Tony's Hell

营业中

休息中

早兩星期巳訂位 滿心歡喜期待聽日去食今晚餐廳先問我要唔要訂食乜即刻覆左 點知我想食既俾人訂哂 無得食原來除了訂位 亦要訂你想食既菜式所以大家記得訂位時要講埋你想食既菜式如果唔係就好似我咁無得食

記得book位先好去!因為枱唔多，可能因為咁，所以食物都貴少少😅😅😅，但係啲食物睇得出係有心機煮啲員工都好好，好有禮貌！推介食物係燒排骨，真心好食！但係個清酒煮蜆， 就真係好貴，得好少粒🤦🏻‍♀️有啲失望！四個人食， 每人大約三粒.

我要同大家大聲講，呢間係我食過最好食，服務態度最好既黃店！首先，呢間餐廳上得杜生個節目就肯定黃爆啦，店內會聽到播願榮光歸香港（聽到我百感交雜），就連隔開每張枱的板都係文宣！正！我同友人book左5時-7時果段用餐時間。入餐廳前，係門口侍應會幫你探熱同噴消毒。入到去點菜，本身係為試T骨而來，可惜今日只有和牛肉眼扒，當然照食！再點個鰻魚飯，仲有地獄雞奕。每枱餐前仲送一份黑糖包！正！地獄雞奕！辣得黎有蜜糖甜味，仲要保留到雞奕肉汁，好怕有d雞奕整到又鞋又乾，我保證呢個雞奕唔會令你失望。鰻魚飯！請你帶一個中意食鰻魚的朋友來！友人食鰻魚時，閉目好享受甘不停話好好食，仲話如果人少少想叫出黎。好誇張，笑左！ 不過認真，我都覺得好食！和牛肉眼扒！最推介係呢個！好正！個牛好得之餘，個汁同d海鹽同塊扒好夾，我真係同個fd爭住食，3百幾蚊有塊甘好食甘大塊既扒！好值！用餐期間，店外停泊左一架救護車，由於我地坐近門口，侍應好細心問我地需唔需要落簾遮閃燈。呢度無論食物，服務，歸屬感都值滿分。我同友人一出門就已經有共識任何慶祝節日都黎呢度幫襯。當然平時我都會推介同拉我d fd黎食！

其實為咗牛扒而去，但由於太夜去到已經冇得食牛扒我哋一行二人唯有轉食豬手，之後先知原來豬手都係餐廳名物豬手最特別之處係南瓜汁，呢個醬汁係豬手來講真係小食，仲有兩片芝士脆脆，搭配買豬手黎食少咗一份油膩，然後非常推介地獄雞翼，對於真係一個好鍾意食辣嘅人，真係超正因為超級辣，適逢我又鍾意食雞翼又鍾意食辣簡直係正中紅心，下次一定要過去食牛扒，但如果要去食記得一定要提前book位，因為如果唔book就冇得食㗎啦

男朋友生日撞正聖誕節，所以要諗食咩都諗到頭痛又唔想太貴，但又想食到好野，最後見到呢間餐廳聖誕節有個神秘驚喜套餐就揀左食之前見到其他人嘅食評，話所有菜式都係保密、要即日先知，覺得勁好奇同埋好期待佢有分3個時段：5:00-7:00pm / 7:00-9:00pm / 9:00pm-close我地book左7:00-9:00pm嘅，但係去到都仲要等一等終於入到去，店員走左過黎先問左飲咩餐飲，大約5分鐘都冇就上左野飲至於餐點就大約等左10分鐘先開始上，一黎係個餐湯同頭盤先。個餐湯係紅菜頭湯黎嘅，冇乜特別。紅菜頭餐湯頭盤就係一個他他黎，一黎用左個蟹蓋遮住左，一拎開個蟹蓋就見到他他本尊個他他表面灑左d蝦子，為菜式加左d顏色，睇落更靚他他味道好清新，食落口感似係水蛋配有蟹肉。不過果d唔係普通水蛋黎，味道係有d酒味，我估係蟹d汁加左蛋白度蒸成件事好新奇，因為出面未見過咁樣嘅他他個多士都唔係一般買返黎嘅包，而係咖哩味嘅，配埋他他食真係好有驚喜神秘頭盤清新有驚喜蟹肉他他配咖哩味多士之後到沙律，賣相非常好味道就清新嘅，配左個甘荀醬同埋乳酪醬。沙律入面有一隻菜好特別，好爽口清新，不過冇人介紹所以都唔知係咩菜黎

