The Galley by Cafe Proud Wings (已結業)

呢排無得衝出香港, 唯有留係香港啦咁啱係屋企整理緊旅行相片既時候就醒起前排去過一間以機艙作為主題風格既餐廳, 食物都唔錯架呢間餐廳叫做The Galley by Cafe Proud Wings, 係大角咀個邊, 都唔算難搵裝修風格特別, 環境都幾舒服食物選擇唔算太多, 不過菜式係貴精不貴多既我地叫左墨西哥粟米片、蒜片辣椒海蜆意粉、烤帶子墨汁意大利飯同埋燒美國牛小排粟米片雖然係來貨, 但配搭既醬汁都幾唔錯, 惹味醒胃既前菜小食蒜片辣椒海蜆意粉唔好睇佢個樣好似好淡味咁, 食落先知正! 蒜片炒過之後更加香濃誘人, 辣椒既微辣恰到好處, 同蒜片夾得好完美意粉軟硬適中, 咁樣煮法都幾唔錯個帶子意大利飯更加係必點之選! 意大利飯滲入左墨汁既鮮味, 估唔到墨汁意大利飯都咁正!!烤帶子好厚肉, 仲好鮮甜!真係有啲唔夠喉既感覺燒牛小排肉質軟淋有牛肉香味, 燒得啱啱好, 啖啖肉勁滿足

而家都好難去旅行架啦，唯有約朋友去食個應景嘅晚餐啦，睇中咗想試呢間餐廳一段時間，而家有機會就去食啦。點咗經濟艙晚餐2人set。開胃菜要咗香腸拼盤，2款香腸都好食，其中一款香料味較重，同個芥辣汁都好夾，好快就食清光啦。沙律份量唔少，鮮果材料亦好豐富，清新開胃。主菜我點咗Carbonara，朋友就食黑毛豬胺，我哋都有交換食。意粉醬汁夠濃，有蛋黃香味又有芝士味，好rich好味。黑毛豬鞍我都有食一舊，juicy唔會好乾，都幾好食。甜品細細份，飲埋杯咖啡啱啱好。

呢排無論係邊個國家嘅機場相信都係空蕩蕩，無咩人噶啦。今日嚟到呢間飛機餐廳同阿媽撐枱腳，同阿媽補過返母親節。我地兩個都比較細食，就點咗兩碟嘢食。西班牙蒜片雞：西式煮法嘅蒜香雞，味道幾好，聞落蒜香味濃，食落雞肉嫩滑。如果有配法包點下汁食會更好。烤帶子意粉：帶子烤得好嫩，意粉口感我都覺得啱啱好，爽彈又索汁。整體質素都唔錯，味道和食材都滿意。加上環境都幾特別，適合打卡。餐廳啲衛生做得幾好，睇落整潔，管理得當。

疫情之下，好耐冇離開香港朋友話就嚟連去機場嘅路都唔知點去啦！🤣想坐飛機，唯有過嚟呢間飛機主題餐廳扮下嘢先！ 餐廳食物質素很好豬手皮薄脆，肉嫩滑，配合埋個辣醬，好正！ 海膽好新鮮，冇異味，連我平時唔多鍾意食，都忍唔住食咗1/3板鵝肝多士😍我的最愛呀！ 海鮮拼盤，滿足大家各取所需！ 仲有芝士年糕都好正，濃濃芝士，一咬落去就爆開，服務員擺上檯，我都未影相，朋友已經夾晒啦！ ！！食得滿意，又可以打卡擺上去IG！

原本嘛見咁耐冇搭飛機，見到間裝潢好飛機感覺嘅餐廳咪諗住去試吓，點知原來所有特色服務（包括飛機票、飛機位同熱情招待）只有熟客才知道點book,OpenRice 沒有說明、WhatsApp 來確認也沒有提，去到你完全感覺到佢哋對DMary呀Peter呀D「熟朋友」熱情招待，我今晚實在太後悔來了這個差別待遇的餐廳吃晚飯🙄一個星期前是滿心期待渡過一個愉快的晚上，結果卻一肚氣，店員卻反而覺得好像我一定會知咁，如果貴餐廳的優質服務只適用於熟客，煩請説明或索性設vip會員制。以上係我第一次光顧貴店的真實經歷。

