Tony's Hell

营业中

休息中

Tony’s Hell的大名相信很多有留意黃色經濟圈的朋友都不會感到陌生，光是店內黃到發光的佈置已經不言而喻。高水準的西餐黃店在聖誕節期間實在一席難求，有幸在Boxing Day那天品嚐Tony’s Hell的聖誕神秘晚餐，在此很感激男朋友安排了一頓這樣有驚喜的聖誕大餐。要說到這店的賣點，莫過於定價每位HK$580的神秘晚餐，當中包括：頭盤、湯、沙律、主菜、甜品。自訂位以來已經很期待這頓神秘晚餐，因為在這之前你不會知道每道菜式是甚麼，這就是Tony’s Hell獨特的吸引之處。頭盤的賣相已經非常吸引，馬上就被蟹蓋吸引了目光，蟹蓋裡面內有乾坤，帶著興奮雀躍的心情把蟹蓋掀開，裡頭是用以伴麵包的蟹肉他他。麵包質感酥脆，乾硬的麵包伴上濕潤蟹肉他他正好能夠取得巧妙的平衡感。他他醬的份量剛好，同時能夠吃得出蟹肉的鮮味，這頭盤的用料上乘和心思已經讓我對接下來的菜式很有信心。緊接頭盤的是Tony’s Hell送給每枱客人的黑糖麵包，暖烘烘的黑糖麵包口感鬆軟綿密，口感富彈性，塗抹附上的Cream cheese享用，簡單純粹的質感和味道卻是最來得難能可貴，好吃得至今仍然記得那麵包的溫度、質感。吃畢頭盤，接

成間餐廳都充滿住Pepe 同文宣posters😍 仲會播返啲岩聽嘅歌，黎得嘅相信都係自己人一叫完嘢食無幾耐，餐廳已經準備咗個暖笠笠又甜甜地嘅麥包，好鬆軟。仲可以配襯埋cream cheese 一齊食大啡菇和牛漢堡 📍$280😱😱 成個漢堡都無包架! 上下層都係用大啡菇包住個和牛，好特別，一切落去啲汁即刻咇哂出黎黑松露野菌有機全麥扁意粉 📍$220麥味較重，但黑松露味唔算太出... 不過整體都ok星球 📍$288絕對係打咭必備，2個人都好難食得哂 🙈 星球係用牛奶朱古力整，敲碎佢之後入面有爆谷同2款口味嘅雪糕。側邊個4個小星球應該係慕絲

話說我老婆喺個黃group度發現有人推介呢一間tony's hell, 懷著支持嘅心態諗住食返一餐結婚週年飯. 做咗四五日喺openrice booking. 跟住收到店主嘅whatsapp問我哋食唔食神秘晚餐, 成580蚊加一每位. 諗住食好啲. 到去食嗰日入內, 雖然間餐廳唔大, 入面有大概十幾人嘅普通枱同埋坐四個人嘅吧檯, 七點去到嗰時其實都仲有三成普通枱可以坐, 但去到竟然話畀人book曬, 叫我同老婆坐吧枱, 吧枱又窄又高唔好坐, 當堂想掉頭走人, 鬼叫我order咗神秘晚餐, 算啦照食. 基本上服務員的態度都正常, 冇乜問題. 一道菜就嚟咗黑糖包同埋呢個唔知唔知咩嚟嘅嘢, 個包就外脆內軟屬好食, 嗰個唔知咩嚟就好似啲餅乾皮夾住炸蔬菜, 食完個主廚都有過嚟問我哋講, 估到佢就話yes, 估唔到佢就会話你知, 最後我哋都係估唔到. 味道ok但唔算好食. 接落嚟飲咗碗綠色嘅湯, 我估應該係綠豆湯再加啲蘑菇咁上下嘅嘢,入面仲有隻蝦.跟住就食沙律, 上面脆卜卜嘅嘢就類似蝦片咁, 但係又唔知係乜,下面係普通沙律菜.但係最忟憎都係呢兩碟主菜, 一碟係類似炸壽司嘅物體, 另一碟係意粉薄餅,

