Urban United Burger & Bar (已結業)

今天既元朗多咗好多大型商場，同以前相比變咗好多。不過無論如何，我都係喜歡試小店多DUrban United Burger & Bar, 一定要食 Burger 啦！環境：好多塗鴉，感覺幾前衛。鋪外幾張吧檯高椅配紅磚裝飾，幾有 Feel 服務：以年青人為主，尚算 OK食物：BLT Burger (Bacon, Lettuce, Tomato)麵包熱辣辣，生菜、蕃茄正常。但煙肉唔夠香口，食落略欠質感。漢堡扒牛肉味道未見突出。Avocado Nachos 芝士無完全溶透，粟米片、牛油果醬等全部係供應商製成品。整體一般。

依個係我個人ACCOUNT,我無重覆濫發食評!!!!之前同朋友去左元朗睇戲,我地平時好小入元朗,不過今次因為朋友住係依頭,所以先特登入黎睇完戲之後,同佢去左食飯,佢係元朗人,所以佢帶路去左依間Urban United Burger & Bar ,聽聞係元朗都幾出名,今日黎到當然要試下                            餐廳裝修有D似韓國餐廳,坐落感覺舒服,地方亦都幾大軟殼蟹鵝肝牛肉漢堡,軟殼蟹香脆不在話下,鵝肝肥美之餘,又唔會好膩律肉漢堡就好JUICY,好多肉汁,成個配搭都好惹味除左burger好食之外，佢地既正餐都唔錯，今次食左豬勒骨薯條拼盤，豬勒骨肉味香濃，而且肉份量比較多，薯條相當香脆，性價比亦相當高，下次會試其他野食另外炸物拼盤,我最鍾意食入面既炸蠔,蠔名好新鮮,炸得好脆好香口雞翼味道都唔錯,點埋醬汁仲好食下次一定會再黎Urban United Burger & Bar (元朗)元朗又新街37-51號富祐閣地下8-9號舖

我地一行三個女仔七點半左右去到，由四人枱被轉左張二人細檯同睇完menu後大概七點九/十，諗住落order啦，揮左五六次手，每次有員工望倒應完“係”、“黎緊”，或者示意知道，但最後都冇人黎落order...完全當我地透明......到八點左右終於成功落order(巴馬火腿凱撒沙津，雙層牛堡，fish & chips同墨汁海鮮意粉，全部轉套餐)，於是我地三個女人一個墟，傾傾傾，冇留意等左幾耐，只係留意倒其他枱枱遲過我地入座嘅都已經上哂菜，我地就傾到口都乾但連水一杯都冇。於是就睇下時間，原來已經八點九，但店面員工潛哂水(可能佢地以為送哂餐？？)，等左五分鐘(即八點五十分)先有員工蒲頭......於是我地又揮手，先前幫我地落order個員工遠處見倒我地揮手已經即刻縮一縮，我地大嗌話等左成粒鐘都冇影，佢話即刻跟跟。入完廚房出返黎，個員工就死死氣say住sorry咁同我地講廚房冇整到(真係廚房漏單定佢冇落單我地有懷疑)，叫我地再落一次order。我地再落完一次(已再三同佢講要跟餐，餐飲之後再嗌)就問咁幾時有得食？佢話一個字倒。我地即刻串佢話一個字整倒既野要等成粒鐘？？？佢又say sorry。五分

同男朋友入元朗搵嘢食，見到呢間burger！睇餐牌見到啲野食都幾吸引，於是就試下！我地叫左一個NY double decker and Alaska special，兩個burgers都+$28轉左做套餐！包一杯野飲同薯條！NU double decker既漢堡扒好juicy, 而且好大個根本無可能一啖咬哂成個包！ alaska special既魚柳好大塊好香脆，食得出係岩岩新鮮炸起！反而薯條有點失手！可能係一早炸定或者翻炸，所以有的太燶，有的又軟林林！不過呢個價錢食到兩個king size burgers都算合理！

同男朋友係元朗掃左d小食，未飽，見附近有間burger，抱住試下嘅心態食呢間，格局幾正，可以飲下野，吹水幾好feel，誰知中中地伏吉列蠔炸得幾好食叫左個蘑菇漢堡⋯⋯唔掂喎！！我地兩個人食，無問我地要唔要兩件上、或者係唔係款款會切一半？！自己切，好難搞，散曬。。。個塊細細塊嘅漢堡牛（同個菇差不多大細，算細），好乾！！吉黎食係會散到一粒粒。。好差！！個菇比想像中細，唔係好大個隻。。。咁汁好稀，同唔太夾，底個塊包都比佢整到林曬。。本來應該係烤過會好脆，面個塊都脆嘅。唔知係咪我地放耐左（個蠔黎先，都係食埋兩粒蠔先食個包，就凍曬），食落口凍嘅！真係無下次。唔知係咪大鄉里，叫個杯生啤，係袖珍版仲細杯過杯水咁濟。。另一杯，White Russian $78。最後叫左埋單，應完我地，等左五分鐘度都無理過我地～$270。。唔值嘅感覺

