Ufufu Cafe (已結業)

來自日本九州佐賀縣既超人氣芭菲大王 UFUFU CAFE早前已經登陸香港尖沙咀, 已經吸引了不少人士到來潮聖一番"*UFUFU CAFE 至今已經有 15年歷史~~~店內提供 115種不同口味不同配搭的芭菲, 迎合不同客人的口味!!!原來佢地個名字都有特別意思, UFUFU 是以笑的諧音命名；因為人們笑起來的笑聲似【U-FU-FU】所以希望所提供的食物能令每一位客人帶著快樂的心情進食, 會心微笑地離開"*首間香港店舖, 更特別設計了 4款獨一無二港式芭菲作為香港限定口味!!!分別有：【港式鴛鴦芭菲】【豆腐花 x 芒果芭菲】【日本蜜桃芭菲】【楊枝甘露芭菲】而且香港限定版港式芭菲每日限量供應各 20客；最吸引既一定係日本蜜桃芭菲, 想食真係要快手呢~~~這杯是抹茶忌廉黑糖拿鐵 (HK$42)抹茶味挺濃, 配上淋有黑糖醬的忌廉亦不會過甜；而且夠凍, 有點像鮮奶抹茶的味道, 不錯!!未食甜品之前一定要醫飽個肚先"*呢個日式燒汁蛋包飯 (HK$78) 十分好食；燒汁味道剛好及醬汁夠多, 每一啖都可以包著蛋及飯!!而半熟的蛋很滑溜, 內裡的茄汁炒飯令落不會太單調, 食完一口又再想食"*蜂蜜芝士薄餅

星期三打過去問星期六晏晝可唔可以訂位, 佢地話可以, 所以同朋友等星期六睇戲既時間定左先再訂位星期四夜晚打去, 佢地個男同事話星期六晏晝大把位唔洗訂, 佢叫我地到時直接上去就可以星期六2:45左右, 朋友先上去攞位, 但全場滿座, 話要4:30後先有當時我仲塞緊車未到, 所以打電話去同佢地講返星期四佢地同事講既野初時聽電話個女仔話冇辨法, 跟住我話要同經理講, 最後佢地個譚經理話幫我地安排張枱我地3個人叫左2個主食, 同埋1人叫左1個限定既白桃芭菲個明太子carbonara都算唔太差個芝士流心漢堡扒menu上面寫住係限定既, 一上枱見有個袋入住, 覺得好得意當佢地幫我地切開之後, 覺得更加得意, 係因為一滴流心都冇, 非常之流就真！我都明圖片只供參考, 但都唔洗爭咁遠囉個白桃芭菲, 齋睇樣算唔錯, 但個桃係一D都唔甜, 自己去日本超市買既仲甜過佢3杯唔係同時間上, 每杯相隔差唔多成10分鐘3杯入面, 有1隻杯係唔同, 份量比另外2杯少 同時, 1杯食到有雪糕, 另外2杯唔覺有雪糕一句講晒$120杯, 係非常之唔值今次之後, 唔會再有下次

期待咗好耐 今晚終於去到食 9點鐘坐低叫左兩個芭菲杯 越等越唔對路 追咗幾次單 等左30分鐘後先送到 杯芭菲軟雪糕已經半溶哂 杯底嘅生果爛溶溶出哂水 大失所望 一定一定唔會再幫襯

知道有一間日本Cafe進駐香港，諗住去試下，點知上到去店員話要預先book位，沒book位就不能吃，結果我今次就預早幾天前book位，當天去到稍等一會便可入座，入座前店員會告訴你限時90分鐘，我們入到去看了餐牌，哇真的有百多款芭菲給客人選擇，我們訂了2:30，還可以吃lunch set，叫了黑胡椒漢堡扒，漢堡扒都算厚，好味，另外叫了日式燒汁蛋包飯，蛋好滑，而且對女仔來說份量都足夠，甜品就叫了軟雪糕牛角包，這個牛角包熱辣辣又軟熟配上軟雪糕好好味，值得一試，黑加倫子日本巨峰雪糕芭菲，夏天食最好因味道好清新，而比利時朱古力tiramisu蛋糕粟蓉芭菲，我覺得比較甜及容易飽肚，不過朋友喜歡吃甜的就很喜歡

