Texas Burger (已結業)

又到聖誕，又到聖誕🎄仲有一日就到平安夜，當然要去食返d好野，準備下靚靚既心情慶聖誕啦！今日就選擇左去朗豪坊，又方便又多野食，最後選擇左食最愛既burger，Texas burger絕對係其中一個選擇！環境黎講，坐得幾舒服，不過限時70分鐘價錢適中都有好多唔同既選擇賣相一流，岩哂我地呢d香港女孩打卡啦！老公叫左一個burger套餐！煙燻英國車打芝士牛肉漢堡加$66多一杯cocktail，薯條&酸瓜Burger 入面有脆卜卜既煙肉同洋蔥圈麵包皮微暖軟熟，酸汁開胃，最典型既burger，好好食而我就叫左一個藍芝士牛肉漢堡長長既芝士拉絲超香濃漢堡好juicy，有返咁上下既厚度，煎到少少燶，好香好有口感另外加左一份咸蛋黃薯條，雜莓甜酸醬既味道好特別咸蛋黃味道唔算太重味道，足以令人一食再食，食唔停口加返一杯blue margarita 就係顏色都已經好fantastic酒精濃度偏高，酒味較重不過有少少檸檬味道老公就話好好飲而我就好奢侈咁叫左杯milkshake 賣相勁得士多啤梨切得勁有心思，靚到唔捨得食格仔餅雖然唔算好脆，但夠哂飽肚Milkshake 有少少綠茶味，偏甜，但都接受到重點係可以打卡影

次次去朗豪坊行到最頂嘅時候都會見到呢間細細地但裝修好靚嘅餐廳，今日終於有機會同朋友嚟食吓！🥰我哋每人都叫咗一個burger，再share左一份沙律同埋蛋糕🍰我食嘅係水牛城香辣炸雞芝士漢堡$78 ，雖然佢係話香辣，但係其實個辣只係微微嘅辣味，相信唔食辣嘅朋友叫佢都絕對冇問題。而且佢嘅炸皮唔會好厚，炸雞嘅厚度適中，好啱放喺burger入面，加埋其他配菜一齊食真係好夾好好味！燒龍蝦熔岩芝士牛肉漢堡$168 嘅賣相絕對係一流，見到隻龍蝦係個碟上面都流晒口水，食落就更加係新鮮美味。講到最有特色當然唔少得brick burger$88 ,佢唔似一般嘅漢堡包咁嘅樣，佢個包係設計到好似Lego咁嘅樣，見到都覺得好得意！而且食落去嘅肉質都好鮮嫩㗎！飲品方面我哋叫咗綠茶窩夫奶昔，$98有晒甜品同埋飲品，個窩夫係喺杯奶昔嘅杯上面，一路食嘅時候可以點下啲綠茶奶昔，令到個窩夫嘅味道更加豐富！最後就係彩虹千層雲呢拿蛋糕$48，雖然佢睇落同普通嘅千層蛋糕差唔多樣，但係就有啲好香甜嘅蜜糖味，食完都覺得好滿足！

今天去了朗豪坊看電影，完了去看看頂樓的Lego store 走了一圈，走的時候給我發現了這美式餐廳。餐廳在頂層，以開放式為主，空間感很強，而且食物都是以漢堡為主。讓人有種在街頭上吃小吃的感覺。藍芝士牛肉漢堡，跟餐有薯條同飲品，漢堡有著濃濃的芝士味，牛肉也很大塊，整體來說很抵食。飲品選了紅莓奶昔，在街上比較少見到。手撕豚肉及煎腩肉漢堡，是一個充滿肉汁的漢堡，咬著很有層次級，吃肉獸一定喜歡。墨西哥芝士夾餅，一個是燒牛肉，令一個是雜菌，每一個都有很多新鮮藩茄，不會太單調更強化了口感。美式咖啡，很香濃，但不夠其他美食出色。

