The Salted Pig (新城市廣場一期)

营业中

休息中

女友人WK之前約我食生日飯,由於佢因腳患暫時住喺沙田,而且約我喺沙田食,所以我揀前日(9-9-2022 Fri)食晏,佢哥哥話半年前嚟過呢間食,覺得唔錯,於是我哋揀呢間.我預先book咗位,而我哋係遲到嘅,不過唔緊要,因為佢重有大把位,但WK嘅電子針咭已冇效,唔可以堂食,女店主話出面有位置可以坐喺嗰喥食,但由於嗰個位熱,所以我哋唔坐得.幸好商場內有啲位俾人坐,於是坐喺嗰喥,我哋就買外賣,我哋睇完menu,決定要同樣$158.00嘅脆焗芝士豬扒,羅勒,番茄醬,雜菜沙律同薯條;同紅咖哩油封鴨腿配脆麵,但後者係外賣唔到,於是轉要$98.00嘅手撕燒烤豬肉漢堡,椰菜沙律同薯條.由於礙於環境,我哋唔叫餐廳自己做嘅飲品,因為佢哋冇外賣嘅杯,所以我哋要汽水,同埋唔加$20.00要甜品喇.而呢日嘅餐湯好似係白椰菜花忌廉湯?個湯係半個紙碗咁多,飲落,味道同普通白湯好唔同,質地好杰.味道:2.8分打開睇兩個主菜.嘩!有好多薯條,影完相,我哋就share兩隻豬.我嘅豬扒厚道適中,口感彈牙,但味道就幾淡,就連芝士都唔鹹.味道:3分薯條係有調過味,唔係只係落鹽.雜菜沙律正常冇問題.薯條:味道:4分, 雜菜沙律:

the salted pig不嬲都係肥雞最鍾意去嘅西餐廳之一,新城市廣場嘅分店就因為地方就腳同埋環境衛生都唔錯，所以肥雞都好鍾意去 。肥雞今次就嗌咗佢嘅厚切豬髀 ,佢嘅小菜肥雞非常之欣賞，用牛油煎得香脆嘅露筍配上香甜嘅紅蘿蔔仔 ，再加上一啲迷迭香嘅香味，配上啖啖肉汁香濃嘅豬髀肉，實屬唔錯 。而佢嘅fish and chips都非常之出色，用啤酒調嘅炸粉漿，配上深海嘅魚柳，魚肉香味非常之龍，香脆可口嘅炸衣，嫩滑嘅魚肉，配埋他他醬食真係好好味。最後都嗌咗佢嘅小食拼盤，入面有佢嘅burger，炸豬皮，炸魷魚等小食,用一份價錢就享受到唔同嘅美食，啱曬肥雞。

每個月，我地一定要黎沙田食一次德國豬手🐷試過無數咁多間之後，依然係覺得呢間係最好味😋😋沙田分店最正既地方係，隔離就係snoopy land，小朋友係隔離喪跑放電一個鐘，就肯乖乖坐定定食飯，唔洗追住黎餵🥰脆皮烤咸豬手 🍖🐷 係餐廳最最最推介嘅經典菜式，份量超級多‼️豬手皮脆肉嫩，個皮好酥脆，一啲都唔會硬。豬手上面仲有一層邪惡肥膏，入口即溶🥹啲肉仲係好Juicy，鹹鹹香香咁。調味岩岩好，唔會死鹹，好難得🤩配菜有酸菜，食多幾舊肉都唔會膩🥰烤斧頭豬扒🪓🐷食肉獸必點‼️豬扒係非常非常厚切，但佢仍然可以做到岩岩好熟，外皮焦脆，但肉質仲好冧身同好多肉汁，唔會韌。呢個調味較淡，但配埋旁邊酸酸地帶果香嘅醬，鮮味十足😋

環境比較迫，但都算welcome帶小朋友去食嘅餐廳！食物質素唔錯，都算多種類可以選擇，但係價錢偏貴！我最鍾意嘅就係佢呢間餐廳唔洗點等位，服務態度都算唔錯，都算食得開心

