Teddy's Cafe (已結業)

I live near this cafe. I've been there many times. I think it's the best cafe in the area. Coz:1. the food is good2. the price is also reasonable3. it's not so crowded as compared to those in festival walk4. and the people there are really nice and friendlyGood place for tea and dinner with friends or family .

呢到地方雖然細, 但係環境舒服, 佈置好多teddy 狗, 好有心思, 食物都唔錯, 咁偏僻都咁多人知, 佢都幾犀利。

昨晚到餐廳查詢包場攪生日party多少錢, 嘩! minimum charge要四千大元,時間是下午茶時段3:00至5:00, 計一計,下午茶餐都只係每位$30元，40人都只係$1200-1300多元, 假設一轉茶餐坐1小時(好平常),做2轉茶餐都只係$2400-2600,有幾多餐廳可以坐滿客而做2轉茶餐?"老麥"都有哥哥姐姐帶玩遊戲,40人也不需要二千呢! 四千大元很多中環至中半山餐廳包場都可以.

近期城中熱話-- 又一城o既百佳搖身一變成高級超級市場, Taste. 趁今日同家姐都放假, 就齊齊過黎九龍塘見識一下. 逛完之後有d肚餓, 但係又一城又無野o岩食, 諗起好多食家稱讚過, o係又一村o既Teddy's Cafe, 就行過黎食tea. 好彩之前去過liz's, 知呢間cafe就o係佢附近, 所以都幾順利就去到cafe. 一心想試佢地o既暖心朱古力布甸, 點知tea time無得供應. 但係其中一個女仔好好人, 話特別幫我地落單整, 我地就可以一嚐此鎮店甜品.等左大約廿分鐘, 兩個熱騰騰o既暖心朱古力布甸就上檯啦! 緊張一刻-- 一切開個布甸, 暖朱古力漿就緩緩流出黎. 好野, 係佳品! 與a la maison相比, 此店o既暖漿較稀, 無咁濃朱古力, 但係亦因此而較清新, 食完整個都唔覺漏. 伴碟有一塊杏仁薑糖, 薑味幾香, 增加美感之餘亦豐富此甜品o既食味!兩客布甸只係$32 x 2, 仲唔收加一, 好抵! 會再翻炒!

我去Teddy's食嘢個日已經有鹿肉不用等聖誕。一碟有一大舊似牛柳的鹿肉，幾乎沒有根，所以好嫩口。而且一d都不腥，又沒有羶味。脂肪比例少，配上藍梅汁好perfect。這個set dinner價錢差不多要$200，有點貴，但是他們說是從國外入口鹿肉，咁就幾抵，因為我想在其他酒店食要double價錢。食得牛排多的朋友如果覺得悶悶地，便一定要試下呢個菜。

我看到mimi 介紹後就去左呢到tea,結果不失望，呢個mini roll真係好味，真係得幾件唔夠喉。不過我聽到佢地話mini roll 唔係成日有，因為要從外國訂回來，所以我果日去有得食是有點幸運。另外，環境唔錯。

我地一家人是住在附近，所以一星期都最少去呢到1-2次食飯。佢地平日會有中餐，都不錯，最重要是我個女一定要來這裡吃朱古力布丁(激死!)。我就唔覺服務有問題，可能waiter比較年青，經驗當然比不上酒店或幾百蚊一個餐的餐廳吧，但是我已經覺得ok。另外，我知道佢地已經出左聖誕節菜單給客人預先book位，今年有一個很特別的從外國入貨的紅燒鹿排，是他們的捱介。仲有是他們亦有兒童餐，咁我就唔駛留低d 仔女，可以一起食聖誕大餐了。

某個星期六下午, 黎左呢度食tea. tea set選擇唔多, 我地要左三文治同炸薯皮. 前者好行貨, 同茶餐廳既無分別; 後者就似普通炸薯角多過炸薯皮囉. 雖然一個tea set不過廿幾蚊, 唔可以要求太高, 但連熱咖啡都完全唔熱既話, 就好唔掂喎. 同埋唔知係咪果日特別好生意, 要乜無乜, 搞到想order多d都無野好揀.唔得既仲有service, 唔夠人手、等得耐、漏單唔在講, 我見到既兩位waiters, 一個板起面孔, 另一個直頭有d黑面, 仲響客面前講左少少埋怨對方既說話. 咁都算喇, 黑面果個響隔離檯收拾既時候, 我想叫佢啦: "唔該......", 佢無應我, 我咪叫多次囉. 佢既反應係望都唔望我, 對住自己面前張檯話: "講啦!" 咁樣. 於是我用番同樣語氣同佢講:"埋單呀!", 佢先即刻抬起尊頭, 望左我地一眼.莫講話d野唔好食, 好食都無下次.

