The Cipollini Pizzeria

营业中

休息中

啟德新區實在廣闊，偶爾來這裡走走，感覺十分悠閒。隨著啟德場館大球場的開幕，未來將會有許多大型的球賽和演唱會在此舉行，人流必然會不斷增多。趁著目前人不多，來這裡享受一下悠閒時光正合適。這間心儀已久的餐廳，環境優雅，透著濃厚的意式風情，還有露天茶座，可以悠閒地享受美食，真是寫意。餐廳的美食質素高，從沙律到主菜，再到甜品，無不讓人讚不絕口，價錢亦相當實惠，值得一試。Buttata with Marinated Tomato $148醃番茄布拉塔起司我最喜歡的Buttata，但唔係間間好食，依間值得推薦。牛乳的香味濃郁，再配上黑醋、火箭菜和醃製番茄，讓整體味道層次豐富，實在美味。The All-Star Pizza $268六款口味薄餅12吋的薄餅一次過有六種口味，滿足了我對新鮮感的渴望。薄餅底部酥脆，配上夏威夷火腿菠蘿、卡邦尼火腿、香蒜蝦仁櫛瓜、意大利腸、辣蒜洋蔥雞肉和煙三文魚，各款口味都很足料，讓人感覺非常超值。Pesto Prawn & Cherry Tomato Spaghetti $148香草醬蝦與櫻桃香茄意粉手工意粉的口感十足，寬條的麵條裹著香草青醬，散發著新鮮的羅勒香氣，清新而不

去Airside行街見到呢間意大利餐廳好受歡迎🇮🇹環境靚，有戶外座位，感覺幾浪漫💕就入去試吓出名嘅Pizza！✨Truffle Mushroom + Pepperoni (50-50) $188Pizza新即叫即整，新鮮焗起，熱辣辣，個皮好脆😆 配料份量多，真材實料！叫咗half half，一次過試晒兩款口味正👍。一邊面頭有新鮮松露，味道香濃，芝士味濃郁之餘又唔會冚過黑松露嘅香氣。另一邊蕃茄味同芝士味同樣濃郁，辣肉腸夠辣好香，令味道昇華。如果大家都嚟都好推薦試下pizza💯！！✨Risotto of the Day $138當日係黑松露忌廉意大利飯，黑松露味超香，食落好creamy，仲有少少酒香，鮮味十足，真係要大讚好好味😝～✨Wagyu Beef Sirloin in Mushroom Sauce (8 oz.) $278和牛西冷口感鮮嫩，肉質緊實，肉味濃郁，配上蘑菇汁好香亦好夾。旁邊嘅薯蓉口感超滑！其他配菜都充滿蒜蓉香🤤✨Gelato (Single Scoop) $48餐廳嘅gelato全部係每日新鮮製作，揀左peanut butter，味道濃郁，口感順滑，一球唔夠喉～～

星期五和舊同事一起到啟德AIRSIDE吃個late lunch。蒜蓉包焗得很脆，每片都塗滿蒜蓉醬，很香口。Pepperoni and Hawaiian PizzaPizza可以叫兩種口味，一次就可以嚐到兩種口味，很棒。前者由番茄醬、莫札瑞拉起司、意大利辣肉腸片組成，後者由番茄醬、莫札瑞拉起司、火腿、鳳梨組成。Pizza是薄批，很香脆，好吃。龍蝦意大利粉配小番茄和帕馬玫瑰醬意粉蘸滿醬汁，很濃郁，龍蝦份量很多，不錯。Homemade Gelato叫了班蘭和石板街味，口感幼滑，班蘭味相對比較甜，石板街反而是甜度比較低的朱古力味。飲品叫了番茄汁和拿鐵。

