Simplylife Bakery Cafe (已結業)

葵芳 Simply Life 位於新都會5樓，位置方便，環境舒適，旁邊係大玻璃，燈光偏暗，適合情侶或者想靜靜地食野嘅你🥰提供的菜式多樣化，由all day breakfast 到light meal 嘅沙律或者飽肚啲嘅意粉，應有盡有！湯同飲品就要另外加錢。打頭陣嘅係南瓜湯，口感綿細creamy，南瓜味濃郁。正如題目所講，simply life 嘅手製意粉係一大賣點，所以我今次就試咗慢煮肉碎手製闊條麵～手製闊條麵比坊間常見嘅闊條麵幼，但口感依然，更煙韌，令我停唔到口。而慢煮肉碎令菜式的味道更豐富，齒頰留香。美中不足的是肉碎同闊條麵的比例唔平均，以至於食到最後剩低肉碎，而淨食肉碎又太膩，令菜式稍為減分。最後係是日果茶—蜜桃紅茶！蜜桃的清爽十分適合為晚餐作結，中和前面菜式的味道。整體而言，Simply Life 性價比高，款式多而且環境舒服！

今日同朋友一齊去葵涌，之後大家都餓就去了新都會樓上餐廳，我地等左一陣先有位，我哋最後每人叫了一個午餐，每人$128價錢可接受但份量少。這個午餐有湯或沙律，最後選擇了蘑菇湯，蘑菇多又足料，麵包口感又夠脆。最好味的是薄餅，材料多而且味道啱啱好又夠脆口薄身，芝士味濃郁十分好食。這裡的碟夠大但好薄，所以份量不多。意粉係蘑菇意粉，味道白汁偏杰身味道偏淡，意粉又煮得比較淋身，幸好蘑菇好味道。魚意大利飯，魚煎得不錯，皮脆內軟但太細舊，意大利飯口感一般配上醬汁味道有點怪。飲品是橙紅茶特飲，差不多每人都飲，味道驚喜不錯，開胃又解渴。

環境舒適、裝潢精緻，食物質素有水準、甜品款式豐富多選擇，外觀和味道都有驚喜。餐包🍞• 外層堅硬、有白色粉末，吃起來有點狼狽。加拿大天然豬鞍架🍖• 體積龐大，建議3-4人或以上的話才點選。• 肉質鬆軟鮮嫩而且帶有肉汁美味香濃。• 松子吸收了肉汁，外面帶油非常可口。松露忌廉雜菌有機糙米飯🍚• 黑松露味濃郁，米飯很creamy同時有點嚼勁，口感層次豐富。• 略嫌偏咸。大蝦海鮮冬蔭有機糙米飯🍤• 吃幾口會感到冬蔭功的辣度增加，非常惹味。• 海鮮豐富，喜歡冬蔭功的朋友可一試。番茄汁雞肉黑橄欖手製扭紋粉🥫• 扭粉較粗身厚實，每條都沾滿茄汁和橄欖油香味。• 與前兩款主食比較相對輕盈。限定熱情果冰茶🍹• 甜度偏低、適合消暑解渴，很清新。草莓芝士撻🍓• 芝士軟滑鬆化、甜度適中，草莓味不算香濃，帶點酸，很適合做飯後甜點。• 更喜歡 法式紅桑子班戟蛋糕🍰，紅桑子味清新，整個蛋糕偏酸，口感鬆化綿滑。

真係好鍾意來依間野，價錢合理，味道ok,又成日有新的cake所以生日飯都要來丫星期日lunch，一點左右。我諗等10分鐘倒就有位喇不過唔好的就係用餐時間得75分鐘，好趕下。九龍塘分店，食兩點幾，有90分鐘。依度的brunch比KLT平10蚊喎。Salad同包唔講喇，standard野，好味糙米飯食過一次，好味個汁creamy，但啲糙米又有口感個蟹肉扭紋意粉，frd frd話腥喎。。。個魚的配菜好食，但呢間啲熟魚真係麻麻。全部都嚡拾拾的上次食fish&chips又係。大家真係唔好叫熟魚丫見到好多新cake,真係忍唔住想叫曬佢丫左一: 開心果紅茶蛋糕無開心果味，無紅茶味，蛋糕唔鬆軟左二: 咖啡cake佢似crepe,不過一層層嗰啲唔係蛋皮，而係蛋糕。可以每層都有cream，就唔覺得佢乾喇左三: 哈蜜瓜伯爵茶橙色的係哈蜜瓜味的皮，中間都有層哈蜜瓜味的啫喱。但食唔到伯爵茶味。不過佢好清新最後一件: 紅桑子特濃朱古力最令我意外的一嚿。我平時唔多鍾意食朱古力蛋糕，但呢嚿真係將其他嗰啲比下去。 “特濃”係無呃人的，一啖食落口，勁重朱古力味，忍唔住就想再食。。。中間有紅桑子味的啫喱，中和返朱古力的膩。