一早book左枱為好朋友慶祝生日，訂左神秘晚餐同加咗$288訂咗個星球甜品，原本都好期待依餐晚餐 。點知去到被通知要坐吧枱，我哋當然不接受，個waitress就話有張普通枱可以比我哋坐但要個半鐘交枱，一般酒樓、餐廳如果係節日分兩段時段我會明白，但當日只係閒日正常係唔應該，而且我book枱時完全冇人同我講係坐吧枱，無奈唔想掃朋友慶只有屈就，那個神祕晚餐就認真唔掂，份量少、d嘢食淡而無味，雖然明白係主張要食得健康少鹽少油但真係完全冇味，我諗都唔需要詳細介紹個神秘晚餐有d咩食，就睇吓有冇其他朋友試過同我意見相同，最後侍應非常準時差不多個半小時就出埋個星球甜品跟住就叫我哋埋單，張單食咗$2000幾，抵唔抵、好唔好食真係見人見志，但離譜嘅係個甜品都未吃完就要我交枱，我和朋友都擰頭表示永冇下次！

今次朋友發現特色小店就黎試試幾出色。菜式不算多，有pizza,pasta,steak....小食先點地獄雞翼 他們都會問你要小辣還是正常，朋友是不太吃辣所以點的是小辣我就覺得沒有辣但朋友已經覺得非常辣，pizza 我覺得沒特別就是好吃，叫了t骨扒沒想到來的是那麼大的一塊，對於一個超級愛牛之人士來說他們比連鎖店的牛排店還要好吃得多很多很多。最後吃埋一個pasta也是很出色的小店。而且很多人都會來這間慶祝生日每枱都看到他們店的拿手dessert星球 如果下次朋友生日訂定一個給他們試試😋 價錢又不太貴想吃牛排的人士必要來試高水準小店💪🏻💪🏻

食五個course既神秘menu, 真係飽死我丫 ~神秘令你唔使煩揀啲咩, 亦有探奇feel, 所以唔可以拆穿太多, 講少少。首先服務好好呀，哥哥親切有禮, 先自我介紹, 我地黎慶生日既, 哥哥仲會帶唱添, 全場又會一齊唱一齊賀喎, warm到一個點❤。環境啱feel, 兄弟爬山, 小店應該可容廿幾人, 播既音樂唔會太大聲, 傾計氣氛唔錯。每枱都送個黑糖飽, 熱辣辣, 外脆內軟好新鮮, 伴cream cheese超好味。部份食物暗藏小辣, 有時仲用啲非平常食材, 古古惑惑, 店名早有暗示😂, 有新意, 我鐘意。甜品寫咩都得, 所以慶生或節日皆可。總括而言, 我地食得好滿意。

上網見到別人嘅介紹睇到相片覺得非常之漂亮，加上我都好想試吓星球蛋糕係咩一回事😂😂小店雖然鋪面唔大但人情味非常濃，店員非常之友善😂由於太早食嘅關係所以我哋都唔係叫得太多嘢食，淨係叫咗個Pizza同埋雞翼，因為我哋有預約到要個蛋糕所以兩個人都食唔晒😂😂室內嘅環境，同埋不斷播緊香港人會知道嘅歌，分外見親切感， 店員同樣係後生一輩，其他客人都暢所欲言唔需要怕受到別人嘅影響😅喺香港呢一個時代，喺消費嘅時候究竟幫襯邊一啲鋪頭，大家都可以因應住自己嘅觀感同感覺而去光顧，係呢個咁艱難嘅時候，就趁着平日食嘢咁小嘅事去協助返同路嘅人，希望大家捱過去之後有另一個明天 講返嘢食先，店員唔會比一個黑糖麵包係店家送既，有d似outback 既黑糖麵包，口感都幾好另外我哋叫咗個cocktail,叫michael😂😂有啲咩材料店家就叫我地自己估，喺度就唔開估啦，我淨係可以話比你哋知係好味嘅，冇藥水味嘅😂仲有沖繩嘅手工啤我哋叫咗一個大阪style嘅Pizza，個餅底係用竹炭來做，好特別，未試過用大阪燒嘅料去整薄餅，不過食落去一啲都唔會覺得好奇怪，幾好食呢個雞翼真係好辣，辣到我嘴唇都腫晒😂不過食得辣嘅人應該會覺得好過癮，

喺social media見到有人介紹良心小店，咁啱有朋友生日想慶祝一下，所以就去咗呢度。去之前已經預訂咗一個蛋糕，老闆好細心預先聯絡客人問要寫啲咩字，結果去到現場見到個蛋糕真係好靚。店裏面嘅裝修好有心思好多裝置藝術，由於多人嘅關係我哋冇嗌神秘晚餐。咁多食物入邊最欣賞嘅係豬手同埋一飛沖天雞，豬手味道好足好入味，個雞除咗賣相特別之外，雞肉滑到不得了！另外有一個叫做好很熱氣嘅炸物拼盤，用來送酒一流！由於當日booking 出左問題，老闆仲要送咗白酒俾我哋全部人，house white wine ，入口好順唔酸，好岩我地口味！餐廳嘅位置唔算開揚，但係香港人除咗淨係去一式一樣嘅連鎖餐廳之外，絕對有需要支持一下呢啲地道小店，而且仲要係又好食又有良心有親切嘅餐廳

