The Galley by Cafe Proud Wings (已結業)

今日去試食左一間好高質既西餐廳❤️餐廳裝修成一架飛機，外圍係機身，裏面係有飛機坐位，同埋有一個「離境」大堂既標誌，真係打卡既一個好位置✈️🥰今次叫左一個1個Business Class既套餐，餐前先黎一個煙三文魚沙律🥗，今次呢個味道岩岩好，唔會好咸，而且煙三文魚都好fresh，值得一試😋接住落嚟就係一個餐前點心，香煎蟹餅配芒果莎莎醬😍 蟹餅即整，送到黎仲係熱既蟹肉好入味，再配鮮甜既芒果蓉，都估唔到原來味道係咁夾😍前菜除左沙律同小食外，仲有2款餐湯！左邊係是日精選甘荀湯，右邊係黑松露野菌忌廉湯🍄兩款湯都好入味夠濃，飲得出真係落足料，誠意推介❤️去到main course啦😍😋先黎左燒美國牛小扒！牛小扒好軟熟，容易入口，肉質亦都好嫩口好juicy😋旁邊既醬汁亦都同牛小扒好夾，更為滋味，值得一試！第2款就係我最鍾意既西班牙蒜片雞！一食就個蒜片雞既醬係唔同平時既罐頭醬，食得出係好濃既自家制味道😍😍問老闆娘先知，原來蒜片雞既醬係由廚師每日用蕃茄等食材慢煮，所以醬汁先會咁濃😝而且蒜片雞都好入味！點埋醬汁同蒜片食，簡直係一流😍😍最後仲忍唔住飲左一半汁😍最後我地額外叫左個燒虎蝦龍蝦汁意大利粉🦐🦐🦐虎蝦好鮮甜

今晚係大角咀做嘢，收工後同朋友行過一間外型似飛機的餐廳，比佢吸引，朋友話不如一試。餐牌除咗散叫，另有經濟，商務，特選商務同頭等四個套餐，我哋揀咗商務餐，先揀小食，二選一，我哋揀咗香煎蟹餅配芒果莎莎醬，廚師拆咗好多蟹肉煎成香脆的蟹餅，非常惹味。跟住沙律，caesar salad可配三文魚、海蝦或純沙律菜，我哋揀咗配海蝦，蝦好大隻又香脆，爽口彈牙，配上細粒脆火腿的沙律，令胃口大開。湯就有黑松露野菌忌廉湯同廚師手工制湯選擇，我哋每樣要一個，廚師手工湯係南瓜湯，有濃濃南瓜味，野菌湯就用黑松露配磨菇忌廉，非常惹味香滑，二個都好好飲！主菜三選二、我哋叫咗燒美國牛小扒及西班牙蒜片雞 ; 牛小扒五成熟、香濃牛味又有口感，而蒜片雞係用蒜香蕃茄配成隻春雞，雞肉嫩滑香脆又唔太膩。最後再配上甜品(蛋糕)同飲品，這個餐份量真係唔少，二個人食真係要食到抱住個肚。整體都唔錯，值得encore ！

去咗間特色餐廳食飯，入面以機場離境大堂、登記閘位、飛機艙等作為餐廳場景。環境精緻，座位舒適，食物水平唔錯。我們點了經濟艙晚餐，有前菜、沙律、湯、主菜及甜品。燒香腸拼盤有辣肉腸和香草腸，2款都好食， 辣肉腸唔會過辣，好惹味，送酒一流。煙肉芝士忌廉汁意粉，煙肉、磨菇、洋蔥等配料，creamy醬汁加上芝士，又點會唔好食呢燒西班牙黑毛豬鞍，上菜時已切片，肉質嫩滑有肉汁食埋沙律甜品好豐富，下次叫埋阿哥阿嫂嚟，帶埋大小2B去應該啱佢玩，入面有好多介紹飛機資料，展覽櫃有好多飛機模型，又可以同佢地影下相。