之前路過呢間餐廳就比佢機身外墻留下深刻印象。所以趁住朋友生日就嚟試下佢。我地就揀咗商務艙晚餐有前菜 沙律 湯 主菜 和甜品 仲配茶或咖啡都算豐富嘅前菜我地揀咗香煎蟹餅配芒果莎莎醬，好好味。沙律係凱撒沙律，有煙三文魚，正。湯我地都係揀咗黑松露野菌忌廉湯，黑松露香氣濃郁，飲落香滑。再到主菜，我地叫咗西班牙蒜片雞同燒虎蝦龍蝦汁意大利粉。西班牙蒜片雞：蒜片好似係炸過嘅，食落香脆。嫩滑雞肉配上番茄醬，好惹味。燒虎蝦龍蝦汁意大利粉，虎蝦都好大隻，食落仲好Juicy，意粉不過不失。服務非常貼心和熱情，食物質素亦能食出用心。

生日梗係要搵間特別嘅餐廳黎慶祝一下，今日我就揀咗一間作為飛機迷必到嘅check point ! 因我家大老闆從小到大也是一個不折不扣的飛機迷，所以趁佢的大日子帶佢黎試吓！呢間餐廳無論由內到外都猶如置身在機槍一樣，我打黎book前專登request 左機槍位(最低消費$1000），今次我哋叫咗個頭等機槍餐，再加杯house wine 就岩岩好$1000 左右！呢個頭等艙啲嘢食好豐富，食到我地好滿足，令我最深刻的是海鮮拼盤，樣樣都好新鮮，好鮮味，燒得剛剛好！另一道主菜就選左豬扒，肉質鬆化，好好味😋！而甜品就係心太軟，呢度啲甜品份量比其他餐廳大，好抵食！整體來講呢間餐聽簡直爆分！

本身PLAN左想遠走高飛黎個旅行, 點知就一下俾疫情破壞左無得飛就近近地去大角咀黎個飛機餐去望梅止渴先啦皆因大角咀有間特色餐廳係以機場及機鎗環境為主題, 設計都幾唔錯架, 真係好到位今次Order左墨西哥粟米片、芒果沙沙煎蟹餅、燒美國牛小排、西班牙蒜片雞同埋生蠔墨西哥粟米片同上次黎食一樣咁正, 最鐘意係佢配埋三款唔同既醬, 勁好食!芒果沙沙煎蟹餅都係因為上次食過覺得好正所以今次再叫既~果然再食多次都係覺得好正, 佢地個芒果沙沙醬食落味道新鮮帶酸甜, 食落仲啖啖蟹肉, 真係唔錯架!燒美國牛小排份量夠哂多, 男朋友勁鐘意!!肉質鬆軟多汁, 底下仲有一堆炸薯角都幾好食架比起牛小排, 我自己就比較鐘意食西班牙蒜片雞, 因為我食野好鐘意有汁既, 佢呢個醬汁夠哂豐富, 同個雞肉幾夾, 好香蒜味之餘個雞仲好好味生蠔就好新鮮, 每一隻都好肥美~~鮮甜爽脆!!

It’s obvious that the restaurant put a lot of emphasis on the design and decoration of the place. When we were walking towards the restaurant, we could see the aircraft exterior already. The interior design was imitating the departure hall of the airport.I ordered the Lunch Steak Set. It included soup/salad, grilled rib eyes steak with a  side dish and a drink.The soup was a vegetable soup, tasted ok but nothing really outstanding. The rib eyes steak cooked nicely, medium without blood running o

想不到大角嘴也有如此靚人靚景的餐廳，一入餐廳已仿如置身機倉般開始美食的旅程。香煎鵝肝多士伴無花果 - 必試前菜，兩者搭配減輕了濟口感。煙三文魚他他沙律塔 - 開胃可口，也有助減辣。招牌爆脆乳豬 - 真的皮脆肉嫩，外皮脆卜卜卻能保留肉質嫩滑，雙重感受。新鮮生蠔 - 肥美多肉，配上香檳更能帶出海鮮鮮味。炸馬拉魚蛋配自家製辣油 - 魚蛋原粒入口已美味彈牙，不怕辣者絕對可以辣級挑戰，中辣程度已辣得嘴唇麻了。今晚太滿足太飽了，下次再試試西班牙蒜片雞，今晚太太太飽了。

情人節當日帶女朋友去呢間以飛機做主題既餐廳食晚飯一開頭有個阿拉斯加皇帝蟹腳沙律 同埋 香煎鵝肝多士配鮮無花果 作為頭盤個沙律沙酸酸甜甜已經好開胃 隻蟹腳又夠肥美多肉 真係食到lam lam利鵝肝本身我都覺得好肥利 不過加左無花果中和左 我又覺得ok之後同女朋友分別嗌左龍蝦湯同黑松露野菌湯兩碗都各有特色 都好濃味 感覺到係真材實料主食就嗌左 威靈頓牛柳同焗法國鵪鶉伴意大利飯第一次食威靈頓牛柳就有唔錯既體驗  好夠淋 又保存到d肉汁個飯睇落好細咁 但其實都好漏 食到一半都已經好飽最後甜品係個伯爵玫瑰蛋糕基本上d花都係得個睇字 個蛋糕我嫌佢伯爵茶味唔夠濃 不過整體都ok既最可惜既就係情人節當日安排唔到坐窗口位如果唔係就perfect池啦！

