WM Café & Bar (科學園) (已搬遷) 新店位置

今日難得嚟到科學園，估唔到原來呢度都有咁多特色嘅餐廳同Cafe。踩完單車之後，我同朋友都覺得好攰，咁梗係搵間Cafe 坐低抖下啦。呢度分為戶外同室內，出面咁曬梗係坐室內涼冷氣啦。不過見到出面嘅風景都好靚，下次有機會都要坐喺出面影吓相食下野。雖然天氣好熱，但總覺得黎到Cafe梗係要飲花茶啦。呢杯叫做美白亮膚茶，飲落好清新，飲完感覺健康左好多。呢個辣雞burger配粗薯條，薯條夠哂粗，而且炸得好脆，入面真係啖啖都有薯仔，外脆內軟，真係好好味。而呢一個雞翼配粗薯條係下午茶餐，價錢平之餘仲有嘢飲送。雞翼食落好夠味，調味調得啱啱好，而且雞肉夠嫩，落d Tabasco 真係好夾呀。呢度嘅調味料係自助嘅，有大大支嘅茄汁同Tabasco 。呢杯凍檸茶都好值得一讚，因為除咗有檸檬之外，仲有兩片青檸，飲落酸酸地，開胃之餘又解渴。呢間cafe好坐之餘食物又好食，下次都會再黎呀。

放假兩口子今次就走去踩單車，踩到攰就想搵間餐廳食吓嘢休息吓，以前只得賣汽水車係路邊，依家就可以去科學園搵間靚靚cafe坐下，又咁好彩被我搵到間'WM cafe and bar'。去到見到門口有tea set價錢相當合理，叫咗份 fish and chips賣相都ok，有3舊魚塊炸醬唔算厚，魚肉keep到滑，個炸魚仲配個沙律醬同埋新檸檬夾埋食，hot dog都算大份，個麵包有焗一焗熱，熱狗醬份量剛剛好仲有蕃茄同埋生菜腸仔唔係得個咸字個D腸仔。order ice mocha 面有D cream 令杯咖啡更滑身，另一杯就係青檸薄荷梳打，薄荷葉+青檸實在太freash 飲落去簡直透心涼 消暑恩物。再食埋個 New York Cheesecake爽到不得了，但就踩完單車不但無消脂可能仲有增加

喺科學園返工如果去到食飯時間其實真係冇乜特別多嘅選擇，有時想食好啲就要特登揸車出去沙田，今日行過見到有一間WM Café and Bar，就坐低試一試。環境都幾舒服之餘陽光非常之充足，一坐低就見到右手邊有一排落地大玻璃，陽光柔和直射落去成個Cafe，俾人一種感覺間Cafe係非常之陽光氣息。餐牌就好似美式風格嘅Cafe一樣打橫大大快show係門面，我就揀咗巨量安格斯牛肉芝士漢堡，我朋友鍾意食意大利粉所以就揀咗個白酒汁扒帶子意大利粉，飲品方面就叫左個凍鮮奶咖啡同薄荷梳打特飲。食物大概15分鐘左右就已經上咗枱，首先講講「巨量安格斯牛肉芝士漢堡」，首先一定要講嘅就係呢一個漢堡嘅份量，成個漢堡包高度足足有一隻中指咁高，你可以睇睇塊牛扒嘅厚度絕對有八安士，首先試左個漢堡包嘅包面經過烤爐處理變得鬆化脆口，你咬落佢嘅時間會聽到沙啦沙啦既脆口聲，牛漢堡扒絕對夠八安士嘅份量不過呢個漢堡扒唔止有份量，咬落口嘅時間肉汁係會標出來，肉汁多到係流到成手都係！你試諗下平日識開嘅漢堡包係大型嘅連鎖食店漢堡扒都係非常之乾，相反呢一間Cafe既漢堡扒唔止份量上做到足夠，係牛肉既肉質方面仲非常之新鮮又同汁，真係世界級享受！