本身猶豫食buffet定居酒屋定西餐作為生日飯最後好開心揀左tony's hell🥳食物&服務都💯 大家都好滿意～喺OpenRice訂完台隔日就收到餐廳whatsapp佢地個menu, 見到好多人試既神秘晚餐～不過我地無揀到 選擇左單點～飲品揀左荔枝梳打 另一杯無影到既係青檸梳打好飲！唔會好甜～ 飲到最後無哂冰味道都仲ok點左兩個appetizer分別係nachos同埋巴馬火腿青瓜卷個人大推青瓜卷～味道好夾好開胃～至於nachos, 好脆而且加左少少好似焦糖（？）既味道，又幾好食前菜既份量都幾多之後到主菜我地叫左一個pizza一個慢煮豬手豬手要30分鐘 所以一坐低就order定～Pizza走日式路線～ 似お好み焼き個味～整體都唔錯之後既豬手真係💯上面既係南瓜醬 甜甜地搭配酸瓜同豬手一齊食真係好好味豬手雖然慢煮再烤過但好林 入口好香好想再食⋯最後因為慶祝生日既關係預先order定甜品+寫生日牌甜品係homemade brownie上甜品既時候店員幫我地影左張相 仲送番俾我地留念 好貼心～而且上每一道菜果陣 佢地都好好笑容Service 👍🏻下次要再去試下神秘晚餐先～

又再返黎幫襯Tony，今次係一個人黎食，慢慢享受個神秘晚餐🥳包😂個人超中意，次次都想食多個，包勁香，又軟前菜似壽司外形，又再一次俾外邊厄咗😂整體咸既內在配咗出面啲胡椒同碌柚，紫菜味都幾出，整個攞到個balance👍🏼湯湯上綠色似菜汁既同紫色湯好夾，配合吊出好fresh既菜味，蜆就變得更加鮮沙律：口感豐富，微微薄荷同爽身既菜？😂估唔到西芹好配底部有啲瓜子同蕃茄，外皮似油條，幾特別既沙律主菜外形唔錯👍🏼一上就好香尾部炸脆，配薯蓉（個薯蓉好好食😂）另外有提子乾，番石榴，甜酸配吊出蝦鮮蝦頭下薯容吸收咗蝦頭流出黎既沖，有蝦香味🤤甜品真係第一次食辣既甜品😂Brownies 質感，好特別👍🏼值得一試神秘晚餐真係次次有驚喜👍🏼真係好岩慶祝，聚會🥳如果一個人想鬆一鬆都一流，靜靜地飲下酒，享受美食🤤

 當你個朋友約食飯然後話唔知食乜又是但咁，我通常都會諗起 Chef Tony 嘅神秘晚餐！啱啱個星期一臨時決定去幫襯，好彩有位咋 haha 好耐無食神秘晚餐 la, 所以超期待~ 不過我今次咩都估唔到，超渣  我覺得佢哋淨係識講 NO loh!!! 我盡量响度唔會開估，等你哋去試嘅時候都有驚喜呀嘛！友人揸咗車，嗌咗個無酒精嘅荔枝梳打! (藍色係地獄嘅顏色.. 我話嘅)係沖繩Orion啤酒 !First course: 扮壽司! 有4款口味 (目測其實你會見到有柚子、雜菇、薯仔沙律) 我覺得佢扮飯嘅嘢係豆磨爛咗嘅茸。但係就唔知係咩豆，又唔係藜麥... 好苦惱! 前菜嚟講好味又特別! Second course - Soup! 有食開 Chef Tony嘅美食，就知佢煮嘅湯係唔落水煮嘅  咁呢個湯目測就會見到有兩隻大蜆啦。個湯紫色就好似鬼口水啦。然後有啲綠色同粉紅色嘅唔知咩係酸酸哋嘅。都係唔知係咩 ...Third course is Salad! #refreshing 一上菜，友人就話 "呢個係藜麥啦卦?!" 個汁一食就會知，顏色都出賣咗。但係藜麥下面一條條青色嘅嘢，我哋就估咗好耐! 

