Texas Burger (已結業)

朗豪坊呢間美式漢堡包店抵食又好味，而且係良心黃店，值得支持呀💛推介大家同朋友gathering，必定要嚟試吓喔😉漢堡包可單點或跟套餐...套餐有薯條🍟+酸青瓜🥒+飲品🥤價錢由$36-$66不等，視乎飲品款式而定⁣⁣🍔德州燒烤牛肉漢堡 ($72）包身烘得微燶，超香口咬落層次豐富，極具口感漢堡扒厚厚的，肉味香濃又夠juicy😋跟餐嘅薯條🍟新鮮熱辣炸起，外脆內軟，好食過金拱門多多聲呢！食完薯條，嘆番條原條酸青瓜，解膩一流💯🍔水牛城香辣炸雞芝士漢堡（$78）食過番尋味，今次又再order喔😍漢堡包夾住兩大件炸雞，香脆肉嫩重點係辣勁十足，我至愛呀🌶❤️再加埋兩大片芝士，正❣️🌮墨西哥手撕雞芝士煎餅（$78）煎餅軟身，中間夾住雞肉&芝士🧀面頭有牛油果蓉、蕃茄&辣椒Salsa醬，酸酸微微，非常滋味！

餐廳位於朗豪坊最高層，鋪面唔大，所以都好大機會要排隊。一行６人，叫左好多個burger，我自己就點左藍芝士牛肉漢堡，個牛肉好好食，聽講係即叫即做，藍芝士非常濃烈，唔似坊間號稱藍芝士但無乜味咁，大家叫之前要有心理準備，藍芝士配牛肉，正！朋友叫左個龍蝦溶岩芝士漢堡，試左佢一舊龍蝦，好新鮮，好彈牙，都幾大舊，感覺上好似佢嗰個好食Ｄ另外有朋友叫左軟殼蟹漢堡，我無試，但佢地話好好食。整體黎講係唔錯，但一個牛肉漢堡加薯條野飲大概$150，抵唔抵就真係見仁見智。反而龍蝦漢堡個餐$200左右，我覺得龍蝦堡好似抵食Ｄ。

今晚忽然漢堡包隠又起，又咁啱有個外國朋友嚟咗香港，佢食咗幾日中菜開始有啲思鄉病，想食返啲外國野，又唔可以太Hea，唔通帶佢食麥炸雞咩。我就即刻諗起上次食過既Texas Burger ！ 朋友一去到已經好驚嘆餐廳嘅環境，喺天幕下食漢堡包、薯條飲汽水真係好有feel架，佢話係外國都未試過呀！今次因為請朋友嘅關係所以食好啲，我哋叫咗最貴嘅龍蝦漢堡set，淨睇賣相已經一流，Burger好足料，啲龍蝦幾新鮮彈牙，牛肉都好juicy，再配埋熔岩芝士真係無得輸！ 另外，我地亦叫咗水牛城雞翼，份量適中，炸得岩岩好脆卜卜，唔太乾或太油，肉質又鬆軟，配埋2種醬汁 ，食完一d罪悪感都冇。 最後當然唔少得甜品啦！我哋就叫咗冰鎮牛朱古力蛋糕新地，唔好以為呢度淨係食burger 先有水凖，驚喜係一浪接一浪！蛋糕朱古力味濃厚，但甜而不漏，溫暖的蛋糕配上香滑的雲呢拿雪糕，再加上星星糖的點綴，竟然沒有違和感!

食過一次一直念念不忘，奈何經常看到店外大排長龍，遲遲未能再回味一番。適逢這天早收工，終可避開人潮成功入座。我們所點的兩款漢堡均賣相不錯，煙燻鴨肝牛肉漢堡甚有水準，麵包好挺身，烘得金黃，咬落香脆。鴨肝外層帶脆口，內裡啖啖油香，還滲透至整個漢堡。牛肉相當厚身，而且非常juicy，牛味十足，夾住新鮮蔬菜，口感豐富又清新，加上半溶邪惡芝士更是惹味。軟殼蟹牛油果牛肉漢堡都好特別，軟殼蟹好香脆，啖啖肉，配上軟滑牛油果，出奇地夾，又有清新感，好有驚喜，再加塊juicy牛肉，口感非常豐富！升級套餐包薯條、酸青瓜及飲品。薯條夠脆，好重薯味，十分滋味。大大條的酸青瓜一解油膩感。蜜桃菠蘿梳打有啖啖香甜果味，好清新，解渴解膩一流。