今日同屋企人嚟咗科學園玩，所以四圍搵下有無乜好嘢食，然後見到呢間裝修得幾靚，環境又舒服嘅cafe就入咗去。呢度係行自助形式點餐，睇啱就去counter點餐，然後店員會將食物送上，好有效率。門口大大個易拉架主推安格斯牛肉芝士漢堡，咁我當然要去試下啦，件牛肉成吋厚，好足料，食落夠juicy唔會乾身，而個包係芝麻包，配埋即溶芝士好香口。入面夾埋蕃茄、生菜，夠fresh。薯條係粗身無紋的，食落好重薯仔，夠足料。加$10有份餐湯同蒜蓉包，個湯係南瓜蕃茄甘荀湯，好濃郁，蕃茄味好出，而湯內有少量南瓜蓉，口感不錯，而個包烘得好香口。香蒜蜆肉意大利粉，辣味好出，蜆嘅份量好多，而且唔會乾身又無沙，配搭蘆筍，味道好清新。而落單時特登叫咗重蒜，出到嚟味道好香口，爆香咗嘅蒜加辣味呢個配搭同意粉非常夾。

本身諗住黎科學園飲茶，點知有人結婚無得飲茶，所以就揾其他食肆，經過見到呢間，門面叫做無咁頹嘅餐廳，諗住入去食下西餐。我同老公二人點左carbonara同埋漢堡餐，加左湯同包，兩杯野飲。個carbonara，唔掂，佢啲汁唔夠，無煙肉，得火腿，好淡味，就咁倒啲牛油係上面加啲奶同芝士粉就當個汁，完全無調過味，個面條又硬，份量都好少，但真係太難食，所以都食唔哂。另一個漢堡，求其焗個包入面加塊勁乾嘅牛肉，極少醬汁，完全無誠意，我食美式連鎖快餐店仲好，個薯條就正正常常，但係得個幾條，個盛裝器皿勁細，得個三五七條，好無奈。個湯就粟米罐頭湯，無咩特別⋯總之就好失望⋯⋯⋯唔會再食，我自己係屋企煮仲好⋯最後員工態度一般，係你緊嘅時候不停咁問呢樣仲要唔要，個樣要唔要，好煩。上餐個陣又唔講聲，就咁隊埋黎，爭啲倒瀉

34。C afternoon Some people told me that Beef tenderloin hamburger has been famous here mega Angus beef cheese burger 🍔 75$ only 230 grams my smoked salmon Caesar salad 🥗 A special fresh squashed apple 🍎 and carrot 🥕 juice 100% 28$tasty with avocado 🥑 Great 👍 Never thought of such good taste before fresh brewed coffee Comes with lunch set Extremely strong and delicious 😋 Fair price to come backAnd avocado added 6$And a light cheese 🎂 Add 18$ only Even plus the traffic fares It's a nice afternoon

今次隔咗一年之後去科學園發現多咗好多唔同嘅西餐而且食物質素都有提升到所以我就想介紹比大家呢一間餐廳紅蘋果加+火龍果$$ 28為咗健康着想揀咗一個果汁🍹因為有通便同埋抗氧嘅功效而且天氣非常之熱所以好需要一杯飲品藍青口炒意大利扁意粉 $75 呢個扁意粉味道清淡冇落到過多嘅醬同埋調味已粉麵質好食彈牙入味而且仲有適量嘅蔬菜青檸薄荷梳打$8 x2 梳打超好飲除咗有青🍋之外仲有薄荷千島醬海鮮薄餅 $$75超級薄邊pizza啱啱號嘅芝士味識落唔會覺得膩而且上面仲有蔬菜🐙章魚

