The Joomak (已結業)

星期日晚七點幾想係LCX食個晚飯，其實有好多選擇嘅，因為喺牛角/溫野菜/度小月都攞咗飛但有排等，而The Joomak比較少人等位，見最快有位就食佢啦。睇餐牌後我哋點咗青口配薯條同煙燻青蘋果炸雞，過咗一陣，職員話今日冇晒青口，俾餐牌我哋再揀過。冇問題啦，冇青口都唔係佢嘅過錯，我哋咪改為點羽衣甘藍煎餅(最多可加四款toppings，我哋要蝦同泡菜)再叫個酥炸芝士魷魚筒。好快炸雞到，食食吓，個煎餅到，但見只有蝦冇泡菜，我哋都唔剪來食住，問職員係咪整漏咗？佢哋話，有呀(我哋話面頭嘅橙色一粒粒分明係杞子唔係泡菜)佢仲話泡菜係碎嘅加咗喺入面吖嘛(當我哋kai嘅)。咁我哋剪啦，喂，真係冇，半粒泡菜都冇，叫返佢返來，職員成份剪餅拎返入廚房。都唔交待吓咩事，後來拎另一份煎餅來，頂佢，煎到燶晒，咪見到泡菜囉終於，但啲蝦少得可憐。其實真係好唔掂，如果俾少咗樣topping，其實可以先問我哋想另上啲泡菜定整過一份，但佢哋冇咁做，而煎另一份黑媽媽嘅俾我，我塊面仲唔黑過你咩？老實講炸物整得唔差(但我食唔出魷魚筒有芝士)，但我唔會再食呢間，除咗上述煎餅問題，仲有，嗌人好耐先有人應酬我，水都唔俾杯我飲，收餐佢係收咗

第一次試呢間個環境都幾好 仲可以望到海景 幾適合情侶或者三五知己傾下，計朋友好鍾意食炸雞 一於陪佢試下個炸雞放題 逢星期三就有㗎喇 有六款醬汁六種配料 點配都得 重口味人士可以落多啲醬汁包括：青檸蜜糖醬 柚子醬 菠蘿椰香醬 擔擔醬 士多啤梨韓式辣醬 黑糖梅子醬我自己最鐘意點柚子醬同士多啤梨韓式辣醬!配料有 芫茜 花生醬 炸蒜 香蔥蒜碎 番茜啲雞皮都幾脆 同埋肉質都保持到嫩滑 食唔停口 不過一人食咗一盤就開始飽喇加錢仲有飲品任飲 嘢飲賣相好精緻 味道中規中矩當日夜晚去食都坐滿人㗎 如果聖誕生日嗰啲去慶祝都唔錯

呢間位於海港城LCX嘅韓國餐廳，其實我已經係第二次食，今次我就用上網預訂，都唔算好難book，佢個位置喺海港城LCD X裏面，嗰一排嘅餐廳好多都可以望到海景，但係價錢又唔算好貴所以我間唔中都鍾意去吓嗰度食嘢，呢日係星期日都唔使點樣排隊，我到咗嗰度一陣已經可以入去坐低，不過服務員就安排我坐咗喺望唔到景嘅枱，所以有少少失望但係之後問服務員可唔可以轉去望到景嘅枱佢哋都轉左比我地，同埋都提醒我哋望景嘅枱嗰邊係冷氣會特別凍嘅，所以我覺得佢哋服務都算唔錯哈哈

冬天要暖胃@The Joomak  尖沙咀廣東道3-27號海港城海運大廈3樓LCX 34號舖 素雞煲聽落就覺得健康低卡，冬天穿大衣又狂食進補，一不小心就長胖，要食得健康又不放棄美食，素邊爐是當中一個蠻好的方案。我唔食牛，朋友就建議額外要拼盤龍蝦，呵呵！肉質結實多肉，唔會肉味重搶了湯底風頭、肉片同蔬菜$528 兩人份量好夠食。川麻素雞煲百頁豆腐代替雞肉，松茸菇煮出素湯底，有麻辣更令人開胃。但得4片素雞，火又唔夠大煮好耐都唔熱素豬肉泡菜滑，用了植物豬肉Omnipork及自家純泡菜打成，唔講真係食唔出係素，90%像真豬肉。朋務比較差，無人收拾又無水

