Texas Burger (已結業)

烤焗芝士栗米脆片（$88)有得揀香草菇菌/香辣肉醬佢個肉醬有小小辣但又有好香芝士味配試炸到脆卜卜既芝士栗米脆片，係幾好既小食Lunch set A （$118)素食牛油果漢堡 配田園沙律本身唔係幾鐘意食素食漢堡，因為之前食過一啲都唔好食但呢個比想像中好食，不過我都係覺得有肉既漢堡好食啲

今日去咗朗豪坊食lunch，咁睇到佢頂樓有間burger店，就試下啦。叫咗lunch set D 墨西哥芝士夾餅2件（$118)我就揀咗軟既牛柳條同燒烤手撕豚肉，牛柳條味道幾好只不過有少少咸，可能係因為佢有太多醬汁關係。不過手撕豚肉就岩岩好。兩個肉都唔會太鞋/韌。不過份量唔係話好多，所以未必夠飽。飲品就加咗$30飲milkshake今日既Daily shake係雜莓奶普Berry love，因為我唔想飲太甜走咗cream，milkshake唔會話係好藥水味，都算唔錯

Texas burger 📍.旺角有一間burger店係E.L好常去既食店🍔雖然鋪頭細細 但幾高質.每次必食既🥑軟殼蟹牛油果牛肉漢堡（$108）炸到酥脆軟殼蟹🦀加埋多重配料食落口感好豐富🥩牛肉厚切 咬落juicy牛油果入口即溶 加埋生菜🥗同惹味醬汁 食落清新唔油膩.🧀熱溶拉可雷特芝士漢堡（$108）厚切牛肉漢堡juicy加埋肉腸🥩啖啖肉 岩哂食肉獸加埋大量芝士 超級heavy😋.加$35仲有薯條🍟酸青瓜同飲品🥤薯條係粗身個隻 炸得香脆有口感雖然整體價格略高💸但質素都幾穩定鐘意食burger既朋友不妨試下💁🏻‍♀️.人均消費：$139美味指數：😋😋😋😋😋😋😋（8.5/10）抵食指數：💰💰💰💰💰💰💰 （8/10）打卡指數：📷📷📷📷📷📷📷（7.5/10）.店名：Texas Burger (旺角)地址：旺角亞皆老街8號朗豪坊12樓1A號舖.

來了兩次這間餐廳，一來覺得貪環境好坐多過想念這裡食物想再食吧，加上覺得價錢都合理先再黎。晚上閒日的6時半來到都不用等位，大概食完出黎7點左右就已經勁多人排隊，沒想到咁多人，這間未必係非食不可，多人我都一定走人唔等。不過值得我再來是飽份量非常足夠，食完一份餐是飽肚的餐廳我都會再來，只因我來吃東西第一個最簡單目的是要吃飽吧。由於個飽好大個，薯條就算唔太多都不覺得有問題，哈哈。不過整體來說burger醬汁都幾多，中間的配料已有味，而且是味精都非常之重，兩次來都有叫飲品，但吃完後都非常口渴.......愛清淡的人千萬不要來，必定受不了我下次再來必定要是走哂啲醬吧......

又到旺角，沿住朗豪坊中庭兩條長電梯，左手邊就見到Texas Burger，Texas Burger算係我喺香港食咁多漢堡嚟講算係最出色，環境因為限聚令而有好多膠板頂住視線。入返正題，今次叫咗藍芝士漢堡套餐配飲黑牛。.藍芝士漢堡評分：🌟🌟🌟🌟🌟一個字：出色。成個漢堡又高又大，放棄咗用手而用刀叉進食。(懶係嘢)佢啲藍芝士係幾香而且幾好味，另外，佢哋嘅漢堡肉都幾厚，而且煎得Juicy亦唔會太熟，啲肉唔會太乾太嚡。.薯條評分：🌟🌟🌟合格分數嘅薯條，薯條唔太熱，唔太脆同唔太厚肉。.酸瓜評分：🌟🌟🌟傳統美式，有舊酸瓜咬，但可能唔係浸太耐，冇乜酸味，喺咁濃味嘅食物唔太突出。.黑牛評分：🌟🌟🌟🌟🌟首先黑牛唔係度度有得飲，牛奶雪糕配可樂，雪糕裏面嘅成份可以增加可樂裏面嘅二氧化碳，而致有好多汽，所以飲黑牛好爽。

