The Point (已結業)

A criminally tiny portion of soggy salad leaves for 112hkd. Was this a joke? The pizzas are so so because the crust was mushy.Definitely not worth the money.

當日order左 298+ 既二人套餐包2個appetizer, 1個pasta 一個意粉 同兩杯特飲（當日係orange soda)揀左ceasar salad 都ok既 個sauce唔錯～另外要左 smoked salmon 雖然個擺盤好一般但味道都ok～main course 要左smoked salmon pizza覺得個pizza 性價比最高～ 份量偏大 而且d 三文魚都幾多下 但味道稍鹹另外意粉揀左 蜆肉意粉 呢個就一般般 好淡同個pizza 對比好大😂 總括而言 性價比唔錯 兩個女仔都食唔晒但餐廳比較嘈吵 台與台 空間不足 會聽唔到對面朋友講咩個特飲 orange soda 都幾好～ 好解渴😗

約左舊同事食飯，年輕同事提議試新野。可能係平日關係，7點去到唔駛排隊直入。我地叫左2個set dinner。每set有一個前菜，pizza, 意粉同一杯飲品。賣相：特別喜歡圖中巴拿馬火腿pizza，好靚食物：前菜我叫左磨菇湯唔錯，夠熱同重磨菇味。同事叫沙律，正正常常。pizza 叫左巴拿馬火腿同煙三文魚，兩個 pizza 唔錯！脆底多料，係煙三文魚嗰個加埋隻蛋有少少膩。意粉叫左卡邦尼同硯肉，頗油，普普通通，唔太吸引。服務：黎哂沙律pizza意粉但竟然個湯仲未有，咁循例追一追，店員話因爲即刻整要耐啲時間，如果我地唔想等可以轉第二樣。店員係有禮貌有笑容咁講架，最近好少遇到咁好既店員，好讚！環境：小店有啲迫啦，同隔離枱都幾近每人百零蚊，平過Pizza Express，pizza 質素我覺得兩間差不多，可再試！

今日星期三放假同朋友睇完戲諗住去the point食晚飯，平日諗住唔使卜位， 點知七點半都未夠就爆曬場要喺門口排左10分鐘先入到去，入到去每一個待應生都跟我們四個打招呼，開頭感覺有點怪怪。可能在外面吃飯好耐都沒有試過有侍應生咁有笑容同我們say hi，介紹我們食物分別有，和牛蜆殼粉，火箭菜啤梨沙律，龍蝦Pizza真係要講講，外型賣相好有睇頭，味道我比80分，不過四人座位感覺到好似好迫，不過勝在氣氛好，侍應生King你很有禮貌細心安排座位，介紹美味食物，感覺像去了朋友開的餐廳一樣，非常高興，洗手間不夠大，感覺壓迫不過勝在夠乾淨，在銅鑼灣區餐廳入面搵一個乾淨的廁所確實係難事。建議大家預先book位，餐廳門口人龍好多人。

琴日weekend約左母親大人食lunch，皆因早前同朋友食過呢間嘅dinner覺得好正好正，就諗住帶佢去食下好西。去到大概十二點九唔洗等位即刻入得，餐廳有落地大玻璃，望上去有啲似溫室咁Lunch同dinner分開唔同餐牌，睇下lunch嘅餐廳都有好多嘅選擇最後我地點左一款pizza同一款意粉。本身想試龍蝦貝殼粉，可惜得下午菜同晚餐先有因為媽咪鍾意食風乾火腿，所以叫左呢款夏威夷pizza。每片pizza都有一塊火腿，卷成玫瑰花形，幾靚焦糖菠蘿好入味，有埋松子，咬感有層次呢個香煎虎蝦配香濃海鮮汁意粉成為左我至愛有兩隻好大隻嘅虎蝦，好重嘅蒜香同芝士味，要俾一百分💯海鮮汁滲哂入意粉，而且份量岩岩好！兩個人兩碟食物飽到上心口呀，大滿足

意大利菜嘅餐廳愈開愈多呢間係銅鑼灣嘅餐廳星期五都差唔多Full但兩個人食walk-in就即刻有位兩個人Order左兩個mains一個pizza 一個沙律Pizza 叫Green Neptune有蜆肉 蝦 魷魚等Pizza 係用火爐烤同埋係薄批所以唔會好油而料就唔算好多不過每舊都有隻蝦係面最impressed係個pesto sauce好香香草味令到成個pizza無咁heavy 兩個人都食得曬🍕軟殻蟹沙律都唔錯隻蟹唔會太炸好明顯見到有好多蟹肉沙律就稍為多醬左d如果本身唔中意食沙律菜嘅人可能會覺得易入口d不過價錢就偏貴

