＭＯＳＡ！好好食！外皮好香脆！內裡有熱辣辣既咖哩薯蓉。配薄荷醬，印度甜酸醬！雖然係素菜，但係餐牌超多選擇啊，分埋北印南印平日都９成滿座，座上客有香港，外國，印度。厲害！

素菜感覺很清淡? 咁印度素菜就係最佳選擇了。印度千層煎餅及蔬菜套餐香脆口感、蓬鬆酥皮的層次感，是所有印式醬汁的最佳拍檔。瑪沙拉牛油雜菜印度最著名的咖喱菜之一。牛油當然是這道菜的靈魂，但其實吃起來並不肥膩。配飯或不同種類的 印度式薄餅都無得輸。粗粒米煎餅由粗小麥粉 (Semolina) 所做成，口感微脆帶有一點點米香。配合牛油黃咖哩、椰香酸奶、薄荷乳酪醬同食，相當有特色。鮮青檸梳打有別於坊間一般青檸梳打，他們用鹽和糖平衡青檸的酸味。感覺非常清新。

每次食完印度菜都會覺得好膩好 heavy, 因為 D 肉加埋香料通常都會食到好滯, 但食印度素菜就唔同喇, 所以今晚又黎番呢間專門食印度素菜嘅餐廳開餐｡一如以往, 餐廳係中英對照, 唔怕唔識睇菜名｡Parotta & Vegetable Set 印度千層煎餅及蔬菜套餐呢款係屬於南印度菜式, 煎餅口感香脆, 蓬鬆酥皮令食落去有層次感, 配左 2 款醬汁: 特製薯蓉咖哩 (唔係好辣, 可以食到一粒粒嘅薯仔) & 蔬菜咖哩 (比較辣)｡Rava Dosa 粗粒米煎餅用小麥米漿做成嘅煎餅, 比較薄身, 烤到脆卜卜, 味道帶少少微辣, 配左 3 款醬汁: 牛油黃咖哩、椰香酸奶 (我唔太鐘意呢隻味)、瑪莎拉咖哩, 醬汁當中有辣有唔辣, 不過就咁食個煎餅已經好好味｡Vegetable Butter Masala 瑪沙拉牛油雜菜雖然叫雜菜, 但其實只係有唔同款式嘅豆類 & 紅蘿蔔, 牛油味濃郁, 呢款咖哩係唔辣嘅, 無論配飯定薄餅都勁正｡

尖咀食晏食到悶悶﹐今日同朋友響亞士厘道上樓食印度菜館環境簡單整潔﹐食客印度人多，相信是夠地道先吸引到成為自己人飯堂！向來一直以為印度菜都偏辣﹐原來都唔算辣﹐反而覺得味道特別同好香！一上檯好驚喜﹐超大卷 Masala Dosa (瑪沙拉煎餅裏) 配四款醬，薄荷葉，薯豆蓉，鷹嘴豆酸奶，牛油咖哩！有款酸酸地幾開胃﹐有咖哩香﹐食落脆脆﹐每次點不同既醬，食食下都唔覺成卷食曬辣豆飯內粒粒腰果﹐印度菜除左味道﹐都著重咬感﹐飯味帶點點酸﹐同食開既白飯不同！ 牛油烤餅味香﹐傳統陶土烤爐烤製，外鬆脆，內鬆厚！特別體驗既正宗既印度菜，抵食！

本身自己都好中意食咖哩 特別係印度咖哩香港好多都好有質素 呢間係全印度人的樓上餐廳兩至三個人的話推介食呢個北印度套餐($110)有四款咖哩 雜菜黃飯 配蔬菜乾酸瓜Naan同甜品個人最中意瑪沙拉咖哩芝士同特製鷹嘴豆酸奶咖哩種類好多 其他煎餅薄餅naan直頭多到你眼花花啊😂呢度感覺好正宗 全部客人都係印度人咁滯座位闊落 坐落好舒服 會有一刻以為自己唔係香港😂😂因爲成晚只會不停聽到印度文bilibalabilibala😂