《不負責任食評—Urban United Burger》啲人話元朗好多野食但我成日都諗唔到食乜好然後一諗唔到就話 一係去食burger算啦🐒————————（打打下無左成篇我好嬲）<夏威夷雞堡> $68菠蘿燒得好透好甜不過雞肉略為乾 醬汁亦少左啲薯條就好實在 jeng😛必試超邪惡double chocolate🍫💛💛💛————————個人覺得雞肉始終唔太適合整漢堡漢堡始終係要牛肉同羊肉黎稱霸所以下次黎會叫番牛肉既🤤

住元朗都知一向多美食，而且價錢唔貴得去邊😌😌😌，今次試呢間美式餐廳下午茶，地點有啲難搵，不過一入去就俾裝潢設計吸引！每個擺設每個位都整得好有心機~~叫左兩個下午茶，~$70，好扺食！牛油果軟殼蟹墨西哥卷好味，牛油果同吹炸軟殼蟹好襯，不過覺得沙律個汁有啲酸。呢個漢堡分量就大過墨西哥卷，朋友叫，我只試左少少，個人覺得正常質素，都好味，不過呢個價錢同份量無得輸好期待下次試下晚餐同cocktail等等其他飲品!!

今次第二次去這間餐廳,上次吃過味道很好,記得是牛扒加鵝肝,二百有找,底食…今次和朋友二人,點了一個菇漢保配餐,有薯條+檸茶,個包好大,烘底所以好脆口,一咬芝士加牛肉汁爆出,真係口感十足檸茶用了英式紅茶,喝落更清新重有牛油果蟹手卷,加上沙律菜和特别酱汁,所以食材好新鮮,掂還有薯條,用完隻薯切條,再炸再有炸蠔,出面炸得超脆裡面鮮嫩蠔味,好美味,至於環境一流,只是在後街不起眼,用黃色做主題,好特出,型！

今日難得去元朗食野，本來想食天鴻燒鵝，去到原來今日休息冇開。因為已經3:45分，唔想周圍行，所以就去咗對面食呢間野。當日呢個時間，佢哋一個客都冇，就只有我同我老公。我哋叫了一份burger 同all day breakfast. 真係冇講大話！冇誇張！我哋四點鐘落order, 等到四點半, 都冇嘢食！ 當時間鋪冇其他人，只有我同我老公兩個人。但係個女侍應見到咁耐冇嘢食，都冇幫我地去睇吓發生咩事！但係個女侍應係冇其他野做，好得閑，禁吓電話。直至到要我地主動問佢，佢先話幫我地睇吓。有一個唔知係咪老細嘅男人，之後行咗出嚟，跟住我哋問佢點解啲嘢食咁耐， 已經等左半個鐘，跟住佢就笑笑口，話👉🏻係咩？👈🏻，跟住就走咗入廚房睇一睇！我覺得呢啲服務完全唔得！！結果係4:40至4:45分才有嘢食。可能我哋黑仔啦！間鋪得我同老公兩個人，又唔係多人，其實冇可能會漏單囉。野食又普通，總之唔會再有下次！

入到元朗 梗要撐小店啦 又再試urban united and bar 脆魚薯條魚好大塊 睇得岀係即炸 好脆 魚都新鮮 唔霉 好食 四個人食都好足夠 仲有薯條配沙律醬一流 好食牛油果軟殼蟹墨西哥餅牛油果嘅味道唔算太突出，不過軟殼蟹整得好好食，食落口一啲都唔油膩，加埋墨西哥餅好match，食落口酸酸甜甜咁，仲有啲軟殼蟹嘅脆脆，食感一流。亞特蘭大烤菇堡大啡菇切落去仲有好多汁出嚟，雖然冇肉，但係味道依然好好食仲，加上蕃茄，青瓜，生菜，咬落去好爽脆，偶意食一下素食也不錯。水牛城雞翼水牛雞翼一碟有五隻，味道唔算太辣。雞翼入邊仲係好鮮嫩多汁，小食來講算係唔錯。我哋仲叫咗兩杯飲品，賣相同味道有得揮。下次一定會再黎幫襯❤️

I ordered the Thai salad. Huge mistake.Basically what they gave me was the following: irregularly shaped romaine lettuce bits, cherry tomatoes, and a VERY GENEROUS  serving of what I can best describe as McDonald's Thai-style Chili sauce. It looked more like a soup than a salad. Needless to say, it was disgusting.Perhaps I should have opted for a burger.I can also confirm that the service leaves much to be desired. It seems like someone from the restaurant is responding to the negative reviews,