大半年前嚟過呢度食burger，今次食過番尋味舊地重遊，水準依舊出色。今次見到有新burger，個外貌好吸引，就係磚塊芝士漢堡啦，同對面Lego店相映成趣，唔知店主係咪手對面嘅Lego店啟發嘅呢！Lego burger嘅麵包造成Lego嘅樣子，有三隻色，好可愛，餡料基本上係一樣，有漢堡扒、薰牛肉、芝士同生菜。麵包烘到脆脆的，但唔會乾身。漢堡扒、薰牛肉、芝士同生菜配合得好好，好有層次感。基本上呢個Lego burger都幾適合女士，食完個包唔會太飽，咁就可以食其他嘢啦！另外朋友亦點左軟殼蟹牛油果醬牛肉漢堡，漢堡勁厚身，要雙手才能拿穩。脆脆的軟殼蟹配上厚厚的牛肉，加上牛油果醬和熱溶了的芝士，每咬一口都有以上食物在口腔，濃濃的味道衝擊著味蕾，正！我哋仲叫咗個水牛城棒棒雞，個炸雞炸到脆卜卜，雞肉依然保持到juicy，我最欣賞其實係個醬，有Blue cheese 同埋甜酸醬， Blue cheese 尤其出色，我覺得食炸雞除咗個雞重要之外，醬汁其實都好重要！呢度既食物永遠沒有令我失望，下次一定再嚟！

好耐都冇食過美式漢堡，見到朋友推薦朗豪坊有間Texas Burger好似好正，忍唔住黎試吓！呢度最招牌嘅就係燒龍蝦熔岩芝士牛肉漢堡😍由於芝士要做到流心嘅效果，所以冇平時一般食到嘅咁杰身。有圖有真相一大舊龍蝦肉一開二夾喺漢堡包入邊，唔單止啖啖肉而且好多肉汁，超正！牛肉漢堡牛味濃郁又juicy,開埋火箭菜同埋洋蔥一齊食,真係絕配!鍾意食龍蝦嘅朋友一定要試吓!金黃鹹蛋黃薯條配雜莓甜酸醬鹹蛋黃薯條冇想像中咁咸香，反而帶少少甜甜地，再配埋個雜莓甜酸醬，味道都幾特別！香煎牛腹扒沙律呢個真係有驚喜，牛腹肉裏面仲係鮮明嘅粉紅色，調味有啲似新疆串燒咁好惹味，配埋清新嘅野菜沙律形成咗強烈嘅味覺對比，我同朋友都覺得呢個好好味😋美式餐廳一定要配返一杯奶昔Green tea Waffle milk shake 有得飲又有得食嘅甜品+飲品，唔單止造型靚而且上面嘅水果都好新鮮，奶昔雖然係有綠茶味，但一如印象中都係偏甜嘅！就破戒一次😝

朗豪坊12樓有一間漢堡專門店，仲可以望到個天幕。今次本身專登為左Brick Burger先黎，不過好可惜已經賣換，所以想食既朋友真係要早少少黎燒龍蝦溶岩芝士牛肉漢堡 $168(美味指數: 😋😋😋😋😋)剩係個賣相就已經滿分，漢堡包好大一個，仲有原隻南非龍蝦頭🤗漢堡入面龍蝦肉好厚實，自製牛肉漢堡扒都好juicy，配埋岩漿芝士汁簡直就係邪惡既化身😈Combo (薯條、飲品) $66(美味指數: 😋😋😋😋)加$66蚊就可以加配埋薯條飲品combo，我地揀左杯Margarita，夢幻藍色同熊仔軟糖🤩，加埋鹽邊甘classic既飲法，未飲都醉醉地🤪，雖然係跟餐加配，但酒精既份量一d都唔少👍綠茶窩夫奶昔 $98(美味指數: 😋😋😋)女生最愛打卡飲品💁‍♀️，綠茶味好濃同奶味配搭都岩岩好，不過美中不足既地方係窩夫太硬，好難切開亦比較難咬😥水牛城炸雞翼及棒棒雞 $58(美味指數: 😋😋😋😋)有兩件雞翼兩件雞槌，仲有兩配醬配搭，分別係水牛城醬同藍芝士醬，當然對於芝士愛好者黎講，重口味既藍芝士係我既首選😍，好濃烈既芝士醬配雞翼，簡直perfect match。另外水牛城醬甜甜辣辣一d都唔差😋整體食物質素：3.

