Te Quick Pasta & Herb Tea (已結業)

第一次食，叫左明太子意粉，好味！不過記住襯熱食，如果唔係過好鯹。我覺得間餐廳太細了，好多時碟pasta 煮好、個staff拎到埋唻，個客人都未等到位。每個客人落單後都有個籌，職員之後就會將煮好的pasta送上，但係個籌就似乎細得淨好難睇到，我見個職員拎住碟pasta搵客搵得幾辛苦。好味還好味，貴左囉。

原來是快餐形式，選擇不算太多，價錢唔算平，大約50幾至60幾蚊一客，份量又唔多，如果加大仲要加多15蚊，但眼見隔離客人要了加大，亦不是好多。我揀了海鮮茄汁意粉+wild berry tea，意粉果然唔錯，好有咬口，一定唔係港式茶餐廳的意粉。海鮮有青口、蜆肉、魷魚及蝦等，都是細細隻的，稱不上是新鮮，我最鍾意是茄汁夠多，而且味道香濃。不過份量真是好少，連我是細食的人都食得晒，同事還擔心下晝會肚餓。試了少少同事的蛋汁煙肉意粉，可能試唔真味道，食唔出有蛋汁味，似白汁多D。味道幾好，但價錢唔平，所以未必會有下次。 P.S.我與同事都發覺有樣特點，與中環其他食肆有些分別，就是餐廳內四週的客人都是幾smart的男士及樣子標緻的OL。

這是兩個月前的食評了。本來是要去擺花街的一間泰國餐廳的﹐不過滿座了。轉過身來就看見這間新開的餐廳(不知有多新﹐因為我有一段時間沒有去那區了)﹐我的朋友又沒有異議﹐我們便去試試了。原來門口是在橫街的﹐不熟識環境真的不容易找到呢﹗上到餐廳才發覺原來是快餐形式的﹐吃日式意粉。要先自己排隊買票﹐再自己找座位﹐不過有人會端食物到你的座位。價錢也不便宜﹐每碟大概$58-68﹐飲品加$10﹗我們要了一個蘑菇意粉﹐一個蜆肉意粉﹐再加兩杯咖啡(當時不知到原來這裡主打是herbal tea 嘛﹗)。要讚的是意粉煮得非常好﹐好有咬口﹐蘑菇sauce 不會太“漏”﹐幾好幾好﹗我朋友都頗滿意她那個蜆肉意粉﹐不過我就覺得有少少腥﹐雪藏蜆來說是過得去的了。雖然覺得有少少貴﹐不過算係lunch time 既中環算是一個比較容易找位的地方﹐所以我和我的朋友都有一個共識。如果沒有訂位﹐又突然想出去吃午飯﹐這還是可以再來的。

再一次來此意粉店,今次相約一個素未謀面的靚女網友,不容有失.撇除貴夾唔飽感覺soho,同地mau茶檔.去T e,穩陣不過,經濟得黎,又夠user friendly.上次已出過食評,唔再多講,睇相.

之前行街成日見到, 又0係雜誌見過關於佢0既介紹, 今日就同朋友上去諗住試0下.我0地上到去已經過晒據聞成日排長龍的lunch hour, 唔洗同人迫=) 佢得12 款意粉全日供應, 朋友要0左個蜆肉橄欖油蒜蓉炒意粉, 我就要0左個海鮮茄汁意粉.朋友知我鍾意食貝殼類海產, 將d 蜆肉"畢" 晒俾我XD d 蜆仔食落似係清酒煮的, 好鮮甜好好食^_^ 後來發覺連佢碟意粉都好似落0左清酒去煮, 好香.我0個碟d 茄汁多到瀉晒, 有蝦, 蜆肉(唔明點解我的幾粒蜆肉size 會大過朋友0個d 咁多...?), 青口, 墨魚. 整體食落好食, 但個人覺得可能係d 茄汁太搶0既關係, 唔多食到海鮮味.好欣賞d 意粉咁硬身! 好好食呀=)環境ok, 裝修簡單, 全間舖都係白色, 型格搭夠, 不過俾唔到人cozy 0既感覺, 似salon / art gallery 多過餐廳bor! =P