早幾日約咗朋友去咗沙田新城市廣場嘅”The Salted Pig”食dinner🙌 記得去之前要book位啊，如果唔係就要排隊🙈佢嘅裝修好有格調，而且座位好舒服，店員仲好有禮貌添👍🏻首先order咗佢嘅✨Sharing Snack Platter✨$278佢有八種唔同嘅小食，份量好多，超抵食！迷你牛肉漢堡嘅肉身好厚，而且配合埋茄汁同酸瓜，夠晒開胃～ 香料雞翼夠晒入味，同豬皮脆片一樣，十分香脆👍🏻 而佢嘅蕃茄芝士肉丸好juicy，加埋蕃茄醬，味道好突出～另外拼盤仲有脆豬肋骨，酥脆魷魚圈，薯條&酸麵包多士🤩主菜叫咗廚師推介嘅Seafood Paella $228🐙西班牙海鮮飯鋪滿不同嘅海鮮，有蝦、大蜆、青口、魷魚、魚柳、辣肉腸、煙雞肉，十分之豐富🤤 飯嘅口感好煙韌，乾身之餘吸收左海鮮嘅精華同埋湯汁，真係忍唔住食多幾啖👍🏻最後叫咗個甜品New York Cheesecake 🧀 $72因為有朋友生日，餐廳超好，幫我寫生日字同準備埋蠟燭🎂 佢嘅cheese cake軟硬程度啱啱好，好滑身嘅濃厚芝士味配合埋士多啤梨同藍莓，絕配😋

我已經係salted pig既fans，佢既豬真係食完返唔到轉頭。沙田店環境非常舒服，服務亦好有禮貌，會主動問我需唔需要牙籤，亦見到店員問其他客人食物滿意嗎，十分貼心。Crispy pork knuckle （＄308）1kg for 2 persons超級推薦，脆皮，嫩滑，多汁，點埋店家既特製細汁，更加帶領豬手到另一層次。Grilled pork tomahawk （＄252）大大塊烤斧頭豬排，白肉更多，滿滿既蛋白質，好食。Elderflower highball （＄78）Whisky味比較強，帶點花香，甜度中等，餸肉一流。

[ The Salted Pig 豬門店 ]放假去沙田食嘢，見到店名都估到呢間西餐廳提供以豬為主題嘅菜色，而牆上&餐具都有大量豬仔圖案，突出咗餐廳嘅賣點。✿ 招牌德國鹹豬手、烤薯、酸菜、芥末籽忌廉汁 🐖🇩🇪$308豬手約一公斤，適合二人享用。豬手已預先拆骨並切好上碟，方便進食。豬手含有豐富膠質，外皮超脆，內裡充滿肉汁，豬肉入味又嫩滑。整體上豬手嘅鹹度可接受，覺得太鹹可以配芥末籽忌廉汁中和下，而酸菜非常開胃👍🏻✿ 招牌手撕燒烤豬肉三文治、薯條 🐷🍟$178 三文治嘅兩片大麵包烤至微暖而香脆，豬肉去骨後撕成條狀，醬汁係煙熏味燒烤醬，味道帶少少甜。✿ Refreshing splash 🍹$62✿ Passion apple 🍎$68餐廳有多款酒精/非酒精飲品選擇，啱哂送豬手食。呢兩款mocktails配搭清新嘅果肉，解膩一流。總結🫦餐廳用唔同嘅烹煮方式做出多種以🐷肉為主題嘅菜色，上菜速度都幾快，用餐時間得90分鐘都唔覺食得趕，但建議上佢地嘅網站book定枱先😼✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿The Salted Pig 豬門店地址：沙田沙田正街18號新城市廣場一期7樓

再訪𝚃𝚑𝚎 𝚂𝚊𝚕𝚝𝚎𝚍 𝙿𝚒𝚐🐖真係每次都唔會令我失望😉·<𝗦𝗽𝗮𝗻𝗶𝘀𝗵 𝗚𝗮𝗿𝗹𝗶𝗰 & 𝗖𝗵𝗶𝗹𝗹𝗶 𝗣𝗿𝗮𝘄𝗻𝘀｜西班牙香辣蒜片蝦、辣肉腸、多士> ʜᴋᴅ 142爆香蒜片同辣椒後加埋蝦烹製，辣度都真係唔惹小🌶大蝦雖然係凍貨，但都非常實在爽口🦐仲有唔少辣肉腸好惹味😝·<𝗦𝗹𝗼𝘄-𝗰𝗼𝗼𝗸𝗲𝗱 𝗕𝗕𝗤 𝗕𝗮𝗯𝘆 𝗕𝗮𝗰𝗸 𝗥𝗶𝗯𝘀｜慢煮醬燒豬肋骨、椰菜沙律、粟米> ʜᴋᴅ 252之前食過好滿意所以又要翻撻🤪豬肋骨經慢煮後好軟腍，可以輕鬆切開同咬😋再掃一層經典美式bbq醬喺表面，個人覺得可以再比多啲醬，咁切開咗之後都可以再蘸啲😜薯條鋪咗喺底所以有啲腍咗🍟·<𝗖𝗿𝗶𝘀𝗽𝘆 𝗣𝗼𝗿𝗸 𝗞𝗻𝘂𝗰𝗸𝗹𝗲｜招牌德國鹹豬手、烤薯、酸菜、芥末籽忌廉汁> ʜᴋᴅ 308一公斤嘅豬手足夠兩個人食，已經切好上碟，唔洗自己做豬肉切割員🤭唔介意儀態嘅話仲可以拎起舊骨慢慢吮🤓外皮炸得香脆，肉質一啲都唔柴😙芥末籽忌廉汁唔係好覺芥末味，自行蘸咗茄汁覺得更加配😂·<𝗦𝗲𝗮𝗳𝗼𝗼𝗱 𝗣𝗮𝗲𝗹𝗹𝗮｜西班牙海鮮飯> ʜᴋᴅ 228連埋鑄鐵鍋熱辣辣上枱，除咗

