TC2 (Tea Coffee Two) (已搬遷) 新店位置

呢間cafe比較簡約，以音樂&藝術&文化做主題俾人休息之餘仲有埋政治「獨立」主題值得支持！一杯香濃咖啡，有拉花，休閒而有品味鴨胸沙律/鮮果沙律做前菜，仲有餐湯可揀雜菜湯/海鮮湯錫紙包台式腸每塊再切成小塊，好細心方便放入口，不過我覺得台式腸有啲鹹瑞士雞翼啲瑞士汁滲透成隻雞翼，好入味TC2薄餅一份分6塊都得，唔會太鹹同太油泰式焗豬頸肉蘸特製醬汁，令豬頸肉更香口惹味，肉質軟嫩，而且切成細細塊方便食雜菇配紅糙米飯啲菌類更好食呢碟好似係叫香橙鴨肉意粉意粉有少少淡，無咩味安格斯肉眼扒跟薯菜肉質軟腍，燒得惹味

位於砵蘭街的TC2，老闆Teresa做傳媒出身，一身文化氣息，連帶Cafe都以文化藝術做主題。門面用上顯眼的紅色，內部裝修比較昏暗；特別喜愛紅色的吊燈，用上自己名稱十分顯眼。餐廳分為兩層，一樓有不同梳化枱櫈，而且放了不少書籍及棋子，讓客人享用午餐之餘，可以舒適地跟三五知己聊天。這裡同時讓客人擺放小飾物和畫作供人欣賞及寄賣，二樓的閣樓可供客人包場做試映會、新書分享會及小型音樂會，因此得到不少本土文化界人士撐場。但最近業主加租九成租約月底就到期，老闆Teresa已覓新鋪搬去太子。好快就少一個食午餐的好地方。另外，去年9月，TC2讓出閣樓供國民教育家長關注組家長們開會，毋須包場。真係出心出力！MENU選擇不太多，主要分為沙律餐及意粉飯餐最愛這裡的煙三文魚沙律$49，比酒店的更加好味製作更加認真蔬菜夠新鮮，煙三文魚大大件，又有麵包干及煙肉干，女仔一定足夠；質素比酒店的更加，附近又沒有餐廳提供新鮮沙律，所以好多女食客都會叫這個食。湯有雜菜湯及忌廉 味道一般，沒有大驚喜這裡的自製咖啡聽聞味道唔錯，但小妹不飲咖啡，所以飲品必叫朱古力賣相好吸引，劃花每次都不同，今次係麥兜．．．好可愛～濃香的朱古力味道

數月前去過一次，水準好好，所以翻炒。是日餐湯是雜菜湯，稀！1. 香草三文魚焗飯$40 ~ 等左好耐，可能真是即叫即做。個人不太喜歡白汁，只試了少少，三文魚份量頗少。2. 照燒牛柳配意粉$52 ~ 牛柳只得三塊，好靭。意粉好好，但份量不夠。餐飲的咖啡真的好飲！

平時好少去cafe, 旺角果d更加從來唔會踏足! 今日時間好趕, 撞正tea time, 茶餐廳勁多「自由人」, 見呢間cafe無乜人, 裝修都見ok, 試一次啦!下午茶餐都要三十幾, 唔平! 叫o左個蕃茄吞拿魚意粉, 無期望底下, 都仍然係禁不住「唉」.......d意粉都真係林得幾勁, 仲衰過茶餐廳, d茄糕味重到不得了........ 唉~旺角貨色, 下次真係咪亂o黎!!!!!