平時去朗豪坊好少逛到 12 樓咁高 這日就是為了這個賣相可愛的磚塊漢堡而來這個磚塊芝士漢堡與平時食的漢堡好唔同 四四方方的造型似足囝囝囡囡玩的積木，賣相滿 FUN ~~磚塊芝士漢堡色彩繽紛，一共有 3 款口味 每款口味的漢堡搭配不同顏色的麵包和餡料，每日提供一款口味 ~~這日儍媽遇上 ... 藍色的磚塊芝士漢堡 HK$88 +HK$36 升級套餐配上飲品 + 薯條 + 酸青瓜漢堡餡料好豐富 ... 有半溶的車打芝士、滿滿脂香的牛肉漢堡、咸香的燻牛肉和爽脆的生菜 四四方方的麵包烘至微脆，入口柔軟 大口咬下就嚐到啖啖肉香，滋味又惹味，邪惡又滿足 !!!另外多點了客 ... 墨西哥芝士夾餅 HK$48 除了可以揀脆皮或軟皮 餡料也可以揀手撕雞 / 炒菌燒甜椒 / 燒烤手撕豚肉 / 脆魚柳 / 煎牛柳條 / 軟殼蟹愛吃香脆食物的儍媽點了客 ... 煎牛柳條脆皮墨西哥芝士夾餅 夾餅脆卜卜，味道酸甜好開胃 ~~餐廳主打漢堡，亦有不同特式小食、甜品和飲品 當中墨西哥款式較受歡迎的 ~** 以上分享是以我的口味、壴好和情況作出分享及感受，一試 / 合用與否請自行決定

今早與bff在朗豪坊看電影，散場後肚子已開始打鼓，幸好我一早計劃好行程，直上12樓吃burger。 其實早月個多星期前，已經看到有iger post上Brick burger的相片，包包樣子已經覺得很可愛，所以散場後即試。      Brick Burger 磚塊芝士漢堡外型就像Lego積木，磚塊麵包內夾著漢堡扒、車打芝士、pastrami及生菜。賣相精緻，口感豐富，但相比一般傳統漢堡輕盈，我最愛就是半融化芝士與肉香纏繞的味道，令我再三回味。  德州燒烤牛肉漢堡 另外，我們亦點了傳統的漢堡包來吃，這個德州燒烤牛肉漢堡味道非常好，漢堡扒帶有濃濃的牛肉香及脂香，配上生菜及蕃茄片，很好吃。 香蒜黑松露薯條 薯條口感非常香脆，加上上層灑了點黑松露，令整個薯條變得更吸引，吃時加點沙律醬，令味道更豐富。 水牛城炸雞翼及棒棒雞 雞件炸得剛好，全都是金黃色，外層酥脆，不會乾巴巴，亦不會感到粗鞋，蘸上不同的醬汁，味道會更惹味吸引。  白咖啡及朱古力咖啡 兩杯飲品都有拉花圖案，白咖啡味道濃厚，帶有滿滿脂香味，口感細滑順喉，朱古力的味道同樣不錯，加了牛奶令口感更滑溜，更好喝。  Texas Burger 

很久無去朗豪坊，但是今天為了一個想食很久的Texas burger，下班就出左城，到達時前面排了十餘人，不過用餐訂時限，而且食漢堡用不了多久，所以等左廿餘分鐘差唔多。千挑萬選了兩個burger ，因為又想食芝士但又想食牛為主打嘅，好難選擇！因為揀左一個燒龍蝦溶岩芝士牛肉漢堡，一如其名夠長夠大隻，而且龍蝦頭伴碟很吸晴！龍蝦當然係高貴食材，而呢個漢堡最最最獨特嘅係佢個醬汁，好似加左孜然粉，少少辣，同龍蝦同牛肉都好夾！另一個就叫左Lego burger，外型夠晒吸引，為個樂高咁，我地食個日係橙色樂高，餐牌上見仲有粉紅色同藍色，每日指定一款，原來係用厚切方包，加上幾粒圓形粒粒做到Lego 咁，加埋漢堡扒，熏薄片牛肉，車打芝士同生菜，食肉獸最喜歡，因為真係啖啖肉架！一咬就連汁咁標出黎！我地其中一客跟餐餐飲品薯條，另外再散叫左一個黑松露薯條，其實仲想試埋咸蛋薯條不過實在太過份喇！黑松露薯條撈漏松露醬，再點埋松露沙律醬食無得輸，無叫錯。埋單二人唔洗400蚊其實非常抵！

