Ufufu Cafe (已結業)

約咗好耐冇見的中學同學，重拾當年中學時期嘻嘻哈哈shopping行街又一日的生涯。尖沙咀，係當年中學時期每次行街必到的地方。大家見行街行得攰，就揾個地方休息下飲下野。行過見呢間店的甜品好靚，就入去試一試。

尋日下午茶，大家想試呢間有成百款芭菲揀既ufufu，勇於嘗試的我們即管一試!!四點去到，都幾多人，坐底打開menu睇住先，認真花多眼亂。由於我肚餓，所以揀左漢堡扒+雞扒打算比個胃滿足下。落完晒order，我地五個人梗係傾住計等喇。點知等呀等，眼見人地第二枱遲過我地十五分鐘落單都已經有飲品有食物出，我地心知不妙，一定係剛才位侍應無落單。果然，一問之下所有野都無落過單。兩個朋友趕住返工，結果佢地個lunch time咩都冇食過就要返去工作了。算喇，淨返三丁友都係要食既，由頭再落過單，落完後侍應扭轉面敷衍咁講唔好意思，very good既service，算!!新開既店係咁上下水準，唔好要求咁高😓講返食物質素吧!漢堡扒+雞扒(九州特式醬汁) - 漢堡扒都幾juicy，雞扒煎到岩岩好，ok好食宇治抹茶配蕨餅芭菲 - 除左個所謂蕨餅唔好食之外，其他配料都好食，芭菲入面既材料尚算豐富熱蜜糖檸檬紅茶 - 講堅係唔好飲既，不過係我唔岩，人地呢度係食芭菲既，學咩人飲茶呢?!至於另外個兩樣甜品，芒果杯芭菲、朱古力香蕉梳乎厘班戟，朋友話味道係可以接受既水平，但唔算特別好食。結論，食物質素還可以，大概試一次就夠

呢間由日本引入 多達115 款芭菲既人氣cafe 係最近既城中熱話😂 好多人一係就去左潮聖 一係就同朋友仔討論緊 聽聞都幾full 前日我同朋友去左試下！我地前一日有book 位 ，果日五點幾去到 地方比想像中大！果陣有吾少人 但仲有空位 超多選擇！睇到眼花撩亂😂 好彩冇選擇困難症😂 揀左 No.22 黑胡麻 配蕨餅芭菲 $62賣相好吸引！相對上係好大杯😍 黑芝麻算特別d 所以揀左黎試下 黑芝麻味香濃 紅豆甜 其他配料都多！ 重點係生果好新鮮😋👍🏼 不過雪糕同cream 溶得快 混埋一齊太甜😣味道影響埋其他配料 搞到冇食晒 所以大家要食快d😂 另外，朋友揀左no.21 抹茶芭菲 $68都係好大杯！好多配料 岩晒抹茶控😋不過朋友都話因為溶得快同埋大杯 所以愈食愈覺得漏 店員服務態度幾好👍同埋下次黎想試下佢地既蛋包飯、pizza 等主食我地去果日晚市係full booking 所以大家記得去之前book位喇😁

漢堡扒咖哩蛋包飯.蛋未算滑溜 但蛋香的確很濃🍳 厚身漢堡扒雖不是乾柴 但也說不上有肉汁😌 內裏是蕃茄炒飯 整體來說非常一般般 煙三文魚帆立貝薄餅.圖片與實物不太相乎的例子💁🏻 看圖片覺得超吸引 但現實就有點弱😂 不過幸好帆立貝夠鮮甜 又不會煮得過老😌 Tiramisù蛋糕栗蓉芭菲.要從113款的芭菲中選一款 真的很困難! 經過一番掙扎後 選了栗子的🌰 tiramisù 蛋糕出乎意料的好😋 然後有好多我最愛的栗子蓉😍 味道天然濃郁又不死甜 栗子雪糕配上脆米都不錯 但始終栗子都是會比較溜 同人分享就最適合! 比起咸食 這款芭菲好食得多以試了的兩款咸食來說 質素非常之普通 但定價高 食物質素與價錢不對等呢🤔 芭菲就還不錯！如果大家想來 記得一定要訂位 walk-in基本上是不可能了

