Simplylife Bakery Cafe (已結業)

平時同男朋友放工就最鍾意去奧海城嗰間Simply Life，貪佢價錢唔貴而且質素穩定。自從佢執咗之後我哋都好少去了，由於我實在太掛住佢嘅麵包，所以今日喺長沙灣睇完戲都專登搭車過黎葵芳依間Simply Life。*********8點幾去到都仲有好多人等緊位，好彩商場冷氣夠，等得舒服，半個鐘就有位。入到去餐廳全場滿坐，我地我兩個人但編左4人枱，枱同枱是之間闊落坐得舒服。坐低發現已經有飽喺枱面，有一刻諗「下？係咪有人食剩架。」睇真啲原來唔係😂。🥖黑法飽配蘑菇湯：法飽一如既往好食，雖然飽唔熱，但勝在內軟外脆，配埋牛油真係可以食十個。蘑菇湯雖然唔係太大碗，但啲蘑菇溶哂喺湯，口感豐富。🍅番茄雞肉手打螺絲粉之前一直都係食意粉，今次轉食螺絲粉，呢個手打螺絲粉幾煙韌，番茄醬唔酸，但唔知係咪落調味重手得濟，有啲鹹，如果冇咁鹹同分量多返少少會更好👍🏻。🍽燒黑鱈魚配橄欖醬、薯蓉及燒黃瓜跟住係男朋友點嘅黑鱈魚。鱈魚食材新鮮，只作簡單調味已經突出到鱈魚本身的鮮味、魚肉雖切得較厚身，但依然煎得十分嫩滑。口味較重的配上咸香的橄欖醬一起吃也不錯。薯蓉口感綿密，略帶牛油香，吃起來不會太油膩。總括而言，在中價西餐來說Si

餐廳我差唔多每個星期嘅週末都會去午餐，今日放假經過見到原來平日係差唔多$30。服務態度就一般般，啲人好似好忙咁冇乜笑容。食物方面我會推介烤雞，因為真係滑，就算雞胸都唔會乾。

係葵芳行街行到攰想搵個坐得舒服d既地方坐低食野,新都會廣場係個吾錯既選擇😛今次就揀左有好多分店既simplylife,可以滿足哂我同朋友又想食burger又想食cake既心願🍰車打芝士煙肉牛肉漢堡牛肉好juicy吾會太乾身,而且中間有層太陽蛋,每一啖咬落去有埋蛋汁好好食啊!松露忌廉雜菌手製闊條麵松露醬好濃郁如果鍾意好creamy既朋友一定會好鍾意,而且有雜菌既點綴食落無咁油膩香蕉批($32)香蕉加朱古力真係最好既配搭!香蕉味好重而且朱古力批底好好食吾會太漏,不過如果朱古力味稍為再重一點會更好!Lunch set $82會送自家製冰茶/汽水,特別之處係佢地既冰茶吾係用檸檬而係有橙味!感覺好清新!

Simply life 係我心中評價好好，九龍塘果間食過幾次晚飯，朋友生日，家庭聚餐，肉扒，魚扒，大啡菇都做得好好，旦糕更加吾駛講，必食囉😍😍。睇到有afternoon set ， 個價錢咁吸引，真係要會一會。3點正係門口襟左張飛，門口有十幾人等，但其實入面係近乎清場，侍應就2張2張枱逐一安排入座。嘩，安排左窗邊嘅2人枱，個落地大幕牆玻璃，令到個人好好feel, 就算吾係有咩靚景，只係對住個地鐵站😂😂😂 全部都係48蚊包一杯drink牛油果醬牛肉burger 配香辣薯條熱檸茶個包味道整體應該係可以，但個人對於肉羶味系好敏感，所以我就覺得麻麻墨西哥雞肉薄餅配香辣薯條凍果茶個薄餅吾係脆又吾係好軟，好奇怪，但個醬汁好味嘅，2個餐嘅薯條一樣，味好濃味，吾係脆嘅。最好味係杯果茶，加左2片薄荷葉，清甜清新!

前幾日同班同事出黎新都會食lunch，知道呢間餐廳繁忙時段好多人等位，所以預岩時間就用app拎籌，好彩一去到就即時安排入座，lunch set選擇好多，睇到人花多眼亂，環顧周圍唔少人都係食burger，一於跟風!叫好餐後無耐就有南瓜湯同餐包送上，南瓜湯非常濃郁，配包食一流，用餐期間身後係開放式廚房，眼前係落地玻璃，氣氛很好，見到廚師們匆忙又不失條理地烹調，覺得自己好似睇緊master chef!不過上完餐湯同飲品就等左好耐先上主菜，對於lunch hour食野要趕返公司既人黎講頗不便，我地一行4人都嗌左車打芝士煙肉牛肉漢堡，漢堡同薯條熱辣辣上枱，賣相非常吸引，味道亦對得住等候既時間，漢堡個包好軟熟，車打芝士啖啖拉絲，薯條量多又新鮮，食到停唔到口，牛肉唔乾身有肉汁，大家都一致好評!成個lunch set包括飲品都令人滿意，我尤其喜歡南瓜湯同薯條，不過就要等下次時間比較充裕既日子先再來喇~另外仲買左成個草莓芝士撻返公司食，成個買除開12件亦唔算貴，我自己就食到面層有dd酒味，士多啤梨唔夠甜，撻皮唔夠脆，總結: 賣相滿分，味道普通，可以不試。