5.1黃金周 當然環支持黃店喇呢間入店前度體溫 員工會噴埋酒精👍🏻 讚我地4個人叫左5樣小食加星球甜品🤗 第一樣係白酒煮蜆 白酒酒精唔會太濃 配合到蜆既鮮味 好食😋 可惜對比其他美食 呢個略為失色 俾4/5分 第二樣系雙子座沙律 沙律汁系柚子醋 隻味甜甜地 仲落左一隻粉 但食唔出咩粉😢 清新開胃 睇得出好有心思第三樣系地獄雞翼 雞翼食落啖啖肉味 好juicy 叫左小辣 感覺特別 值得推介第四樣系thai style pizza. Pizza 餅底系黑色 冇味的 pizza 邊烤得脆 中間唔會淋 餡有蘑菇蘑菇似岩岩煮好 好有水份 好新鮮 整體配合好好 唔辣 又值得推介第5樣系豬手 豬手皮上淋左南瓜汁 有兩塊炸芝士片 好食 😋 豬手皮上淋南瓜汁 令到個皮冇咁脆 但又唔淋 變得易切 切完入面 肉唔鞋 豬手有一層膠膠地既layer 令味道更勝一籌最後一個星球甜品個樣真系唔錯 我地揀左藍色 bo開之後入面有三隻雪糕球 黑芝麻 豆腐味 仲有隻食唔出😂黑芝麻味太重 嗰隻太淡味 建議黑芝麻放最後先食 咁先可以試到另外兩隻比較淡既味道 我估果隻味系紫薯 跟住仲有些脆脆 爆谷 個殼系用朱古力整 個環用

見某藝人試左 同朋友又試下驚佢難book位 膽粗粗星期一打去book星期五 佢用whatsapp confirm 仲俾埋餐牌睇左先 得三個時段 5 7 9點 兩個鐘由於疫情關係 入之前要量體溫同埋噴衫叫左肉眼扒 大啡菇和牛漢堡 少少熱氣一開始黎左黑糖包 唔輸蝕outback 好食不過上菜有啲慢 可能張枱細 要逐樣上 但等好耐先黎一樣第一次食漢堡唔係包而係大啡菇 勁多汁 好食肉眼 熟左少少 叫五成 黎到應該有七成少少熱氣就全部係炸野 薯角最好食

同朋友來個即興食飯，最近政府限聚令，餐廳生意都差咗好多。呢間餐廳擺咗擋板，但係整到好靚，心情都好好。進入餐廳前亦都要先探熱，職員仲會用消毒噴霧幫我地消毒一下，感覺好安全，食得好放心。兩個人叫咗一碟雞翼，一個Pizza，一碟意粉，半份ribs(唔記得影相）首先出場嘅係黑糖麵包，免費送嘅配一個cream cheese，送嘅唔好要求太多，都OK嘅。叫咗碟黑松露雜菌意粉，可以再熱啲，份量有啲少，不過勁多蘑菇。呢個Pizza好似叫泰很辣係薄脆pizza，好好食，好多配料，辣辣地，加啲青檸汁上去仲惹味！仲叫咗碟雞翼，嗰碟雞翼最好食，不過細隻咗啲。仲有半份ribs, 都係細份咗啲，但係味道好好 下次都會再嚟幫襯，希望間餐廳捱得過呢個寒冬啦