最近想去旅行，都因為疫情關係唔敢去。 今日嚟到這間餐廳 就有坐頭等艙的感覺。同老公先在酒吧區飲一杯傾下計撐枱腳。之後坐在頭等艙位置開始吃頭盤， 這個 nachos多士脆口惹味。然後再試過龍蝦湯， 真係落足料， 好濃嘅鮮蝦味， 而且很creamy。之後煮菜先呢個seafood plate，賣相非常吸引。 分別有龍蝦三文魚帶子及墨魚。 最好味係帶子， 好大的， 燒帶子外脆內軟， 非常有口感。然後這個slow cook牛扒七成熟剛剛好， 非常淋， 肉汁保留， 配了那個微辣的醬汁， 簡直是絕配。女仔當然最鍾意係食甜品， 這個 朱古力梳乎厘非常吸引。 外脆內軟， 不開外皮的時候裏面隆隆的朱古力汁流出嚟。 還配哪個椰子味的雪糕， 不太甜味道剛剛好。

情人節食飯在飛機餐廳，以前搵餐廳比較注重有咩食。但依家睇餐廳最緊要係了解餐廳衛生情況和有無做好防疫措施。我見呢間餐廳有提供酒精消毒液比我哋，環境都乾淨。情人節套餐$468一人，價錢都算合理。頭盆我地揀咗香煎鵝肝多士配無花果。鵝肝大大塊，好足料，配上無花果食一解鵝肝的肥膩感。湯我揀咗黑松露野菌湯，味道濃郁鮮甜，唔錯。主菜我揀咗香煎海鱸配藍青口紅花汁，擺盤好靚，色彩鮮艷，望落就開心。醬汁好正，魚肉嫩滑。最後仲有玫瑰伯爵茶蛋糕，好靚，食之前瘋狂影十幾張相先。飲品有一杯無酒精飲品和咖啡。呢個餐真食到心滿意足，氛圍浪漫，食物高質。

同朋友約左幾次時間終於大家都夾到個期去食飯啦今次去既餐廳叫做The Galley by Cafe Proud Wings位於大角咀匯豐銀行中心附近, 唔算難搵佢地係一間以機場同機艙為裝修主題既餐廳仿真度又真係幾高喎真係令人好想出走去一轉旅行呀今晚我地就點左墨西哥粟米片、燒美國牛小排、蒜片海蜆意粉同埋烤帶子墨汁意大利飯【墨西哥粟米片】作為小食佢份量都算多~每一片都好大塊同埋好脆, 三款醬都好夾, 好食【燒美國牛小排】生熟程度剛好, 太熟既話會好鞋~呢度唔會煮得過熟, 保持肉汁之餘肉質仲係好鮮嫩, 呢一道菜我地都好滿意【蒜片海蜆意粉】個人口味黎講一向都唔鐘意多汁既意粉~所以揀左呢款, 加上我地都好鐘意食有蒜味既野, 呢個意粉啱哂我地口味!!蒜片味超級香, 意粉炒得乾身, 我真係好鐘意呢個意粉【烤帶子墨汁意大利飯】呢個飯真係好豐富既墨汁....成個飯都烏卒卒~~不過個飯又煮得幾好食, 都真係食到墨汁既味道? 烤帶子好大粒同厚肉

平時都有行經過大角咀呢間餐廳，唔入去都唔知內裡咁特別，佢以機艙為主題。餐廳一邊係香港機場離境大堂設計，另一邊係機艙設計，好有熟悉感。聽講提早訂位可以有boarding pass😂Dinner Set有Economy Class、Business Class、Premium Business Class、First Class。我們揀左Premium Business。我們今晚選了economy set。首先係薄荷乳酪醬鮮雜果沙律，一啲都唔hea，好新鮮清甜既水果非常開胃。是日餐湯係椰菜花湯，比想像中更濃稠，味唔會過濃太膩，好香。小食係燒香腸拼盤，又香又惹味，切好哂好細心。主菜揀左燒班牙黑毛豬鞍，又係切好上，肉質有驚喜，每片都係粉紅色，煮得剛好嫩滑完全唔鞋口，好食既豬鞍真係好難得，加分！而蒜片辣椒海蜆意粉都好食，少辣幾滋味，又多蜆肉。最後甜品係朱古力蛋糕，小小既一塊剛好為晚餐劃上完美句號。