放假的平日, 來到新都會廣場, 下午三點, 搵下野食.見人介紹Simply Life的Tea Set好抵食, 一睇Menu發現所言非虛.$48有Burger配薯條, 仲有飲品, 計埋加一都係$5X.點了牛油果醬牛肉漢堡配香辣薯條, Burger幾好食, 用自家製包, 夠香夠鬆軟, 牛肉亦比同價位既Mos等等好食, 再加上牛油果醬的配搭特別得來又幾夾, 整體都好有水準.薯條加了香辣亦惹味香口, 惟獨份量夠少, 有點不夠喉.最後再配一杯冰茶, 消暑之選.想更滿足可以加點一件蛋糕, 今次試左開心果紅茶蛋糕, 好香的開心果味, 配上Carrot Cake質感的紅茶味蛋糕, 唔太甜, 幾香幾夾, $32一件, 合理之選.最重要係呢度環境開揚, 一大片落地玻璃, 慢慢望住個景嘆下Tea, 享受!

月前約女友人WK噚晚(25-5-2019S Sat)食佢嘅生日飯,我揀嚟呢喥,因為上次我同老公食時,感覺唔錯(上次食評: https://www.openrice.com/zh/hongkong/review/%E6%9C%89%E5%89%B5%E6%84%8Fo%E6%97%A2%E7%94%9C%E5%93%81%E9%85%8D%E6%90%AD-e3088033).呢次嚟到等咗18分鐘就有位,同上次一樣,侍應即端上麵包,我哋點完餐就食,我先試上方嘅法包,個皮硬到幾乎咬唔開,另一隻亦差唔多.主菜方面,我要$138.00嘅蟹肉雜菜沙律花生芝麻醬,等咗10分鐘至到,雜菜份量唔少,蟹肉就一定少,不過幾鮮味,唔係霉嗰隻.而雜菜配上花生芝麻醬,感覺有啲新奇,但可以接受.味道:3分WK要$148.00嘅烤雞,燒南瓜,大蘑菇,香草燒薯,五香汁,呢個等咗好耐,要等多19分鐘至到,佢俾咗啲燒南瓜,大蘑菇同香草燒薯我食,本身口感都正常,但配辣嘅五香汁,感覺麻麻,佢更加索性蓉黑胡椒食.而嗰半隻雞竟然重未熟透.味道:2分話晒為WK慶祝生日,我係貪呢喥有多款切餅而嚟,我哋都各揀同樣$36.00嘅,WK要

新都會廣場自從大翻新之後，有多間新餐廳進駐，今日就揀左已有一定名氣的 simple life 與朋友相聚入到餐廳被安排係窗邊位置，靠著大玻璃，外面燈火闌珊，餐廳氣氛不錯，唯獨餐桌是圓桌，四人兩張小圓桌略為迫峽未點菜就先來一客免費的麵包併盤，兩款麵包外脆外軟，美中不足係無烘熱才上，如熱騰騰一定更美味我地分別點左四個主菜，選配南瓜湯，西柚冰茶先講下南瓜濃湯，湯感非常濃厚卻清甜，非常可口simple life 大家最熟悉都係橙茶，而今晚主打西柚茶，味道比較清新，感覺西柚比橙更健康一點主菜第一道上的是烤春雞，烤雞比人感覺一向都是容易overlook，但這烤雞卻令人出乎意外，肉質鮮嫩，香料味令人齒夾留香，就算雞胸部分都好入味，推薦！就係可能第一道的烤雞太美味，第二度菜的蘑菇雞肉漢堡就令人失望了，兔治雞肉漢堡肉質鞋烚烚，加上沒有醬料，整體感覺更差。伴菜薯條又炸過龍，我和友人都吃了一半就嚥不下simple life 手制意粉一向出色，第三道菜是蕃茄虎虾手制扭紋粉，味道一如以往不過不失，手制粉有咬勁，虎虾大隻又彈牙，yummy第四道菜是友人點的黑毛豬，厚切黑毛豬有大約一吋厚，佐配奶油瓜蓉，望落唔匹配但

朋友試過這間餐廳的其他分店，覺得不錯，在新都會看到它的蹤影，決定再光顧。這間不接受電話預約座位的餐廳，唯有一放工就趕來排隊，由於於繁忙時間來到，所以等了大約半小時才可入座。餐廳入口是蛋糕櫃，在等候入座時，已選擇了蛋糕做飯後甜品。食物方面，最好吃的是圖2的牛扒，七成熟，但都很嫩滑。圖1的羊架不夠入味，有少少老。兩個蛋糕就普通。

