Shelter Italian Bar & Restaurant (已結業)

平時下午時間, 都係辦公室面對個電腦, 今日難得空閒, 咁正當然食好啲。同屋企人下午時間黎到Shelter, 見到隔離有幾枱都係食緊好精緻嘅下午茶tea set, 我地都決定要一個set, 發覺真係幾好食!煙三文魚味道略帶微咸, 跟香噴噴嘅麥包非常合拍!!綠茶紅豆蛋捲, 綠茶味非常足夠, 蛋糕亦鬆身易入口, 紅豆磨得夠細膩, 足晒香濃, 好想多食幾件!朱古力批配雜莓亦都好好食, 新鮮多汁嘅雜莓, 令人非常之開胃, 而朱古力味濃而不膩, 好好食!整個tea set其實仲有好多甜點咸點都好好食, 實在不能盡錄~~ 真係要自己親臨品嚐一次, 先至明白當中精細嘅地方!

今日是清明節假期, 本想到郊外逛逛,但怕太多人拜山, 為免人多,都係室內活動較安全. 突然好想帶媽咪試下High tea，快快上Openrice看看銅鑼灣有甚麼地方可以選擇，隨意地揀了這餐廳。看見介紹$338兩位High tea,也算經濟。可以一試！即日也可以訂到位，準時3:30來到，客人不算太多，入口在商場內，門口裝飾好雅致，感覺好高級似的；步入餐廳，就看見輕微的陽光，但今日幾大風，都係座在半露天座位好了！sofa位太多人訂了，下次人多可以早啲訂Sofa位置。坐了一會，High tea set 就到了這是我的Cappuccino,　賣相吸引，可惜味道一般，又唔夠熱！由底層咸點開始，至上層甜品，賣相都幾吸引. 我們吃了咸點後，已開始飽了，慢慢吃了不同的甜品，都係偏甜，水準只是一般！ 那款紅莓芝士蛋糕一啲都唔似係芝士蛋糕，感覺似Mousse 多啲。有待改進。最後，媽媽食量細，最後都係食唔哂！（但隔離枱兩位少女好快清哂了 ）。幸好可以帶走。西人侍應哥哥好有禮貌地把剩餘甜品Pack得靚靚。可能也是高級餐廳，没有收外賣盒錢，而且Pack得好細心。

朋友生日，推薦希慎廣場這間意大利餐廳。內裡劃分成兩部份，一邊是露天平台可品嚐美酒及觀賞鬧市夜景；另一邊是半開放式的用餐區，沿路在火紅色的燈泡映照下，顯得份外有格調。 <豚脊肉併吞拿魚配水瓜柳汁>豚脊肉質軟腍，吞拿魚毫無腥味，連平常不愛吃的我也可接受。 <薯條>上佳餐前小食，佐酒一流。用紙袋盛載可吸去多餘油份。 <巴馬火腿配哈蜜瓜>火腿柔軟鹹鮮，不帶臊味，包著香甜爽口的蜜瓜來吃，相當匹配。 <煙肉蛋黃醬芝士薄餅>店員推介之一，想不到Carbonara除了意粉也可製作成pizza。巨型薄餅上檯時已十分吸睛，批底薄而鬆脆，煙肉份量多亦不太鹹，加上流心蛋黃和半溶芝士，味道果然有驚喜。 <海鮮青豆燴意大利飯>海鮮足料，有蝦、帶子、魷魚、和青口。飯粒軟綿，燴飯的汁濃稠而帶點鮮味，是不錯的選擇。 <仙境 (自家製綿花糖，朱古力松露，意式蛋白酥，杏仁蛋白餅)>賣相精緻吸引的甜品，又是相機連拍的時間。蝴蝶穿梭在「雲霧」與花瓣之間，和它的名字十分貼切。打開綿花糖一看

話說朋友路過這裡覺得門面很漂亮，就相約一起去試試。好吧，看食評也不錯，去試試看吧！果然門面真的挺漂亮，然而裡面更吸引。 餐廳分為室內室外，當日下午室外沒有開放，我們坐室內的梳化大圓桌位子，戶外陽光灑進來，很是寫意！桌子之間空間感十足！ 我們要了一個high tea set， 原價$398，但當天只需$298 兩位連飲品！！分別叫了冷熱latte一杯。我們都很興奮，但並沒有對食物有太大期望。畢竟環境好，價錢實惠，食物都有水準的話也太完美了吧！ 食物來了，我們都哇了！賣相很不錯！完全沒有將貨就價！拍拍拍照之後！開始吃吧！ 由鹹點開始，其實我們沒有照餐牌，所以有時候都不知道我們吃的是什麼，但大多都會很滿足地說一句 好好味呀！當中以parma ham包無花果較特別，鹹鹹的parma ham包著微甜的新鮮無花果，是個新嘗試，也不錯。 煙三文魚配三文魚子放在類似pancake的小圓餅上面，一口放入口中，咬開三文魚子，天呀，好幸福！其他鹹點都好，只是較為普通，就不多寫了！ 甜點部分，有好幾款都採用新鮮雜莓苺作材料，正中我心意，就是很喜歡吃雜苺酸酸的感覺。 當中