沙田新城市廣場the salted pig , 知有 Vegan 純素及 vegetarian 素食 食物， 於是朋友幫襯此食店。點知入坐後話只有1）🍔 impossible burger , 另一 2）純素 🌮cheesy omni pork nachos 墨西哥芝士新豬肉薄脆冇再出。 純素意粉又冇， 咁你叫 純素食者有咩食呀， 點解要選擇你餐廳呢？ok, 我只點 vegan 之 impossible burger ， 走醬。burger 包面好油， 漢堡扒唔熱， 薯條又唔脆熱， 唔係即炸咩？ 唔脆唔熱。burger 又唔熱， 你想點呢？ 仲要收$168. 會否過份， 收勁貴。另一朋友不是素食者， 點了午餐紙包焗魚蔬菜 $148魚冇味， 蔬菜唔鮮又冇味， 魚似是煎左放入牛油紙之蔬菜內， 扮焗。請問是否忘記加鹽， 糖， 胡椒粉, 芥末。等調味料呢？？可以完全冇味， 冇調味， 好野。侍應上菜問都唔問此餐是誰， 就咁放在枱邊就走左去， 咩事呀？！ 咁樣服務態度既總評： 3分1）食物質素。 3分＜未試過食到一肚氣。＞食物唔熱， 冇味， 質素好差， 價錢又超貴。burger

🥢 如果想同朋友或者另一半慶祝下特別日子，想食啲有格調啲嘅西餐的話，今次為大家介紹同推介沙田新城市廣場7樓嘅 The Salted Pig🐖 👍🏻 裝修好有特色，有一幅豬豬牆配合自家主題，燈光暗暗地好舒服好有情調，店員都好nice好好服務，多次提醒我地個鐵板好熱，亦會主動fill清水 ✨ 小食拼盤分享 $278裏面總共8種小食，啱曬貪心想每樣食啲嘅朋友仔，番茄芝士肉丸做得幾好，咬落去唔乾身好濕潤，而且番茄醬味道好突出，微微帶點芝士再香啲，係幾特別，豬肉脆片，類似炸蝦片味道，好香口而且份量幾多，脆豬肋骨，外皮好脆而內裡唔會太硬，烤得都入味，迷你牛肉漢堡，有驚喜，牛肉好厚，生熟程度控制得好好，好多肉汁，配合茄汁同酸瓜好開胃，香料雞翼，香料味道好有東南亞特色，微微帶辣同避風塘口味，就連裏面嘅肉都好入味，酥脆魷魚圈，唔會過鹹都做得唔錯，薯條溫度脆度適中，酸麵包多士，麵包可以食得出烤盤烤過嘅味道，留有陣陣烤過嘅油脂味道 ✨ Seafood Paella $228海鮮飯用鐵盤裝盤keep住溫度，賣相好靚份量兩個人share都足夠，飯粒粒粒分明，各種海鮮都好新鮮，青口同蜆都好鮮甜，蝦都幾大隻，辣肉