＊好友Y生日, 特別在開飯SEARCH了很久.由本人拍板來這裡預祝朋友Y之生日.也許是店裡特色. 燈光偏暗, 看餐牌時有點辛苦.. 但工作人員服務有禮貌而且行動迅速. 這點也是我欣賞之一.但環境比較迫..坐滿時非常嘈吵..要靜靜聊天有點難度..有2人餐和單點餐. 最後決定3人各單點一個餐.再加小食拼盤.每一個餐都有餐湯.前菜.主菜等.煙鴨胸雜菜沙律. 沒有汁..只有菜...對我來說有點乾.餐湯味道正常.小食拼盤. 份量正常. 餃子雞翼味道很好. 是再點之選.薯角炸得很脆..吃下去也不會感覺很乾.味道不錯. 日式照燒雞扒味道不俗, 日本醬汁沒有難食空間.而且雞扒仍有點點肉汁.GOOD~寶雲蘇羊架份量正常.沒有很(騷).很滿足.美國牛柳配黑醋汁-牛肉只有3塊..那張很像紙的(皮)?到現在我也不知道是什麼...感覺像變了這菜的重點...飲品.榛子朱古力,沒有偏甜。味道適中。最窩心是切蛋糕時他們在朋友Y 碟上寫了心想事成.而且拼湊得很好.*今晚不是吃最名貴的菜式.但仍希望用最簡單的送上最大的祝福.=]

兩個人想悠閒地食lunch,唔想同其他人迫,見到呢度有閣樓,感覺好似唔錯~~去到發現唔太多人,閣樓仲要無人,結果我地兩個包左場~~閣樓有兩張sofa,有少少board game,有de 書同雜誌,又有音樂,好好hae~美中不足係無窗景,感覺比較焗促.....講返野食,我地分別嗌左照燒牛柳配薯菜,以及吞拿魚焗飯~照燒牛柳一de 都唔韌,仲好入味,好好食~~雖然唔大塊,但加埋de 薯就啱啱好~de 炸薯亦有驚喜!炸到外脆內嫰,放耐左都仲脆脆地,一條都唔捨得剩....另外吞拿魚焗飯都好味,連我唔太喜歡吞拿魚的都覺得可以一試~~如果中午要搵一個地方hae,呢度係唔錯ge 選擇~

去過兩次TC2兩次水準都好好！建議大家，不想等位的，可以BOOK定。而拉花還可以要求拉乜同畫乜都得！蒜溶包，夠多蒜，夠惹味！羊架，以為會好「鬚」。好彩煮得好好，唔會有「鬚」味。而個汁都好好味！兩款沙律，各有特色，不是出面的「特餐」款。用料好新鮮。個骨，好入味，也很鬆化。意粉，醬汁夠，唔會乾。而軟硬度都適中。呢個鴨胸沙律，鴨胸唔鞋，好味。雞翼好出色！好入味之餘夠晒脆同熱。薯皮，芝士味夠濃！愛芝人任要試！最後右下嗰個紙包牛。個層紙都食得，好驚喜！

打完波，接著來要做的，就是找地方吃下午茶。走到附近的Café，推門進去，佈置幾有心思，總之就不似這一帶的café般俗氣，但這燈光實在不好拍照，尤其是我等仍在用舊到爆的老爺傻瓜機，出來的相片是不堪入目。在下午茶套餐中，看見有TC2薄餅，既然人家把店名都用上的食物，自然會是招牌菜、最有信心的一款。薄餅是用上酥皮，吃起來熱辣酥脆，有芝士香，餡料是簡單的火腿，但加埋開胃的他他醬，又幾滋味。朋友那杯熱朱古力，面頭還弄出飲品的字樣，幾過癮。不過我在作病，都係飲番熱檸水穩妥一點。

今日約左個客o係油麻地見，於是openrice一下有無D cafe可以傾到野，見到呢度都有唔少好評，所以揀左佢一入到黎發覺都幾昏暗，好似唔係咁岩我要show D文件俾個客喎，原來佢仲有個閣樓，閣樓都幾光猛，都ＯＫ坐低大家都先叫野食佢有3個menu牌，紅色係有湯＋主菜＋飲品，黃色係主菜＋飲品（湯另加錢），綠色係drink list我叫左個三文魚沙律，個客叫左個雞絲意粉咁我就有個湯ｇｅ，個白湯真係麻麻地，無乜特別，不過個主菜就都幾好，有Ｄ三文魚都唔錯，同埋個沙律有麵包槺，好大份，好食又夠飽！至於個客個意粉睇落普通啦，不過佢話都好食ｇｅ，但係份量唔係好夠不過我比正評ｇｅ原因係佢杯飲品好出色！我叫左ｇｅ係熱朱古力咖啡，呢個朱古力咖啡朱古力味唔會太搶太甜，而咖啡味亦都好濃得黎唔會苦，真係岩岩好！兩個人夾埋一百蚊都唔駛，呢個環境同食物黎講算係物有所值！不過唯一要彈係某Ｄ侍應服務唔係咁好，態度有待改善！