男朋友生日，就揀咗間告急既黃店試吓～一場嚟到就試咗佢個神秘menu~頭盤係蘋果蕃茄粒脆脆，酸酸甜甜幾開胃。掛住食冇影到相跟住上咗個黑糖餐包同紅菜頭湯，黑糖餐包夾cream cheese好香好好食。之後上咗個salad, 有個醬好特別，有啲乳酪味加埋啲脆脆幾特別。然後係main dishes，有大啡菇夾鰻魚（唔記得影相）同一個冬陰公薯蓉蝦。冬陰公搭薯蓉原來咁夾，啱晒本身鍾意食泰國野既我！最後係甜品，出面係硬既朱古力包住雪糕，個雪糕唔係平時食到個啲，口感鬆軟啲帶有少少酒味。總括嚟講都幾好食同好特別，唔係出面平時會食到嘅野，但價錢就有啲貴喇，散哎應該會平過係神秘menu，但第一次食就不妨試吓 因為位置比較偏僻，我去食個陣又比較早，竟然一個人都冇，後尾食到一半先多返少少人。店員好nice，一嚟到就比酒精搓手液我地洗手同量體溫。間野黃到發光，牆面痴晒文宣又loop榮光，大家不妨嚟試吓💛

🇭🇰Tony’s Hell·一間由6月開始有罷市嘅告急小黃店💛我哋見到佢個神秘晚餐好似幾得意咁 就嗌左黎試😈率先幫大家試吓😏我覺得佢啲食物combo係有用心機諗既 但係呢個價錢就好似有啲唔係好值啦 我地以為呢個價錢佢啲野食會特別啲🙊所以我覺得如果大家去支持 散嗌會開心啲😂😂·神秘晚餐 $580/位·蘋果粒脆脆其實我都唔肯定佢係咩😂😂因為每一樣野都係神秘的 啲staff都冇咩點介紹每一樣嘢係咩 我地都係自己憑味覺🙊😂😂佢中間係啲蘋果粒 加埋個醬酸酸甜甜咁幾開胃既 出面嗰脆皮都鬆脆既 不過呢個頭盤份量真係有啲少🤔·紅菜頭湯呢一個就係一個好original既紅菜頭湯 佢冇落好多調味料 就係飲紅菜頭本身嘅味 不過我本人唔係好鍾意紅菜頭 所以我都唔知佢係咪好飲😂佢上面仲有幾塊紅菜頭乾 超紅菜頭😂😂·沙律呢個就無咩特別啦 我地完全食唔出佢個醬係咩 我地懷疑佢係乳酪 不過唔肯定🤭🤭比較有特色少少係佢上面有啲類似海藻咁樣嘅嘢 幾chewy既 質感幾得意 不過我自己覺得有少少腥🙊·鰻魚大啡菇呢一個上枱嘅時候我覺得幾photogenic 無諗過可以咁樣配搭 都幾特別🤔佢中間仲夾左啲拉絲嘅芝士 食落ok既

食物有水準， 菜式都有趣。 老闆大廚員人都好有禮貌及friendly。 甜品試左brownie, 脆脆地幾好食。 地方係有少少遠， 做街坊生意。 今日食咗冬陰功意粉同韓式薄餅。我會再去食架。

2020年3月1號 晚上6 點半黎到佐敦文苑街黃色小店Tony's hell小店位於街尾向高鐵站方向一入座就遞上濕紙巾同消毒搓手液好窩心見到開放式廚房 廚房仲會同你點頭say hi第一道：黑糖包淡淡黑糖味 好驚喜仲有一杯仔酸忌廉芝士可以點上黑糖包食青檸梳打迷你酥盒內有酥底似葡撻嘅酥度 細細個 一啖一口酥底配上蕃石榴酸乳酪 香橙朱古力 芝士焗士多啤梨 藍莓黑魚子 用料好fresh 唔會係一味甜又有口感 睇到沙律有道菜見個名咁特別雙子座沙律帶子 玉子豆腐 羅馬生菜 紅毛菜配上百香果醋羅馬生菜好脆 又新鮮 juicy玉子豆腐有蛋味加豆腐味帶子刺身好新鮮豬肋骨好入味 叫左半份 費時撐大個胃 死唔哂啖啖肉 熱辣辣上菜冬蔭功醬 酸酸地 墨汁意粉又好彈牙 份量足兩隻煎過嘅大蝦 殼好脆 又彈牙同新鮮黎開佐敦 不仿黎下八文樓依邊有好多隱世小店等住大家去試Tony's 就一定要黎試 小店質素非常高 價錢中上 但物有所值