到步時18：00, 客人不多，當時侍應several我哋入座，說明限時60分鐘，已經唔係好想食，但因老公想試openrice又多好評所以照入坐低後點餐，限時但侍應都不主動來下單，仲喺度圍埋傾計到有位短曲髮侍應嚟落單原本叫龍蝦堡但因限量售完，咁我哋就轉左其他漢堡一人一個，該侍應問我哋要唔要跟餐，當時我哋睇緊要轉邊款漢堡，侍應小姐不斷咁講跟餐最後嗰頁其他飲品，我答佢我要睇轉咩包佢先停之後我話轉餐，佢問要咩飲品，我話要梳打，佢話要加12蚊，我問36蚊餐跟咩嘢飲，佢即不耐煩咁答其他飲品，因佢嘅態度所以我話唔使，跟住佢侍應同我哋講每人最低消費80蚊，我即話夠架，一人一個包喎，侍應小姐問仲有咩包，其實我哋一早講咗只係佢係咁同我哋講住跟餐其他飲品就無聽我哋講嘢🙄包嚟到其中一個，食完另一個都未嚟，等多10分鐘左右，侍應小姐問，你哋d嘢食係咪齊晒，當時枱面得一隻碟，我即問你話呢，該侍應就話我想問你哋係咪齊咗嘢食者，我話你哋check唔到單咩，之後佢話check到，緊住就行咗去無理我哋我再等多5分鐘，我問係咪即係漏咗單，該侍應話係廚房漏咗，依家整返俾你，我話你哋限我60分鐘，依家過咗大半個鐘我點食？該侍應

未到Lunch Hour經過唔洗等位, 又有Lunch Set, 就打算去試下叫左2個Lunch SetBBQ Pulled Pork Burger 豚肉漢堡 &Triple Cheese Beef Burger 三重芝士牛肉漢堡跟餐有湯, 飲品, 同沙律/薯條漢堡個SIZE比想像中細好多豚肉漢堡雖然都幾特別, 但唔算好有驚喜, 因為有D乾三重芝士牛肉漢堡 唔係好覺得芝士味叫做三重, 個牛都麻麻地反而跟餐個湯同個薯條都幾好食飲品就叫左橙汁同黑牛黑牛個coke底唔知係唔係加左水定太多冰, 好淡但係個雪糕係好食GE不過呢個價錢黎講野食唔係太抵，不過環境幾好，如果夜晚應該仲靚

係旺角想搵間好味ge 漢堡包店唔難不過想搵間又chill又好味Ge就有小小難度，今日要推介Texas Burger 🍔 比大家，佢好易搵到，就係朗豪坊13樓Lego 對面，餐廳環境開陽，而且個頂有自然光，成個環境特別舒服！而且佢啲漢堡包都幾好食😋今日我就揀咗軟殼蟹牛油果醬漢堡包加個Berry lovers, 佢個burger d軟殼蟹同牛肉都好出味，食落味道豐富而且塊牛肉都好juicy 😋唯一略嫌佢個牛油果醬啲牛油果唔係好食得出牛油果嘅味道，至於佢個berry lover 都唔錯飲得出好多berry’s 味道！ 總括間餐廳環境唔錯食物質素都可以值得大家嚟一試！👍🏾