我好少食印度野, 餐廳有點像飯堂，裝修簡單，大多數是印度人，非常地道，另外亦有兩三桌是香港人。有兩枝水放係枱面，需要收費。首先叫左個熱牛奶, 滿是泡泡,好有趣.Mango Lassi很好喝！符合香港人口味，口感既像奶昔又像沙冰。個湯味道超濃郁，香港人可能會覺得有點濃，有點辣，似湯又似汁，用來點包吃一流！小食叫左個酥炸椰菜花，好有大排檔風味，味道有點似椒鹽，真心好吃，很夠獲氣！我跟朋友起初以為這個是菇呢。另外叫了個鐵板燒菇，味道跟酥炸椰菜花差不多，也是好好吃，很夠獲氣！叫咗個北印度套餐甜品有點太甜，基本上是糖加水。咖喱是挺辣的。我跟朋友都不太分到每個小碟是什麼，吃的過程都挺搞笑的。薄餅比較脆，需要趁熱吃。我個人比較喜歡熱熱軟軟的包。

食過幾次印度野，都主要係喺馬來西亞食， 今次喺香港嘅印度餐廳都食到同樣風味嘅食物， 情況都有啲相似 ，服務員比較多就連廚房入面嘅員工都有好多個， 呢間餐廳好特別 吸引著我， 佢係以素食為主。今日叫咗三碟食物，餐廳送左2個甜品1. Mushroom biryani 大力推介 75hkd呢個嘅炒飯同平時香港食到嘅炒飯，非常之唔同嘅佢係用咗，長條嘅咪佢炒飯，炒得好香， 飯粒分明， 印度椰汁都好香。2.masala 豆粉煎餅 70hkd脆皮硬身既薯餅， 豆粉好重料，4種唔同味道嘅豆蓉調配醬料3. 印度芝士烤餅 35hkd好多芝士粉， 入面好多豆蓉， 如果呢個可以配埋咖哩醬汁， 一定好好味啦甜品係非常地道嘅印度風格， 呢種獨特別味道喺香港非常 少會接觸到。埋單後 ，店員會畀一啲 脆香料氣味甜品畀你下次搵多d朋友一齊再食多次

< 享受特別服務 >一入到餐廳已經有好大陣香料味， 見到嘅絕大多數都係外國人以及印度人，而冇中國人 ，我諗自己係唯一一個嘅香港人， 作為 中國人佢梗係會第一時間畀都差別我啦， 見到唔係每個印度人都有呢個服務 （唯獨我， 其他人都係by request）， 枱上一入到嚟嘅時候已經放咗兩支水，一大(1L 12hkd )，一細(500ml 9hkd)， 餐廳都幾大容納到好多人 ，餐廳嘅兩側都係室外嘅用膳地方， 食食下野有一班旅行團入到嚟，就係坐喺呢個地方。<Good service>餐廳樓面大概有六個夥記， 招呼周到，客人都好人， 啲熟客仔幾多， 問過呢位職員話唔介意同佢影相，放上openrice<Nann 2片 35hkd >非常有口感， 外邊查咗一層油，方便煮食，super yummy< 雜菜咖哩 75hkd >非常豐富嘅蔬菜類別 ，咖哩甜甜地好易入口， 有少少帶酸辣。< 南印度甜酸香料湯 40hkd >酸味勁重， 但係比羅宋湯香濃，十級推介。 做頭盤一流，非常開胃， 店員都好識做，唔洗3分鐘就送上呢碟湯一人