今日同朋友補祝生日，就特意黎呢間大角咀既主題餐廳果然名不虛傳，設計的確好有特色！！-餐廳氣氛好好，座位寬闊-一坐低見menu好多選擇，先點一個香煎蟹餅配芒果莎莎醬我地兩個叫左一個economy class set-餐湯好有顆粒感，飲得出真材實料-沙律水果新鮮，大大盆兩個人share好足夠頭盆係燒西班牙豬腩肉！好食既野要講三次燒得真係好香，好香，好香😍豬腩肉好夠豬味又香口😍亦都唔會太乾身口感一流，香氣食完喺口中徘徊🤭🤭-枱邊都有花心思decorate,見到呢D字句真係好似身在飛機中🙈🙈令人一再回味既豬腩肉！-主菜方面3選2卡邦尼意粉既汁濃稠度岩岩好，意粉既軟硬度都正合我心意🥰足料！西班牙黑毛豬安扒配薯角好厚身既豬鞍，本來都擔心會overcook會老，但一切開😍肉質嫩滑，成件豬鞍都好juicy! 兩個人share食一塊扒爭d overload😂😂😂-切開見到咁粉嫩真係好感動🤭好食既豬鞍真係唔易煎-dinner set配埋兩份甜品我同朋友都選擇cheesecake-見到呢個頭等艙就忍唔住問下職員原來呢個first class要預訂book台既時候比埋名佢佢仲會幫你整張boarding pas

響大角咀附近 上網搵到呢間候機室做主題既西餐廳 見餐牌同相幾吸引 立即過來試下😋Dinner set 餐牌都係用飛機餐形式設計 我地揀左商務餐 見包埋甜品同餐酒 吸引d頭盤就揀左鮑魚蟹籽沙律同鵝肝多士 沙律好fresh鮑魚細細粒但好彈牙 個汁酸酸地咁好開胃 加埋蟹籽口感更豐富鵝肝煎得剛剛好 外皮脆脆地 正我地兩個都揀左花膠龍蝦湯 因為有花膠 比平時飲既龍蝦湯似中式湯 好有鮮味主菜揀左龍蝦尾配牛小排五成熟 帶子黑松露意大利飯 兩樣都好高質好有驚喜 牛小排好嫩而且油脂分佈好平均 勁香口 正呀 意大利飯好creamy 份量仲超多 其實已經好飽了但好好味都忍唔住清哂 😆😆甜品又係比想像中大份好多 焦糖布甸唔會太過甜 夠蛋香味 朱古力心太軟配海鹽雪糕 顏色好靚 一咸一甜 好新奇但又幾夾 總括來講呢餐食得好滿足 呢個價錢來講 二人餐大約600蚊 性價比好高 應該好快會再來encore

今日同朋友出左大角咀奧海城個頭睇啲野話咁快又到左食DINNER既時間不過又唔想係奧海城個邊食，就行左出去附近周圍搵食啦行行下就去左嘉善街呢邊見到入面裝修又幾特別，係以飛機客艙作為裝修主題，食物同價位都符合我要求佢地靠牆既位置，張櫈同機艙入面一樣質感就連個牆都故意做啲假窗去模仿返坐飛機時既情景，又幾有心思餐牌除左單點之外仲有三個唔同價錢既套餐而套餐名亦都係以經濟艙、商務艙同頭等艙黎分別不過由於同行既朋友口味比較麻煩，所以最後都係決定單點【黑松露野菌意大利飯】極度creamy!!完全係我鐘意既質感同口味，有人可能覺得好膩，但我最鐘意呢種濃厚既口味同口感。另外仲有好濃烈既黑松露氣味，侍應話除左因為面頭放左黑松露片之外，個意大利飯仲落左黑松露醬同黑松露油去煮，唔怪得咁香啦!【燒海鮮拼盤】個拼盤包括四款海鮮，有三文魚、帶子、虎蝦同魷魚，四款海鮮都好好食同埋好新鮮特別係三文魚，好食之餘仲要勁厚切，點埋佢地自家製既香草牛油汁真係襯到絕【Cold cut拼盤】包括有煙三文魚、沙樂美腸、巴拿馬火腿、黑毛豬火腿每一樣都係我地鐘意食既Cold cut，配埋乾果食，perfect match!

呢排都想發掘好多有特色而且又好食嘅餐廳，因為呢啲良心小店實在好值得被人賞識。佢地未必有大集團咁多資源去做宣傳，但係起好多細節上面都好有心去做，所以好值得我地去支持！今次黎到呢間就係用飛機做主題嘅餐廳，外觀同埋入面啲座位都好明顯係用左飛機嘅concept, 仲要好像真！用黎打卡可能真係呃倒人上左飛機去旅行呀hehehe今日叫左個business class dinner set, $598加一，有齊頭盤湯沙律主菜餐飲同甜品首先係一大盤嘅煙三文魚caesar salad，個汁應該係自己調過，唔係出面食倒嘅味，仲有好多好香啲煙肉粒點綴，口感好豐富頭盤我地揀左蟹餅切開之後見倒全部都係蟹肉，唔係假野，係真係啖啖蟹肉啊！我地揀左一碗廚師手工湯，一碗黑松露湯。松露湯好濃厚好香，而且味道自然，唔會好攻主菜我地揀左牛小扒。呢道菜簡直係一絕！唔洗點汁都好好味。佢地落左足夠嘅salt and pepper, 燒得好香，而且舊牛本身靚，好有牛肉味，啖啖驚喜呀！！呢個係虎蝦龍蝦汁意粉，個汁好厚好creamy,但唔會滯。佢都係啲好自然嘅味，一食就知唔係用現成嘅汁。好有心去做！呢個係跟餐嘅朱古力蛋糕，加$48可以轉