今晚附近有社區事件, 所以商場內人流很少, 平日要等候半小時以上的Simplylife Cafe今日完全唔需要等位。 餐廳設於商場5樓, 面向商場外牆, 有特大落地玻璃, 景觀十分好, 最好選近窗位置, 比較舒適。 餐廳內多是小圓檯仔, 2-3人飯聚較合適。今次黎食晚餐, 主菜色有十多款供選擇, 有意粉、飯類、沙津、漢堡包扒，一定揀到一款食, 食物份量十份夠。 但今次特別想提的是 餐廳提供的免費餐前麵包十分好吃, 是自制的，另外自家制的花茶十分好味, 只是跟餐加$30連餐湯, 值得一試。

餐廳門口玻璃櫃已經放出很多蛋糕款，很吸引的樣子。整體上不過不失，味道正常，普通西餐廳有的水準，環境不錯，坐很舒服，可以跟朋友閒聊。一開始會附送法式包，好有心思。今晚的餐湯是南瓜湯，好好飲，每一淡湯都有滿滿的南瓜蓉。叫左肉眼扒，肉質嫩滑，不錯，配搭的薯條好出色，味道似薯圈味道，不似普通薯條。忌廉煙肉意粉，煙肉較大粒及厚切，難咬開，但味道不差，如果陪薄切煙肉會更好。鱈魚亦好嫩口，不會有腥味。所以整體上不過不失。

好耐無出葵芳行街，所以今日出黎巡視業務一番餓喇~餓喇~ 要揾間野坐下食下hea下。。 牛油果醬漢堡配薯條 (HK$85) 賣相就真係唔錯唔錯，塊漢堡有少少厚度，口落去好juicy，都好有牛肉味，配埋個醬一齊食好fresh 薯條都係一個驚喜位，熱辣辣好好食 如果多返少少薯條就good喇~~跟餐有一杯果茶，但可以加錢轉其他飲品。 我就加HK$15 轉杯cappuccino總括黎講，餐廳空間感足夠，想獨自hea下都不失為一個好地方。而食材方面話晒都算係一間連鎖食店，唔會差得去邊。

今日帶埋小朋友同啲朋友去食午餐，佢哋揀咗坐得非常舒服的simplylife。餐牌好似比起其他分店嘅選擇較多，而且款款都非常吸引。我特別想推介係呢兩款食物：甜辣汁海鮮手製意大利粉，先講下個醬汁甜甜酸酸，又唔會話好辣，所以非常醒胃。而且海鮮嘅種類都好多，包括有鮮蝦、蜆和魚，全部都非常鮮甜。亞枝竹雜菌水牛芝士薄餅：餅底十分鬆脆，再配合濃濃的芝士和滿滿的雜菌，好味得叫人一口接一口。今次特別要讚就係啲職員啦，話說我朋友唔小心倒瀉左杯水果茶，結果他們都非常勤快，十分細心為我們送上紙巾和清潔，認真抵讚！

以前在九龍塘吃過一次 覺得平平無常 這次來了較新的分店試一試這天我和六個朋友來吃晚飯 可以馬上入座 不用等！我吃了忌廉汁意粉 比較安全 $118 其他朋友分別叫了牛扒 risotto 羊 燒春雞多人吃的好處就是可以試多點不同的款式🤩我ordered的意粉挺入味 但有點欠缺層次感 味道不是太豐富 但也是不錯的每個晚餐麵可加30元配湯和飲品 我覺得有點貴呢..飲品只有汽水和冰茶選 但是餐湯很好喝！試了朋友的牛扒 五成熟剛剛好 好好吃！$208 挺貴的 但是值得燒春雞- 醬汁味道特別 很入味 吃完主菜就吃甜品椰子蛋糕$36 比想像中沒那麼好吃哈蜜瓜蛋糕 - 味道挺特別的 很fresh 紅桑子巧克力蛋糕 - 巧克力味濃郁

去到假日想好好食一餐，呢日就去咗葵芳。搵左一輪唔知食咩好，發現原來simplylife可以用Gulu app攞位，係幾好喎。好想買啲麵包食，好似幾好食咁。第一次黎新都會呢邊，中間空曠位係上唔到黎呢邊（我係錯有錯著上到呢邊）。趁未有人坐就影左先，大玻璃，見到出邊雖然係樓景，不過開揚啲係好啲。假日有限時brunch，都係好事，可以有位坐，唔會等好耐。前菜有湯或沙律揀，湯係南瓜湯，我就揀左沙律，都幾fresh，開一開個胃都幾好。包有啲硬，如果牙唔好都唔啱食。全部都係128元，當然揀個抵食㗎啦。燒雞半隻，味道都唔錯，肉都唔會「鞋」，朋友話夠飽。我就叫咗蟹肉手製扭紋粉，初初都有啲驚蟹肉味都過濃，又唔會，食食又覺得幾match，而且蟹肉係多，唔會得一兩舊。本身喜歡蕃茄，味道唔錯。果茶係唔駛加錢，朋友話味道淡，不過ok。我就加15元要左杯latte（skimmed milk），都幾好飲，一飲就知無咁甜，咖啡味都夠，唔錯。

