Seasons Restaurant & Bar

营业中

休息中

今日試著在吳松路的呢間尼泊爾餐廳，試了牛油果沙律，尼泊爾水餃（忘了影相）食物新鮮，好味，特色的尼泊爾食物值得一試，餐廳餐具都幾清潔，餐廳氣氛唔錯，老板都好熱情招呼，下次會帶朋友來。。。。。

今天朋友生日🎂揀咗一間喺佐敦的尼泊爾菜，佐敦都算係一個充滿着好多異國風情嘅飲食文化的地方，每次去都覺得好新奇有趣，因為呢間餐廳一入去侍應笑容表面招呼我哋，已經覺得好開心今日試咗有Momo🥟侍應知道我哋心大心細想試豬肉同雞肉佢做咗Combo俾我哋，餃子型係豬肉口味比較鮮甜，小籠包樣係雞肉口味肉質較細緻，各有千秋，配埋個微辣蕃茄汁同吃更正！雞肉kebab 🌮呢個雞肉有少少嚡口，不過用醬汁同生菜蓋過又OKCurry fish +naan🐟咖喱魚入口香料味重，魚肉質地係屬於實淨嘅質地Naan好鬆軟，配埋一齊嚟食，兩者非常之香今晚慶祝生日，雖然本身諗住即興order甜品但係佢哋話冇甜品，於是我哋喺附近買咗甜品慶祝，侍應都很窩心地為我們播放生日歌❤️令到我哋過咗一個愉快輕鬆的晚上🌃

Seasons 係一間融合咗意大利、西式、墨西哥、土耳其、印度同尼泊爾美食於一身嘅多國菜餐廳。一嚟先奉上脆脆papadum，充滿胡椒嘅鹹香味再加薄荷醬好食開胃~今餐嚟都最期待都係食 momo ，自從係 Momo moment 食過之後就成日都心思思想再食，難得有令一間良心小店有賣，咁點都要試吓啦！今次無曬豬肉，所以我哋就要咗雞肉餡，一客十隻🥟 皮薄多餡，無 Momo moment 咁多汁但都好有香料味，重點係一定要加埋個微辣嘅蕃茄醬汁就更加好食~另外要大讚嘅係佢哋個garlic naan真係勁香蒜茸味，而且一啲都唔油膩！齋食已經好好食，配咖哩亦好出色。我哋要咗 Chicken Masala🥘加入咗蕃茄嘅咖哩唔會太辣，辛香而唔刺激。比起butter chicken 會無咁奶相對就輕盈少少~Sekuwa 烤肉我哋揀咗豬肉，聞到超出色嘅焦香味同香料調味，食落有肉汁唔乾柴惹味啖啖肉，係濃濃嘅異國風味~食咗咁多濃味嘢，健康寶寶仲加咗個沙律，一嚟就真係比個 size 嚇親🫨估唔到個沙律真係如圖所示咁嘅樣，個plating 都砌得好有 heart！！個泰式沙律包括有生菜，青瓜，薄荷葉，紫洋葱，蕃茄同

Lunch Time時間喺佐敦試咗呢間印度加尼泊爾加土耳其加意大利野嘅餐廳，味道都幾好。我地兩個人，一個叫咗Curry Fish Set另一個就叫咗Lamb Kebab Set。先來個餐前小食胡椒脆片。餐湯係印度Style的南瓜湯。Curry Fish Set就配印度薄餅，個咖哩都幾香而且唔會好辣，用黎點印度薄餅都幾正。Lamb Kebab味道唔錯，不過入面D羊肉就似乎肥咗少少，要咬走D肥膏。佢個汁幾好味，有D辣，如果唔食得辣就要叫佢走辣。佢個Lunch Set仲包埋飲品，我地一杯要凍檸茶而另一杯就要可樂，杯可樂竟然有檸檬真係勁。

I had Seasons Restaurant and Bar twice today. I dined in for lunch, and I bought takeaway for dinner for my family. I had a lamb kebab lunch set. It was only $88 including lamb kebab duh, salad, soup, papadum, and tea. They don't charge service charge either. The soup was slightly spicy,  the lamb kebab is fresh and of generous portion so it can definitely satisfy your appetite. I really enjoyed it because the proportion of meat to vege is optimal. Sometimes I have kebab which has too much vege

聽日朋友帶我去去呢間餐廳位於佐敦旺區～有尼泊爾菜、有西餐、有咖喱、亦都有土耳其烤肉卷選擇非常之多無論係朋友定係一家大細你都啱晒亦都好啱情侶過嚟飲兩杯因為佢哋有全日happy hour ～店員全部都係外國人不過都溝通到，佢哋好Nice 㗎最推薦以下菜式：Chicken Tikka Pizza呢個由印度烤雞製成嘅Pizza真係第一次試個Pizza底整得好脆，tikka都好入味兩樣加埋係絕配！Pork Sekuwa呢個係尼泊爾菜入面非常出名嘅烤肉呢個烤肉Juicy得來，亦都非常入味配埋洋蔥食，真係好正啊😝