今日是同事last day，決定同佢食最愛的韓國菜歡送佢， 挑選左無論食物、環境都一流的<The Joomak> 餐廳位於海港城內，環境寬落舒適， 最入面位置可以欣賞到維多利亞港的景色以及每晚8點的幻彩夜香江~  食物方面以創意派的韓式料理，會不定時加入新的菜式， 最近天氣開始凍，餐廳亦推出全新火鍋系列， 三款特色湯底包括: 鹹辣蝦汁卜卜蜆、養生人蔘雞、川麻素雞煲 我地都點左“養生人蔘雞”，用左西班牙無激素的走地春雞， 配上人蔘、紅棗、枸杞等配料，健康又養生， 先飲湯，味道鮮甜，飲左碗即時暖晒， 雞肉鮮嫩，入面仲包住糯米，非常豐富~   火鍋配料就點左“龍蝦豐盛拼盤/二人份量” 大大隻新鮮生猛的龍蝦仲會郁，店員會好細心幫客人處理切件， 肉質鮮甜爽彈，正~ 日本生蠔好肥美、泡菜墨魚滑&鯪魚滑爽口彈牙、美國肥牛、豬腩片等， 仲有好多蔬菜如羽衣甘藍、南瓜、紫薯、粟米等，非常豐富~ 我地4個人，除左火鍋亦點左其他的韓式美食， “混醬炸雞”有6款特調醬汁以及配料俾客人DIY調味 有柚子醬、擔擔醬、黑糖梅子醬、菠蘿椰香醬、 青檸蜜糖醬、士多啤梨韓式辣醬等等，配料有蔥、蒜

踏入12月, 天氣又開始轉冷了, 要吃一個溫暖的晚餐暖暖肚子。和朋友來了這裏吃韓式火鍋。湯底選擇了人蔘雞鍋, 另外, 點了韓牛拼盤和omnipork泡菜滑。飲品方面, 則點了柚子可可雪沙和紅棗草莓雪沙。人參雞湯底裏面有一整隻人蔘雞, 人蔘雞裏面藏有糯米。另外, 火鍋入面亦有紅棗和杞子, 是一個養生火鍋呢～ 湯底味道很濃郁, 帶人蔘雞香味和紅棗的甜味。人蔘雞肉質很嫩滑。韓國牛肉是薄片的, 幾鮮嫩。我非常喜歡吃雪耳, 雪耳很好吃, 充分吸收到人蔘雞湯的味道, 非常鮮甜。我幾推薦這個人蔘雞湯底, 它好像還帶點番茄的味道, 這個湯底放什麼配料進去也很好吃! 紅棗草莓雪沙甜甜的, 裏面還有紅棗粒, 很有口感, 飲品上面還倒上了少量士多啤梨醬。

上次去LCX係睇we bare bears展覽，再上次係黎購物，對我而言，LCX從來同食物打不上任何關係。今次機緣巧合之下，俾我發現到LCX有一間新派韓式餐廳，菜式有別一般傳統派系，吸引左我同女朋友，重拾對韓式料理嘅熱愛。可能六點左右兼好彩，俾我哋坐到近窗邊嘅位，可以一覽整個維港海景，係今餐嘅好開始埋下伏筆。餐廳嘅裝修偏向工業風，燈光較幽暗，樓頂吊燈亦非常有藝術感。叫菜之後職員好快就獻上六款特調醬，分別有柚子醬，擔擔醬，士多啤梨韓式辣醬，青檸蜜糖醬，黑糖梅子醬同菠蘿椰香醬。每一款具有特色，梗有一款款啱你口味，我自己就覺得擔擔醬同柚子醬最夾。不過佢呈上醬既方式有啲頹。雞件的確脆卜卜，原來餐廳嘅雞件用牛奶醃過，所以特別香脆。羽衣甘藍煎餅係今餐最驚喜嘅菜式，平時食羽衣甘藍都係食沙律既時侯，但將羽衣甘藍整成煎餅真係聞所未聞，但食落的確與眾不同，沒有油膩感，配料有洋蔥椰菜等等，口感非常清新。煎餅仲會附上特製醬汁，酸酸甜甜，都幾開胃！就算我唔係素食者都非常鍾意呢個煎餅。香港到11月都仲係鬼死咁熱，所以叫咗個韓烤牛肉冷麵配豬骨汁，營造一下冬天感覺。而佢上菜嘅時候的確煙霧離漫，具有視覺享受。味道亦係一