今日的同朋友去左朗豪坊12樓既Texas Burger食飯，餐廳半開放式設計？樓底高，夠開揚，裝修都幾靚，卡位半包形式都幾有私密感。香蒜巴馬臣薯條香蒜舖係薯條面，再加巴馬臣芝士醬，一個好香口又穩陣既小食，份量中等。水牛城雞翼及棒棒雞依個一上黎係有少少失望，因為食開既水牛城雞翼都係已經沾好醬，而且睇名會以後係兩款唔同煮法既雞翼，可惜一上原來只係普通炸雞翼，再加兩款汁，一個水牛城一個藍芝士。不過食落都唔差，但要趁熱食，凍左個皮就唔脆。墨西哥風味雜錦沙律依個沙律配料好豐富，有大蝦、牛油果、奇異果、紅椒、西班牙香腸同粟米。未試過依種配搭，食落好fresh，味道清新，大蝦烤到外皮酥脆，連沙律一齊食，感覺就無咁邪惡。煙燻英國車打芝士牛肉漢堡漢堡包加左牛油烘，外脆內軟，係我鍾意既包身。牛肉厚身有肉汁，配埋被熱力溶化左既車打芝士，啖啖滋味。冰鎮朱古力蛋糕新地同圖片有少少出入，本身擔心會伏，點知食落又OK！Brownie咬落去半硬半軟，仲有少少流心感覺，同雪糕一冷一熱，平衡叔Brownie既漏，係唔錯既甜品選擇。

份量好大，男人都會夠食，豬牛雞魚咩都有。我見有啲客仲order咗甜品，類似crepe加雪糕球，又有啲BBQ排嗰啲，下次就去試下。上圖先係唔係好正呢？塊芝士勁正，大大塊，好過麥記啲3分之1塊嘅芝士先喇，對唔對呀？而且芝士味好濃好香，食得岀唔係平嘢，應該唔係福喜岀品先 sosad 塊肉好厚好juicy. 我本身唔鐘意食牛肉，都覺得好正最surprised係個薯條，唔好以為望落好淡味咁，其實好濃，而且炸得好脆。唔會好似連鎖咁半條脆，半條冧哂 :0)

Burger是過了一段時間就會想念的美食，某天在旺角又生了這個念頭，於是到位於朗豪坊12樓的Texas Burger。餐牌選擇多元化，都是美式風格的食物。燒龍蝦芝士牛肉漢堡 材料有燒原隻南非龍蝦肉、自家製牛肉漢堡扒、美國岩漿芝士汁、醃紫洋蔥片、有機芝麻生菜，龍蝦肉厚而且爽口彈牙，牛肉肉質鬆化，肉汁豐富，牛肉味也濃郁，一口咬下充滿著肉汁，加上岩漿芝士汁，入口即溶，襯以清新的洋蔥片和有機芝麻生菜，非常不錯。手撕豚肉及煎腩肉漢堡 手撕豚肉加上煎香了的腩肉，口感豐富。加$36 升級套餐，有飲品，香脆熱辣的炸薯條和酸青瓜，非常豐富。墨西哥芝士夾餅 餡料選擇了雞肉，肉質鮮嫩多汁配上牛油果蕃茄莎莎，軟皮剛好把所有食材包在一起，令你一口品嚐到多種不同的口感。整體食物滿意，但略嫌人手不足，等候時間過長和安排帶點混亂。

漢堡一直都係我至愛而美國可以話係將漢堡發揚光大既地方所以今日就黎食呢間美式漢堡價錢不過不失但選擇都唔少最重要係有香港好少見既墨西哥夾餅Tacos德州燒烤牛肉漢堡漢堡材料好豐富除左少不了既漢堡扒，同常見既生菜、煙肉、芝士之外最特別係有洋蔥圈，令口感更有層次德式漢堡既不同之處係佢會燒到有少少焦香令味道除左ＪＵＩＣＹ既肉汁之外更豐富薯條新鮮炸起熱辣辣仲炸得外脆內軟，薯味香濃手撕雞、燒烤手撕豚肉墨西哥芝士夾餅(軟皮)以前睇smosh果陣成日見佢地食Tacos成日講到好好食咁已經好想食今日終於食到夾餅好軟熟，而且有淡淡香味亦因為咁，令佢配上濃味既肉類會好夾呢到既手撕雞同燒烤手撕豚肉份量都好足而且味道夠晒惹味綠茶窩夫奶昔玩味十足既一杯奶昔，打卡一流一杯野做齊飲品同甜品抵啦而且窩夫份量都夠兩個人食奶昔都幾ＣＲＥＡＭＹ黑牛好懷舊既飲品雪糕幾軟滑撈埋可樂令可樂多左份幼滑埋單$385每人兩舊水唔洗，抵食