見到呢間芭菲店有百幾款芭菲, 賣相好吸引, 仲話係九洲開黎, 所以今日專登黎朝聖, 點知令人好失望 星期5晚上到黎好多人等緊位, 好彩一早bk左唔洗等, menu上既芭菲係好吸引, 食甜品前都點左幾款咸食頂下肚先~先係芝士流心漢堡, 上枱時用膠袋包住, 幾特別, 但一打開, 塊漢堡好細件, 而且入面既芝士仲唔流心, 味道好一般, 漢堡太林, 芝士唔夠多, 又細份, 很差之後點左2款意粉, 滑蛋蒜香辣味意粉正正常常, 意粉質地特別, 帶點煙un, 好似拉面咁, 有好多滑蛋, 但一d辣味都無, 蒜味亦唔突出, 一般~拿破侖意粉唔知點解叫拿破侖, 其實只係腸仔茄汁意粉, 個茄汁仲要係罐頭茄汁既味道... 無咩特別, 但味道上呢個茄汁意粉比頭先介紹既2款熱食好~最後一款熱食點左三文魚帆立貝薄餅, 薄餅係用超薄既脆餅, 但餅底已經林哂........好la, 其實一心黎食甜品, 所以熱食差d都可以接受既, 唯有寄望o係d芭菲到~白桃芭菲, menu話每日限20份, 我地點既時候仲有3份淨, 真係每日限20份? 講番個芭菲, 賣相真係一流, 白桃係日本桃, 好林好多汁好甜, 好正!! 但只係得d白

最近上網見依間食店有芭菲杯食，就諗住上去試下新野，去到揭開本menu, 好多芭菲杯揀，真係花多眼亂😍。有選擇困難症既我，最尾縮窄範圍以我鐘意食既生果去選芭菲杯，我最尾選左士多啤梨芝士蛋糕芭菲杯食後感：芭菲杯砌得好靚，呍喱拿同士多啤梨雪糕好味，但其他既配料真係好普通，士多啤梨有d酸，芝士蛋糕芝士味不夠，另中間有d一粒粒脆脆又無乜味，成杯野唔係好夾，有d失望⋯另再叫左碟明太子蛋包飯試下。反而依碟蛋包飯有驚喜。食後感：滑蛋好滑，忌廉明太子味道好濃好夾。好味總結：由於對芭菲杯期望太大。反而有點失望。蛋包飯絕對有驚喜。而服務方面，想揾個waiter比較難，等左一陣都無人經過，最後要自己拎張單出去埋單。

上網介紹這間新餐廳有113款雪糕芭菲，我已個雪糕狂緊係要去試下啦相約兩位舊同學聚舊，估唔到已間餐廳有得book位喎，但book左都要等一陣，人齊先可入坐我地策略先食配菜，每人一個，意粉比想像中好食，咖哩飯就一般，另加錢可配酥皮湯及沙律，去到緊係咩都試啦，所以又加左錢終於到主菜啦，有113款芭菲選擇，我嘅選擇困難症又發作啦決定每人一杯芭菲，再加一件牛角包雪糕及一件pancake, 但發覺pancake其實係普通一件蛋糕加雪糕，以芭菲雪糕較快溶，影幾幅相已經開始溶，要好趕食完，比預期之中差左少少食完已餐飯，發覺食幾多甜品其實對女仔黎講係冇問題嘅

點解一個星期之內會嚟幫襯兩次呢，咪就係因為想試下個梳乎厘班戟囉黑仔得我。。。嚟2次，2次都賣曬，早幾分鐘仲見到隔離枱空降一碟靚靚班戟，天呀！！！🔻🔻🔻🔻是日點選🔻🔻🔻🔻- $56 士多啤梨沙冰 (非常冰，但味道一般）- $62 黑胡麻配蕨餅芭菲 (雪糕無特別)