朋友gathering完結搵飯食。附近嘅黃店都爆滿，不枉一行人來回一大輪人間又折返地獄 (其中一個原因係有同行嘅朋友都叫東尼～好親切)，呢間黃金店嘅嘢食係喜出望外～ 同行有素食朋友，我哋叫咗個「素食主義」🥬🥒🌶🌽pizza同Secret Starry Sky Salad (what a fancy name ~~) 。見個pizza又黑又齋本身有啲怕怕，但食落又發覺啲配菜(有藜麥、聖女果、橄欖、火龍果等等)、黑醋同個黑糖包餅底出奇合拍🙌🏻 黑糖餅底質地有點脆偏向實淨～佢哋serve黑糖包就係較酥軟嘅被本，都好好食。最出色係豬手，皮十分酥脆而且肉質軟腍香豐富😻，深夜送酒首選！

朋友好勇敢選擇咁近西九既地方食飯, 近來好多飯局都取消, 但呢班人無有怕, 飯始終要食, 生活總要過! 餐廳昏暗燈光好浪漫, 坐位舒適, 旁邊擺放小盒供客人放手袋雜物, 貼心! 仲有一客免費的黑糖包, 熱辣辣夠鬆軟!地獄雞翼 $68/5隻 ~ 我哋要少辣 (同行有人唔食得辣), 好惹味, 雞肉嫩滑, 亦夠入味! 辣味有點似樽裝辣椒仔味道, 唔會好嗆喉! 芝士焗墨西哥脆片 $68 ~ 脆片上舖芝士, 士多啤梨乾, 藍莓同焗, 同以往食開嘅Nacho 好唔同, 甜甜哋好開胃! 美中不足係焗得有點乾!原個蕃茄沙律 $88 ~ 去皮蕃茄, 伴上新鮮沙律菜及紅肉火龍果, 個醬汁甜甜哋, 好靚! 武藏小次郎 $168 ~ 用上日式鰹魚片, 高麗菜, 黑豚肉…味道不錯, 佷配合! 餅底有點厚度, 不是薄薄的那種, 夠脆! 一飛沖天雞 $198 ~ 迷李雞, 大隻過乳鴿少少! 不過調味做得幾好, 夠入味, 雞內塞滿香草及蒜頭, 成件事好香! 雞肉滿滿肉汁嫩滑, 雞胸都唔嚡, 略嫌細隻同埋蒜頭唔夠熟! 青醬墨汁意粉 $180 ~ 醬汁豐富, 味道不錯! 意粉稍稍淋身, 似自家制意粉! 我來自北京 $16

聖誕公司開 party, 見 fb 有人推介呢間黃店聖誕到會。 點知超中伏。 聖誕得套餐，2500幾，8至12人份量。 食物質素，差到爆! 份量冇可能夠8至12人食! 麻醬玉子豆腐青瓜，盡顯師傅刀功，應該改名做燈影玉子豆腐青瓜! 從未見到切得咁薄嘅玉子豆腐同青瓜。 四式酥皮盒，係怪味酥皮入面放幾粒碎生果同唔知咩嘅食物。 蛋糕仔應該買嘉頓孖寶蛋糕好食好多。 炭燒雞肉串，係急凍貨用微波爐翻熱。 茄汁雞焗飯，面頭薄薄茄醬，底下係一大盆煮到一 pat 嘅白飯。 好彩係公司樓下餐廳買咗幾盒外賣，唔係就要開聖誕 party 食杯麵頂肚。 值得一提，係樓下餐廳外賣嘅伴碟青瓜仲厚身個燈影青瓜，可以一開三! 大家太嬲冇逐盆影, 所見照片係餐廳當日send 俾我同事嘅相。 可以想像超中伏慘況! 永久 blacklist!