是咁的~機緣巧合下同女朋友仔包黎到旺角，其實一直都想同佢一齊試呢間不過之前就因為各種原因冇黎到，今次難得兩個人夜晚喺旺角食飯，一於黎試下啦其實呢到最出名係食burger, 但由於我地兩個都仲係飽飽地所以就唔係咁想食burger喇之前食過間墨西哥菜嘅餐廳都發覺墨西哥菜幾特別都幾好食，所以最後決定食墨西哥菜啦因為真係飽飽地，所以叫左一份burrito一件Taco同一份水牛城雞翼首先黎到嘅係雞翼水牛城雞翼嘅做法五花八門，而且辣度都係各有各做，呢到嘅雞翼就係用烤焗嘅方式而唔係炸嘅方法，咁做雖然冇咁酥脆但優點係冇咁油膩亦冇咁熱氣餐廳先係醃好左d雞翼然後再去焗，既能夠保存雞翼肉汁而醃料亦唔會咁易流失水牛城雞翼嘅辣係愈食愈滋味，愈辣愈想食多隻果種惹味！Taco，係一種好傳統嘅墨西哥夾餅，好多時喺香港見到都係用粟米脆片夾住d餡咁食，不過呢到有軟餅就梗係食軟餅皮，因為我鐘意呢種皮煙韌嘅口感，而粟米脆片就好似一路食佢d餡一路食薯片咁怪怪地呢到嘅餡可以自選，咁我地揀左烤牛肉，貪佢有股油香味呀嘛而傳統嘅Taco除左肉仲會有好多配料，例如係蕃茄、包心菜絲、唔同嘅醬汁等等而呢到嘅Taco都做得到，用料幾出色食落清

到朗豪坊就食吓Texas Burger, 朋友話一直想食放工後去食，叫咗Burger同墨西哥卷🌮️墨西哥卷可以每邊都唔同味，叫咗雞肉同三文魚（好似係，除非唔係）🤣，我覺得墨西哥卷好食過burger，因為本人鍾意食墨西哥野，少少辣，料多加上軟軟嘅皮，超鍾意❤️朋友叫咗牛肉burger, 試咗下都唔錯，肉多汁，份量夠，薯條夠粗夠大條，唔係m記啲膠條最可惜係奶昔賣晒，無得試，唯有下次啦！環境係天幕下，帶少少情調啦！

朗豪坊天幕下有一間著名美式漢堡店Texas Burger🍔望著天幕食burger超有fu燒龍蝦溶岩芝士牛肉漢堡: 由燒原隻南非龍蝦🦞、自家製牛肉漢堡扒🥯製成，龍蝦新鮮肉質彈牙，漢堡扒肉味濃郁，配上美國岩漿芝士🧀一流。薯條厚切，炸得香脆可口水牛城雞翼: 這天剛好沒有棒棒雞換成單骨雞翼，更方便食用，雞翼炸得香脆，不會乾身或太油，肉質juicy，配辣汁同酸忌廉兩款醬汁北海道香煎帶子番茄意大利麵🍝: 香煎帶子大大粒，很足料，肉質鮮甜彈牙，意粉軟硬適中👍🏻Berry Love: 由粉色的雜莓雪糕、木莓和忌廉製成，忌廉上有隻小蝴蝶，好可愛。奶昔帶有淡淡清香的莓味，不會太甜Pina Colada: 由椰子雪糕🥥、菠蘿🍍和忌廉製成，味道比Berry Love稍甜，奶味較濃.Texas Burger📍旺角亞皆老街8號朗豪坊12樓1A號舖#texasburger .