時間離晚飯仍尚早 只好找家咖啡店打發時間本來不是來這裡的 但是Poker Cafe已沒了就突然想起附近這家店內裡環境昏暗得很 播放著法語歌來的人既有情侶 也有幾人一桌聊得興高采烈也有二人佔了一張大沙發做著小手工藝 不時還大笑起來每人都洋溢著快樂氣息 但大家在喧鬧中仍捍衛著寧靜整個店就是休閒帶點浪漫的格調我也不好意思用閃光燈拍照 怕打擾了別人 所以未有好好拍下內裡的環境 其實內裡不算佈置得很讓人驚豔但是置身其中會感受到它的與別不同 火腿菠蘿芝士厚多士味道很豐富 用料很多 就缺憾在多士不夠厚因而吃下時少了一點滿足感 但是絕對好吃! 這裡的咖排一向不俗今次來更有驚喜 比以前喝到的更好個人認為比Starbucks的還要好最物超所值是在這裡以一杯Starbucks Coffee價錢就能買下吃、喝及舒適環境相對人口密度甚高的Starbucks來說這裡優勝太多了 I will be back!p.s. 這裡的意粉一直不怎麼樣，如非很渴求，建議選吃其他。當然我不排除他們日後會有所進步，也如此期待著 : )

同朋友約埋黎食飯...我地女仔都係鍾意搵d cafe,方便坐得耐,又傾計又有野飲下咁...今次朋友揀左黎 TC2...入到去感覺好"紅"色...我地六個安排坐到好入,原來樓上都有位,但都比人book左,唔知幾大呢...仲好嘈下咁...我地叫左d set餐,散叫咁...但本來想食ribs冇晒tim,我地有人唔食牛,有人唔食羊...鴨胸caecar salad, 好大碟呀,個樣都幾靚,鴨胸都好肥美,不過汁同菜都麻麻地,我覺得d菜唔夠爽呀...西蘭花忌廉湯, 勁creamy勁杰呀...又咸...真係認真麻麻...三文魚salad,仲有個焗菇, 都係麻麻地,d芝士一仲厚過隻菇...carbonara, 見到有得叫緊係開心啦, 但係好稀,冇芝士味,冇蛋味...意粉好滑,即係過濕啦....失望了...芝士西蘭花, 太大舊了, 好彩冇整到好淋...但冇芝士味呢...小食拼盤,通常都係最受歡迎,咩都有得食下, 不過腸仔唔夠熱,凍凍地,茄汁就雪過o既...釀雞翼就幾好食,其他薯角,同nachos都ok,辣辣地幾野味...炸帶子伴他他醬, 即係沙律醬啦, 急凍帶子大大粒,都唔差,lei個都ok o既...

我地樂團委員開會, 要搵一個交通方便, 寧靜, 好食又坐得耐的落腳點.所以我就上OPENRICE搵到TC2喇!BOOK左平日七點半, 有朋友仔七點已經到左, 佢都立即有位. 我地食野, 吹水加開會十一點幾先走人都冇黑面. 呢樣就抵讚.我地主食只係叫左兩個天使麵同羊架, 跟住叫左一大堆小食, 雞翼同沙津, 另外試左幾款沙冰同士多啤梨特飲. "廁紙"蘑菇包- 同OPENRICE食評講的一樣, 唔得! 兩款天使麵 - 好味~羊架 - OK, 份量夠多Tostada - 太少芝士, 得面果D. 希望加多最少兩倍~ 瑞士雞翼 - OK泰式炸雞翼 - OK係開頭幾碟記得影, 後面傾得開心冇影到, 飲品方面: 我同一個朋友飲益力多沙冰 - 應該冇加水, 好飲~ 另外兩個朋友飲利賓納沙冰同士多啤利沙冰. 士多啤利沙冰人兄追加飲左兩杯, 應該好飲. 但係, 飲奶茶的朋友仔, 一個痛苦的表情, 重想投訢咁的樣. 奶茶就唔好試喇~