因為友人的介紹，決定一試這家餐廳。我們四人點了Antipasto Palette、Smoked Salmon Pizza、Conchiglie Pasta with Wagyu Beef Ribs和Truffle Fries。Antipasto Palette有四款意大利風乾火腿，味道頗香濃，可以以火箭菜和芝士中和一下。這道日式風味的溫泉蛋煙三文魚pizza味道挺不錯，玉子和三文魚的香味與薄餅融合在一起，相當可口。而忌薕芝士醬也不太重，不會使整道菜更膩。最愛是這道紅酒燴和牛勒肉配貝殼粉，牛勒肉煮得軟嫩而且入味，味道剛剛好，口感也與貝殼粉配合相宜。總體來說味道還可以，而且頗多選擇，可以一試。餐廳裝潢不錯，可是廚房的油煙味不斷傳出來，令用餐環境扣分。

星期五的晚餐時段，剛好到埗時仍未需輪候，直接入座。入座前，已經望到門口的標示，指明晚餐只限 75 分鐘用餐時間。「食意粉同薄餅只得 75 分鐘？好趕喎！」反正香港人食飯又急，食完再去逛街，呢間又未食過，好啦，試一次。兩個人，點了兩款食品，一杯飲品，評價如下：1. 三文魚蘆筍白汁天使麵呢款係三項之中評價最好的食品，白汁濃而不膩，除了兩片煙三文魚之外，碟中的熟三文魚條和蘆筍數量也不少，全碟的整體份量合理，可以算是有質素的意粉。2. 軟殼蟹甜椒菠蘿 Salsa 醬薄餅薄餅 11 吋，分八件，上面有軟殼蟹半隻，再割開兩邊，甜椒同芝士不吝嗇，可惜不太食得出菠蘿醬的味道。3. Mango Tango (Mocktail)食品不錯，飲品唔得。盛惠 48 元加一，但感覺只是一杯橙汁加梳打水，確有橙肉浮面，杯邊沾了砂糖，但點都飲唔出有芒果味，而且份量不多，食半餐已飲完。整體而言，食物的質素和款式似「加州薄餅廚房」或者「薄餅速遞」。食物飲品講完，講講環境。檯的寬度是足夠的，放薄餅意粉等不需就住就住，但是每檯之間間距甚密，對話無私隱事小，旁邊大聲講大聲笑實在難受，朋友進出往洗手間會容易揩碰鄰座的桌子。雖說如

The Point 永遠都係我係登龍街既首選！今次叫左個lunch set再加多個意粉同sweet pizza，lunch set係可以揀2 courses / 3 courses. appetizers 揀左炒雜菌 細細碟 幾香蒜味main 揀左一個有火箭菜 薯仔 炸蒜頭 同菇既pizza 仲偷偷地叫廚師加多d cheese🤤甜品 就揀左個中規中矩既cream puff 冇咩特別食the point一定要叫既係sweet pizza! 成個combination 好正 今次叫左banana heaven 有vanilla icecream，香蕉，棉花糖同朱古力醬 有種冰火交融既感覺！真係好好食🤤🤤❤️

落住大雨既一個夜晚，銅鑼灣既街頭搵下野食，無意間走入呢間店，竟然發現呢個好好味既pizza,餅皮又薄又脆，食得出係手工製，佢隻煙燻三文魚，生雞蛋，三文魚子，芝士再加少少香草，從來無諗過個配搭咁perfect ，初時係朋友話要食，我仲諗緊：吓，會唔會好難食？點知真係食完一口再一口，到而家寫食評既時候都仲好心思思想再去食，煙燻三文魚比生雞蛋帶出左鮮味而三文魚子既咸香爽同生雞蛋又出奇地夾，第一次食到咁有特色既pizza！龍蝦湯好濃夠鮮味，睇得出用料足！軟殼蟹沙律d 菜都幾新鮮，蟹都炸得唔油膩。我要再三強調，真係好鍾意個三文魚pizza 吖！

登龍街食店林立，選擇甚多，但係The Point永遠係我心目中嘅first choice，好味係基本條件，重點係每次到訪未見人龍無須等位，但唔代表餐廳質素差先無人排隊。排隊食飯呢回事向來於我好不智，世上無左一個我，仲有千千萬萬個我，餐廳如是，排除食飯好比未見官先打三十大板，排完一輪邊有心情食飯。今次已經第二次來，我係衝着佢呢個水牛Pizza而來！即叫即整，嚟到熱辣辣仲會拉絲，餅底薄身脆口，而且份量一啲都唔孤寒，兩三個人share都好足夠。