這裡裝修非常簡單，得檯同，以白色為主；三位年青人在廚房，一人負責淥意粉，一人負責調汁及配料，一人負責煮意粉；一切流水作業式，意粉及所有配汁都煮定pack起，在店內只加熱就行；客人要自己買飛，但就有兩位侍應送餐。但見是日下午，客似雲來，大家食完就走，又下一轉客。收五十幾蚊一客意粉不包飲品，我看如果不是加租的話，呢度真係有排做的。叫了個茄子煙肉意粉，洋名叫Spaghetti Siciliana，說是siciliana，卻用了茄汁做底，吃過也不明所以，亦吃不到多少巴馬芝士的味道。意粉煮得恰到好處，好有咬口；配合茄子及煙肉，當然不會難吃，但也不算特別好吃，過得去，不過食完就成個下晝喉飽肚唔飽。呢度標磅是「quick pasta」但又「not a fast food」，但橫睇掂睇，都好快餐的感覺。我未必會再來，但應該也大有支持者的。

"Clubbing"呢個字眼,已經比主流傳媒,旺角男女全力玩謝,去pub飲野,叫clubbing,落club識女仔,又係clubbing,去D場跳舞,都係叫clubbing..............好,人云亦云,相約靚女朋友去中環"clubbing"前,在Soho腳下覓食,聽友人講Dublin Jack樓上,開左間意粉專門店,仲聽聞快到幾秒可煮起個pasta,對我呢個Pasta痴黎講,真係不得不試.呢間大廈,曾幾何時叫風光過,第一代私房菜黃色門依然健在,CE TOP一早比班"異族"(注)搾乾搾盡.Dublin Jack自成為無煙酒吧之後,竟做不下去.除左意粉,仲有herb茶,別無其他,價錢唔貴,幾草野有個PASTA,加底都係比多十幾銀.自助形式,排隊比錢先.今次來個大蜆pasta,果然不到一會,在我面前出現.咁又無幾秒咁誇.Pasta,本來就應該簡單,我果個,亦不例外,蜆,辣椒,香草,橄欖油,就咁炒埋一碟,麵質Al Dente,做得出色,個蜆新鮮,係嫌比較多沙.友人個日式意粉,提不起興趣去抽水.或者個人來講,對日式果d咩咩明太子貨色,一點興趣也沒有.一個意粉,蓋一個印,夠十個,送一碟

久仰Te喺日本既大名，新登陸香港當然急不及待去試試啦! 因為想見識吓佢哋點樣5秒內完成一個意粉，所以決定坐Bar 枱。簡直好似睇魔術一樣!個Chef真係5秒將個意粉加熱，再加材料炒兩炒，唔駛2分鐘已經ready，鬼佬同事也不禁大叫："Amazing!"共有12款pasta供選擇，價錢由HK$45到$68不等，大食如我的朋友可加$15變加大pasta。不過，今日為咗要試多幾款，一行三人order咗四款：1) Spaghetti Pescatore (Seafood with Tomato Sauce) - 好濃蕃茄同Herb味，雖然明知d海鮮係雪藏既，但都OK喎!2) Spaghetti Carbonara (Cream Sauce with Bacon)- 好creamy，不過唔夠Bacon3) Spaghetti Japonese (Short Neck Clams and Mushrooms) - 材料十足! 夠鮮，比較淡口4) Spaghetti Siciliana (Eggplant & Bacon)- 其實都係用same tomato sauce as Spaghetti P

是一間2樓全白裝修的新店子, 每逢行經天橋時都會見到, 尤其當樓下的the Dublin Jack整層結業正大肆裝修, 在灰塵滾滾下, 這間店子份外顯眼這裡有點近似快餐店的自助形式, 都是要先排隊付款, 但之後只要找個位子坐下, 將發票放在檯上, 便有人端上食物來~其實賣的只有12款意粉, 我點了Spaghetti Bolognese(meat sauce), 同事點了Spaghetti Japonese (short neck clams & shimeji mushrooms), 沒有lunch set, 所以另外要了一冷一熱的camomile tea~意粉是即叫即製的, 新鮮熱辣, 煮得剛好, 口感十足, 可惜份量偏少~ 同事的意粉有很多蜆仔, 十分新鮮, 還有淡淡的清酒味, 不錯~ herb tea不論冷熱都是用茶包的, 味道當然不會有問題~ 既然主打是意粉及花茶, 當然是拿手好戲, 不容有失的~ 但有些地方還是應注意一下1.長方形的舖位, 3邊都是窗, 下午陽光正猛, 所以感覺有點熱~2.既然herb tea是主打之一, 為何只有camomile一種, 而且還是用茶包呢?3