我們全家都喺pizza lover , 會親手自己做意大利pizza , 意粉等等嘅餐廳唔多，位於啟德𝐀𝐢𝐫𝐬𝐢𝐝𝐞 嘅𝐓𝐡𝐞 𝐂𝐢𝐩𝐨𝐥𝐥𝐢𝐧𝐢 𝐏𝐢𝐳𝐳𝐞𝐫𝐢𝐚 喺我哋其中一個常常去的餐廳！Quattro Formaggi 🍕一次過可以食齊4款不同口味的芝士！芝士🧀迷一定要試試！口感香脆，整個pizza 佈滿香濃的芝士！Marine 每次嚟都必點😆Carbonora with Barco & Egg 🍝意大利🇮🇹粉全部都係餐廳每日新鮮製作！口感超強讚令呢個經典嘅意大利粉更美味！Chicken Wings🐔 香炸雞翼帶少少辣，係開胃嘅前菜！Soup of the day 🫕濃濃香滑嘅南瓜湯，今天飲完暖笠笠。Homemade 𝐠𝐞𝐥𝐚𝐭𝐨 🍨今次點嘅喺益力多口味！平時出邊好少見，好好味而且新鮮製造口感順滑！🍽️ 𝐓𝐡𝐞 𝐂𝐢𝐩𝐨𝐥𝐥𝐢𝐧𝐢 𝐏𝐢𝐳𝐳𝐞𝐫𝐢𝐚📍九龍城啟德協調道𝟐號𝐀𝐈𝐑𝐒𝐈𝐃𝐄 𝐆樓𝐆𝟎𝟏𝟐號舖#𝐓𝐡𝐞𝐂𝐢𝐩𝐨𝐥𝐥𝐢𝐧𝐢𝐏𝐢𝐳𝐳𝐞𝐫𝐢𝐚#香港意大利餐廳#意大利餐廳#啟德美食#𝐀𝐈𝐑𝐒𝐈𝐃𝐄#手工薄餅#手工意大利粉#手工雪糕#每日新鮮製造

這家迷人的意大利小館散發浪漫氣息，獨特裝潢讓人感受意大利風情。雅緻木質家具和柔和燈光，還有半戶外座位，環境舒適。 每道菜肴用心製作，展現傳統魅力！檸檬汁八爪魚片是很耀眼的開胃菜，擺盤精緻，薄薄八爪魚切片相當誘人。每一口都散發着鮮味，肉質彈牙，酸酸地的檸檬汁讓整道菜清新可口，令人食慾大開。緊接著是香草醬蝦與櫻桃香茄意粉，手工製作的闊條麵口感彈牙，吸收了濃郁的香草青醬，撒上咸香的巴馬臣芝士碎和甜美的櫻桃茄，蝦肉鮮嫩多汁，口感非常豐富。最後，熱前菜拼盤有爆谷蝦、雞翼和肉丸。大肉丸上的芝士和香料好特別，咬下去肉汁四溢。爆谷蝦外香脆內都爽彈。

又到左一年一度拍拖紀念日，喺Airside行開街，同老公揀左意大利餐廳一齊晚餐💕咁岩秋冬日子餐廳開咗明火暖爐，成間餐廳好有feel💕Prawn Popcorn 蝦米爆谷雖然菜名叫蝦米，蝦嘅size一啲都唔細，大大隻啖啖肉，而且食落好新鮮，肉質爽脆😍個爆谷外殼炸得好香脆，配埋醬汁食好夾，令人好開胃😋Pesto Prawn & Cherry Tomato 香草醬蝦與櫻桃香茄意粉佢哋嘅意粉係手工製意粉，食落特別有口感，感覺好新鮮，香草醬有好香嘅羅勒香味，意粉好掛汁，而蝦係好大隻又鮮嫩，令人好滿足👍Classic pizza - Quattro Formaggi & Chicken Tikka佢哋嘅Pizza可以揀兩款拼埋一個，價錢以高啲嗰個計算。其中一款我哋揀咗白醬四重芝士，Pizza上面鋪上滿滿嘅芝士，聞落好香芝士味，一咬入口芝士味嘅濃度超越想像，係非常香濃嘅芝士味，有驚喜，啱晒芝士控😋另一款揀咗Chicken Tikka，係印度式嘅燒雞，配合咗紅蔥頭，蕃茄醬，味道好夾，青色香料醬汁帶酸，令成個Pizza嘅味道更加特別，整體唔錯👍Iced Frappés - Hazelnut Haven