路過在此午餐, 叫了Tandoori chicken 加garlic naan及 lamb kebab. 都是$88一客。Naan 很香, Kebab 足料多汁, 份量十足, 飲品可選加士伯0.0, 不用加錢。 絕對滿足及滿意。

老闆好熱情😂會出黎問下我地覺得點阿，又會送杯酒同我地一齊乾杯飲食物質素都唔差架 如果有一日想食下中西日式以外嘅食物，都可以考慮吓尼泊爾菜嗰日好似點咗：🧆pani puri定dahi puri （忘了）：脆脆嘅puri外層包住薯蓉同埋鷹嘴豆泥 再配辣辣地嘅醬 幾開胃🍕Four seasons pizza 好似係必點，佢上面嗰劈pat係 酸忌廉加甜辣醬，個配搭幾得意😂入面仲有雞菠菜薯蓉菇等等🥟mo mo（尼泊爾豬肉餃子）🥘另一個主角butter chicken 好食！ 鐘意佢個汁🤤啲雞又嫩🫓garlic naan 同plain naan（用嚟點咖哩汁一流 eg. butter chicken d 汁）‼️‼️好似有叫一個唔知咩masala嘅嘢，入面好似有鷹嘴豆， 仲有少少芫荽嘅 ， 想講啲芫荽再加佢個汁再加鷹嘴豆，同埋naan係超夾！ ！ ！ 個芫荽簡直係有畫龍點睛嘅作用（不過唔鍾意食茜嘅人會唔明🤣依間嘢仲要好抵食 叫咗8-9嘢倒 6人圍返都好似先百幾蚊 仲要係已經嗌埋嘢飲（btw仲有叫咗條魚 但唔記得叫咩名😂 有冇人可以提返我）當時去食晚市竟然晚市都冇坐爆枱⋯⋯希望下一次再去嘅時候發現

同舊同事去咗食呢間位於佐敦嘅尼泊爾餐廳「Seasons Restaurant & Bar」，超級多特色美食我最鍾意間餐廳嘅情調，餐廳既座位都算寬敞，食飯傾偈都好舒服我地6個人都叫左好多野食，叫左Momo（尼泊爾餃子），烤餅，奶油雞，雞翼，牛扒同埋烤肉等等我最鍾意係食佢嘅洋蔥烤餅，好香既洋蔥同香草味烤餅點奶油雞都勁吸引，好重奶油味，又唔會辣佢嘅Rib都非常之有驚喜，好香，薯條都好好食另外我哋全枱人都飲咗佢嘅芒果Smoothie，唔會太甜，極度推薦6個人，食左每人$230左右，侍應生態度都好好，會再去的

佐敦印度菜式店多選擇，今天第一次來試試不同店，這間午市套餐價錢合理，食物OK好味，羊咖喱香料味好夠，薄餅點咖喱鬆軟好味，辣度小朋友也可接受，合家歡午餐，午市套餐可樂收費感覺有點貴$35,只怪自己沒有問清楚，

早前與同事晚上聚餐, 同事推介呢間可以坐得舒服, 坐得耐, 味道又唔錯既餐廳, 所以就去試下~1. Season Special Salad ($118)呢個係MENU到睇相已經覺得好好味, 佢D蔬菜好新鮮, 有牛油果, 鷄蛋, 特別喜歡佢既醬汁, 呢個值得叫黎做飯前菜清新下!2. Momo Pork ($88)呢個係類似我平時食開豬肉餡既餃子, 粒粒足料, 不過略嫌個汁唔夠多, 如果唔係就更加好味了!3. Sekuwa Pork ($118)呢個我覺得幾值得點, Sekuwa表示尼泊爾式既燒肉, 佢額外再配一個黃色既醬汁, 就咁食個燒肉都已經好惹味, 加埋個醬汁更吸引!!4. Season House Pizza ($148)個PIZZA好足料, 上面有D薯仔, 肉, 辣醬等等, 味道好豐富, PIZZA底唔會好厚~食第一塊OK, 但食第二塊就開始有D膩膩地5. Garlic & Butter Naan (各$64)呢個係尼泊爾式既薄餅, 我地點左一個蒜味及牛油味既薄餅, 個人較推介牛油味, 呢個幾好驚喜, 薄餅夠熱, 同牛油香味夾!個醬汁係個精焠, 記得點多D, 佢唔會辣, 又唔會

