Tony's Hell

营业中

休息中

到我啦，到我啦，book左好耐都無位，隔左兩個星期，終於都book到啦，所有野食都好好味，牛扒最出色，肉味既濃，煮既熟度又啱我地既要求甜品仲要好啱影相極推介大家黎呢間黃店

位處於人流較少既地段，但仍然滿座，味道應該唔錯。沖天雞上枱時熱辣辣，真係一煮好就上菜，要等一陣先可以用手撕開。隻雞醃得好入味，入面仲放滿蒜頭，所以唔洗醬料都好夠味入面啲蒜頭都充滿雞汁好好味，不過會有少少辣😌大阪燒竹炭pizza餐廳著名既竹炭pizza，食過竹炭野都知竹炭係取其顏色多過味道。呢個pizza比想像中好味，竹炭皮好脆口，而且配大阪燒配料都幾夾整體真心唔錯，絕對值得一試！不過一定要先訂枱，walk-in真係未必有位！

明既就明🙋🏼‍♀️小店一間 不但有親切嘅服務 仲有好好既食物！大家要多多支持下小店呀大家都應該好耐冇食過outbxxx既黑糖包🍞呢度就有得食喇😋仲要同朋友一人一條滿足下牛扒🥩真係回味無窮仲要係和牛 真係好食到飛起海鮮湯🥘足料到不得了 好鮮甜呀！小小熱氣😂薯條薯角咁仲有芝士 但真係好好食😋香港人真係好可愛嫁

早排網上見到有人話Tony’s Hell告急所以一於同老婆book枱去支持下黃店去到先知道原來杜生之前推薦過呢間黃店入到舖頭裏面裝修非常有性格，睇得出老闆好鍾意Star War 食物方面真係冇得頂，我想搵個投訴點都冇 當日叫左Pizza、豬肋骨同埋「一飛沖天雞」三款食物，每款都各有特色，保證同出面完全不同服務方面更加不在話下 待應Wody服務周到，非常細心而且仲要好鬼死靚仔，老婆對佢都讚不絕口建議下老闆要比啲獎勵下佢👍🏽整體而言，Tony’s Hell 一定要大大力懲罰！

之前一位難求，今日lunch即book都有，因武漢肺炎，食肆受很大影響，不想失去這優質有心的小店大家要多來，食完有幸福感招呼👨🏼‍🍳🧑🏽‍💼好好，好細心。原本Peak time客坐得較滿，之後人少了，同事主動移開間板安頓一下，令食客坐得鬆動沙律🥗一放枱已經聞到香甜味道，來自百香果醬，甜甜酸酸好特別，好襯這個有帶子及玉子的沙律。海鮮湯底是清淡的麵豉湯，海鮮配料有蝦🦐、蜆🐚、帶子，另外有Kimchi🥬，海鮮都新鮮好味，但按質素份量而言，這個價錢似乎貴了一點。醬油鮑魚煙靭入味，在旁邊的白蘿蔔及蒜頭🧄一點也不遜色，辣辣🌶的很惹味，但勸告大家要先吃鮑魚，不要被配菜搶了味道。一飛沖天雞，真的不得了，好味道！ 未見其人已經聞到🙀出爐烤焗的香味。上枱是這樣的，怪不得同事要先執清枱面。同事提供🖐🏿膠手套，介紹可以手撕又或切，👆🏿一心感受原汁原味便下手，但沒有鐵砂掌實在很難全程下手。一撕開🍗雞髀，內裏的水份便噴射💦出來，沒有誇張真的很多汁，很入味，吃得出薑及🌱多種香料味道，多層次，非常美味。非常美味的一餐，雞增加了不少分數，實在美味！在屬於自己的地方，享受好招呼好食物， 同事們真誠的一句多謝，整餐飯非常滿

