Tasty Fabio (已結業)

一句講晒，CP 值超高（直頭超出預期)。我叫的是豬鞍配沙律 （朋友強烈推介），豬鞍煮得好入味，又非常之淋，好易入口。份量也很大，男士吃也一定夠飽 😀😀😀我一定會再光顧。跟餐咖啡也好味，好有水準。👍🏻👍🏻👍🏻

不論係午餐聚會定係晚餐聚會，Fabio都係唔錯嘅選擇，閏密傾計食物又有heart。午餐首選推介慢煮豬鞍，訂位時記得問吓有無，訂咗先，如果唔係分分鍾食唔到。豬鞍咁厚都好嫩，配個鳳梨汁加黑醋，成件事好perfect，每個餐有個細沙律，如果廚師時日係蜜糖蘿勒醬藜麥就very good嘞，因為藜麥好少食到呢隻味道，微甜微酸，味道好fresh好好味(第一次食藜麥間餐廳用咗個好濃列嘅香草，似印度香料味，所以……)，呢隻味嘅藜麥每次食都覺得唔夠喉。

一次的是旦搵個午餐吃，便給我遇上了這間餐廳，令我喜出望外，睇得出廚師用心烹調❤️食材新鮮👍出品美味😋價錢合理😁！店內整潔，店員服務態度非常友善，令我一試難忘，要再來一次啊😋😋

每次Tasty Fabio Restaurant ，首選必食慢煮豬鞍。大大塊的豬鞍扒，淋上鮮茄鳳梨汁，肉汁鮮嫩，慢慢融化口中，再配份一份泥麥沙律，飽肚又健康，值得一試。

今日在觀塘做嘢，過了下午1:30分肚仔好餓，想起這間餐廳美食便流晒口水，到了餐廳吃過波波脆的麵包，好味沙律，跟住到主菜豬仔骨，全部都非常之美味，我一定煮唔出的食物，在這裏向廚師講聲加油同多謝你

大大話話喺觀塘到食個10幾間樓上嘅西餐，不過就好少去駱駝漆搵嘢食，因為感覺嗰邊係賣嘢多，問同事關於駱駝漆嘅食肆，佢就帶咗我嚟呢間，餐牌都係同其他工廈嘅西餐大同小異。同事就介紹我食雞扒，佢食得出一定係慢煮，因為啲雞肉煮得好滑，但係我見到餐牌有越南燒乳豬好吸引，因為唔係度度有得食，所以就決定試食，雖然係午餐牌裏面最貴嘅set要$138，但係嚟到個賣相就已經覺得佢值，隻豬髀份量都大，佢哋出餐嗰陣仲俾你睇一睇先然後先再攞去切。食落去個口感外脆內嫰，真係無得輸。咁嘅質素，如果喺出面食起碼兩舊水，佢煮到有啲似葡國乳豬，不過係更好食。個豬皮又薄又脆，肉質又滑又嫰。食完之後覺得呢一間樓上西餐可以稱得上為觀塘最強。食落去就知道廚師有心煮，絕對比我之前食個10幾間嘅好，以咁嘅價錢絕對稱得上係物超所值，極力推介👍🏻

聽朋友介紹 專程過來一試工廈內一間 不錯嘅 西餐廳簡約的裝修 播放着懷舊的英文歌差唔多 有10款 各式 套餐可供選擇價格 由 70幾 到 100多 不等主菜 跟 餐湯 麵包 同 飲品蘑菇忌廉湯夠滑 但唔夠香濃香煎紐西蘭西冷 跟 意粉 配 北非小米沙律西冷扒 好大塊 差唔多 佔了半隻碟肉質 不錯 黑椒汁 也調得很好意粉 好味 爽彈 有調味 少少黑椒小米沙律 有中和 作用 令味蕾 清新 有助吃肉後嘅消滯感覺意式雲吞 野菌忌廉汁意粉雲吞 一舊肉 不太特別野菌忌廉汁意粉 好好味 最後 凍檸茶 好似唔夠茶 加左d水淡口 無乜茶味由茶嘅顏色 同 味道 就知道食物質素 整體不錯最值得一讚 服務員 提供 好好服務除了不時 為我們添水而且她聽到 有客人跌左食具在地上二話不說 即遞上 另一套食具 非常體貼 窩心

第二次來這裡，喜歡這裡的人～情～味。烹調食物的味道是我喜歡的，煮法層次分明亦能吃出食物本身的原味道。每一道菜式完全滿足了一班姊妹們的味蕾。下次聚會，繼續會建議大家來這裡用餐。用心經營的小餐廳。