同老公去Airside食嘢，呢間pizza店我哋都食過返尋味，好食價錢又ok。Parmesan fries $75先嚟個小食，薯條外脆內軟又粗身，本來已經好好食，再灑上一啲馬巴臣芝士喺面，咸香咸香，更加食唔停口。Chicken Tikka Pizza $178Pizza係薄身微脆嗰一款，配上蕃茄醬同埋mozzarella cheese，雞肉少少微辣，搭配埋紅蔥頭好惹味。Tuscan Salmon Steak $178賣相都幾靚，三文魚厚肉，魚肉嫩嫩唔乾嚡，配上蒜蓉忌廉汁，好味一啲都唔腥。配菜仲有青瓜、黃青瓜、西蘭花同埋車厘茄添。Pesto Prawn and Cherry Tomato Pasta $148蝦好爽，大大隻，好足料。每條意粉都掛滿青醬汁，食落好順口，扁意粉口感好好，軟硬都好適中。Gelato $48最後甜品我哋揀咗一球雲呢拿味share ，好香，仲加左$8 upgrade waffle cone，好正，食得好滿足。

🌟The All-star Pizza🍕 一個完整嘅pizza有齊6款星級口味，見到即刻「嘩」一聲，色彩好繽紛，好有食慾🤩自家製薄餅即叫即做，係走皮薄路線，入口酥脆。6款口味各有特色，滿足晒咩都想試嘅大家。我最鐘意Chicken Tikka，係印度風既香草汁雞肉，帶有少少辣味，配埋芝士好惹味又唔會太滯🤗忌廉雞肉意粉🍝係手工意粉，口感非常煙靭。意粉煮得剛剛好，裏滿忌廉醬勁邪惡，濃郁得來唔會太膩😈最後記住叫Gelato，呢度有好多新奇嘅口味，例如泰式奶茶、花生醬、斑斕味道等等。小朋友去到個雪糕櫃面前勁興奮，仲可以加toppings，口感順滑唔會好甜，好滿足🤗餐廳仲有露天茶座，對住草地環境開揚。帶埋小朋友或者寵物嚟散步再食吓嘢，好寫意啊！

全自費！！Airside一到5,6日想搵間餐廳食飯都難過登天，到到都排長龍。好彩佢吾洗點排，本身以為係伏，所以無咩人食，但食完又覺得ok~應該係地理位置吾係咁多人發現呢間餐廳？今左個蝦香草意粉，薯條，雞翼同牛排，甜品仲有gelato ~ 呢個意粉係專登叫，去對比一下上次個間no good餐廳，有比較下，就再公平公正下~ 呢間啲蝦爽好多個醬又會有味過上次個間，最緊要意粉係一條條😂吾係散修修薯條控黎講，呢間薯條即炸熱辣辣，加左d調味粉!👍🏻雞翼有小許失望，因為menu講5隻，上台原來係單骨5隻，姐係2.5隻😂味道ok ，係覺得個皮有小小漿口~牛排係和牛，其實吾錯，不過一個人食哂應該會有d覺得漏，可以同人share會更好~ 汁邊side dish都好過上次個間好多😂😂😂最後食埋甜品，佢有薑餅，斑斕味等等。。試完啲口味，最後都係揀返雲呢拿，想最後埋尾清啲So far 我一覺得黎到airside可以黎呢到食飯，起碼唔使等咁耐位先，食物質素又ok~~