今日有同事farewell🙂，所以佢買咗啲cake返嚟俾公司同事食！一般散水餅都係食開聖安娜或者美心西餅，好啲嘅會有東海堂！估唔到佢竟然咁大手筆買simplylife嘅cake！我之前去食lunch有望過下，好似要成三四十蚊一件！😵😵超好人呀我個同事！🥰🥰有啲捨得佢走添~我試咗以下呢款，叫做Banana pie🍌🍌！入面有新鮮嘅香蕉，仲有啲chocolate mousse，啲mousse勁滑勁香仲有濃味，配埋厚厚嘅cream and chocolate flakes，真係好邪惡，邪惡度我俾10/10。🤤🤤仲有以下幾款，我冇食🤭，不過見咁靚都影幾張相啦！😆😆😆

為着simplylife，去到新都會廣場5樓，呢間分店係落地大玻璃，雖然景觀唔係望海，但係望住花園中庭，尚算OK ！這天是來吃午餐，見到有set lunch，單點主菜$82 ，如果要餐湯或沙律配主菜$92當天叫了兩個lunch set，一個是燒海鱸魚，慢煮紅酒肉碎闊條麵。我哋一個叫餐湯（蘑菇湯），一個要沙律 蘑菇湯好濃又夠杰身very good👍🏻👍🏻我個人認為海鱸魚燒得過熟，以致魚肉有點粗糙，希望有所改善。而慢煮紅酒肉碎闊條麵，醬汁濃口，肉碎夠多。餐茶一般普通野

今日麵包癮起， 好掛住 simplylife！正值午餐時間， 餐廳門口大排長龍， 雖然足足等咗半個鐘， 我都係甘心情願嘅。佢啲麵包水準好穩定， 次次去食都咁新鮮， 從未失望過！ 熱辣辣嘅包搽埋牛油，好好食!今日餐湯係忌廉蘑菇湯， 用料足，啖啖蘑菇粒 ！如果可以再大碗啲就好喇！……個闊條麵份量唔算多， 但係做得幾好食。唔知係咪因為手做原故 ，個麵好彈牙! 個茄汁酸甜較得好味，勁多鮮蕃茄！跟餐仲有一個果茶， 不過對我嚟講就甜咗小小。

建議大家嚟新都會既simplylife, 都係係食意粉 pizza 好了，因為叫burger會有機會中伏。點解係伏呢，睇落其實都幾靚仔，但一咬，舊burger好苦好燶，個牛油果醬好淡，但好膩，整得唔好食。最好食係啲薯條，脆口得嚟帶點煙韌。同埋有杯果茶都叫做安慰啲。所以，聽姐姐話，叫意粉同pizza 穩陣啲，不過唔知個炸魚burger點呢？有人食過嗎？

假期多飯局，又要陪屋企人飲茶又想跟朋友見面，揀左呢度下午茶，志在坐得舒服又可以傾下計，因為食客太多，所以限時75分鐘，都非常合理的。Simply Life 裝修光猛簡潔，門口一大個展示櫃放滿了多款蛋糕，選擇好多。熱情果芒果千層蛋糕蛋糕偏甜而且快溶，賣相麻麻，但由於熱情果酸味所以都開胃易入口，toppings 鋪在開心果碎，加強口感無咁單調。玫瑰荔枝紅桑子蛋糕賣相好靚好吸晴，我跟友人都不約而同揀左呢款，口味清新又帶淡淡荔枝香味，外層啫喱分隔左蛋糕嘅甜味，口感更豐富。焦糖咖啡超級甜，後悔叫左焦糖咖啡，溝極清水都覺得甜，比較失望。

食過好多間分店，包括已經執笠嘅奧海城分店，覺得食物唔錯，環境都OK。葵芳呢間開咗唔算耐，餐廳環境開闊，食物味道可以接受。本來仲幾開心附近終於開咗一間分店，但係今次經歷真係令人失望。一入門職員告知限時75分鐘，聽到有啲窒一窒，原來宜家食西餐仲少時間過食快餐，不夠都係食餐飯，又唔係嚟hea，就繼續入座。一落座幾分鐘已經落單，上菜算快，我哋都密密食，無停手。食到後面，離落單時間不到一小時嘅時候就有職員攞住張單嚟叫埋單，由於當時用手食緊漢堡，又未到時間，便諗住食埋先找數。過咗幾分鐘，職員又過嚟表示用餐時間已過，叫我哋埋單。但當時我哋碟上仍然有少量食物，而且嚟落單時間並沒有超過75分鐘，職員已經想趕食客走，而且語氣並不友好！ 本來都無打算賴死唔走，但係俾客人食完野先離開，差幾分鐘都唔得？本來職員好好講，我哋都會儘快食完，甚至可以自行結帳離座！但係職員態度好似我哋爭佢錢咁，真係令人食到最後一肚子氣！況且明明成個餐廳都無列明話要75分鐘離座！如果大家想搵食得舒適開心嘅西餐，就千奇唔好考慮呢間！最可惜係奧海城已經無得食！唯有對Simplylife講bye bye！