雖然今日係閒日, 本應我都要係公司搏殺, 但係源於小弟要清假嘅關係, 今日就請左一日假, 好好享受自己一個人嘅時光。黎到希慎商場嘅7樓, 雖然有唔少都幾位朋友同事坐埋一枱, 我孤身隻影黎到, 都無會阻到我去意式小庭園享受一個人嘅午餐。雖然自己嘅胃口唔算十分大, 但係都叫左兩個dish, 分別係香茅龍蝦忌廉湯同埋巴馬火腿火箭菜Pizza。坐係室外, 天氣可能會有啲寒凍, 但係一碗熱湯可以立即令我暖上心頭! 忌廉同龍蝦向來都係好嘅配搭, 質感濃濃的, 湯內亦的確食到有龍蝦肉, 貨真假實, 加上適量嘅香茅令香味更盛!巴馬火腿火箭菜Pizza, 薄批嘅批邊香口而脆身, 有點像餅乾。Toppings 亦相當豐富, Parma ham味道唔會過咸, 同火腿、芝士非常合拍好豐富。火箭菜很新鮮無苦味, 係非常之健康之選。獨自一個人係小庭園, 旁人看來可能以為我好孤獨, 但其實我係異常地滿足!

呢排啲天氣好舒服, 溫暖適中, 亦有微風輕拂, 最啱就揀啲有戶外露台嘅餐廳食飯。今次同朋友黎到Shelter食Afternoon Tea, 在秋風之下, 個鳥籠tea set食得就特別滋味!以煙三文魚捲味道尤其出免，以三文魚肉混合Cream Cheese作餡，魚味非常之突出, 而且相當新鮮!!Cupcake亦是我的另一至愛, 烤焗嘅時間啱啱好, 乾身, 而且甜味不會太濃, 不怕多吃幾件XD綠茶紅豆蛋捲，綠茶味道適中, 不會過甜、亦不會苦澀; 紅豆味亦相當香濃，點點的甜味不會令人容易感覺飽膩。朱古力撻的味道也不錯, 朱古力味道香濃、撻皮亦香脆, 牛油味足, 就算食得多飽, 都一定要試試呢款甜點。總括而言, 呢個咁具優質嘅下午茶, 而且環境服務都幾具質素, 絕對有重臨嘅意慾!

我平時一向都係比較深閨嘅人, 如果唔係有咩特別嘅情況, 都好少會好街食飯。但係今次係我嘅好朋友生日, 咁當然要去興祝一下!我地本身唔係啲大胃嘅人, 但係一場黎到, 點都要試下幾道招牌意大利菜, 包括: 巴馬火腿Pizza, 薄餅批香口脆身, 芝士味濃郁, 而且配料十足, 絕對唔會偷工減料~~西冷牛扒質素都幾上乘, 5成熟嘅牛, 唔會煎得過熟, 保留住嫩口同埋牛肉嘅香味!最後就叫左一個classic意大利咖啡芝士蛋糕, 呢度確實比一般甜品店出色, 咖啡味道香濃, 蛋糕質感又軟硬適中, 用呢味甜品為呢一晚作結, 真係夠晒perfect!

座落銅鑼灣希慎7樓的意式餐廳，環境浪漫迷人，好適合情侶2人世界。同朋友都系第一次來，經理推介以萬聖節為主題既2人套餐. 頭盤：雜菜沙律. 湯：迷你南瓜盛住香滑美味誋謙南瓜湯. 主菜：魚柳配墨魚汁意粉，最有心思既蘇炸牛柳手指條配薯溶，食落外脆內軟，配香檳酒個味道好特別。酒味蛛蛛款式雪糕，有點過甜，其他配搭都好好. 餐茶：檸水、奶茶. 

之前朋友一直都想約我黎呢間餐廳食晚飯, 可惜等到而家先有空。不過唔緊要, 今次終於有機會一嘗真正嘅意大利風味!一入到間餐廳, 就見到有個小花園, 感覺好舒適怡人, 非常之適合呢啲天氣坐出去食野!既然環境咁好, 我同朋友嘅食指大動, 都叫左好多野食, 以下係我嘅心水推介:- 波士頓龍蝦沙津: 啖啖肉嘅龍蝦, 彈牙而新鮮, 而且份量十足, 加埋新鮮嘅蔬果, 絕對係最佳嘅starter選擇!- 澳洲肉眼扒配薯角時蔬: 6成熟嘅牛扒, 切落仲見到些微嘅血絲同埋粉紅色嘅肉身, 香煎過後味道更香濃, 嫩口嘅肉質, 令人回味!!- 水牛芝士意大利雲吞:芝士味非常濃郁, 雲吞皮亦唔會太厚, 唔咁容易令人食滯; 而且青豆汁配煙肉嘅dressing亦相當特別, 值得一試!價錢唔算話十分便宜, 但係我覺得係值回票價嘅。間唔中同朋友黎食下好食, 對自己好啲, 絕對係正確嘅人生態度!!

The tiramisu was very good and chocolate puff with chocolate cream in it was very nice too. Salom roll was very juicy, the whole set was quite good! The coffee and cappuccino are amazing! 必試！Good italian coffee!