The Salted Pig食品質素一向好好，因為相約朋友gathering ，今次就決定去沙田新城市廣場分店品嚐。依度好有氣氛，環境優雅而且裝修精緻，最緊要員工服務周到好到位。今次order左番茄肉丸意粉、烤斧頭豬扒配煙肉椰菜仔及薯條、招牌手撕燒烤豬肉三文治配薯條，因為餐廳食豬聞名，所以3個dishes都有豬肉。番茄肉丸意粉用新鮮番茄及茄醬做汁，撈意粉食口感一流，加埋新鮮可口肉丸食，好有農場田園感覺。烤斧頭豬扒超級厚身，但用刀切落肉質柔軟，點埋甜桃蓉放入口食好fresh，好有層次味道，放配煙肉椰菜仔及薯條食，係好完美嘅一個main course。招牌手撕燒烤豬肉三文治配薯條好值得推介，手撕豬肉用秘製醬汁醃過好入味，兼且肉質柔軟，三文治烘過後夠香，加上配菜薯條一齊食，每一啖都有吾同口感。

今日嚟到沙田探朋友，順便試吓呢間西式Fusion 菜併盤有蘇格蘭溏心炸雞蛋、迷你牛肉漢堡、豬皮脆片、蟹餅、脆豬肋骨，秘製香料醃製的香烤雞翼，太正喇煙肉芝士焗通心粉香濃好味肉眼配薯條冇得輸

又約左成日一齊中伏嗰位朋友食飯啦~但今次竟然冇中伏，仲出乎意料地好食。一睇呢間餐廳名就估到係食德國豬手，所以冇理由唔叫返隻試下~🔸Crispy Pork🔸1KG 二人份德國鹹豬手，外皮香脆，而且已經切好晒，啖啖肉🤤淨食肉味道偏鹹，但配埋醬汁、烤薯、蘿蔔絲食味道則剛剛好😋 🔸Calamari Fritti🔸小食叫左個魷魚圈，外脆內嫩，魷魚唔韌，就咁食都夠味，嫌太乾亦可沾少少青檸蛋黃醬，又有令一種風味✨🔸Garlic-Sauteed Mixed Greens🔸均衡飲食又點可以淨食肉，叫左碟香蒜炒時菜，有西蘭花、小椰菜同四季豆，好香蒜味加上有少少黑椒，非常惹味，份量亦都好多，兩個人都差d食唔晒😳🔸Pink Piggy & Passion Apple🔸飲品方面叫左兩杯mocktails， 兩杯顏色非常相似，都有士多啤梨，但Pink Piggy飲落則重番石榴味，酸酸甜甜，至於Passion Apple則重士多啤梨味，加上熱情果肉，味道偏酸，非常開胃！今次難得同呢位朋友食飯冇中伏，真係好感動， 希望下次再約都一樣咁好彩🥺😭

Happy Friday 決定同屋企人試返e間德國菜，可以電話book枱到6:30，之後就要8:00，gap period 要walk in，大家想食要留意呀～Crispy Pork Knuckle $308 ❤️自從去完德國返來，都好耐冇食到咁正嘅豬手～外皮脆卜卜，入面肉質夠淋，配埋醬好正😆1 kg份量都好大，兩個人可能會有啲膩，推薦4個人 share Beer Battered Fish & Chips $188 ❤️份量都係大大份，用啤酒漿炸出嚟嘅皮夠薄，啖啖脆口，而魚肉都實正，相當高質，至於薯條就正常Seafood Paella $228相對前面嘅肉食，佢份量稍為細返啲，海鮮雞肉鋪滿成個pan，有青口、蜆肉、蝦、帶子、魷魚、魚肉，雞肉；材料新鮮，啖啖都食到；Risotto 夠軟身，味道少辣，整體都okSharing Snack Platter $278裏面有好多嘢食，平時兩人share加碟意粉都夠哂；最鐘意佢嘅迷你牛肉漢堡，牛肉夠Juicy濃味，配埋酸瓜嘅夾；豬皮炸得好脆，比薯片硬啲嘅感覺；蕃茄芝士肉丸同雞翼調味亦好；炸魷魚就要靠醬汁先有味，但都好夠淋；豬肋骨偏乾；薯條麵包正常總結

之前睇過佢地既menu, 覺得食物整體都幾貴，雖然食物portion 都幾大，但兩個人好難試多幾款，所以一直都無意幫襯. 不過原來閒日下午三點後係有下午茶餐，$78 起又幾抵食既，所以入去試一試叫左個芝士鴨胸焗通粉，熱辣辣新鮮出爐，d 芝士係拉絲，下午茶都絕不馬虎. 加$20 仲可以揀加配小食，有德國腸，炸魷魚圈，炸雞翼等等. 我揀左炸魷魚圈，因為唔係好多地方有既小食，$20黎講算幾多粒，加埋佢個他他醬真係好開胃，佢地應該有加少少檸檬汁，好有誠意