原本訂了星期六食晚餐 但又六點後禁堂食 唯有食早啲 4-6pm 當晚包場 得我一檯 🍽️未入餐廳 server喺出面幫你探熱 用消毒噴霧噴全身 態度好好 聽聞黑糖麵包是必點的🍞 麵包暖暖地 襯埋個cream cheese 好好味墨魚腸他他脆皮杯 原本以為係杯咁上 但真係脆皮杯 有啲墨魚腸煙煙韌韌加脆脆一齊食 口感幾得意醬油赤貝有驚喜 第一次咁食赤貝 大量醃蒜鋪底 少少辣 好開胃T bone steak大滿足🥩 好大塊 好冧好有牛味 舊焗蒜🧄同蕃茄仔🍅都整得好好 Brownies 食埋個甜品就飽曬 襯埋球豆腐味雪糕 簡直係完美😋😋

好似次次去親Tony's Hell都係食神秘晚餐～今次同屋企人嚟試下叫下a-la-carte menu!!  屋企人自從睇咗杜生 Yellopenrice 介紹，就對個T-Bone念念不忘！話一定要嚟試！講咗咁耐終於帶佢哋嚟食真係好好好鍾意呢個黑麥麵包！點 cream cheese 一流～原個蕃茄沙律! Fresh start!嗌咗個 '少少熱氣' 炸嘢 platter share~ 最鍾意格格薯呢個清酒煮蜆係因為懲罰祭送㗎！超新鮮！主角出場啦: T-Bone   燒得剛好，超好味！係全晚亮點，全部人好快清晒～呢個墨汁大蝦意粉係冬蔭功味！超！級！辣！得我個妹食到...所以要追加呢個鰻魚飯俾兩老! 哇！條魚長到... 要打包一半!甜品嚟個'蕉氣勃勃' ~ Banana walnut pizza! 呢個都好好味呀！

這間餐廳之前長期爆滿，我記得2020年5月看到一個飲食節目介紹後，試著去訂位，不過即日都是爆滿的，也試過兩次過門而不能入。事先聲明，這間是偏貴價錢的。轉眼間來到2020年12月，心血來潮，今晚行去碰碰運氣，竟然walk in有位。店員在店外為客人探熱外，更加會噴消毒一圈，十分認真。坐下來，睇餐牌，見到神秘晚餐頁面，知道沒有預訂，膽粗粗問店員有無神秘晚餐，店員問老闆後回覆有一份。朋友立即先要一份，而我有些東西不吃，所以想自選。 我看了餐牌一會兒，牛扒是14安士，太大份了，豬要等30分鐘。問問店員神秘晚餐主菜是什麼，我可以避開而選其他東西，店員回覆是神秘。好了，點了軟殼蟹高湯有機全麥意粉。回到神秘晚餐，五道菜，頭盤：炸雲吞皮配蘋果粒上面加魚子醬，好好食。蘋果清甜，雲吞皮脆脆，圖右邊綠色物體是老闆製的日本介末醬，好好味。神秘晚餐的湯，是紅色的。紅菜頭薯蓉湯，我覺得可以，上面有少少脆脆，不知道是什麼。神秘晚餐的沙律是菜，醬汁是老闆的其中一項強項，沙律醬淡淡中不會搶走菜味，玉米粒是脆的，很好。加上脆的點綴是老闆的第二個特點。神秘晚餐的主菜，遠看以為是漢堡包，近看原來是兩塊大菇，夾住一塊燒鰻魚。好

今年8月第一次叫外賣已肯定會去堂食嘅餐廳，上星期五晚第三次去，encore海鹽和牛肉眼扒，煎得好香，醬汁😋😋😋今次試冬陰功醬大蝦墨汁意粉，辣度剛好，同樣都係會再encore 😋，生日嗰位朋友要食黑糖麵包加cream 🧀，當然唔會令佢失望啦。老闆同員工都好nice，有禮貌，勁客氣，一間值得支持嘅香港人餐廳👍🏼💪🏼＃提提大家記得早啲預約呀🙂