🍗✨對住海景食炸雞✨係海港城既韓食Joomak坐窗邊一路睇住維港景一路食 特別好feel☺️-🥑青檸牛油果炸雞🍗($168)黎到見到似wasabi😂d醬係少得可憐 而且冇牛油果味炸雞熱辣辣 炸得脆口 但下次會叫d有醬汁既 太dry了-🥘蝦汁年糕（$118）係好濃郁既龍蝦汁！年糕好入味 超好食連菜都索哂汁🤤仲有少少墨魚-🍙韓式松子仁呑拿魚飯卷($98)冇麻油香 配呑拿魚口感都幾乾真係唔洗試 仲要呢個價錢🤷🏻‍♀️-🍹柚子。韓Shake柚子飲品 好清新好解渴會有店員即場係你面前shake😂😂可以自己決定加唔加酒

邊個話韓國火鍋淨係得步隊鍋架？喺尖沙咀海港城嘅The Joomak推出秋冬暖身韓．鍋，由即日起至2019年2月28日，逢星期二全日供應期間限定90分鐘韓式火鍋放題，同A姐望住個無敵海景，睇住幻彩詠香江，再暖笠笠咁嘆打邊爐，真係好享受。人蔘春雞湯底呢度有三款湯底，分別係鹹辣蝦汁卜卜蜆、養生人蔘雞同川麻素雞煲，各有特色，點解唔可以一次過食晒三款湯底呀？呢個以西班牙無激素走地春雞做成嘅人蔘雞湯，夠晒健康。未加其他配料前，先飲一啖湯，人蔘味甘甜，仲右紅棗同枸杞等配料，真係滋補又保暖。雞肉鮮嫩，裡面仲包住糯米，口感豐富！配料分為四大類，分別係肉之盛宴、惹味配料、五穀之選同A姐最鍾意嘅健營之選。肉之盛宴特級美國肥牛中規中距，但美國黑豚豬腩片值得一再encore，豬肉味香濃，又嫰又滑。惹味配料嚟得食韓國火鍋，又點可以無韓國午餐肉同韓式魚糕呢？韓國午餐肉超厚切，好滿足，而魚糕索晒湯汁，好入味。健營之選打邊爐想食得健康，蔬菜類唔少得。而喺The Joomak嘅選擇就有鮮嫩雪耳、同少見嘅羽衣甘藍同水晶冰菜。五穀之選食到尾聲，又點可以無韓國辛辣麵同四彩手拉素麵呢？

混醬炸雞🍗提供6款醬料🥄黑糖梅子醬、士多啤梨韓式辣醬、擔擔醬、菠蘿椰香醬、柚子醬、青檸蜜糖醬🙌🏻6款配料🥄花生、炸蒜、蒜蓉、香蔥、香茜、莞茜🙌🏻按個人口味自製醬汁🥣小妹終極大考驗🙆🏻‍♀️將所有醬料、配料各加少少整成一個醬汁真混帳吧🤷🏻‍♀️哈哈😜事實係意想不到嘅唔錯😚而炸雞炸到外層脆脆🐣雞肉嫩嫩平時一定叫左泡錯煎餅🤭但最近全城熱捧羽衣甘藍😎所以叫羽衣甘藍煎餅試試🤔剛咬第一口🤫都好驚羽衣甘藍嘅臭青苦澀味點知都無嘅😉蘸少少醬更好但煎得有點油膩😅

<與女朋友吃飯系列•二>雖然已提早一個月訂枱，但仍沒有海景位，明顯有點失望。但打開餐牌，感覺食物價錢正路，且餐廳照顧不同類別的人，包括素食者，又加了一些分數。點了一盤雞，一個飯團前菜。奉勸大家不要吃飯團，很難吃，非常乾身，我女朋友吃畢後嘔了，而我也要去廁所解決。反而雞有點驚喜，大大隻，一碟三個人吃也夠，味道酸酸地，也很容易入口。侍應服務態度不好，尙有待改善，結帳時服務最好，其餘時間想要一杯水也很困難😅