-{佐敦特色中東菜🥙🌮}依家係朋友推薦嘅印度嘢佢除咗印度嘢之外Pizza都好出名😊生日正日嚟咗呢度慶祝😝🤤 Chicken Tikka🤤 有六件烤雞 一上枱熱辣辣🥰bill曬煙 燒到好惹味好重香料味😎不過食落有啲乾👖褲評: 7/10🤤Four Seasons Pizza🤤 食落真係好多肉嘅Pizza 啲熱熔芝士拉絲出嚟都好靚😚不過啲料可以再多啲大個餅皮都已經烤得好脆 厚薄都啱啱好！👖褲評: 8/10🤤Rib eye steak🤤 講咗係煮medium嘅但係都偏熟咗啲😳另外個黑椒汁唔算太有黑椒味同平時嘅味唔同 薯條就同平時嗰種有扭紋嘅薯條一樣味😌👖褲評: 6.5/10🤤Chicken Masala🤤 係茄醬加少少香料味😇嘅咖喱雞啲汁會比起平時嘅咖喱汁再潔身啲 點naan真係一流😍👖褲評: 8/10🤤Curry beef🤤 識落唔似平時港式食到嘅味道 係香料味偏重 食落牛都唔會太韌👖褲評: 7.8/10🤤Garlic Naan🤤 有4塊！蒜香夠重 個包有啲脆邊😍🤩點咖哩啱曬😁👖褲評: 8/10🤤Butter Naan🤤 都係有4塊！可惜太油🥲會鍾意蒜蓉嗰個多啲🧐👖褲評:

朋友介紹話而度嘅豬肋骨唔錯，所以約左一齊黎食，唔知係咪因為改左名定平日晚市都比較少人，好冷清咁叫左個nachos ,見到係用周圍都有得賣個隻粟米片，已經保證左味道一定係好嘅不過無我平時食個間咁多芝士,sasa, sour cream同牛油果醬都好少，成個份量比較少個pizza 有d特別，係雞肉同埋泰式辣醬，都幾夾可以試下，不過我覺得比較細份跟住係主角baby ribs, 不過都有少少失望，佢中間係幾嫩嘅，但邊邊位好鞋，同埋d醬唔均勻，有d位好重味有d位又無味。最後仲有個雞，但唔記得叫咩名，總之係唔辣無咩特別正正常常。個Garlic Naan 都唔夠香唔夠香好普通。叫埋枝酒除返開4個人都係每人2百幾，都幾抵食，咁啱附近行街會再去下但唔會特登去

餐廳改左名做Noypi’s Restaurant and Bar ，本身我哋行嚟行去都搵唔到😂直至門口嘅女員工提醒我哋先知搵啱路🍽食物：✨Chicken Momo 尼泊爾餃子(雞肉)$88 8/10係menu上面搵唔到呢道菜😂要同店員落單。第一次食尼泊爾餃子估唔到味道都唔錯！皮雖然唔係好薄但係好煙韌，咬開仲有肉汁。啲餡有少少香料嘅辣同好大陣薑味，佢配嘅汁係有啲海南雞飯嘅辣汁，覺得唔洗蘸汁食都好味👍🏻Butter Chicken Curry 奶油雞 $112 7/10咖哩有輕微嘅辣，又有好香嘅椰奶味，雞肉煮到好淋好入味，而且份量唔少，用naan蘸嚟食好夾👍🏻Plain Naan Bread 印度烤餅 $28 7/10見咖哩嗌左牛油雞所以就嗌plain naan，佢係用籃裝住3大塊咁上，我覺得熱食更好味，因為會更鬆軟，涷左就變得好韌👎🏻BBQ Skewers 3 (pork) 燒烤串(豬肉)$88 4/10呢個嘅醬汁實在太鹹，連蘸其他醬食都食唔出係咩味淨係得個鹹字，同埋燒到好燶，有啲邊位已經係焦黑左🥴佢用嘅係五花腩部位，所以會食到好大舊肥肉，可能嗌雞肉會好味啲我哋仲嗌左2杯mock tai

呢間由尼泊爾人經營嘅餐廳，主打 pizza 同 ribs。坐底冇耐就會送上印度薄脆餅一份，味道正常，點提供嘅豆蓉醬一齊食，十分清爽。Mango Lassi（$52），即是芒果溝乳酪，味道酸酸甜甜，十分開胃。USA Baby back Ribs (Half)特嫩豬肋骨半份（$158），原來半份都有一大條，比預期中多，而且味道不錯。首先燒烤醬汁味道適中，唔會過咸太酸；豬肋骨烤得恰到好處，肉啱啱離骨，軟身得離又有咬口，唔會好似食煲湯骨咁淋啤啤。配菜有薯角及沙律，沙律嘅醬汁好特別，係泰式酸辣醬溝一種好似花（諗極都諗唔起，但一定食過呢種味）嘅味道。Seasons House Special招牌薄餅（$145），可能之前睇食評講到好好食，所以有啲期望，但沒有想像中咁驚為天人（我唔係話唔好食）。即制熱辣辣嘅 pizza，絕對唔會差得去邊。Momo (Pork)尼泊爾燕餃子（豬肉、另外可選雞肉）（$88），話哂都係尼泊爾人主持，點都要試吓當地菜式。呢款反而有啲驚喜，皮薄煙韌，滿滿的豬肉餡料而且有肉汁（好得意，唔知點解食到好輕微嘅羊騷味）。如果想刺激少少，點埋個辣辣哋嘅茄醬，又有另一番滋味。全店全日不收