首先Meatball penna的肉丸是自製的，有肉味不死實，調味適中。Penne徧淡，只有茄膏味，成人或許難免覺單調，但小孩子吃剛好。已吃膩了Black truffles fries, 難得有別的，來了一客Fried sweet potatoes chips,單吃已不錯，特別加分是自製的醬汁，搭配的~(有些餐廳自製但味道比現成醬汁差，又是納悶)Pizza種類很多，看到有食評說沒特別，其實很視乎你選了什麼。手工Pizza一般都是薄的，厚批只有pizza hut在賣 。個人特別喜愛有烤菠蘿的pizza,難得有Hawaiian當然要點。這pizza dough不會過硬，鮮菠蘿被切成大塊薄片舖在芝士層之下，juicy又清新，跟放表面的Parma ham很搭。有點奇怪是這Parma ham比平常咸，太搶戲。火箭菜雖然好看但太苦，不覺得它能提升味道，還是適合外國人口味多些。整體還是很不錯吃！Clam linguine是我到哪間餐廳最愛嘗嘗的item.首先蜆肉飽滿沒沙，沒煮過頭變泥膠有加分;扁意粉al dente有香蒜辣味，夠熱;最重要是吃的時候不會油膩。唯一美中不足是指過辣，蓋過本身olive

上星期已book位三個人今晚食the point確實係唔錯之前一直都冇機會食今晚專誠來試吓龍蝦Pizza真係好靚好好味， 餅仔夠薄入口淡淡新鮮龍蝦。^_^員工介紹食啤梨火箭菜蜜糖沙律，都幾唔錯一隻叫鬼佬的手工啤酒好特別好好飲，手工啤酒選擇多花多眼亂環境衛生程度都乾淨不過覺得坐得冇想像中咁舒服，木造椅子感覺硬梆梆腰骨都攰建議多啲人一齊來食因為餐牌比較多選擇，三個人埋單＄600都唔算太貴侍應夥計全程有講有笑都幾開心希望可以再有機會你試吓其他食物

大約半年前來食呢間Pizza好好食，星期日下午茶時間專登早啲嚟食，怕晚飯多人要等位，我打開餐牌好多選擇，睇左好耐都15.16唔知叫幾多先至夠食，又怕叫得太多食唔晒，大約5分鐘到已經有位侍應親切地介紹食物俾我哋，雖然我哋兩個問咗好多問題但都冇覺得我哋煩反而好好禮貌！講下食物先！叫咗個黑松露薯條，芝士蛋黃醬好香，但薯條比較普通，如果係新鮮手工薯條會更加好味，叫咗個雪糕pizza，非常特別棉花糖呈半容感覺，有機會真係要約多啲朋友夜晚過嚟食多啲啲款式，但都不是10分完美，客人洗手間太細，轉身覺困難，坐門口附近餐廳經常開門閂門，好多熱風吹入嚟！不過來食食物，服務態度已經值回票價。

一行三人於用餐三日前致電到餐廳訂位，朋友準時到達餐廳，店員安排三人坐於一般大小的二人座然後在其中一邊加多一張椅子。如果在下午茶時間或只為吃小食甜點的話，一張二人枱三人彷如打麻雀親密地坐，是沒有問題的。當日我們是晚上8時半為了晚餐而來，不難想像，當三位的餐具放在枱面後，枱中只餘一隻碟的空間。朋友首先同店員反應座位太迫，可否轉為四人枱，店員說其他枱已經有訂，待我們鄰枱結帳後可以給我們一張枱。但鄰枱六人正在高興地天，枱上的食物仍有不小，目測鄰枱不會在短時間離開。因為太餓的關係，我們先點了開胃酒及沙律，再問可不可以安排其他枱，因為鄰枱應該仍不能交枱。再過了數分鐘點了其他主菜。過了一會兒店員竟然直接幫鄰枱結帳，但我在訂枱及入座時并沒有提及有食餐時間。對於店員舉動我們覺得店員十分無禮。正在議論紛紛時，沙律已經上枱。有一位比較友善的店員說過多一兩分鐘可以換另一張枱。在吃沙律中途其他主菜送到，但枱面已經沒有位置，剛好店員可以安排另一張枱給我們。說回食物質素，pizza/意粉選擇多，整體味道不錯，份量比較適合兩人同餐。氣氛裝飾和諧，是聊天小聚的好地方，不過單數的話，絕對有機會坐得十分親密。。。