🍾同老公慶祝結婚9週年💓🥂點左神秘星空沙律🥗好靚，好醒胃😋地獄雞翼，真係好辣，但食唔停口，一試難忘🤪推白酒煮蜆，呢個配搭，係冇得輸既😎慢煮豬肋骨，肉質嫰滑juice💛有水準👍🏻推泰很辣pizza, 冬陰公醬料配草菇，秀珍菇，蝦仁🦐味道好夾，恰到好處👏🏻但上餐如果可以熱d就最好😬嚟到今日既重點，星球🌍甜品實在太驚喜勒🥰送上嚟時已經好吸精👀我既係黃色，同場仲有紫色同藍色都好靚💓話係2人食既，其實4人食都足夠，因為都幾大個嫁😆打卡一流本身已為得果樣，但估唔到星球🍫朱古力真心好味🤩仲有入面既雪糕🍦推推推好用心既餐廳💛食材優質，服務又好，會主動幫您針水同影相📸️有機會想試下佢地既豬手同一飛沖雞，或者神秘餐溫馨提示：記得book位

#黃藍是政見好味是良知 ☠️☠️☠️☠️☠️☠️⚠️⚠️⚠️⚠️⚠️⚠️無法理解不能接受嘅一餐$638一位總數$1276埋單衰過唔食極度惡劣嘅一餐🤮呢一餐飯就算每一個$200都唔值..你可以話應該食返普通嘅野唔應該試神秘2人晚餐但你set得$638一位因為呢個價位總數$1276埋單💁🏻‍♀️的確會令人有合理期待omakase都食到啦🤦🏻‍♀️..頭盤係炸雲吞皮配蘋果粒上面加咗啲魚子醬 x 2注: 已經係最好食嗰樣嘢🤡..紅菜頭湯平凡都不平凡仲要唔係特別濃郁 x 2..紅色火龍果丁沙律配紅色火龍果嘅yogurt同一大堆生菜 x 1⚠️⚠️識落嘅味道同細個食嘅粉紅色藥水冇分別☠️☠️..兩個大啡菇夾鰻魚 x 1仲要食得出唔係靚嘅鰻魚連基本嘅油脂嘅味都冇係泥味🤡..一兜用豆瓣醬炒嘅疑似豬軟骨 x 1大廚師話唔係豬喎骨多個肉☠️仲要係咬唔開嘅軟骨⚠️切出嚟嘅肉加埋都冇一包Temple💁🏻‍♀️上面嗰啲係草菇同秀珍菇$1276 黎食草菇同骨💁🏻‍♀️..甜品先精彩😳食落去有Baileys 味道剩低落嚟嘅就係一團啫喱狀硬物應該落咗一噸魚膠粉廚師聲稱冇落魚膠粉🤡所以我完全唔知自己食緊咩💁🏻‍♀️..開咗呢個blog五年我自問都係一個地球人我冇試

有日，收到Tony的Whatsapp，有新套餐。一睇個名「好撚鍾意香港二人餐」、「無錢交租四人餐」個心沉左一下.....午巿外賣都做？（賣精品菜，以前只有晚巿） 好食，我一定撐的，香港人，加油！ 因為疫情，同政策影響，我連續3日都外賣，眼見都好多香港人幫襯。堅好味！同堂食比係差少少，但同其他外賣店比，食完係滿足同開心嘅。 1）芝士墨西哥脆片：超級堅好味，注意外賣遠的話芝士好難保持流質，依然超超好味！2）鰻魚迷炒飯：外賣都好味，尤其係個泰色風味炒飯，好味到食左2日，返唔到轉頭。鰻魚肥美唔洗講，可想像堂食更加好味！3）地獄雞翼：又係勁好味，都幾辣架。 （張相阿媽影，將就吓）樣樣都好味，因無時間，我只講最好味中的最好味！燒春雞：外賣的話，食前要撈一個撈d汁，好味到無人有！痴線！竹炭pizza：餅底凍左都脆，好味！ 因工作太忙，無辦法好details，幫下手啦。以上食物全家人都食到好開心，疫情enjoy一下，香港人唔認輸！Tony 加油！