尖沙咀的Ufufu Cafe 人氣很高，又是來自日本九州的甜品店，芭菲的款式超過100款！水果，抹茶，栗子，朱古力味等等應有盡有。某天約了好友到來「品味甜品」，卻失望而回。想不到這間以芭菲為招牌的日本餐廳，芭菲的味道只屬普通，蜂蜜芝士薄餅卻不錯。蜂蜜芝士薄餅 Honey Cheese Pizza $58蜂蜜配上即製芝士薄餅，很好吃！到Ufufu Cafe 必試！蜂蜜甜稠，可按自己的喜好倒在pizza上，半透明的黃色很吸引。芝士香，應該是混合了幾款芝士，薄餅薄且煙韌，可惜份量太少了。這個pizza 讓我想起在首爾曾吃過｢惠化石頭大叔」的蜜糖芝士pizza，令人回味！宇治抹茶配蕨餅芭菲 $68 外表很吸引，適合相機食先的朋友，但是芭菲頂端的蕨餅很難吃，一咬即碎，質感奇怪。栗子像糖漬過，很甜。抹茶雪糕的抹茶味不俗，少奶味，而我偏好奶味很重的雪糕。最下層是很甜的紅豆，最愛還是夾在中間的粟米片，抹茶雪糕配脆脆的粟米片很好吃！比利時朱古力焦糖蛋糕栗蓉芭菲　$68朱古力不算很滑，雪糕溶得很快，焦糖蛋糕一般，粟米片最好吃，最奇怪是下層的西瓜粒和蜜瓜粒，不論賣相或味道都與甜品不相襯。值得一讚是店內別緻的

終於有一家吃芭菲杯的餐廳了!立即心動不如行動!環境方面餐廳的面積比我想像的大一點，目測大概有十多張餐桌，而且餐桌之間有一定的空間，絕對不會影響和朋友邊聊天邊享用甜品的心情。讚!(當日也看到有不少人在等候用餐，建議先預約座位會較好)服務方面侍應生態度友善，也有笑容，亦有主動為客人加水。不過繁忙時間需要等候一陣子才找到侍應生幫忙。食物方面餐廳除了女生大愛的芭菲杯外，也有提供主食，如意粉，薄餅，漢堡扒等。同時每個主食亦可追加沙律和酥皮粟米湯。餐牌的選擇多得令人眼花撩亂，單單是甜品已經佔了幾頁。我們點了兩款主食－意粉和牛排，當然亦有芭菲杯。鮮蝦雜菌忌廉意粉＄88－味道OK! 份量適中，材料亦算多及新鮮。酥皮粟米湯 (套餐)－酥皮味道不錯，有濃濃的牛油香味，至於粟米湯就沒有特別。熟成牛腹扒 ＄188 (180g) －由於我們想吃牛排，所以點了這個，牛排的味道比想像中還要好，而且有其他配菜，不會太膩。甜品方面點了焦糖蛋糕伴朱古力芭菲（$68）和比利時朱古力伴提拉米蘇蛋糕栗蓉芭菲（$76）。兩款芭菲的蛋糕都很好吃，芭菲杯裡面還有雪糕，粟米片及忌廉等。兩款的整體味道都不錯，唯獨是栗子蓉比較甜一點。整體

今晚約左朋友食飯,上星期五打電話去BOOK左今晚七點半,我地七點半上到去都要等左陣先入得一打開MENU真係不得了,成千上萬款芭菲,就算無選擇困難症既我都望左好耐......最後叫左兩個咸食同兩個甜食烏賊明太子忌廉汁意粉---成碟意粉都唔係好食到明太子味,淨係食到紫蘇葉(我無記錯果隻應該叫紫蘇葉...)味...不過意粉同魷魚都煮得OK,唔會太淋~水牛芝士鮮蝦簿餅---個邊有D硬但都叫脆既,不過唔係鬆脆,上枱都已經唔係好熱,一拎上手個底係淋既....芝士好快同個餅底分開左.....味道就....正正常常焦糖燒香蕉朱古力芭菲---朋友俾佢既焦糖燒香蕉吸引左所以叫,味道唔錯,入面都好多料,唔會太甜,最底有水果粒感覺健康DDDDDDDDDDDDDDDDDDDDDDDD...XD宇治抹茶配蕨餅芭菲---抹茶雪糕幾好,唔太甜有回甘,白玉紅豆都唔錯~不過個蕨餅有D失望,食落有D似大菜糕既質地...味道仲有D怪怪地咁.......岩岩開業無耐都已經好多人,想黎既朋友記住要BOOK位,咸點印象好一般,甜點味道唔錯而且賣相好靚,呃LIKE專用~其實我想試下果個香桃芭菲既,不過朋友無興趣,唯有搵機會再黎試下啦

