The Starred

营业中

休息中

This restaurant decorated is like those old HK style restuarants in the colonized days. Surely it has retouched. The bread is home made with a pleasant roasty aroma. Serves with oil and vinegar. I like a generous amount of vinegar. Butter is served on request. Soup of the day is beet soup. I like creamy texture of it. Grilled Jumbo Chicken Steak Topped with Parmesan CheeseMy partner ordered this grilled chicken. honestly honestly the sauce tastes like a tomato spaghetti in a cha chen teng. The c

初開業時已食過下午茶丶晚餐，覺得品質幾好，價錢合理；今日再嚟下午茶，可能呢排太多人放假，人流多咗，平日過咗兩點，竟然要等位。當前一枱客人離席，店員會先用消毒紙巾抹各座位，之後先安排客人入座，每張枱上都放有一支消毒搓手液可供客人用，幾細心。燒紐西蘭西冷牛扒(薄切) 配炒蛋及炸薯角 $42薄牛扒比之前食過嘅厚咗少少，肉質略有少少榎，但味道係唔錯嘅，呢個價錢來講性價比都算ok烤芝士•香腸•秘製BBQ醬 配意大利香草麵包兩片 $45失望，份量比預期少，味道普通，係個意大利香草麵包較好味，點埋佢個黑醋橄欖油仲正最滿意係呢度嘅咖啡

巳經多次經過都被裝修設計吸引到，但一直無去試，今次專誠去一次試食，一入到去侍應非常親切有禮貌，見到餐單亦都覺得好有意思，當食物嚟到嘅時候包括外觀都相當吸引！重點來了，先來即磨咖啡味道非常香濃，糖甖亦相當精緻，令到我都不忘拍張相給大家！之後餐湯來到亦是惡夢開始，我們二人叫了兩份午餐！其中一份要了餐湯，雜菜湯。1. 雜菜湯淡而無味，一碗水煲埋加三碗水溝起咁極淡！再來(雙重芝士 意式蕃茄蓉醬 煎美國穀飼去骨豬扒 意大利粉) 份量少，豬扒乾硬！2. (燒紐西蘭西冷牛扒(薄切) 伴燒汁 配 蕃茄雜菜湯意粉) 西冷牛扒木砧板上，賣相相當好，但牛扒凍的，乾硬，比BBQ凍肉店買的更差！ 湯意粉暖的，還要是徧凍的暖，都是一碗水加埋三碗水溝起，淡如水！ 全餐唯一能贊的只有咖啡☕️😪失望至極！ 沒有下一次機會！浪費時間！從來無試過岀食一間餐廳可以差到咁，比茶餐廳更差！

本身打算去一間叫激x燒肉去吃韓國燒烤的，但是實在太多人了，本身大概7:00到的，由於忘記book 位，說要等到九點就不等了...因為行得太攰，而咁啱經過呢一間食店，紅色的裝修很漂亮，在大街位置也很搶眼，就進去了，不過原來係一個伏！我們要了兩個餐，一個英式獵人雞，另一個是什扒餐。一個是配紅菜頭忌廉湯，另一個是蕃茄雜菜湯，兩個餐的肉類都只有一個字，亁！不單是沒有juicy 的感覺，口感也非常乾，沒味道，就是乾!!!!! 😐😐 餐飲中的朱古力賣相非常好，怎料原來是啡色的水！是水味！沒有一丁點朱古力味，遠遠不及任何一間茶餐廳嘅快餐店，真的犀利😑😑這餐唯一可以吃的就是麵包及湯，配菜也算可以吧！還有我加$15要的甜品芝士蛋糕🍰也算不錯。服務方面，店員不會主動拿水給我們，沒有很熱情但也不是太沒有禮貌的，不過不失吧。噢還有，我們被安排的位置離廁所門口差大概一步半吧😦不知道還有什麼餐廳可以有這樣出色及貼心的安排🤪雖然價錢非常實惠，但是性價比真的佩服佩服！

果日行完山，回程經過這陸陸式小店，被佢門面吸引到，很特別由店面到店內裝潢，都氣氛濃厚，看出店主很用心佈置，上至很多盞水晶吊燈，下至啡皮座位及咖啡杯碟，在繁忙都市，放鬆簡直一流!!最重要是下午茶都係$40左右，麵包係有咬口果d法包紅菜頭cream soup好特別，有粒粒菜頭蓉叫左3個餐，豬扒香口，牛扒干身d但有汁($40已經係超水準)，雞扒意粉都好香口(但本人對雞既雪味比較敏感，係有幾舊感覺一般，但呢個係大部份茶餐廳都有既情況)咖啡係可以自己落奶落糖炒蛋還可以轉+$2蛋白炒蛋，非常適合做完運動想補充蛋白質又怕膽固醇人士，我覺得很貼心。而且枱面上會有搓手液提供，每位客人離開後，都見佢地會抹座位