係youtube上睇到呢間叫tonys hell嘅黃店，見佢整d菜式特別同賣相都ok，於是就決定左去試。而呢間餐廳環境比較細，所以一定要book位。（5人）入左去間餐廳之後，環境都算乾淨。我地就揀左神秘晚餐（$6xx/1位）😵，服務員態度都可以。喺門口量完體溫就入咗去坐。基本的outback黑糖包神秘晚餐上: 紅菜頭湯味道一般，只係比較*杰*嘅紅菜頭湯，特別小小就係中間個舊類似蝴蝶酥嘅餅乾。神秘前菜:要描述嘅就係錦鹵雲吞放咗啲蘋果粒、蕃茄粒同黑色嘅魚籽或蟹籽。神秘沙律：蔬菜都算新鮮，有海草，可能比較特別嘅就係佢冇落沙律醬，用咗桃味嘅乳酪，感覺一般。特別order左一個清酒煮蜆：蜆冇腥味，但偏鹹，冇乜特別。神秘主菜1：描述：兩塊大菇夾住一塊燒鰻魚同芝士基本上稱唔上為一道菜式，因為每種材料都冇互相融合😔只係好清楚食到菇有菇味鰻魚有鰻魚味芝士有芝士味怒火開始燃燒：明明五個人（$6xx/1位）😵主菜得3份，我完全理解唔到，就算你真係得三份都應該幫客人分成5份啦😡神秘主菜2: 韓式辣醬炒鱷魚肉食完第一個主菜已經好冇癮，所以第二道主菜見到賣相已經唔想再影相，你冇睇錯係真係鱷魚肉🤯🤯🤯🤯🤯神秘甜品：

Yoho, 又係bookmark已久既西餐廳期待左好耐但竟然無牛食😩😩係有d傷心既，不過唔緊要啦，試其他野食啦·•黑糖包熱辣辣好好味😋•白酒煮蜆。唔算好重酒味，但會食到，幾好味👍🏼•神秘星空沙律。個名好神秘，不過黎到就普通d，但個賣相都靚既•慢煮啤酒焗德國咸豬手。呢個唔錯，內軟外脆，都幾多肉•一飛沖天雞。果然係飛沖天呀下，好多肉汁，夠juicy👍🏼•武藏小次郎。好似食緊大板燒咁，幾得意，味道唔錯•重點係星球甜品。真係心心眼，全場9成都叫左呢個甜品慶祝生日，個星球係朱古力黎，記得入面係有芝麻雪糕，有d爆谷，幾岩小朋友食😆好靚既杯墊😍·服務好好，成日會留意住幫你加水雖然覺得佢偏貴，但感受到d野食既賣相同設計好有誠意，有heart既餐廳👍🏼

小弟試左唔少某台介紹, 但都好少出POST / 基本上唔出, 見某台見到話好食, 就約埋三五知己同行,當晚預約好時間到內, 入門抗疫工作做得好好, 值得一讚早一晚已經訂好豬手, 不過原本以為T骨扒, 肉眼可以到時叫, 可惜真係幾受歡迎, 見每台都有食咁濟所以記得係早一日或之前叫定廚師留定比你, 如果唔係就睇彩數入門坐低比左個包食, 幾好食, 呢個係一個好既開始當晚無食推介既神秘餐(如果要食記得訂), 反而散叫左以下野食同少少評價1. 細既炸野拼盤 (炸得酥脆, 時間岩岩好)2. 辣雞翼,                (幾惹味, 不過偏多醬同咸)3. 豬手,                     (內軟, 塊皮脆得黎就淋左D變左係硬既脆, 基本上用刀係切唔到)4. 和牛啡菇漢堡 (大啡菇, 和牛都多汁, 味道唔錯, 婉惜既係落鹽偏重左一邊/攪肉唔得均勻, 有半邊係好咸)5. 黑松露意粉,      (意粉可以煮硬多少少, 松露味好少, 菌類係多既, 但成碟野都偏咸左)6. 神秘沙律,            (食唔出獨有既味道)7. 1杯Lucifen,        (幾岩女仔飲,