位於朗豪坊12樓的半露天漢堡包店，舉頭便能看到窗外的環境，夠光猛，當日下午茶前來，坐滿客人，等了5分鐘店員便安排入座水牛城炸雞翼及棒棒雞，每款兩件，即點即炸，非常香口，配上藍芝士醬及水牛城雞翼辣醬，當然前者美味非常等候入座期間見到海報有限時優惠，磚塊芝士漢堡色彩豐富，所以點了一份傳統的漢堡當然是配上漢堡麵包，這款磚塊的意思就是Lego外形的厚麵包烘成多士，同樣夠鬆軟帶點脆口內裡配料豐富，兩塊熏牛肉，一塊漢堡牛肉及生菜，還有完全溶化的芝士包著牛肉從中間切開，一大口咬下去，雙層牛肉滋味煙燻鴨肝牛肉漢堡，除了磚塊漢堡，還點了一份傳統漢堡，紫洋蔥，鴨肝，漢堡牛肉及生菜，不得不讚，該店的漢堡牛肉，牛肉味特出，每一塊都有厚度，味道完全不能與快餐店的相比至於鴨肝口感軟林，夾在漢堡一起吃，令整體美味度加分每一份漢堡亦可升級為套餐，薯條及酸青瓜，價錢是按照所選擇的飲品而定，啤酒只有一款墨西哥啤酒

最近為聖誕節做好準備，四出去準備聖誕小禮物送給家人。朗豪坊的聖誕佈置也很可愛呢！買完Lego 順便過隔離德州漢堡食過晚餐。朗豪坊12樓 有個天幕環境都幾好，如果坐到卡位仲好特別、浪漫，普通沙發位也舒服！店員會送上餐牌然後點餐，二套餐優惠價來說實在都抵食！《德州燒烤牛肉漢堡》來到 Texas Burger 當然要點大大份嘅漢堡包啦！入口香脆嘅煙肉烤到薯片咁脆，配上勁Juicy 的漢堡牛扒，好味指數爆燈！德州燒烤牛肉漢堡全程滋味享受，鍾意食牛肉漢堡嘅朋友真係唔好錯過！店內推介漢堡包是自家烘焙的，滿滿的牛油香味，中間夾著肉汁香濃的牛肉漢堡扒。套餐配搭仲有勁酸勁開胃的清爽酸瓜，當然Burger 配搭薯條先至夠經典啦！漢堡同薯條既味道真係天作之合，薯條同茄汁又係另一個經典絕配！《水牛城香辣炸雞芝士漢堡》朋友就來一個突破，不吃牛肉改吃雞，水牛城出名雞翼，香辣炸雞香脆柔嫩又多汁，再加上融化芝士，品嚐漢堡滋味又有另一境界。《冰鎮朱古力蛋糕新地》店員話當晚沒有乾冰，所以沒有冰鎮的效果，賣相比較遜色。好彩朱古力蛋糕美味，雪糕新地香甜，為今晚寫上完美句號。估唔到 Texas Burger 除咗漢堡包好食之外

為即將出發的旅程添置用品，週末去了朗豪坊逛逛，見到有 texas burger，想起以前在天后食過，今晚一於食漢堡。墨西哥風味雜錦沙律 - 非常豐富的沙律，有三隻煎大蝦，還有奇異果，牛油果，辣肉腸，栗米粒等，配以少許酸甜莎莎醬汁，大快朵頤。水牛城炸雞翼及棒棒雞 - 雞翼和棒棒雞外皮炸得香脆，內裡仍挺嫩滑，配醬汁食十分惹味。未來素食牛肉漢堡 - 未來漢堡近年大行其道，一於試試。素食漢堡入口 juicy，無論外型及味道都媲美真牛肉漢堡。想食漢堡但又怕飽滯的人有口福了。墨西哥芝士夾餅 - 選了炒菌燒甜椒和燒烤手撕豚肉兩款口味，各具特色，即使加了 sour cream 和莎莎醬都沒有令taco皮變腍。除了漢堡，還能品嚐到墨西哥風味，一舉兩得。