見到呢間由日本開到泥香港既餐廳 有百幾款芭菲任揀 仲有其他意粉pizza 就選擇左呢度做晚餐既地方煙三文魚帶子pizza 上面有好香濃既芝士 帶子唔會太熟 剛剛好海膽什錦海鮮意粉 叫呢個意粉係因為俾海膽吸引左 好足料 個汁唔會太膩每人叫左一杯芭菲 我叫左心太軟芭菲 朋友叫左香蕉朱古力芭菲 個賣相靚到好似廚窗既display咁 味道就一般 反而意粉同pizza就真係好好味 會再泥多次

上到去發現滿滿是人，不少人都有訂位才知道是新開業得熱店!好彩唔係等左好耐就入得去新張期間每人惠顧滿50元就送咖啡或紅茶，感覺良好和風漢堡扒，原來係招牌菜，圓圓的好棧鬼。外面脆，裏面煮得剛好仲好juicy，香氣泗溢唔會太咸亦唔油膩，完全癲覆左我對漢堡扒的印象水牛芝士蕃茄薄餅，上面用料配搭得宜，加埋幾片香草味道更香略嫌餅底較硬。望見個餐牌，我肯肯肯定!個個都嘩左聲!好多芭菲真係唔敢相信自己對眼，款款都好吸引!宇治抹茶配蕨餅芭菲，賣相一流透明企杯清楚見到一層層的餡料，令人興奮不已雖然抹茶味不算太突出，但絕對係心機之作。一定會再來，試多幾款唔同口味嘅芭菲

可能因為新開店，員工喺運作上略欠熟練，但服務態度係良好嘅。意粉：夠熱，味道不錯，但質感似拉麵芭菲：選擇困難症開飯小tips：晚飯時段建議先訂枱，因為6點walk-in 去到嘅時間大部份枱已經係hold起咗！

3個人午餐，限時一個半鐘而家出去食野真係好討厭，好多都要限時，食咩都要限時叫咗兩個set lunch ，一個係牛+漢堡扒鐵板，有餐湯沙律，值得讚個漢堡扒，初初以為係雪藏野（以為好似m記d扒咁），原來唔係，係用攪碎牛肉嚟整既扒，個牛又好食唔硬，熟度啱啱好，因為我鍾意佢仲有小小紅咁，夠鮮味，飲品要加錢先有，個咖啡ok夠香。另一個係煙肉白汁意粉，ok啦同係其它餐廳食無咩分別，無話特別好食，食餐晏ok啦再散叫一個意大利羅勒芝士薄餅，呢個真唔好食初初睇餐牌張相見到呢非常正，都預咗真實食物係一定唔會同張相一樣，但點知嚟到同餐牌入面張相真係差別太大，好細個，又好小羅勒，小到見唔到有呀，又好小芝士，個餅底翠到硬嘅成$68一個超唔抵食最後甜品，叫咗2個，一個係糯米兹朱古力芭菲呢個可以話同餐牌相差唔多，好味入面有d生果 有d卜卜米混入雪糕到食好正。另一個係綠茶雪糕梳乎厘蛋糕呢個好飽架，但不太甜，蛋糕夠鬆軟～正～