幾次經過，都是探頭探腦的張望一下，因為筲箕灣舊區中，這家突然出現的餐廳，木制的外裝修都幾特別，與周圍的環境格格不入，奇葩！今天（1:50pm）late lunch，走到附近，決定就試它一下。推門而入，幾乎沒有客人！因為午餐時段已過，接近下午茶時間了！靠窗座位，風景內外兼收😎因為入座後發現，還差10分鐘才到2點（下午茶時間），看看餐單，下午茶的價格相當于1/3午餐價！唯有厚著臉皮磨蹭起來～貼心的侍應小姐姐安慰說：’你哋先撿餐，我2:00再下單‘💕時間到，按餐單：我選了下午茶之 F餐👇👇- 燒紐西蘭西冷牛（薄切）/ 薯角，HKD42.- 配湯 or 茶，我選了以下的番茄湯老實講，☝️上面的餐，賣相已頗為驚艷👍，澆汁下的牛肉仍味道十足！這裡要讚一下炒蛋，處理的非常美味！質感豐富，內外分明！牛，蛋，薯角，沙律～整份板餐佈置出一種’山餚野簌‘的味道！very good！兒子選了下午茶之 C餐👇👇- 雙重芝士蜜糖芥末煎魚柳/意粉 HKD42.- 配湯 or 茶， 兒子選了 蘑菇湯 （貌似唔錯喔）☝️上面這一大塊魚柳很意外！相信比香港任何一家大x樂，大x活及普通茶餐廳的魚柳都實在！聽聽這些調味料：

筲箕灣嘅呢間鋪設計非常之優雅，而且帶少少懷舊風，佢播嘅音樂都係啲經典嘅愛情舊歌🤤呢度嘅下午茶非常之抵食，午餐同晚餐都唔平㗎要過百蚊~但係下午茶就只需要40幾蚊！但係食物質素依然都係咁高！呢個卡邦尼意粉嘅汁非常之濃郁，而且又有好多蘑菇同埋煙肉，配搭非常之完美😋😋用呢個價錢去食真係好好食！另外呢個係燒汁西冷牛扒，配炒蛋同麵包，佢個牛扒一啲都唔un，又好香口🥺💛焗雙重芝士魚柳糙米飯，以為佢會好咸啦，但係佢啲魚整得啱啱好😆配嘅嘢飲可以係咖啡或茶，熱香橙茶同埋蘋果汁、橙汁等等。我見呢個熱香橙茶好有特色就叫咗啦! 佢真係有每杯三片嘅橙👻 仲要係twinings嘅 earl grey茶包添💓

餐牌價錢中等，裝修有格調，但食物完全唔掂，我4個人，叫左4份扒，全部乾柴。。。3成，5成，7成，係完全冇分別，全部well done，應該係over cook先啱服務員態度就唔算友善，但正常態度，冇特別差最重要係鋸扒果把刀，連西蘭花都切唔到，佢地好似一早知道，準備左另一款刀，我問佢可否換過把刀，佢就一次過換左另一款我地

以往和朋友都被餐廳裝修吸引，都想在這間餐廳試下，趁聖誕節相約食聖誕飯，來到這裡，原來餐廳在聖誕節放了一棵真實的聖誕樹🎄，非常漂亮，牆身簡約的聖誕報置都很恰當，而且播放著懷舊英文浪漫情歌，配合著餐廳歐式懷舊風裝修，相信選擇在這裡食聖誕餐真是恰當，但有少少美中不足是音樂被調教得很微弱，聽不清楚是歌聲，有少少浪費了整個餐廳的感覺。今晚和朋友點了一個凱撒沙律及美國安格斯牛肉眼扒和珍寶帶子配黑松露醬鮮茹忌廉意大利飯，而餐湯則是紅燈籠椒忌廉湯凱撒沙律有很多芝士，亦很美味，如果可以咸少少會更加好味紅燈籠椒做忌廉湯相當美味👍🏻牛肉眼扒份量充足，叫5成熟真的煎得到位（因遇過某些餐廳煎出來的成數與實物不一）肉質及味道都好👍🏻👍🏻，至於意大利飯更是出色，黑松露醬絶不嗇色，而且入口香滑味道啱啱好，帶子亦夠大隻，可再試👍🏻👍🏻價錢適中，食物美味，食環境都超值，相當推介😌

今次係小妹第一次寫食評，節日黎講以呢個價位算係水準之作啦！平時經過見到裝修咁靚已經想黎食，就襯平安夜黎食啦~睇下個餐牌先，原來唔同平日，得4 個餐揀，不過4個餐都岩食，最後我地兩個人分別揀左石斑同豬鞍湯同麵包係跟餐既，個包比較𣲷身我就一般，枱上面有枝有陳醋和橄欖油，點少少都幾醒胃，加番少少分。而個意大利海鮮餐湯第一啖feel到好重蝦味，之後就有d回甘，但我朋友話應該係落多左酒，呢d叫苦... 但係個湯d 海鮮係抵讚既，佢用左三文魚腩，所以食落好香滑，而蝦都鮮味，應該唔係雪藏，隻青口都無渣，但就說不上鮮甜到主菜啦，講下我果個先，我好鐘意食魚，呢塊魚扒都算中上。食得出廚師識煮，唔會over cook浪費左條魚，魚皮煎到脆身，有食炸魚皮感覺。肉質彈牙，配蕃茄汁，真的很不錯，推介！配菜係栗蓉，特別但味道一般~友人就食豬鞍，share左舊比我，我平時食肉好易就覺得 "un", 呢舊食到，仲有幾濃既肉味，似係靚肉，唔洗用太多配料調味已經ok! 脂肪邊邊位煎過，另呢 part 好香口！我地無加錢再要甜品，飲埋杯橙蜜就當甜品啦~兩個人食左五百幾蚊，麵包添食左一次 (我地兩個都算食得既), 都夠飽啦

