Second Bite Bar & Cafe (紅磡灣中心) (已結業)

見到食評ok，諗住去試，結果性價比低，牛柳香醋沙律$148但牛柳勁少，似牛柳絲多D，一人都唔知有無兩三舊。另外，黑松露帆立貝燉飯更唔抵，$188迷你到一人份量。坦白講，唔抵食....每碟嘢食上菜隔得勁耐....服務一般，真係無take two....

剛剛晚餐食咗兩個扒餐，一個牛扒一個羊架，羊架就真係經典，鹼水味羊架大家試過未？服務好係因為職員冇人特別詳細詢問就話不如換過黑毛豬俾你啦。以呢個價錢來講的確超大份，味道就似茶餐廳質素，所以之前的評語話好大份的確係真，但以約200元上下一個茶餐廳扒餐來睇的所謂高性價比實在不能認同。結論係大家自己試過再討論好過只看食評。其實想寫呢個食評係因為我哋會去食呢間餐廳就係受食評影響，而一家大細出嚟食飯多少都有啲期望，以約200一個餐來計大約水準係點大家應該心裡有數，結果係。。。希望下次小心睇食評。

前排同朋友係黃埔食左間以綠色裝修為主既𝚌𝚊𝚏𝚎💚環境幾舒適，空間幾大～仲有好多綠色植物係餐廳裡面🪴後來查返資料佢有另一間分店係長沙灣，個間主打 𝚋𝚊𝚛 𝚊𝚗𝚍 𝚍𝚛𝚒𝚕𝚕，哩間就主打 𝚋𝚊𝚛 𝚊𝚗𝚍 𝚌𝚊𝚏𝚎，今次同朋友黎食 𝙳𝚒𝚗𝚗𝚎𝚛，覺得價錢稍微有𝚍貴🤏🏻人均夜晚應該要$𝟸𝟶𝟶-𝟸𝟻𝟶左右🤔不過𝙳𝚒𝚗𝚗𝚎𝚛 𝚖𝚎𝚗𝚞選擇都幾多下🥩廚師精選「封門牛柳」扒𝟼安士$𝟷𝟽𝟾我地叫左五成熟，個樣吾錯，牛肉味香濃，唔會韌👍🏻伴碟有薯蓉、野菌同雜菜，味道都唔錯✨🍗𝟷𝟸小時慢煮法式油封鴨髀＄𝟷𝟼𝟾肉質幾軟淋，外皮香脆，不過擺盤差左𝚍🤣如果多𝚍醬汁應該更好～🦐炸蝦滑春卷（跟餐+$𝟺𝟾）哩個好好食❤️裡面好多蝦滑，上到黎熱辣辣。值得叫👍🏻🍋檸檬蜂蜜冷泡茉莉$𝟹𝟻🍓草莓髒髒$𝟺𝟶哩度出奇地野飲好平價🤣同主食相反🫢餐廳仲有提供唔少酒類飲品同特飲，今次呢兩杯賣相都好靚，打卡一流，味道都吾錯👍🏻

朋友帶咗過嚟呢度坐得舒服又有Chill嘅餐廳！佢話同同事放Lunch食過唔錯，想再試多啲菜式🥰🥗水牛芝士火腿沙律，水牛芝士味道啱啱好，整個沙律都好豐富。作為開胃菜 適合不過👍🏻推🙌🏼推🙌🏼推🙌🏼🍗鴨腿香辣燉飯係唔錯嘅煮得好食，夠入味！鴨腿生熟程度啱啱好，烤到卜卜脆嘅！香辣Level 中等，我呢D BB級都接受到🐒🥩帶骨肉眼扒叫咗medium，都唔會過熟嘅，濃肉味香氣撲鼻，色香味俱全!肉質都好Juicy!呢間餐廳幾抵食，每款都係$100幾內，而且選擇都幾多😆難怪朋友咁鍾意❤️

今日同屋企人行完街，嚟咗呢間Cafe食飯，經過見到呢間餐廳氣氛幾好，決定Try Try。我爸爸媽媽都好大食，一於叫多D野試下!😜首先份醉燒雞真係滿足到食肉獸嘅願望！肉質嫩滑，加上油脂，入口感覺好正。另外有泡菜豚肉意粉，份量好大而且每一條都朔晒啲醬汁！🍝泡菜味掛汁係意粉🍝Nice! Side dish仲有芝士火腿拼盤當中巴馬火腿咸咸地，襯翻啲菜，加埋D汁酸酸甜甜好開胃！😋爸爸媽媽食得好滿足☺️餐廳員工好有禮貌，服務周到，令餐飯滿意程度大增