登門試過幾次，次次都話full booking.有次星期六下午兩點幾上去，有位。叫左一個咸，一個parfait.咸嘅就正常。Parfait, 我諗係每一個人來間餐廳嘅目的。係多款，但分別唔大。叫左杯綠茶parfait,好甜好甜太甜,toppings唔夾亂來咁。如果為parfait 就唔好來li間。

下午茶黎尖沙嘴ufufu。叫左抹茶雪糕牛角包&日本蜜桃芭菲。抹茶雪糕牛角包整體味道唔錯，雪糕軟滑。就係因為咁，令我對蜜桃芭菲有期望，等到差唔多食晒個牛角包，主角就黎到⋯⋯睇落賣相還好，不過已經留意到成個蜜桃顏色好白，少少粉紅都見唔到，有些少唔對路點知一拮，隻叉都插唔落，硬到不得了。食一啖，個蜜桃又生又硬又酸又乾 ，根本完全未熟，咁都可以俾客人食？成個桃都唔食得仲話每日限量20杯，如果d蜜桃未得，就唔應該出俾客人，你話冇得食，我可以接受，揀其他款。求其落街市買個蜜桃都唔會咁差！但杯野要成$120太過份！

我終於食到梳乎厘班戟啦～雖然 Ufufu Cafe Hong Kong - うふふカフェ香港 係主打食芭菲，不過都有得食梳乎厘班戟啊！我好彩未夠6點就去到，所以都仲有位唔洗等，不過始終係新嘢，雖然未夠6點，但係都坐咗大半，過咗6點都差唔多滿座，所以一係6點前去，一係就要預咗等位啦。因為嚟呢度就係為咗食甜品，所以淨係食咗個厚切煙肉卡邦尼意粉，味道唔錯，醬汁雖然好杰身，但係唔會漏，幾creamy。意粉嘅texture比一般煙靭， 好有咬口，同一般意粉好唔同。其實呢度仲有好多鹹食，真係要去多幾次先食到。到主角啦～我好想食嘅梳乎厘班戟，我叫咗綠茶小倉梳乎厘班戟，班戟差唔多成兩吋厚，真係幾厚架，非常之鬆軟，質感有啲似好light果種海綿蛋糕，綠茶雪糕就甜咗少少，雖然佢都有糖漿俾埋你，不過雪糕咁點，所以都唔駛用糖漿。豆沙餡都甜，不過都幾紅豆。旁邊小丸子好煙靭，但係仍然軟熟，令成個班戟多一種口感。成件事真係幾好食，唔怪之得咁多人去日本要排隊食。另一個主角就係芭菲嘞！呢度嘅芭菲選擇真係多得好緊要＠＠ 都唔好講話試晒佢哋，我諗淨係齊幾大款，我諗都要嚟幾次。呢個芭菲係比利時朱古力栗蓉芭菲。朱古力質素唔錯，

宇治抹茶芭菲 $68又一間日式餐廳入駐香港，有115款芭菲選擇再加4款期間限定，總共119款，對於我依個選擇困難症嘅人黎講，簡直痛苦！但間cafe咁落本做廣告而難得可以訂台，等足三星期熱潮有啲淡，終於黎試食啦！119款...諗起就頭痛，所以我決定淨係專注揀有抹茶嘅，基於對蕨餅無咩好感，所以好快咁揀好✌🏻️下午4點半，人流唔算多，多數人都食晒係到吹水，但都大約等咗20分鐘，終於上菜啦！嗯....啲cream暖嘅，啲紅豆蓉好甜，啲栗子都好甜，抹茶雪糕奶味偏重但越食越有抹茶味！好味算不上好味，$68加10%服務費，算係咁啦，對於抹茶控黎講就唔係好得，唯一安慰就造型勝在影相靚啦，真係試一試好啦😂P.S 期間限定，一日20份，有興趣就夠鐘去幫襯啦～