朋友既生日飯自己選擇揀左呢間餐廳食😂本來打算book望海景枱 原來無得book係先到先得由職員安排🥺🥺🥺🥺 呢到特色之一都係90分鐘火鍋放題...不過我地無選擇 散叫野食<韓式吞拿魚飯卷>黃色一粒粒係豆黎 配上一齊食可接受到<魚糕湯>諗起係韓國凍冰冰時食特別好味🥶魚糕得3串 雜菜反而好多😂<韓式薄餅>都係普通 唔太特別☺️因為今餐飯係預祝朋友生日 已講明要生日甜品🍮 到餐廳時再同職員confirm到order 甜品時職員誤當我地普通叫甜品落單直到甜品送上 我地問職員「點解無生日牌既？」職員收回甜品 重新送上🙈生日驚喜都識穿😂😂😂😂😂😂😂😂

星期六12:30去了得一台人，安排左去窗邊坐，見到維港，仲見到美軍嘅艦艇，窗邊有d小擺設都幾靚。之後叫左一個混醬炸雞，黑糖麻藥粟米，柚子韓shake混醬炸雞：有6種醬 -士多啤梨辣醬比想像中甜，得好少辣，啱唔食得辣嘅朋友 👍🏼-椰香菠蘿我幾鐘意，味道似乳醬帶d果味👍🏼-其他幾款醬就普普通通😀重點來了.... 食炸雞除左睇個醬好唔好食就係睇下個雞炸成點佢個雞炸出黎個顏色已經唔太好，好啡黑，食落好乾唔好食，整體黎講麥麥或者二一八五個零可能好似過佢🤣其實仲有6種配料，但佢無俾到我地😇但見配料係蔥蒜咁我又唔好呢d就無叫佢拎返黑糖麻藥粟米：呢個粟米就好食啦！粟米多汁，加埋甜甜鹹鹹嘅汁，好好食😍份量都有6舊都ok柚子shake:大約有5-6小杯左右，會有個侍應係你面前shake，我係個40歲姐姐shake，所以無咩feel，飲落柚子梳打咁，一般。

人蔘春雞湯底.韓式打邊爐 以西班牙無激素的走地春雞 做成的人蔘雞湯! 打邊爐前先喝一口湯 人蔘味頗濃 加埋紅棗枸杞等 有養生的感覺🤣 原隻春雞 雞肉不會乾韌 而且有雞味🐔 內裏釀了糯米😚龍蝦豐盛拼盤.食完春雞 就開始打邊爐! 點了一份二人用的龍蝦拼盤 份量都好夠食~ 主角龍蝦依然生猛識郁 好新鮮😍 之後店員會幫助切件挑腸 新鮮的龍蝦不用煮太久 肉質爽彈 味道鮮甜 滿意👍🏼 其他配料仲有日本生蠔/美國肥牛/豬腩片/芝士腸/泡菜鯪魚滑/泡菜墨魚滑☺️ 蔬菜類都好豐富 有冰菜/羽衣甘藍/南瓜/紫薯/豆結/粟米 😙

約左幾位姊妹食飯 知道有限時要交枱我遲左少少到 一去到就見到個應該係經理級既店員係咁催落單但店員又話食物上菜速度好快我都未坐低就問我叫咩餐牌都未睇 點知食咩？跟住我地話轉頭再落單其實都好多種類揀俾多少少時間人地睇唔得咩跟住再落單 我點多次混醬炸雞又好冇禮貌答我話落左單啦混醬炸雞有6款醬汁 自由配撘雞炸得好香脆泡菜煎餅味道幾特別 塊薄餅好軟身飲品都好有多選擇呢款係水果柚子茶好清新 香甜阿經理級店員係限時10分鐘前已經拎埋張單叫我地埋事前係冇提示過而我地都係限定時間離開其實食物不錯 不過服務態度真係令人好唔舒服