平時聽就聽過d朋友去呢間飛機艙主題餐題食，今次決定親自過黎感受一下，呢餐飯坐係一個好似機艙的餐廳入面食飯，令人感覺好似即將離港渡假，好享受。我地兩個人叫咗個business class set dinner西班牙蒜片蝦真係好多蒜片，蝦有兩大隻，食完蝦可以食埋小小蒜片，因為真係炸得幾香口。煙三文魚凱撒沙律三文魚都比得算慷慨，沙律係正常發揮。黑松露野菌忌廉湯好香濃的黑松露味道，有驚喜！燒美國牛小扒煎得幾入味，外層成熟入面半生，幾有咬口，牛小扒半肥瘦，食落有小小牛的油脂香，加埋炸咗的薯角肉，幾配。燒虎蝦龍蝦汁意粉有四隻好大的虎蝦，肉質結實有口感。龍蝦汁煮得入味，融入意粉當中，意粉都幾彈牙，整體都不錯。甜品係朱古力蛋糕，鬆軟可口。

昨晚大少生日，所以一早預訂了一間特別嘅餐廳慶祝。一入大門就有一位貌似陸永嘅waiter熱情款待，感覺好warm👍🏻。一坐下就主動幫忙拍照，又熱情搞笑地chat。甜品到，另一位waitress又會主動同大少講生日快樂，幫忙拍照，招呼相不錯。可惜兩位老闆有點趕客，未夠鐘，我哋仍未食完甜品就催促結帳⋯⋯🙄

今次真係有啲諷刺嘅係因為比人放飛機，所以就自己係飛機餐廳食嘢……朋友話屋企突然有啲事需要返去，但我都已經到咗餐廳門口，嚟都嚟咗就試下啦。我就叫咗一個黑松露野菌意大利飯，佢呢個意大利飯煮到係我鐘意嘅口感，偏硬身嘅口感。煮到好creamy，黑松露味道好濃郁。唔錯嘅。之後加咗杯雞尾酒——Vodka soda : 特別之處係佢地有加青瓜，睇落靚之外，聞到青瓜清新嘅味道，感覺多幾refresh。餐飲方面我幾滿意。環境方面呢，係幾有gimmick嘅，無論係menu設計，定裝修都幾有心思。

今日同朋友去奧運行商場餓餓地咪諗住去揾間餐廳食午飯，竟然俾我發現新大陸。餐廳內裡充滿飛機場feel,有boarding gate,環境新凈又企理, 感覺上有啲似真係去左旅行。 一開始叫左個lunchs steak set。包左一個肉眼扒同一個配菜，我就叫左芝士忌廉焗薯同額外加多個香辣炸薯條。肉眼扒肉質好嫩，好有牛味，同出面高級餐廳啲扒有得fight,性價比好高。之後叫左個蟹肉墨汁意大利飯。啲飯非常入味，好多墨魚汁，唔似平時普通餐廳得好少墨魚汁，同蟹肉成個配撘好夾。最後講下依間餐嘅服務。侍應點菜上菜時非常殷勤，不時幫我地倒水同問我地有乜需要，所以服務上我俾滿分！價錢黎講我地兩個人食左大概$300。以咁高質素嘅食物黎講算係物超所值。所以整體黎講我對今餐嘅評分係9分！