難得星期一下午有空來尖沙咀，當然想試試新開的芭菲專門店，一向很喜歡吃芭菲，但香港沒有太多日式西餐廳有這類甜品供應，就算有，亦選擇不多，所以很期待Ufufu 的開幕，別以為芭菲專門店只有甜品吃，她還有午市套餐和晚餐的選擇，但午市的意粉選擇比晚市少，而我又想吃以茄汁烹調的意粉，所以只能在餐牌中找到唯一選擇：九州風海鮮蕃茄汁意粉午市套餐以主菜的價錢便可享用沙律、餐湯及主菜，當日的餐湯是粟米忌廉湯，味道就中規中矩，湯內有原粒粟米，而沙律是以車厘茄配甜椒蔬菜的田園沙律，伴以酸酸甜甜的醋汁，算是醒胃的。至於九州風海鮮蕃茄汁意粉，與其說是蕃茄汁，倒不如似蕃茄湯多點，但意粉內的海鮮配料算是豐富的，有青口、蜆肉、魷魚圈、蝦肉、洋蔥等，當然還有十分多的蕃茄汁（湯），但意粉的質感未算做到十分彈牙，這點略遜於UCC cafe。吃罷午餐，又怎能錯過最愛的芭菲呢？雖然有香港限定的4款芭菲，但我更想試試其他款式，於是點了黑加侖子x芒果雪糕芭菲，單看賣相已很吸引，無論前看、後看都如此令人心動，黑加侖子雪糕外層內藏著芒果味雪糕，雪糕底下是脆米、鮮忌廉、西瓜和蜜瓜等水果，再以芒果、紅莓等作點綴，吃出冰涼爽脆層次感之餘，雪

近日來自日本的Ufufu Cafe成為話題之作，說是來九州的芭菲大王，有多達百多款的芭菲款式云云......九州以水果產物聞名，對於鍾愛水果甜點的我是有一定吸引力的。　半天假的當兒，正是Ufufu Cafe新張之時，也就以鮮果芭菲作午後甜點吧！也許是平日下午的關係，光顧的食客不多，即使一人前來也能坐上窗傍位置。簡約型格的店風，燈光的調度能把食物映照得更美，絕對能提昇視覺上的享受。　店員遞上餐牌，分別是甜點餐牌、期間限定餐牌和午飯餐牌。主餐牌上的芭菲選擇多達百多款，而期間限定餐牌當中有四款限定芭菲，分別為楊枝甘露芭菲、港式鴛鴦芭菲、豆腐花芒果芭菲和日本蜜桃芭菲，每天只限量50份。雖說芭菲只是食材互為配搭而成，但花樣之多也足以令人眼花繚亂了。店員態度親切熱誠，但對芭菲成份認識不足，加上餐牌只有圖片和日文描述，看來只能按圖索驥了。　選了豆腐花芒果芭菲($78)，這芭菲，看着會讓人心情一下子愉悅起來的！賣相絕對是無可挑剔的美品，層層的配搭正是芭菲的迷人之處。　拿起匙子逐層解構，頂層的奶油忌廉太多，甜膩得很，點綴其中的芒果醬不是鮮打的，味道不自然。草莓沒有期望中的甜美，芒果肉略酸不甜，雖不奢望是

在Pan de pain食到一半Ufufu Cafe那邊有電話來說已有位了,我們便吃完Hot Cake又浩浩蕩蕩趕過去啦!!講真未吃前對此店有千千萬萬的瑕遐想,不知味道是否真的那麼吸引呢??先講環境一開lift門便是Reception左邊行追進去係座位及廚房,而右而亦有數張檯的位置自成一角,還有一點意料不到的是"味道"好彩我不是{看見味道的中女},若果唔係真的眼花撩亂,因為我們只聞到*金鳳的味道*~好不容易在100款芭菲中選出3款,{日本蜜桃芭菲}$120價值不菲的一客甜品,貴的地方主要係全材料由日本正送可惜確未做到物有所值,除了日本蜜桃清甜多汁外再找不到可讀讚賞的地方,雪糕上檯時已半溶,忌廉入口肥膩得很同Pan de Pain冇得揮,最不喜歡它用西瓜墊底完全九唔搭八,好失敗好失敗啊!!!{豆腐花X芒果芭菲}$78,寫明用香港豆腐花怪不得那麼百X味,不過豆腐花大碎很難用匙食用如加上飲管比較易入口,忌廉依舊肥膩,芒果粒香甜,雪糕味道就一般,又是沒帶出絲毫驚喜!!{小倉練孔伴雲尼拿X抹茶雪糕芭菲}$65,抹茶雪