這裡的Tea Set甚受歡迎，所以特意慕名前來，結果有點失望。餐廳是戶外的，最近天氣都熱，雖有很多很多台大風機吹著，不過還是會有點悶熱感。或許是期待太多，三文治的麵包已經放得乾硬。酥盒過於油膩。鹹點以煙三文魚捲最為特別，以三文魚肉混合Cream Cheese作餡，魚味很突出，口感亦因CREAM CHEESE而變得沒那麼乾。朱古力撻帶濃濃朱古力味，撻皮脆，朱古力醬很濃滑。Tiramisu的lady fingers浸泡不足，致咖啡酒味欠奉。Macaron細細小小的，很輕巧薄脆，小小一口，不會太甜膩。CUPCAKE濕潤，略嫌甜滯了點，尤其是面頭的糖飾。芒果布甸很水稀，質感偏向流質，甜度諦中，帶天然芒果香。綠茶紅豆蛋捲，綠茶味沒有，蛋糕亦乾身，紅豆味亦不香濃，只是有點點甜味，比較差的一款。整體雖然算不上伏，但就對不起價錢，只因以鳥籠作為器皿，賣相得以取勝，不過味道方面，還是沒有吸引人回頭的力量。

男朋友之前黎過 話好鍾意呢度 覺得好靚好舒服一入門口 感覺真係唔錯 ! 分開室內食野同室外飲野既位置,但對於用饍黎講, 音樂感覺有點不配合~或者應該黎飲野會好啲!因為出面露天飲酒區有bit box。服務方面, 算中等, 唔會有太主動既招呼, 不過對話既態度還是很好=]

同朋友友係Hysan行街行到咁上下, 見到呢間Shelter Italian Bar & Restaurant 個menu好似幾吸引。雖然價格都係中價level, 但係我地決定試一試啲野食值唔值呢個價錢!由於我地正直黃昏時間黎到, 餐廳外嘅景色特別靚, 係個咁怡人嘅環境下食野, 倍感滋味!我地兩位個子小小嘅女士, 前後都order左幾多野食, 包括龍蝦柳配沙津、咖啡芝士蛋糕, 而最令我覺得最值得推介有:蜜瓜配Parma Ham: 清甜爽口嘅蜜瓜同咸咸香香嘅Parma Ham從來都係最佳嘅配搭, 今次都唔例外!! Parma Ham肉質非常之鮮嫩, 加上甜度適中嘅蜜瓜, 亦最好嘅餐前小食!牛肝菌燴意大利飯: 軟綿嘅意大利飯, 用上奶同埋忌廉去煮, 入口更香滑; 飯上仲有高價食品牛菌, 兩者配合起黎, 真係味蕾一大享受!!

星期6的TEA time,同朋友在銅鑼灣周圍飲飲食食,食完午餐,本來想去上樓cafe坐低傾下計,點知full哂仲要冇得waiting list(而加好少有d咁寸既cafe),之後去左hysan place行行下, 廳朋友講shelter既tea都唔錯就走去trytry.shelter全店都係outdoor,如果怕熱又怕潮濕的那種(痴立立)就不適合了,我們去的那天,天陰陰想下雨似的,不過都影響不了我們,原來想試他的high tea set,但5時就已經sold out了,我們被安排了去露天部份(有遮蔭的),self-serve area.買完飲品,自己找位置入坐.我們order了冇酒精飲品,後:mango delight前:triple berries smootiesmango delight芒果味不假,有奶香滑,不太甜,有冰塊keep到飲品的凍。triple berries smooties好淡,勁水,triple berries味完全沒有,奶味太重,5mins後 飲品就變左3層,水/淺粉紫同奶.飲品真係叫番酒會好d.中伏了。

聼講銅鑼灣這家意大利餐廳很不錯，於是乎特意來試試看，一向感覺銅鑼灣吃飯時間哪裏都要排隊等位，所以提早book了位。是outdoor氣氛比較輕鬆，可以看到銅鑼灣風景，不過我們是吃晚飯，就會安排較入一些的位置，餐廳的燈光及佈置很舒適，營造出浪漫的氣氛。桌子與桌子之間的間格也很寬敞，跟朋友聊天也不覺得不自在，給人輕鬆愉快的感覺。水牛芝士+巴馬火腿+蕃茄+火箭菜 PIZZAPIZZA薄批批邊好像餅乾，香口而脆身。parma ham同火箭菜味道真的很不錯，parma ham不會很咸，加上上面嘅餡料, 火腿同埋芝士好豐富。火箭菜很新鮮沒苦味，令人回味。Calamari-炸魷魚圈, 賣相好精緻, 放在紙袋中可以吸走油份。魷魚圈都切得好幼細。粉漿不厚也沒有炸過頭。調味料真的好正！是辣蕃茄醬，辣味很醇厚也帶勁度, 沾任何炸物都會很搭很好吃。炸雞翼- 賣相就一般, 不過雞翼炸得幾香, 食落唔會覺得好油膩。個sauce係水牛城辣sauce, 絕對香口惹味, 送啤酒一流