Book 定位，9：30 先入場現場已滿座，連落order 都自己。但是，因為去左幾次，又覺得唔想等，就自己黎。叫左二人餐，可惜兩個女生，吃唔哂。還是喜歡鴨胸salad,跟著cream soup , not bad Pizza n susages ，台式腸ok la ,少左蒜lol 個pizza 有半邊loan 左主菜，酥皮牛，唔岩吃還是喜歡飲品：）Hazelnut chocolate 我同朋友揀左一凍一熱，yeah so sweet drinks

在人潮聚集之地，要找吃真的不易，想了想，最後決定走到砵蘭街那邊的cafe碰碰運氣…上次已試過《Life Cafe》，這次就試試隔鄰的《TC2 cafe》吧！內進之時店員便詢問有否訂檯？！然後有禮地說因待會有booking，入座後需於8:45pm前交檯，但樓上座位則不限時，我倆見時間尚早，才7:30pm左右吧，於是爽快地答允了店員開出的「條款」…在二人套餐與晚餐裡作抉擇，最後還要各點一個晚餐！！先來的是他的火龍果沙律，以半個火龍果上桌，誠意十足，外表漂亮得很。除了火龍果，還有青蘋果、車厘茄及粟米粒呢，看來水果應曾以鹽水處理，因而沒有「生鏽」的跡象，抵讚…我的蟹柳雜菜沙律，樣子看來比他那客遜很多，尤幸內裡的生菜及火箭菜等均頗新鮮，加上混入了我的最愛「粟米粒」，整碟ko完全沒難度…（侍應還特意拿來磨胡椒瓶，結果由沙律開始直至主菜，每道我也下了少許胡椒呢）吃過前菜，侍應便隨即端來餐湯。他的海鮮忌廉湯雖說不上味濃，但至少不是以生粉充忌廉的貨式，挺不錯…相反，我的雜菜湯，跟一貫喝到的紅湯有點分別，味道有點複雜，說淡又不淡，說酸又不酸，感覺似是以「茄膏」開出來的熱湯般（解說：茄膏是質感比茄汁稠很多的

友人補祝我既生日，想食西餐就search到呢間黎試下。太多人walk-in都無得食, 好彩book左位~環境設計唔錯， 加上門口位擺放左一d手作仔既寄賣品，更添藝術氣息。尤其欣賞用紅酒箱改造而成既展示架，環保又有品味。點了二人餐如下：頭盤1: 煙鴨胸雜菜沙律份量夠多，個汁較得非常啱口味；個煙鴨胸係不得了咁好味～餐湯：忌廉湯無咩味，一般，所以無相頭盤2: 蒜香台灣腸 + 日式Pizza台灣腸係我地至愛～正～個Pizza係喜出望外既，因為個餅底係酥皮，未食過用酥皮整既 Pizza～個汁係Wasabi配蛋黃醬，好味！主菜：燒牛仔肉配芝士吞拿魚忌廉汁，配意粉首先講個意粉，真係無味…應該嗌薯菜或者飯好d之後我地拆開堆類似廁紙既物體…裡面d牛仔肉好嫩, 個汁好好味~浸濕左d “廁紙” 一齊食好味~飲品：Hot Hazelnut Chocolate是夜重頭戲! 我地期待已久~~係超香滑既棒子 + 濃度適中既朱古力飲完簡直係有一種perfect end既感覺!!!同友人係飲完~勁滿足到一切盡在不言中!全餐都係：滋味在心頭！下次一定要再黎飲過!!