因為近朋友家,所以就約了在Simpylife吃晚餐。order後,就遞上麵包。麵包硬到用刀都差不多撕不開,浸了餐湯仍覺得硬!我們叫了餐湯--磨菇湯creamy,有磨菇香,感覺足料,味道ok.主菜ㄧ:牛肉眼扒,叫了7成熟,但感覺8成熟.肉眼扒比想像中大塊,肉眼扒冧,薯條脆香,但那天的伴菜露筍就好老! 肉眼扒算可以的!第二個主菜:南瓜蓉慢煮豬脾這個有驚喜! 雖然賣相ㄧ般,但味道不錯! 豬脾厚,以為會太熟,煮得太老,ㄧ入囗,竟然不老,又香,南瓜蓉甜,配上松子仁,好好味! 朋友吃到停不了囗! 這個是我個人推介!!餐茶冰茶,ㄧ般的冰茶,没有特別。星期五的晚上,限時。 飲品未完全喝完,服務員已拿走,叫住他才放下,給人ㄧ種很催人的感覺! 二人枱,幾逼!再叫多些食物也會不夠放!

第一次喺Simplylife食早餐(不過係11點的早餐), 我一直以為佢地嘅早餐只提供麵包及All day breakfast等, 原來都有其他以外嘅選擇. 今次同朋友揀左蝦肉漢堡及蕃茄手製意粉, 上主菜前每人有一份麵包及磨菇湯,兩樣都幾好味.先講漢堡, 份量超大, 一個女士食一份做早餐, 真係可以頂到至晚餐. 漢堡入面嘅材料非常充足, 涵料味道亦唔錯.  至於蕃茄意粉味道淡淡的, 可能是手工製關係, 質感亦比一般意粉堅韌有咬口. 整體味道是不錯, 只是味道有點淡.可能我地入座時間尚早, 人流不太多, 室內算是較寧靜, 幾適合傾偈.  假日好餐廳名單又從此又可以多一間. 

呢排食得好肥膩，是時候停一停啦！結果朋友問我想食乜，我只係諗到想食沙律，跟住腦海第一時間就諗起食Simplylife 啦。果然沒有記錯，Simplylife 假日的Brunch 有得食沙律，所以我二話不說便選擇了香草燒雞肉沙律！沙律內的雞肉味道香濃，肉質結實但容易咀嚼。菠菜份量挺多，而且非常新鮮。另外沙律上面的杏仁片也是亮點之一，口感硬脆，味道甚佳！總的來說，$138 有餐湯、主食和飲品，性價比不錯。其實自己也沒想過單單是吃沙律，也令我獲得滿足的飽肚感！

難得公司今日放早，就約埋同事一齊食lunch 。係公司附近嘅餐廳已經成日食，今次決定去遠少少，黎到葵芳新都會廣場嘅simplylife!由葵芳地鐵站一出就有條天橋連接住新都會廣場，搭電梯上到頂層就可以見到simplylife 餐廳，全程大概5分鐘，相當方便。我叫左1+2，即係冰茶+餐湯+主菜$95，仲未加一，呢個價錢略貴，令我對食物有所期望辣肉腸車厘蕃茄嫩菠菜有機糙米飯，都幾健康，菠菜碎多，醬汁多，飯濕濕地容易入口，蕃茄味濃，辣肉腸味淡，但份量好少，用匙羹𢳂就見底😂Set lunch menu

星期六早上，訓到自然醒，想同朋友去食好野，享受下美好的週末。雖然葵芳新都會成日都好多人，今次去simply life 排隊都唔洗排好耐，5分鐘就有位了～我地食個午餐有一杯凍茶﹑餐湯同主菜餐湯是忌廉甘筍湯配餐包。個湯好幼滑，有淡淡清香的甘筍味，更有濃郁的口感。好香～我就揀左哥達芝士大蘑菇雞肉漢堡做主菜。雞肉漢堡的質感似係雞胸肉，煎得好香，咬落有好豐富的口感，配上新鮮的生菜同軟淋淋的麵包，好感動呀！旁邊的薯條配菜調味岩岩好，炸得夠哂香脆。今次呢個午餐真係好滿足～