適逢放假，自己一個人去咗科學園，暨可以在海濱公園行行走走，又可以踩單車，唔好以為呢度想食野好唔方便無選擇，其實海濱公園旁的科學園裡有很多不同菜式餐廳選擇。到了下午，我便走到一間麻雀軀小、五臟俱全的Cafe.呢度有齊西餐的菜式選擇，既可食自家創和經典款的意大利粉、又可以選擇熱騰騰香脆可口的薄餅，每弄一碟菜式都要稍作用心等候，因為是即叫即製。下午有個午餐套餐組合選擇，飲品可以選擇鮮榨果汁又可以選擇咖啡奶茶。我選擇咗以下組合享用這個優閒午餐。+$10便可以有粟米忌廉湯；湯熱騰騰，淡淡清甜有好多粒粟米，口感不錯。而士多又熱又香脆，這個配搭一起食無得頂。另外，我再選飲健康的鮮榨果汁，有10多種蔬果水果自選，我選了甘蔗+富士蘋果，因為喜歡清甜的蘋果汁和甘蔗味道。一款$24二款$28，經濟實惠，大大杯清腸胃！午餐$50-80不等，我就揀咗忌廉蘆筍大蝦墨魚麵。最讚的一件事就是有5粒蝦球，啖啖肉，肉質彈牙新鮮。意粉口感有嚼頭，配合忌廉汁芝士粉一起食好好味！無得彈！下次放假決定了要再黎！

適逢男友家隔近科學園，這個悠閒的假日我地游水前先到那邊食個午餐。位於園內企業廣場地下的WM cafe, 餐廳簡約優閒格調，加上和煦日光斜照，感覺格外寫意。我地嗌左個巨量級芝士牛肉漢堡同白酒汁鮮帶子意粉，以地理位置黎講，$75左右價錢唔算貴，而且仲免收加一。白酒汁鮮帶子意粉份量非常足，帶子亦好大隻，口感彈牙，煮得啱啱好！而且有白酒汁嘅調味下帶子嘅鮮味更出，而意粉都好入味，原來除左蕃茄醬外，意粉仲有更好的醬汁配搭😋巨量級芝士牛肉漢堡真係超大份！一向大食嘅男友竟然夠飽😂中間嘅牛肉好厚身，而且食落好juicy，同沙律醬一齊食簡直係prefect match~~夾埋中間嘅蕃茄同生菜食中和左膩嘅感覺。薯條都值得一讚，係新鮮現炸嘅，香口又脆卜卜👍🏻見到科學園內有唔少餐廳，睇黎下次假日唔想走太遠又多一個午膳新熱點！😆

自助式餐廳，園林風坐得都舒服，又有大電視睇！天氣無咁酷熱可以坐外面吹風，停單車都可能得？蟹肉墨汁意大利粉小蕃茄酸酸地嚟開胃啦！小蕃茄痴住蟹肉又酸又少少鮮咁。$75既蟹肉份量足嫁啦，有貼住意粉，有一舊入口有點感覺咁！蟹肉有微鮮味，意粉厚厚。意粉痴住啲芝士粉，cheese/milky點！蘆筍都幾多，好翠綠帶青味。白洒汁扒鮮帶子意大利粉呢個意粉實在太健康啦，食落去嗰啲帶子係鮮鮮，但煮到有啲老。佢呢個意大利粉有啲蘆筍，仲有啲小蕃茄添，啱晒我呢啲減肥嘅人食呀！而意粉，佢軟硬度適中，容易符合鍾意唔同硬度意粉嘅人，如果大家想食啲健康啲嘅嘢食，都可以叫呢個餐，不妨一試㗎！Lunch set配$18既熱飲，加$3凍飲。仲有加錢其他飲品，餐湯，甚致甜品。但運動完就唔好咁heavy啦。甘菊茶，綠茶🍵甘菊茶🍯好強勁甘菊既花香，飲完一啖。口都有留香味，清清熱也不錯！綠茶🍵無糖綠茶正，我覺得比甘菊清新。每款茶包好有心寫住泡幾多分鐘有味點！