這天與朋友在元朗買東西後，看見這間餐廳外觀非常特別，有色彩繽紛的特色塗鴉和特別的桌椅，於是便決定進去試一試我們先點了巴馬火腿凱撒沙律🥗作前菜，火腿的咸香味配上新鮮的蔬菜剛剛好，是不錯的開胃菜👍🏻😋然後我們還點了拉斯維加斯軟殻蟹鵝肝堡，它的造型非常可愛吸引，是一隻頂著肥美鵝肝的軟殻蟹，讓人有點不忍心咬下去🙈 但煎香了的鵝肝實在太肥美吸引，最後我們還是狠心地一大口咬了下去，甘香多汁的鵝肝配上香脆的軟殻蟹，味道和口感都配合得天衣無縫，值得讚賞！朋友還點了一份藍莓汁煎澳洲豬鞍架，本人很少吃煎豬肉，怕肉身會很粗糙，但想不到這個豬鞍架煎得剛剛好，肉質鮮嫩，口感不錯，而且配搭其特色藍莓汁，味道新奇美味😳🤤值得一試！另外這裡的特色飲品選擇都非常多，特別是啤酒款式，我們點了一枝月神黑啤和蜜桃伯爵茶，啤酒樽外表圖案很特別吸引，倒杯時還有不少綿密細泡，味道濃厚香醇，喜歡黑啤的人一定會愛上這個！蜜桃伯爵茶也非常有茶香和蜜桃果味，這間的飲品也是不可錯失的一環節😉🤗

雞burger舊雞半生熟(定更生)都比得客人食？ $68 burger + $28 fries with drink 再加一，話貴唔貴，但百幾蚊個set舊雞肉中間竟然係生到咁(見相)，真係有啲失望。坦白講，食burger 好少就咁食中間塊肉，食左半個，諗住切開慢慢食，發覺舊雞中間未煮過咁，嚇到面都青埋，即係想反胃，舊肉都唔係厚，裡面都可以咁生(其實有冇5成熟，定得3成)，如果啲肉粉紅色我都接受到，反而朋友個牛burger既牛肉係熟哂。同waitress講，佢好似冇乜反應咁，問洗唔洗整過個，我話唔洗，因爲都只係食淨半舊雞同一啖包，最主要真係無胃口，食左半塊咁生既雞....... (利申: 我地有照埋單，俾全費) 最失望係我唔覺個waitress 有即刻同廚房反影，希望係我見唔到only，太反感。Btw, menu紙，中間有張係lunch set, 又唔覺寫星期六日冇既，我地想叫，waitress 話冇，個樣好似覺得我地錯咁，建議可以拎走張紙啦，我食食下都聽到有另一枱客講 lunch set 。 (我人生第一篇食評，估唔到係因為覺得太恐怖而寫) 真係唔會再黎....

位於元朗主場呢間專食漢堡包的食肆，食過兩次，水準一樣保持到水準。比起其他同類的是非常好。最愛吃Chicago burger, 因為夠牛肉味，和多肉汁，很軟熟，不會太實肉，芝士夠香濃。另外Ice chocolate 係好濃嘅朱古力味和質感細滑，沖調得好合當。好正好回味。比起其他店的朱古力滑和濃厚朱古力味。至於All day breakfast 都同樣好味，每件都好有水準，沙蛋好滑，腸仔，煙肉剛剛好，小牛扒如果份量多一半就更加好，老公不夠吃不過蘑菇漢堡就用了小菇，如可改用大啡菇就一定更完美了😍整體也十分滿意。一定再光顧的!

睇個標題都知，今次介紹嘅係漢堡為主題嘅餐廳。朋友生日話想食漢堡，又唔想出市區，就係元朗搵下相關餐廳，就搵到今次依間裝修特別，又有手工啤飲嘅小店。雖然係小店，店鋪空間都大，而且裝修幾特別，相機食先就最岩喇。一坐底好口渴，我地又唔想飲啤酒，所以叫左熱鮮奶抹茶（$36），甜度適中，有埋拉花嫁。我地得兩個人叫左個燒牛柳沙律（$78），亞特蘭大烤菇堡（$73）同埋紅綠燈黑松露薯條（$52）。逐樣講番，沙律份量岩岩好，牛柳整得都幾Juicy，唔鐘意牛肉嘅人可以簡凱撒沙律（$58）或泰式沙律（$62）。因為我好鐘意大啡菇嘅關係，掙扎左簡達拉斯烤菇牛漢堡（$88）同亞特蘭大烤菇堡（$73）一陣啦。最後都係簡左無牛果款，因為驚食唔哂，結果係無選擇錯嫁，因為個漢堡都幾巨大，個菇好Juicy，成個包食落口一d都唔乾，雖然一大啖食落去就會變到無咩儀態，但就原汁原味，好好味。最後個紅綠燈黑松露薯條，份量好大，2個人有d食唔哂，芝士仍然拉得出絲，可以點茄汁，黃芥末同黑松露醬。每人平均$125，都算抵食嫁，因為份量足夠，而且漢堡選擇又多，下次我會試下黎飲番杯手工啤輕鬆下先。