忽然同朋友想食異國風情嘅餐廳，咁啱經過尖沙咀知道呢頭有間印度菜幾正宗，就一於試試佢喇!首先入到去發現成間餐廳由員工，老闆到接近九成客人全部都係印度人，果然夠正宗! 哈哈好彩餐牌都有詳細嘅中英翻譯，不過菜式實在太多啦，我地揀左好耐先決定到叫咩😂😂首先我地改左個前菜炸椰菜花，估唔到又幾好食，麵粉唔會睇厚得黎醬汁好醒胃，學位前菜一流呀 食到停唔到👍👍之後為左唔揀咁耐，我地叫左一個北印度套餐套餐非常豐富，包括有雜菜黃飯，特色鷹咀豆酸奶，牛油炒豆蓉，酸辣湯，瑪莎拉咖喱，印度煎餅，薄餅等等。我同朋友最鐘意佢嘅瑪莎拉咖喱配薄餅，香料味夠得黎唔會過辣，但酸菜就有少少太過酸，我地食唔慣個口味。另外再叫左個鐵板燒蘑菇，鐵板好夠熱，蘑菇用薄薄炸粉包住，好惹味👍👍飲品方面叫左杯mango lassi, 有d似奶昔溝酸奶酪，好有驚喜!整體黎講全部菜式都好有印度風味，口味略重但整體可接受，環境舒適，價格親民，值得再黎試!

多元文化既香港集合不同國家既人，自然有不同飲食文化既餐廳！但如果唔係識人，好難搵到好正宗既餐廳。上次食過印度餐廳既我對於印度菜念念不忘，加上有大學印度朋友介紹，今次我終於試左呢間餐廳！ 今次寫呢篇食評，係想鼓勵香港人唔好怕羞，嘗試走進不同社區，試下最正宗既菜式，因為一定會有驚喜，一試無防，可能好似我咁，一試愛上。呢間餐廳係樓上舖，冇好特色裝潢，又冇好多宣傳，一上到去，一推開小小的門口，好像走進了一個小印度般，好多印度人放工在這裡食飯，濃濃的香料味，店員熱情的招待。雖然我同朋友係入面既少數， 一開始係有少少尷尬，但店員不斷介紹菜式，又問我地口味，好快我地已經融入環境！講下食左啲咩：酥炸蘑菇上碟時有點驚訝，望落有啲似中式炒送咁，食落口有黑椒香葱蒜蓉，原來印度菜都有呢啲煮法，同中式炸物好似。呢度將蘑菇點炸粉去半煎炸，好惹味，唔太辣！芝士雜菜咖哩印度正宗餐廳大部分係素食，素咖哩會有青椒、蕃茄、青豆、椰菜等材料，再加上印度芝士，送印度薄餅好夾，我呢個食肉獸都愛上呢個素咖哩。尤其是印度芝士，呢款食物係印度每家每戶都會自製，所以不同餐廳有輕微不同；今次係我第二次食，今次比上次更硬身，好有咬口，芝士味

男友以前上班常常和印度人合作～咁啱傾起今日係印度新年～而且我哋二個都未試過食印度嘢，咁就不如食印度嘢去祝賀一下印度人嘅新年啦！男友提議不如試一下呢間印度素菜，佢以前都會同工作上的印度夥伴來食呢！印度嘢對住我嚟講都係好多naan同埋咖喱，印度素食真係未聽過..好神秘！餐廳唔係重慶大廈，係位於亞士厘道一間大廈裏面，都算係叫做樓上店～上到去有個好光嘅燈箱超級顯眼，原來呢間素食係世界各地都好多分店，應該好有質素保證？！而且牆上面都有一啲印度系嘅裝飾～同埋q嘜商戶優質保證！裡面環境都幾大，有梳化位，比重慶嘅咖喱店多了一份舒適～無咁迫呢！menu有好多款嘢食，唔係淨係咖喱，仲有一個個北印度set餐～同埋menu有中英文對照加埋用咩材料去煮，全部都清清楚楚寫晒喺度，所以有食物敏感嘅都唔驚～我哋首先叫咗杯青檸梳打,好得意，可以揀咸同甜...我揀咗甜味，好清新同埋都有好多青檸肉，證明係真材實料真係用青檸打呢杯嘢飲出嚟！梳打唔會好多氣唔會頂住個胃！仲令到個人開胃咗tim!腰果炒飯 - 本來想叫芝士炒飯但係見到腰果炒飯又覺得好特別，所以揀咗佢～我仲以為係普通印度白米飯加炒腰果～點知來到又好有驚喜～飯嘅顏色係