好多人都話科學園無咩好野食同埋野食都係偏貴今日我就揾到一間環境好好而且坐得又舒服既西餐同埋可以靜靜地傾下計既地方所以覺得今日全日都過得好開心因為最近天氣都真好熱所以我就叫左一杯生果飲飲得出係好新鮮既水果因為火龍果仲有好甜好鮮既味係入面唔會打到有酸味如果係品質比較低既生果係唔會有咁新鮮既火龍果味由此就可以知道呢間cafe 既品質真係不錯紅蘋果加+火龍果$$ 28藍青口炒意大利扁意粉 $75清清地既一款意粉就算無汁，食落都唔會覺得好乾我同朋友都好中意而且青口都有7 舊份量足曬意粉都係好彈牙同埋同爽口加上有菜及蕃茄會加左啲甜甜地既味道係入面千島醬海鮮薄餅 $$75超級好食有好足料既芝士同海鮮再加上有薄薄又脆口既邊有章魚又有青口仔係入面加上重重芝士及蕃茄所以唔會覺得乾同埋好膩青檸薄荷梳打$8 真係有青檸同埋好重味好fresh三文魚忌廉意粉 $68有兩大片三文魚加上好彈牙既意粉同埋濕濕地忌廉令到個麵更加好食加$18 配是日甜品係好好食既雲呢拿奶凍入面係真係好雲呢拿油同埋雲呢拿籽所以好看入口都好滑超好食

叫咗一個lunch set巨量級安格斯牛肉芝士漢堡配美式粗薯條等左10分鐘之後終於上枱邊緣封箱了漢堡之後我同朋友都話嘩咗一聲大家都話過漢堡好巨型吖 就算壓扁個包 都無可能一啖食得曬到而且我個口真係唔細 岩曬我可以毫無儀態咁食個burger 真係好好味個漢堡包啲汁 我好鍾意漢堡扒7-8成熟 一D都唔dry D汁一路食一路滴夾埋芝士真係一流而個漢堡包夾住嘅蔬菜同塊番茄不過呢度仲有可以選擇一種芝士希望可以試下加唔同嘅芝士 始終一樣芝士唔會夾得曬burger 嘅餡啖淡肉 食完都會有少少膩不過最後飲埋杯茶就完全將呢啲肥膩化解晒了總言之 值得一試

星期六天氣十分之熱所以同朋友嚟到沙田踩單車入大埔原本以為今日會完全踩足晒成日但係完全高估左自己能力由沙田出發踩到差唔多去到科學園已經流汗流到成身濕晒咁岩見到科學園入面又有餐廳所以決定入去tea 一tea偷懶下但係點知一坐入cafe入面一坐低就異星坐莊送兩三粒鐘無法啦係天氣咁熱一行去入到冷氣10分足夠嘅餐廳入面個人立即放松晒一坐低就叫左一份意式芝士蛋糕估唔到外表四四方方咁但係一食落口蛋糕非常之咁鬆軟而且錦滑的口感令人一試難忘而且係咁熱嘅天氣底下冰凍嘅蛋白糕令人一食已經涼透心而且呢度嘅蛋糕唔會過分地甜所以食落口依然有順滑的感覺唔會因為太甜令到喉嚨太辛苦形成一浸苦味

一放工就好想立即食甜品見到餐牌上嘅價錢都算合理，我同朋友就點左芝士餅芝士餅的芝士味道濃郁，又有奶香，質地fluffy軟滑，蛋糕質感好軟滑好creamy，有D黏口但又唔會過甜口感十分creamy，感覺輕柔而芝味濃。絲滑的芝士配上面層白色的cream, 無左芝士餅的甜膩感覺， 令芝士旦糕的甜味更溫和。估唔到芝士旦糕咁好食， 芝味十足又香滑， 只是稍稍甜一點點，比較傳統意式芝士旦糕清爽一點，攤耐少少先食呢，又會有mousse嘅感覺可以encore!

依到既薯條炸得比較深色,食落幾粉,炸得比較通透而且食落係比較脆身,加埋少少既鹽,真係食唔停口,另外仲一隻杯仔用黎載茄醬用既,大大支任用既茄醬比較甜味,點薯條係非常之咁好食既,之後就到依個非常大既芝麻包,有一塊好厚既免治牛肉扒,軟熟既包加埋半熟既牛漢堡,漢堡一黎食落口就好似已經融,入口即融既感覺,有少少似肉醬般,不過又保持到佢本身既咬口,就算係全熟食落又唔會太乾,好味,漢堡包還面仲有蕃茄,生菜, 夾埋令到依個牛肉漢堡無咁油膩,酸酸甜甜既蕃茄 食落又夠醒胃,咁先係完美既一餐,果然唔錯,而且價錢唔貴