朗豪坊高層原來有間食burger 既餐廳，環境舒適，食物又好味，以後又多個地方可以約朋友啦！呢度食物選擇好多元化，除左漢堡外，原來仲有好多選擇，包括沙律、墨西哥tacos、小食&甜品。今次第一次黎食，當然要試左burger先啦。磚塊芝士漢堡估唔到漢堡都可以整到成個lego咁，好特別，好適合黎打卡。麵包顏色按當天供應而定，而今日就係橙色～漢堡材料豐富，有juicy漢堡扒、牛味重既玉香薰牛肉、加上車打芝士和生菜，味道真係好有層次！煙燻鵝肝牛肉漢堡漢堡麵包皮脆，加上煙燻過後肥美既鵝肝、juicy厚切既牛肉，同埋半溶芝士，可以一次食曬我想食既野，大滿足！抹茶奶昔拼窩夫抹茶奶昔好大杯！口感似飲緊沙冰，好香滑，而味道就奶味濃，唔會太甜，Good！加上上面兩塊外脆內軟既厚窩夫同士多啤梨，好滿意！

在朗豪坊睇戲前去食 burger，晚上去都幾爆，龍好長，好彩有訂枱，限時60mins交枱。新出的Lego burger 好得意，bread color 仲係random，充滿surprise。磚塊芝士漢堡($88) + $36 combo ( fries、 pickle、coke)今次食到藍色，真係成個lego玩具咁，餡好豐富，有漢堡扒、車打芝士、、生菜，漢堡扒煎得剛好，仲肉汁爆滿，結合半溶的芝士，非常滿足。藍芝士牛肉漢堡($88)除左有漢堡扒，仲有onion ring和bacon，bun好鬆軟，如果blue cheese可以再多d就好。卡萊羅納燒烤骨($148/4slabs)附薯條，baby ribs肉又嫩又入味，bbq sauce唔會太多，薯條即炸的，熱辣辣，十分香脆。

係朗豪坊最高層見到呢間食漢堡專門店好多人排隊等食。我又走過去睇下有咩咁吸引先。見到人地食個啲漢堡都幾巨形又真係好似好好味咁。我地又排下先。人多所以餐廳有限時70mins.所以唔會話要等好耐。環境都幾好，因為係露天開放式咁既座位，商場最高層既裝潢都夠哂靚。有好多漢堡包🍔選擇，食素者亦唔洗擔心，佢有供應無肉漢堡包🍔。又幾好喎！我地就叫左兩款既漢堡，另外可以加錢轉set,咁就配野飲，酸瓜同粗薯條喇！ 煙燻鴨肝牛肉漢堡😋😋鐘意食鴨肝就岩哂，佢煎到鴨肝外脆內嫩，逼哂啲油流落漢堡度，夠哂香呀！個漢堡都好夠厚肉，肉汁好juicy!一啖咬落口，太滿足了！牛油果🥑軟殻蟹牛肉漢堡🍔呢個配搭都幾好！牛油果可以中和一下油膩感，食落好清新！軟殻蟹炸到好香脆，好味😋😋再配埋牛肉漢堡，真係多層享受呀！再配埋粗薯條🍟真係好滋味呀😎😎

朋友今日特登約我黎旺角朗豪坊頂樓試呢間Burger，好彩早黎，我地入座左10分鐘就已經排緊隊。我地叫左2個漢堡🍔餐，餐內包左汽水+薯條+酸青瓜。🔅藍芝士牛肉漢堡餐麵包烤過熱辣辣，外脆內軟，牛肉牛咪濃郁但又不失軟嫩，吾係一般好粗糙的漢堡，配上超級邪惡的藍芝士，每一啖麵係罪疚感與幸福感的爭扎，另外漢堡上有煎香左的脆脆煙肉同埋炸洋蔥圈，口感同滋味同好豐富。🔅德州燒烤牛肉漢堡餐麵包麵係炸過，所以外脆內軟。牛肉漢堡與上面形容一樣，重點在於燒烤醬同芥茉醬又係將牛肉昇華的朋友，香濃的燒烤醬同微辣的芥茉醬將濃濃的牛肉味再倍升，超正。🔅水牛城炸雞翼及棒棒雞炸得香脆的雞翼同雞鎚配上辣汁，越食越想食，食吾停口，必叫。😋味道：7/10🙃回頭：7/10💰消費：$150（每人）