3個8月生日既女仔約食生日晚飯，朋友俾左幾間想試既餐廳出黎，見呢間評價好好於是就決定試下。因為係生日飯，諗住充滿神秘感咁食都唔錯丫，就決定食secret dinner 交由大廚發板。麵包好食前菜賣相都幾好，每人每樣都試到幾好。個湯OK, 雖然估唔到係咩材料。 沙律普通但可能因為某D東南亞材料令佢矝貴哂。然後主菜一:2隻蘇格蘭炸硬蛋，3個人真係唔知點開心share 所以係以為會有第3隻既但見佢上主菜二: 一隻10吋長(連頭尾計？)虎蝦時俾我地3個人分黎食時，明哂。不過得兩隻都好，又硬又實好想知如果2個人或者4個人既話會有幾多粒炸蛋同幾多隻大蝦甜品唔係好岩我地口味，3個人冇一個人食哂。。HKD580套餐係無餐茶既我地另外加左個HKD288既星球甜品。埋單HKD2200。好彩冇加到每人300多2個神秘海鮮，唔係要寫多兩段餐廳立場可能微小至配菜都係用上乘材料，加上大廚事前準備既時間等等背後理由所以物有所值，只奈何特色fusion菜既質同量都難以滿足客人既主觀合味所以，對神秘及特色嘢接受度唔高既，建議叫menu，起碼係自己揀既。。。

今天揾地方食生日飯，見到有間新餐廳 Tony's Hell, 見d食物相好精緻，決定一試，果然係正野！好多食物相，其他食評都出過，唔重覆啦！但好想讚下個醬油聖子，辣辣地好開胃另外個燒雞好滑好juicy, 好好食， 佢地所有dishes嘅配菜都好味，識食一定要食埋甜品更驚喜，賣相靚，好似藝術品下次會約friend再嚟，試下其他野

一個廚師用心做一道菜是首要條件，來這裡吃就可以感受到，每一道菜隨了要迎合客人口味之外，還要做到別出心裁，食物的特式，都是廚師應有的條件，須然我不是每一道菜都喜歡，但廚師用心，絞盡腦汁的煮意，已經值回所有😊😊😊😊😊今天是廚師發板的神秘菜式另外再加一個三成熟的🐂扒紅洒、熱情菓汁✌️✌️✌️✌️✌️這裡環境舒適，氣氛柔和，食得享受和舒適先說說紅酒，一般house wine都不太好喝，但這𥚃的house wine的品質非常好，我一喝便知道，因為我隨了喜歡品嚐有品質的紅酒外，我是一個喝酒較敏感的人，只要一喝，如果不合適，我便會立即感到不適，這裡的house wine絕對是好品質👍👍👍👍👍1–面包都特別軟熟好味✌️✌️2–頭盆神秘食物，這個食物按個人喜愛，但厨師的心機👍like食材我不會說，因為廚師的神秘晚餐，說出來，侍其他人去吃時便沒有神秘了😬😬3—又是神秘配搭的沙律，自己去食估下係乜，估中開估，估吳到就自己慢慢唸下😂4—神秘的湯🤣🤣⋯⋯見到藍色不用怕，因為這裡的食材全是天然的食物，所以可以放心食，都係個句，估中開估，估吳到就自己再唸下😂😂😂😂😂😂大蜆—-味道清甜，新鮮肉厚，正到暈👍大蜆—兩種煮法，各有特式👍

今日一家人出街食飯，Book左呢間餐廳，慶祝母親節，訂左兩個神秘晚餐，唔入到餐廳都唔知係自己會食咩野，我們仲多叫了一個主菜。食物很好，環境舒適。個神秘晚餐真係好神秘，樣樣食物都好特別，估唔到自己會食左鱷魚肉，我完全食唔出，特別甜品我好欣賞，真係好靚，仲 好好食。餐廳職員服態度好好，會介紹每一度菜，有問必答，廚師好有心思。多謝你們給了我母親一個難忘母親節，又有花收。媽媽今日食得好開心、好滿足。麵包+cream cheese醬頭盤湯沙律主菜(一)和牛肉眼扒主菜(二) 鱷魚肉的起初以為係豬肉或者魚，我完全食唔出係鱷魚肉主菜(三) 軟殼蟹+蔬菜最後，到食甜品時候好好食，好靚。媽媽，仲有花收，佢見到好開心。食物好食、廚師整餐好有心思，好精緻、仲係好健康食物。環境都很舒適。今日我們食了一餐很豐富晚餐，好滿足。支持你們~我會介紹其他朋友黎光顧。