Texas Burger ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎講咗好耐終於試到朗豪坊嘅Texas burger 🍔 無令我失望真係好好食🤩⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎Soft shell crab guacamole & beef burger $119 呢個組合好match 💗 牛油果蓉粉量多 炸軟殻蟹好大隻 炸得鬆化 牛肉厚厚的 好香牛味 😆 Texas bbq burger $97 有煙肉芝士洋蔥圈同牛肉 😆配搭惹味 煙肉炸得脆脆的 🐷 最特別係個bbq 醬 好濃 同洋蔥圈好夾 😸Black Truffle Fries $64 超多黑松露 個沙律醬超好食都有黑松露 🥰 薯條實心 炸得岩岩好 唔會過脆。72% chocolate brownie sundae $68 好靚既presentation 放咗乾冰喺下面 有陣仙氣噴出黎🥰 brownie 重朱古力味 vanilla 雪糕味道自然 。Ocean Love $50 香草雪糕x岩鹽x燕麥忌廉🙈好喜歡呢個smoothie 好香奶同忌廉味 唔會好甜。⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎📍Shop 1A,

近排經常吃火鍋，轉吓口味食漢堡包🍔先，當然唔係普通既漢堡包🍔🤨呢度環境算不錯，坐位有D似坐更卡車，幾得意，望上天花好像有個藍藍的天空在轉動，好有大自然feel好多年之前曾經去過美國旅行，印象中還記得在美國吃的漢堡包🍔，有點兒像這個味道，美式漢堡，環境同食物風格都帶著美式感覺。德州烤牛肉漢堡——🐂牛肉鬆軟，裡面加有煙肉，食落更加有香脆和煙勲味道，更帶出牛肉的鮮味手撕豚肉箭腩漢堡—-豚肉夠腍有肉質，加埋腩肉一砌食，有口感之餘，腩肉的爽口加上（青瓜獨立另上）和洋蔥更配合得恰當薯🍠條熱辣辣即炸脆卜卜最後叫咗個甜品——冰鎮雪山朱古力蛋，煙霧迷漫，雪山❄️🏔️上的🧊🔥⋯⋯就是吃了就變得❤️太暖😉😉

美味burger讚讚讚～呢日小妹帶朋友去威，去呢間位於朗豪坊13樓平時唔多覺眼嘅餐廳食美式burger, 氣氛幾好架～岩曬三五知己黎吹下水，特別係包廂位，坐到就可以影相呃like～我d朋友一去到就俾有蝴蝶裝飾嘅飲品吸引住，完全無視係咩味，不過好在係莓味奶昔，飲落味道都唔錯哦！另外，我地仲叫左蜜桃菠蘿梳打同雜莓梳打，味道酸酸甜甜，都唔錯哦～主食方面我地就叫左燒焗大蘑菇黑松露芝士漢堡、燒龍蝦熔岩芝士牛肉漢堡、青醬雞絲蘋果田園沙律同卡萊羅納燒烤骨。黑松露芝士漢堡味道比一般漢堡包清淡，食落唔會太膩；燒龍蝦熔岩芝士牛肉漢堡就夠曬豪華，龍蝦同牛肉嘅味道好夾，唔會搶左大家嘅風頭，芝士醬好香濃；青醬雞絲蘋果田園沙律味道清新，青蘋果一d都唔酸，沙律菜好爽好新鮮。燒烤骨肉質嫩滑，而且醃得好入味～漢堡包加錢仲可以配餐，有薯條、酸瓜同飲品，薯條炸得香脆，讚呀～Burger美味、飲品精緻、環境有情調，系約fd好去處哦！