尋找一家不僅僅只注重外觀的方便比薩店嗎？Cipollini 吸引著追求優雅聚會的美食家。店內設有舒適的吧台和寬敞的座位，全景玻璃門敞開秋日美景，是精緻用餐的完美場所 🍁〘 香草醬蝦與櫻桃香茄意粉 〙將看似基本的食材變成烹飪詩歌，這款香草醬意粉口感恰到好處，風味豐富且恰到好處地煮熟。〘 PEPPERONI 披薩 〙〘 CHICKEN TIKKA 披薩 〙在 Airside Pizzeria，品嚐融合完美的創作：一半是帶有番茄醬、馬蘇里拉奶酪和辣香腸片的 Pepperoni，另一半是帶有雞肉、青蔥和馬蘇里拉奶酪的 Chicken Tikka。〘 夏威夷披薩 〙〘 松露蘑菇披薩 〙在 Airside Pizzeria，享受融合完美的松露蘑菇半份和夏威夷半份的美食婚姻。盡情品嚐香濃的松露醬、黑松露、蘑菇，以及經典的番茄醬、馬蘇里拉奶酪、火腿和鳳梨。〘 兩球冰淇淋 〙這家比薩店提供美味的兩球冰淇淋——我們選擇了香蘭和花生醬口味。在諸如薑餅和泰式奶茶之類獨特口味中，每一口都是一場烹飪的冒險。〘 提拉米蘇 〙以鮮美的草莓、藍莓裝飾並灑滿可可粉的提拉米蘇體現了真正的意大利風味。📍Cipollini P

位於啟德Airside的一間意式小館<The Cipollini Pizzeria>，散發著獨特的意大利風情。餐廳內部裝潢典雅，以溫暖的木質家具和柔和的燈光營造出一種親切而舒適的氛圍。牆上掛著精緻的意大利風景畫和傳統的餐具擺設，增添了一份濃郁的藝術氣息-🐮 Wagyu Beef Sirloin in Mushroom Sauce (8 oz.) 和牛西冷扒令人讚不絕口! 牛排煎得恰到好處，外層呈現誘人的金黃色，內裡則嫩滑多汁，每一口都能感受到和牛的鮮嫩和豐富的肉汁。蘑菇汁濃郁香醇，與牛排的味道完美融合。配菜的薯泥和蔬菜也不容忽視。薯泥細膩綿密，口感柔滑；蔬菜則新鮮爽口，色彩繽紛，不僅增加了菜色的視覺效果。這道菜的每個元素都相輔相成，讓人滿足-🍕 The All-Star Pizza $268點了一款非常特別的Pizza ! 一個Pizza共有六種不同的口味，好吸引😍🔸Hawaiian火腿的鹹香和鳳梨的甜美交相輝映，形成獨特的酸甜口感，味蕾的雙重享受-🔸Carbonara 卡邦尼口味結合了加拿大火腿和流心鵪鶉蛋，味道濃郁且細膩。火腿的鹹香與鵪鶉蛋的嫩滑完美結合，帶來豐富的

聽說The Cipollini Pizzeria的薄餅非常出色，於是特意前來一試，更發現餐廳原來有戶外座可帶小狗，餐廳外更是大草地，可讓小狗🐕奔跑，下次一定會帶小狗再來幫襯！首先上桌的是冷盤——檸檬汁八爪魚片。這道菜的擺盤精緻，八爪魚切片薄而均勻，色澤誘人。八爪魚的口感滑嫩，每一口都能感受到海鮮的鮮甜，檸檬汁的酸度則為整道菜帶來了清新的提味效果，讓人食慾大開，確實是一道開胃的前菜。接下來是主菜——龍蝦意大利粉，搭配小蕃茄和帕馬玫瑰醬。這道意大利粉的龍蝦肉質鮮嫩，濃郁的帕馬瑪起司和香甜的小蕃茄相互融合，形成獨特風味。意大利粉的口感彈牙，充分吸收了醬汁的精華，每一口都讓人感受到海鮮的鮮甜與起司的濃郁。我們選擇了兩款薄餅，各享半份，這樣的安排讓我們能嘗試更多的美味。和牛西冷牛排薄餅，以蕃茄醬和莫札瑞拉起司為底，搭配焦糖洋蔥和和牛西冷牛排，牛肉的鮮香與洋蔥的甜味相得益彰。我們另外選了黑松露蘑菇薄餅。這款薄餅以貝沙米爾醬為基底，配上黑松露片、蘑菇和莫札瑞拉起司。松露的獨特香氣與蘑菇的濃郁味道相互交融，帶來奢華享受。薄餅的質地輕盈，讓人一口接一口，完全不會感到油膩。最後，我們品嚐了抹茶王朝沙冰。沙