🍔漢堡日！沒有M記的日子，朋友好想食burger，所以就搵下邊度有「黃」嘅漢堡，就揾到#texasburgerhk 。朋友話佢先前喺天后都有分店，但而家已經無咗。我哋兩個人，一人點一個餐，同一個小食。德州燒烤牛肉漢堡 $88Texas BBQ Beef Burger【第一相】哩但burger睇落好似細啲，的確無Blue Cheese嗰個咁豐富，但都唔錯。哩個burger 用嘅係甜甜嘅燒汁，牛肉漢堡扒雖然唔juicy，但非常厚實，有分量。水牛城炸雞翼及棒棒雞$58USA Buffalo Wings & Lollipops 【第二張相】今次全都係雞翼，因為啱啱無晒棒棒。哩個雞翼外脆入面多汁，真係一上枱就要食，唔係就會凍左，無咁好食。佢個辣汁，唔係太辣，應該好多人都食到。藍芝士牛肉漢堡$88Danish Blue Cheese Beef Burger【第三張相】個角度影得比較衰，其實佢啲芝士係漏岀黎架，好香濃。加埋炸洋蔥圈同塊bacon ，的確豐富，但塊牛肉就無想像中juicy。 【第四張相】我哋每人都加左$36變套餐，有飲品、薯條同酸瓜。薯條係粗方形嗰隻，🉐！🈲唯一美中不足嘅係，店員跌左條

Texas Burger今日就黎到旺角做嘢由於疫情影響朗豪坊人流相對較少想食個靜靜哋又快靚正嘅午餐於是就上咗去天幕下嘅Texas Burger環境空曠舒適唔在講商場人流較少感覺relax-🔅Triple cheese beef burger $118(Lunch set)幾時都話外國嘅漢堡係比較地道有風味口味較濃烈麵包鬆軟香口漢堡厚身質感實在充滿芝士同油香另配薯條餐湯真係超滿足粗薯條炸得脆口唔油膩🔅Daily Shake $30呢款雜莓奶昔非常香滑忌廉超多岩曬鍾意甜食嘅朋友飲完超滿足

響應抗疫，由自己開始做好，外出要戴口罩，勤用鹼液洗手，時刻保持衛生，唔好聚會，自己外出，做完正經事就返屋企，自己買外賣返屋企食今次用咗OpenRice Apps購買外賣自取有八折優惠我依家咁叫法，如果堂食嘅話加埋一，起碼要$280埋單，而家外賣自取$207，慳咗$70 ，可以買多一個外賣藍芝士漢堡包OpenRice外賣自取價：燒龍蝦溶岩芝士牛肉漢堡148元加58.40元有是日奶昔+薯條+酸瓜是日奶昔是雜莓奶昔，我攞咗奶昔飲左先，再慢慢等個漢堡做好，同佢講而家飲加Whipped Cream，雜莓奶昔好滑，唔酸，又唔過甜，非常啱我飲薯條正正常常，冇特別驚喜酸瓜有半條，都幾好味，酸度恰當，沒有過酸的情況燒龍蝦溶岩芝士牛肉漢堡好簡單嘅配搭：有麵包、生洋蔥、龍蝦、漢堡肉、菜、醬汁；龍蝦煮得過熟，硬硬地；漢堡肉，嫩滑，煎得啱啱好；菜好苦，係我食過最差嘅菜；醬汁好稀，辣辣地幾醒胃；說好的溶岩芝士究竟喺邊？唔通就係呢一啲稀坑坑嘅醬汁，失望咗啲囉，聽個名，我以為係有好大劈嘅熱熔芝士，堂食有個龍蝦頭上埋碟，外賣係冇頭跟㗎。

服務員比錯餐，朋友冇留意，落咗刀先知原來係牛肉burger，但我同朋友都唔食牛。之後我拎張單出去同服務員講佢拎錯餐比我，我都有say sorry話切開咗先知。點知佢答我: 我知呀！我仲見到你地切開咗tim！你地食牛既話就食咗佢啦！我個下好無奈，就答佢: 我地就係唔食牛，所以先叫一個雞肉同一個豬肉既burger。之後服務員面露不悅地拎番個雞肉burger同我換。其實間野既食物真係唔錯，特別係個雞肉burger，但佢既態度令我唔想再去。因為佢好明顯係知比錯咗餐比我地，但居然冇主動黎換，仲想我地食咗佢就算，一句唔好意思都冇講過，語氣仲好差...