同朋友食飯難免想食豪啲，但係未必有水準保證。今次佢話試過有一間唔錯想再食多次，決定陪佢去食餐！西餐對我來講都係睇廚師嘅技巧，同埋擺碟嘅藝術😀等我逐樣講吓有咩特色💃🏻👌🏻 黑毛豬鞍ge黑毛豬好好食，好淋，好香！大大塊啖啖肉真係超出預期👍🏻上菜嘅時候，香味飄飄♨️👌🏻 芝士火腿拼盤，火腿同芝士味道都豐富，超夾!可以慢慢品嚐，分量都幾多！👌🏻 黑松露帆立貝扁意粉，意粉軟硬程度適中，濃郁嘅黑松露香味，每一條意粉都被醬汁包裹住。所有配料都大大粒，冇呃程💯整體作為一間西餐廳都有水準🈴格！只可惜今日淨係試到三款，下星期再嚟食過睇吓可唔可以食多啲唔同款式嘅嘢😌🈵意！

食晚飯 揀左間西餐廳試下✨枱面清潔，防疫無偷懶，比人有安心感覺、餐牌清楚顯示所有唔同套餐😆🌟煙三文魚酸種包，三文魚魚質彈牙無腥味。酸種包口感唔難入口或太乾身🌟鮮蝦野菌扁意粉，整體好味份量足夠，意粉亦都好掛汁，鍾意菇菌類嘅朋友真係唔可以錯過🌟鮮奶咖啡賣相頗吸引 ，味道都不錯👍🏻香濃咖啡味配滑滑牛奶🥛Second Bite Bar & Cafe 絕對有品質保證！加分位: 叫order嗰陣，員工好好人，主動推介我食咩食物👍又主動加水，真心讚賞一下餐廳職員嘅服務態度⭐️⭐️⭐️⭐️

🐻🐻同男朋友出嚟周圍打下卡，經開見到有間Cafe環境唔錯，入去食下嘢休息下。我哋2個叫左:💟 帶骨肉眼扒生熟程度剛剛好、不會很嚡很韌，也有牛味。我點了7成熟，一切肉眼爆肉汁， 口感鮮嫩。💟 紅白酒，紅酒味唔濃超易入口好輕身配肉眼扒JENG!  白酒送鮮蝦野菌扁意粉一流。晚上飲一小杯紅酒 好好瞓💟 鮮蝦野菌扁意粉，大蝦有三四隻🍤仲有啲日本菇🍄食物質素屬於中上水平📝價錢合理。餐廳都幾適合情人一齊撐吓枱腳，又唔會有人騷擾😘嘆吓紅酒食下扒，咁就一日relax life

同朋友行完街6點都未到，但腳仔已經好攰，拿拿聲搵間CAFE坐低食野☺️☺️呢度間隔幾闊落企理，入口仲有盤綠化植物，係一間比人感覺舒適既cafe✨呢到點左主菜，可以加錢配成套餐，有湯，沙律。沙律最啱追求健美飲食嘅一眾... 好fresh好healthy!🌱菠菜湯好creamy也夠滑，香濃得黎又唔會好杰好黏既感覺🤤🤤😋✅鮮蝦野菌扁意粉，鮮蝦好爽不特止，野菌都好好食！呢個配搭唔錯👻⭕️椒麻豬頸肉意粉，上枱香濃椒麻味流曬口水，豬頸肉唔會過熟，又夠哂香口😋食到停唔到口🍟環境好，食物又好味又有服務！掂🈵分

星期五夜晚8點先食，餐廳都仲幾多人，我估食物上一定有甘上下水準🫣 今日嘅湯係菠菜湯，湯質地較厚，好香。仲要有牛角包正正子！超巨型，超鬆脆，牛油味好香！水牛芝士火腿沙律個賣相好 🉐我先生好少食沙律，因為只要少少唔乾淨，佢就會唔舒服。但佢見到個賣相之後就同我搶住食🤫黑毛豬鞍有驚喜!!!😲😲首先個ＳＩＺＥ不小，也有一定的厚度，唔係一般快餐廳果種廉價黑毛豬鞍，好有口感！黑松露帆立貝扁意粉，帆立貝同假真係好大隻，而且好鮮味同埋彈牙！🌟但係好欣賞佢地一d都唔會將貨就價... 仍然好有heart去做好每道菜式... 完全唔馬虎! 而且服務殷勤有禮... 讚!👍