老公鍾意食漢堡包，所以平時佢放假，我都會帶佢去唔同嘅漢堡包店試下今次就嚟到我都食過嘅texas burger，位於朗豪坊商場嘅頂樓，氣氛幾休閒。除咗漢堡包，仲有唔少主食，墨西哥食物，甜品同飲品都好出名㗎。今次就試下煙燻鴨肝牛肉漢堡，漢堡超級juicy，入面塊鴨肝非常香，油脂豐富，配牛肉食真係冇得彈，加36蚊仲有飲品同薯條。 另外再叫咗個北海道香煎帶子青蕃茄意大利粉，帶子煎到黃金色，裡面嫩滑，意大利粉酸酸辣辣好開胃，食物味道有水準！

好一段時間沒在朗豪坊開餐，這晚一試位於十二樓的Texas Burger。受惠於極高樓底，這開放式設計餐廳更見開揚。少了侷促感覺，也許更切合美國當地風格。部份卡位設計别緻，但有人數限制；當晚入座人數不足，無緣享用别緻卡位。餐廳名為Texas Burger，當然以漢堡為賣點。 此外還有很多美式美食。點了一客軟殼蟹牛油果牛肉漢堡。 八隻蟹腳營造了一個很有霸氣的畫面。 由於是即叫即製的關係， 當然要稍等一會， 軟殼蟹新鮮炸起香脆到不得了， 味道濃淡得宜， 加上豐富的牛油果醬， 口感更加細滑。 配合份量十足的牛肉漢堡扒， 和非常厚身的麵包，以及蔬菜等配料， 整個漢堡非常飽肚， 大概是美式餐常見份量。漢堡包可以配作套餐。 這是配搭薯條和酸瓜 的套餐。 薯條的必然配搭就是茄汁。這款粗身薯條很切合個人口味。 薯條上面帶著薯皮 ，口感更加吸引。配搭了特飲黑牛，即是牛奶雪糕和可樂。 這款牛奶雪糕 奶味挺濃， 非常柔滑。 整杯份量夠多， 完全滿足了！

今次要推薦呢間位於朗豪坊12樓的「Texas Burger」，餐廳採用半開放式露天座位，陽光得以穿透進餐廳裏，感覺悠閒舒適，適合黎嘆返個Brunch or Dinner餐牌上嘅選擇以美式漢堡或墨西哥美食為主，另外也有限時優惠：磚塊芝士漢堡🍔，賣相好吸引哦迷你蟹餅配芒果莎莎蟹餅有三件，口感棉滑，啖啖都係真蟹肉！芒果莎莎加左蕃茄同香草，酸酸甜甜，好醒神開胃，同鮮蟹肉嘅味道好夾呢墨西哥芝士餡餅Quesadilla可以選擇配手撕豬肉、炒菌燒甜椒或烤雞，最後揀左呢個比較健康嘅素菜餡料：炒菌燒甜椒。餡餅皮烘至微微香脆，裏面包着新鮮雜菌同甜椒，口感同味道都好豐富，加上適量芝士，芝香四溢煙燻英國車打芝士牛肉漢堡牛肉漢堡好juicy，滿有牛肉香，配上半溶嘅煙燻英國車打芝士，芝味香濃，邪惡又美味！中間夾左番茄同生菜，減低左油膩感👍🏻旁邊金黃香脆嘅炸薯條好新鮮，熱辣辣，薯肉飽滿熱檸檬茶清香檸檬配上濃度剛好的紅茶☕️去脂解膩芋香窩夫奶昔賣相好吸引，非常適合影相打卡！面上係草莓忌廉窩夫，草莓🍓好新鮮，但略嫌窩夫硬左少少。粉紫色的芋香奶昔入口好幼滑，散發著陣陣香芋味，唔會太甜，好好飲呢！