今日去左大角咀個邊睇樓，睇完之後就搵餐廳食飯啦大角咀其實都好多唔同既餐廳，有部份都幾出色我地就黎左「The Galley by Cafe Proud Wings」餐廳以機場及機艙作為裝修主題，令人有種好似準備坐飛機去放假既感覺我地就叫左黑松露野菌意大利飯、煎蟹餅配芒果沙沙、Cold cut拼盤同埋燒海鮮拼盤本身想叫意粉，但侍應推介我地叫黑松露野菌意大利飯侍應介紹呢個飯係用黑松露油、黑松露醬、黑松露菌同埋松露片製作而成鐘意黑松露口味既食客絕對唔可以錯過果然如侍應介紹所講，每一口都有豐富既黑松露香氣，未放入口都已經聞到，真係超香!飯粒就偏硬身，完全係依照正宗意大利飯既煮飯去做我自己個人黎講都鐘意食偏硬既飯粒，呢個飯果然啱哂我心意【煎蟹餅配芒果沙沙】呢款菜式只要一出現係Menu上既話我都一定唔會錯過蟹餅100%係蟹肉，咬開可以清楚見到一條條蟹肉絲，並唔係用大量麵粉做出黎既假蟹餅芒果沙沙食落味道清甜新鮮，唔似係一早整定既隔夜貨【Cold Cut拼盤】拼盤包括有煙三文魚、沙樂美腸、巴拿馬火腿同埋西班牙黑毛豬火腿仲有少少乾果俾你配火腿呢個拼盤其實好啱送酒，但由於今日我地有揸車，所以無叫酒啦成個拼盤

而家食肆都流行搵個主題做主打，成間鋪嘅裝修都會陪合返個theme，有好多打卡位就會吸引好多人去，又會有網上人氣，多人排隊去食。近年興起嘅有懷舊餐廳...入面裝修到50-60年代咁、親子餐廳...入面有埋玩具遊樂場畀小朋友玩、寵物餐廳...可以同貓貓狗狗一齊玩一齊食。早排去咗間飛機主題餐廳，有個住大角咀嘅朋友介紹嘅。入面裝潢以飛機航空為主調，所有佈置都非常精美而食物亦毫不遜色。黑松露野菌意大利飯，以傳統意大利手法烹調，al dente嘅質感，加上香濃嘅黑松露味，我地好快就食晒。燒牛小排，煎到5成熟，肉質唔會老，牛味濃郁。

一開始睇到網上post話有間餐廳個環境好似係飛機艙，入面食野就好似搭緊商務艙個感覺😍因為甘就穩日放工後黎一探究竟建議提早預約or早d去呀～～我去到太遲，就無得坐到窗口位🙊菜單有特別飛機set，難得來到當然要試最特別的，比自己留下深刻印象拉Economy ClassSet dinner for 2 passengers呢個 經濟艙晚餐 包括有：開胃小食 + 雜果沙律 +  2手工湯 + 2主菜 + 2甜品 + 2飲品Tapas開胃飯前美肴選擇左 #烤香腸拼盤有兩種不同類型的烤腸，一種偏蜜糖口味，令一種是黑椒口味比較粗身的，咬起上來啖啖肉，有汁會爆出來^^加上有秘制芥末醬點來食，酸酸甜甜的。除聊前菜Salad都會一齊上，Salad 薄荷乳酪醬鮮雑果沙律蜜瓜， 哈蜜瓜， 藍莓， 草莓，  提子干同草莓干><哇~~真係好多種類的水果，比起平時的salad甜很多又豐富好多ya^^廚師手工湯 x 2， 滋味濃郁，好有層次~~主菜：蒜片辣椒海蜆意大利麵看似清淡，但味道其實很濃厚~~因為蜆好多之餘另到意大利麵吸盡蜆汁的精華，所以每一條麵都能嚐到蜆的鮮甜。再加上蒜的辛香刺激，胃口大增^^

呢排鐘意去大角咀搵食，大角咀果邊真係好多餐廳。但今次都係約咗係旺角行街，行到攰咗就係旺角食咗嘢，但由於真係好想試下呢間餐廳，就行過去當消化咗，就叫咗幾樣嘢大家一齊share。香煎蟹餅配芒果莎莎醬： 蟹餅食落好鮮美，完全唔會有厚粉或者油膩嘅感覺，後尾侍應話呢個係百分蟹肉整嘅，同芒果莎莎醬都每天新鮮調配，所以我地都食到粒粒芒果肉，感覺好Fresh。燒海鮮拼盤：包括魷魚，三文魚，帶子，大蝦多款海鮮，燒得幾香口，尤其係帶子，外面燒得微焦，入面就保持嫩滑。中間會有醬汁，香草牛油嘅味道，惹味，令人食唔停口，除咗海鮮，仲有好多沙津菜墊底。分量十足！呢度環境幾得意，係以飛機為主題，行到門口已經見到裝修有機身嘅設計，MENU都設有多款飛機餐，例如經濟艙套餐或者商務艙套餐，如果唔係食得太飽我都會想叫嚟食，唯有下次再嚟啦。