試左辣雞肉意粉雪雞肉明嘅，但無醃過，無味，意粉個sauce 好鹹。但其實未難食到要我開post，今日主要係用餐experience 好有問題。11月11號下午2:30 分坐低，因為已唸好食乜所以坐低即order 食物，到左3:00即半個鐘後見隔離個師奶遲尼過我都食緊，即刻搵waiteress 問追單，點知原來我碟意粉去q左個師奶到，咁即刻明哂啦，落q錯左單，但waiteress 唔覺有任何歉意，百忙中會出錯明嘅，但係得個幾台客，其他食客出餐都好耐。最後等左40分鐘先尼翻啱，仲要唔好食。之後再食翻個大快活無咁嬲。p.s. 問waitress 個餐廳名佢串錯左搵左好耐先搵到。

筲箕灣有間西餐廳，每次經過都見到有好多人，而今次屋企人聚餐，阿嫂就推介咗我哋食呢間。我哋叫咗兩個美國頂級牛肉眼扒（約10安士）配白松露油肉汁，真係好足份量。一個煎珍寶北海道帶子配黑松露醬鮮菇忌廉扁意粉，味道唔錯。一個炆加拿大鹹豬手（去骨）配雜菜雞湯白胡椒扁意粉，老人家都啱食。一個寶雲酥芥末醬法式羊扒配迷迭香蒜蓉汁，醬汁好香。仲有一個英式獵人雞（煎雞胸，有煙肉配燒烤醬及烤雙重芝士），同樣好味道。至於餐湯，我哋揀咗三個蕃茄雜菜湯及三個忌廉湯，最後覺得忌廉湯較好味，配自家製意大利香草麵包特別好味道，麵包好食到食完可以再加。餐廳裝修到好似去咗70至80年代，加埋播嘅歌都係70至80年代英文歌，超有懷舊感。總結：睇得出廚師嘅心機，整得好食，價錢又唔貴，環境都算舒適，服務態度亦都唔錯。

上次經過餐廳門口被佢嘅水晶燈吸引, 望過餐牌價錢唔算貴, 又望吓openrice啲食評又ok, 所以今次行過又即本入去試試原來餐廳比想像中細, 但枱與枱之間仍有合理空間, 唔覺好迫夾, 都OK喎!我點了一份慢煮牛面珠墩肉配餐湯同熱飲都係$108加一, 價錢ok!我哋點了一個蕃茄雜菜湯同是日餐湯(燈籠椒忌廉湯), 兩款湯都好足料, 真係好多蔬菜鮮味, 真材實料! 但餐飽就有啲硬同唔夠香, 可能因為唔熱!牛面珠墩肉好淋, 好有牛肉味, 仲好有份量添老公點咗個厚切美國豬梅肉配西梅燒汁! 豬肉juicy好嫩, 配埋佢嘅燒汁真係好好味! 但可能鐵板非常熱嘅原固, 啲肉越食就覺得越乾, 下次應該要碟上我加咗$30要咗個凱撒沙律, 但就麻麻, 啲麵包粒已淋晒加$40可將餐飲轉紅酒, 味道唔錯, 比想像中好喎!服務員好細心發現其中一杯酒嘅份量掙咗少少, 佢就立刻幫我哋添回!當我哋差不多要離開嘅時候, 至發現原來餐廳已客滿, 但一點都唔覺得嘈! 讚! 下次一定再嚟幫襯

成日經過都好多人，今日星期六（禁蒙面法正日）6點bk到730嘅檯，同女友黎食。價位由一百到二百五，係筲箕灣最近價位黎講唔算貴。餐前湯係紫薯忌廉湯同番茄雜菜湯，上檯嘅時候唔係熱嘅扣分，味道正常。麵包都係冇咩特別，會俾油醋你點，橄欖油冇乜味。叫左一個豬扒，十分之出色，season到位，兩面煎得脆口但冇憹味，燒汁幾夾，fat cap都有煎曬，唔會成口生豬油味。另外叫左慢煮牛臉肉，其實，慢煮就好難會難食㗎喇，時間夠就林，呢間都做到，不過加分處係d牛肉本身牛味好強，份量好足。扣分係d小椰菜同蘿蔔仔唔好食，其實呢d菜不嬲都唔好食，薯蓉普通，冇牛油味，唔係滑身嘅種。

This afternoon tea set Is worth more than it costs (only hkd $42).Roasted NZ Beef Sirloin (thin cut) with egg, salad, toast and milk tea..Surprisingly the beef was quite thick and very soft and juicy. Yummy 😋 .Hong Kong style milk tea is rich and smooth 😊