朋友介紹, 上門餐廳,一試難忘.由頭盤 ~巴馬火腿沙律，小食~ 芝士拼盤，主菜~ 鵝肝肉眼扒, 黑松露雜菌帶子意大利飯， 甜品~ 芝士凍餅及酸忌廉奶凍，各樣都滿意。 食得好飽。樓面員工及廚師態度認真，細心。

最近得知朋友在短時間內光臨這餐廳多次，胃食的我當然要去試下啦！…很欣賞這間位於廠廈內的餐廳，雖不會有最優質的環境；但食物質數都帶來驚喜。今晚是慶祝家人的生日飯局，每一道菜都感受到廚師是用心製作！

朋友介紹來試新野，又真係唔錯喎！點完餐，即送上小食～包脆番茄微酸好開胃餐湯普通無咩特別～蜜瓜好甜，好味道好多芝士，熱辣辣五成熟，除左筋位難切難嚼，都幾好味～唔需要切，好易食XDDD 滴左檸檬汁再配埋芥末醬，好味餐飲無咩特別，但甜品芝士蛋糕就好好味！口感好幼滑，食到近邊位又咸咸地有點油味，不過很不錯附上餐牌：

過年前同事約team lunch，亦當做團年。揀咗呢處，同事sell 呢間西餐頗有水準。餐廳在KT地標之一，駱駝漆大廈。廠厦改建，熟知呢區的一定唔會陌生，甚麼outlet，開倉，物流集運等等都有，近年都很多食店進駐。之前試過一，兩間，感覺普通。早去到，少人不用等位。地方簡潔，水泥牆果然好工廠feel。午餐有指定set menu，同事之前已預留了慢煮猪鞍，因為聽講限量供應。我就揀燒猪肋骨。而每個set 都可配飯，意粉，薯蓉或者沙律，另有湯和餐飲跟。餐湯是忌廉湯，味濃，香，但不夠熱。蒜味多士香口。同事的猪鞍先上。嘩! 唔只係大，直情可以用個"巨"字來形容!留意照片塊肉同把刀的比例。同事話肉厚，唔韌，好味。我的燒猪肋骨亦到，勁大碟。可能我揀配意粉有茄醬係面，成碟個樣都好"茄"。另每一碟上有一碗類似沙律菜的東西，好似係切碎的椰菜花。我的燒肋骨味道ok, 但似乎過咗火，肉質較削。小小聚會，大家盡興! 下次有機會要試下其他!

I didn’t have a meal there but the reservation policy really makes me feel confuse!!!I phoned to reserve a table and one of the staff told me it would be first come first serve!Then I arrived there around 12:30 p.m I asked for table for three then a lady told me it was fully booked!!What!??? First come first serve but fully booked!??? Do you guys really know what’s the meaning of first come first serve!???

老實說，觀塘西餐多的是，但認真有誠意的煮西餐，又有幾多間？其實要食過先知，今次誠意介紹《tasty fabio》全店黑沉沉的裝修，有種神秘且有情調的感覺，實在拍拖的好聖地餐牌都不少選擇，思考都要花點時間。先上餐湯和蒜蓉包挪威煙三文魚配法式軟包及薯角煙三文魚香口到不行，加上新鮮生菜食用，配以法包食用，口感不俗當中的薯角，既香脆而不油膩自家製蔬菜千層麵面頭的芝士簡直俘虜小弟的心，不得了！茄醬味極濃惜質地上有少許冧，千層麵很難見到層次分明。隨餐附上的沙律，黑醋落得不多，蔬菜又夠新鮮，味道合小弟口味

好耐無嚟呢度喇，我好鍾意呢間餐廳，從佢啲食物可以感受到廚房嘅誠意❤記得第一次嚟嗰陣係食佢哋嘅煙三文魚法包，我本身就好鍾意食煙三文魚，一試就愛上。之後都會帶朋友嚟呢度試吓，佢哋都讚好! 價錢好似加咗少少🤔今日就試蔬菜千層麵配沙律，有一碗沙律，好新鮮爽脆，不過今次酸咗啲，可能太多醋。餐湯係粟米忌廉湯，好香好好creamy，仲有一小件有香草味嘅多士。我平時好少食千層麵，所以同唔到其他做比較，唔知麵本身嘅texture係咪比較腍身定係應該要有啲咬口嘅呢🤔呢個我就覺得腍咗啲，有啲似煮耐咗嘅雲吞皮咁😅但係配上蕃茄醬汁寧舍開胃， 個醬汁整得幾好味😋千層麵上仲有層芝士，但係食完成份都唔會覺得滯嘅感覺，可能夾住嘅係蔬菜，無肉醬咁heavy。朋友試咗慢烤豬鞍配蕃茄黑醋汁，試咗少少，整得好腍呀😍下次要再嚟試吓其他嘢先!