今日嚟到啟德Airside行街街，行到攰，試吓一間意大利餐廳，見價錢幾合理，又想食吓pizza一於坐低試試🥰Chicken Wings🐓單骨雞翼外面炸得金黃脆口，裡面肉質嫩滑，啖啖都有汁，配上特製醬汁微微辣好開胃，有啲後悔淨係叫5隻唔夠食🤭Truffle Ricotta Ravioli in Truffle Cream松露忌廉醬餛飩意式餛飩煮得剛好，外面裏滿松露忌廉醬，濃郁得來唔膩，非常邪惡😈每一啖都有種奢華嘅感覺😂Prosciutto e Rucola🍕呢個pizza有蕃茄醬、莫札瑞拉起司、芝麻菜沙拉同意大利火腿，味道清新又開胃。火腿嘅鹹香同芝麻菜嘅微苦完美融合，食落好舒服，真係感受到意大利嘅風味。Mortadella e Burrata🍕而呢個Pizza就係白醬、摩達德拉火腿、新鮮布拉塔起司同芝麻菜葉，布拉塔芝士滑捋捋，火腿又鹹鹹香香，搭配火箭菜更清新Hazelnut Haven🍹Chocolate Chiller🍫兩款沙冰都打得好幼滑完全唔會有冰粒飲到，而且兩款上面都擠滿cream，邪惡得來好滿足😈🤤冧酒提子、泰式奶茶Gelato🍨最後梗係唔少得個甜品做完美結尾，剛好個位附近就係

想食pizza 又唔要再去連鎖店嘅老友，選擇左呢間位於啟德站～The Cipollini Pizzeria， 被安排坐於近窗口位置，半開放式露天茶座，環境開揚仲不時見到很多主子跟狗仔散步，又幾寫意啊！The all-star pizza, 1個pizza有6款不同口味，見到即刻心心眼😍，薄餅🍕皮薄酥脆，餡料入口柔滑鹹香，6款都各有特色，層次感豐富，滋味滿分😘。和牛西冷牛扒🥩配磨菇汁，點了5成熟度，牛味香濃肉汁豐富，柔軟度滿分且沒有渣，拌菜煮得唔馬虎，有好香蒜蓉味，配上creamy 的薯蓉, 夠晒美味。飲番杯冰凍啤酒🍻，爽口暢快。

啟德AIRSIDE是購物和飲食集中地這間主打手意粉和薄餅的餐廳, 還有自家製意式雪糕, 牆畫充滿歐陸風情。Pepperoni +Hawaiian pizza 每款薄餅各半份, 一次滿足兩款口味。手打薄餅外層烤得香脆, 餅底柔軟有彈性。Pepperoni 有意大利辣香腸片、莫扎瑞拉芝士和蕃茄醬, 香辣惹味。Hawaiian 火腿和鳳梨清甜咸香, 加上莫扎瑞拉芝士和蕃茄醬, 多種層次口感。忌廉雞肉意粉自家製意粉爽滑彈牙, 吃起來煙韌有質感, 雞肉保持嫩滑, 忌廉醬濃郁而滑順, 能夠包裹住每一根意粉 和雞肉, 提升了整體的口感層次。蒜蓉包 熱辣辣麵包外皮酥脆, 內餡柔軟, 蒜蓉香濃惹味, 加上牛油咸香, 回味無窮。自家製兩球雪糕 Raspberry and banana caramel, 清香果味好甜美。提拉米蘇蛋糕質地綿軟順滑, 濕潤鬆軟, 濃濃咖啡香氣, 口感清新不油膩。焦糖瀑布沙冰和士多啤梨旋風沙冰, 冰涼香滑, 清新潤喉。