我昨日去左tea，他們有一款mini roll好好味，好似未見過其他地方有。細細粒嘅蛋糕同埋入面的cream都好香滑，佢地老闆說是從外國訂回來，唔怪之得個tea set份量只有幾件mini roll，有點唔夠喉。

早排反過食午餐,都幾好,不過果時得番兩款午餐,有乜得揀,所以尋晚再去食餐勁.同我阿哥兩個人叫左個海鮮拼盤,有一隻大生蠔,一隻大元貝,兩隻蝦,兩隻青蠔,兩隻田螺,除生蠔外,其他都應該係用水浸熟,青蠔做得幾好,有鮮味,唔太生,亦唔會談到太硬.蝦似乎唔係太新鮮,田螺同元貝就OK啦.跟住有羊鞍,叫左四成熟,佢似乎煮得太生,表面燒熟,但係裏面就太生,肉都完全唔離骨.雖然話要得四成就遇左係生o的啦,不過都唔會生到咁... 依我所知,羊鞍要燒得好,一定唔可以只係燒,多數都會用高温密實袋包住,用60-70度水浸一段時間,最後先用火燒番香表面. 咁整就可以保持o的肉o既彈力,肉汁,唔會血淋淋,又有燒烤o既香味.另外叫左西泠牛扒,五成熟,不過出黎就好似太熟喇,我估大概八成左右,不過塊肉靚,就算太熟,都唔會好硬,肉味亦好.再叫左個"暖蘋果撻配雪糕",做得唔錯,以28蚊可以食到o既甜品黎講,算係一流,同Pepperonis Pizza 果個Apple Crumble 都有得比,不過好似呢度食就平好多.佢杯咖啡都幾好,不過我就唔太多研究,應該係用機打出黎,奶亦有打泡,總之覺得好飲啦.兩個人食左四百幾蚊,係意料之

某個星期日我去下午茶，見到這裡有好多大大小小的teddy狗。原來牠們d主人約埋一齊來這間餐廳gathering。由於餐廳內不准帶狗，佢地就坐在外面d位。剛好天氣不錯，外面d位又有太陽傘，見到佢地好似好開心。tea set有炸薯皮，以為是很skinny的那種，原來是帶d薯仔，所以好肥大，不過都好香口。

今日12時帶童軍仔去九龍仔公園採排，過程就如拋聰明炸彈：丟下就不用理。想起此店評價很好，決定去找找，反正5 時才完。找了九個字後到達女青年會，環境很好但和我估計不同。店內很多狗照片，書架內都是狗刊物，看來店主是人類最好朋友的好朋友。店內以大環保紙當桌布，成本較高但肯定令人客有較好的印象，怎說也一定比桌布衛生，而且也美觀。全身童軍制服的我孤軍深入，不時會留意轉角有沒有黑影，生怕有五百基督青年軍的打手埋伏。餐單只有三款套餐，沒有其他。我要了菠菜汁繪海鮮。前菜是煙雞沙律，不過不失。麵包有兩片之多，但也只是大路貨。反而餐湯有驚喜。是忌廉野菌湯，野菌鮮味全數溶入忌廉湯內，而且野菌極多。如果忌廉多些會更滑吧?主菜整體在水準以上，份量亦足，只是真材實料一項已值回票價。味道不俗但偏淡，是小敗北之處。餐飲和一般廉價餐廳的選擇相若，點了熱啡。在沒有期望下出現驚喜。金黃色的泡沫厚薄適中，分開上的奶竟然有打泡!(即是加熱了)可惜香氣不足，入口略淡，可能是抽取咖啡時不夠熱或者是豆的問題，又或者豆的份量掌握不當吧?我估計是機器本身的問題。不過起碼我仍然願意飛沙走奶喝完它。之後我故意倒些奶到杯內試試，是正宗的淡奶。

我最深刻印象是他們的一味叫"香草燒羊鞍"。一般餐廳的羊鞍是一支支上碟，它卻是以一舊(即不切開)，所以肉汁仍然可以鎖在肉裡。食落去feel到它是以多種醃料醃成，非常入味但又不會搶了羊的鮮味。我試過某大酒店的羊鞍，grill出來後油淋淋之餘卻給自己的醃料搶哂羊肉本身的味道。不知道Teddy's Cafe 用什麼方法去做，反正出來的羊鞍一d都唔油膩。我極力推展給喜歡吃羊肉的朋友。

按「老朋友」介紹昨天去食lunch，我地向waiter要多飯多汁，佢地一d都冇用特別眼光對待我地，而且幫我加到勁大碟之餘仲笑容滿面問我夠唔夠。service不錯!

終於試左新menu啦!果然冇失望。我同3個friends點左1個芝士焗生蠔伴飯，1個帶子燴意大利飯同埋1個牛仔排，湯就轉飲蕃茄湯。首先講個蕃茄湯，係waiter極力推介，飲落一d都唔酸，都有舊白色的巴拿馬芝士(初初仲以為係source cream)，配得prefect! 我食的是帶子燴意大利飯，意大利飯有口感，帶子好新鮮，整碟size有點細可能唔夠大食的男生。我地覺得最正係芝士焗生蠔飯，生蠔一d都唔會因焗過而乾，仲隻隻好大，又肥又有鮮味。烤牛仔排唔同牛排，個樣似白肉，肉質幾幼嫩。haha，我地又點左佢地最出名的朱古力布甸另外加多一個暖酥皮梨批伴雪糕，我自己就特別喜歡暖酥皮梨批。