而家搬咗過嚟呢頭返工，日日都要諗食咩嘢都真係幾傷腦筋(太多CHOICE🤦🏻‍♀️🤦🏻‍♀️)。同事今日帶我呢個新人去食Second Bite Bar & Cafe。對打工仔黎講，位置方便，而且坐得好舒服環境企企理理 。見到D🌻花花🌷DECO，好得意，放Break 放鬆眼球一下啊~同事叫左個佢食極唔厭既炸蛋豬扒飯，見到有配到個沙律仔。我偷試左D豬扒食，果然新鮮炸起，外脆內軟，同蛋非常夾!  減緊肥既我，叫左煙三文魚酸種包。塊煙三文魚大大塊，沙律菜都有好多，都幾開胃😋 Keep Fit之選!LUNCH過黎食價錢唔貴，味道又唔差，好值得再去食支持下💛

好耐都無黎過紅磡，原來那邊已開了不少新的食店，還有這間價位比較抵食的西餐廳。今日同老公探完奶奶👵🏻就去呢間Cafe拍下拖👩🏻‍❤️‍👨🏼炸蛋豬扒飯🌸 豬扒口感嫩滑，有肉汁。超級滑潤的蛋，醬汁吸收的QQ白飯。簡單嘅食材，有啲意想不到地好食!溫泉蛋辣茄蓉雞肉長通粉🌼賣相一流，食落都一流，配上辣茄係意粉唔會太搶雞肉FO😌玫荔🌹咖啡☕見到已經覺得好靚😀美感十足，打卡ABLE。配上荔枝同玫瑰，咖啡味道依然香濃🌱沙律唔係HEA整，都幾新鮮😆幾鮮甜🥹整體真係好抵食，西餐來講佢都算多選擇。之後可以帶埋奶奶👵🏻黎食!

嗰日朋友話好想食All day breakfast，上網Search係紅磡必嘉街有一間有得食，甘大家就Walk-in去食。嗰日平日去到，可以兩個人靜靜地傾偈！入面嘅裝修好靚、枱面清潔外，餐廳好大又企理， 有大枱有卡位，多人聚會或2個人食都適合! 店員都好主動帶我地入座，簡單介紹餐牌內容，都幾多選擇，價錢都唔算貴！朋友得償所願享受佢個All day breakfast，話好好食😂成個早餐賣相超靚，食落去樣樣都好好食，佢最鍾意係個炒滑蛋。成個All day breakfast份量超大，食到超飽超滿足!我就食椒麻豬頸肉意粉，個D豬頸肉軟且攣，發覺又幾好味，意粉又煙煙韌韌，成碟野唔係太Evil🌚!店員好好，本身我地諗住叫多個飯，但店員有提我地食物份量大，最後真係好彩冇加到，因為真係好飽😆

男朋友喺黃埔返工，之前已經同佢食過一次Second Bite Cafe，我哋都覺得呢度嘅意粉好食又唔貴。今日去接佢收工，好開心又有得食水牛芝士火腿沙律：水牛芝士好軟身，一切流心超治癒😍巴馬火腿鹹鮮味濃，配搭沙律菜，口感非常豐富。鴨腿香辣燉飯：慢煮鴨腿外皮香脆，內裡出奇地柔軟，油而不膩。意大利飯煮得啱啱好，唔會腍啤啤仲保留飯粒嘅口感。醬汁調味出色，辣辣哋又唔會過鹹👏🏻黑松露帆立貝扁意粉：帆立貝好厚肉，肉質綿滑。鮮蝦都好肥厚，鮮甜且帶香草等調味。全部都用牛油煎香過，逼出肉汁同時增強口感👍🏻收汁步驟到位，令每一條扁意粉都掛滿濃烈嘅黑松露醬汁，creamy得嚟又唔會話好漏

餐廳於水泥半牆上擺放咗成排向日葵🌻既可愛又充滿渡假氣息，令食客用餐時嘅心情都特別好～❤️芝士火腿拼盤芝士味道濃醇，食完齒頰留香🤤火腿脂肪分佈均勻，肉質柔軟。❤️水牛芝士火腿沙律水牛芝士奶香濃厚，口感滑溜煙韌。火腿鹹度適中，鮮味得嚟帶甘香餘韻👅❤️醉燒雞我食過醉雞，亦食過燒雞，但醉燒雞都真係第一次食，比我想像中夾🤩做到皮脆肉嫩嘅效果，一切開瘋狂爆汁，滿口酒香好入味！❤️黑松露帆立貝扁意粉帆立貝鮮甜肥美，配上黑松露忌廉汁嘅獨特香氣，多重滋味喺口腔中迴盪，食完回味無窮🤤❤️泡菜豚肉意粉豚肉片唔會太老，意粉以辣辣哋嘅泡菜汁炒成🌶大大減低油膩感。❤️椒麻豬頸肉意粉呢個fusion組合泰式風味濃，豬頸肉麻醇鹹鮮，越食越過癮🥵❤️鮮奶冷泡茉莉好清香，奶同茶嘅比例平衡得宜👌🏻