點了燒汁漢堡扒，另加$30配蘇皮忌廉湯。竟然係個湯比較好味，湯底較清，無茶餐廳既白、濃、傑，但富有粟米湯既味道。但個漢堡扒肉質好鬆散，刀切後叉一吉就散;配菜有小量細豆牙菜，2夠仔炸薯角，2條切段灼豆角，3夠仔甘荀粒，被燒汁贊過後，豆牙痴晒底，又干，$88既性價比太低。場內好多少女幫襯，好多人點野飲同食芭菲。可能甜品先係店舖既主打。

知道尖沙咀有新開嘅日式甜品，我哋又急不及待地試吓。原本想叫嘅蜜桃芭菲，點知限量120個，我哋就叫左另一個都係限量嘅芒果豆腐花芭菲。一邊有芒果雪糕，粟米片，豆腐花同埋雲呢拿雪糕。整體覺得味道偏甜，豆腐花算滑但係豆味唔濃，芒果雪糕嘅芒果味亦都唔太夠。整體感覺麻麻地。就係響日本好普通嘅cafe 感覺。

我:「不如去食日本菜，好嗎??」友人:「下，又食壽司，有無一點新意啊>W<"」「日本菜」常常都會在我們的腦海中第一閃出就是壽司，其後就是拉麵及魚生。其實還有很多好美食等著我們去發掘，週末或者假日都會到甜品店吃甜點，可以與三五知己邊吃邊聊，拍拍照，日本九州芭菲大王UFUFU CAFE在今年2月在澳門開幕，而在上個月首次登陸香港，當然要去試下，而且好適合想試新意美食的朋友們喔~!先說說UFUFU CAFE的背景資料吧~~~它是來自日本九州佐賀縣，於2001年成立，至今已有15年歷史。由2013年開始轉型研究特色甜品芭菲，直至今日UFUFU CAFE已成為日本人氣芭菲大王，店內提供超過100種不同口味不同配搭的芭菲，每款都有不同口感，讓人一試難忘。「UFUFU」以笑的諧音命名，因為人們笑聲笑起來像「U-FU-FU」，所以UFUFU希望所提供的食物能令每一位客人帶著快樂的心情進食，會心微笑地離開。單是飲品區就已經有很多選擇，而且大部分都有熱/冷選擇，另外還有店舖的招牌咖啡，外面沒有喔~!先來點【抹茶忌廉黑蜜糖拿鐵】我算是抹茶控，單是含抹茶成份已經有六款飲品選擇，店主就選用了來自

近期大熱的一家日本Cafe，其賣點就是這裡最少有3版的芭菲可以選擇!!(,,ﾟДﾟ) 當中還包括$200up的超巨大芭菲啊這樣的店子一定有不少人慕名而去，我們也是其中之一喇～～原以為要排隊才有得吃，但原來這裡接受Book枱的喔 (=ﾟωﾟ)如果Full Booking的話便不會接受walk-in客呢~所以打算來吃的話，就先book枱吧(有沒有覺得這店的Logo 有種「芒亨」感?!!)由於我們的目標是一人一芭菲，所以只點了兩個主食來Share (*^o^*)煙肉菠菜忌廉汁蛋包飯 ($92)菠菜煮得夠軟腍~煙肉有一定的厚度，也沒有煎得乾巴巴忌廉汁的奶油味很重~配合帶酸的番茄飯剛剛好，而且包著飯的蛋也滿厚和滑身！蜂蜜芝士薄餅 ($58) 是薄身的批底有脆感，不過邊邊的位置稍微有點燶 Orz鹹味的芝士加上超甜的蜂蜜，很簡單 (╹◡╹ლ) 但也很惹味接下就是甜品時間了喔！！看到這個 ufufu軟雪糕牛角包 ($48) 就點了本來想吃的是梳乎里班戟，但店員說賣完了 QAQ雪糕很香滑軟身，還有上邊的淋了蜂蜜糖漿~所以吃下去帶清甜的味道不過牛角包有點硬身，不夠酥脆呢～～('・∀・)b 芭菲的話，我們每