WM Café & Bar (科學園) (已搬遷) 新店位置

星期日的科學園，是一個家庭活動的好去處，先去吐露港旁踏踏單車，呼吸一下涼涼的海風，餓了便去園區內的餐廳吃個飯，補充一下能量。今次去的WM Cafe and Bar，以性價比來說，十分高，七十多元的價錢，已經吃到一份質量高的lunch combo。食物方面，點了巨量安格斯牛肉芝士漢堡配薯條和蜜糖芥末煙火腿薄餅，安格斯牛肉芝士漢堡包如其名，份量很大，足八安士，牛肉的厚度差不多一吋厚，一咬落去充滿肉汁，十分juicy，蜜糖芥末煙火腿薄餅一焗完即上枱，芝士鋪滿整個薄餅，食的時候多到拉極都拉不斷，芝味豐富。lunch combo 加十元有餐湯和餐包，餐湯係磨菇blend成的湯，真材實料，加十八元有一件甜品，點了紐約芝士蛋糕，蛋糕的味道不錯，是飯後甜品之選。吃了一枱食物才二百多元，既滿足，又飽肚，是科學園飲食首選。

難得weekend 冇野做, 就決定同朋友黎科學園呢度relax 下, 點知無意中發現左呢間咁正既Cafe! 首先講環境, 本身科學園已經好大好relax, 加上呢度設有戶外座位, 而且座位都好寬敞舒適, 同fd 坐係度一邊食野一邊傾計真係一流!至於野食方面, 首先要提既係個蘑菇湯. 蘑菇味好濃郁, 而且每啖都有好多蘑菇同洋蔥粒粒, 口感好rich. 湯既味道也都岩岩好, 唔會太咸.之後就到呢個蜜糖芥末煙火腿薄餅, 個餅底唔會太厚而且好脆. 中間既蜜糖同芥末味道好夾, 食落甜甜地咁好特別! 正餐之後仲叫左好好味既Iced mocha 同埋tiramisu, 一邊嘆住一邊傾計, 整體黎講係非常滿足既一餐! 

科學園既餐廳為數不多，西餐更加係少，如果大家來科學園食飯既話，科學園既餐廳裡面選，我覺得呢間係值得推薦既。呢間西餐廳位於一期至二期既中間，係門口旁邊，都算係幾容易可以搵到ga。店舖類似open area，座位同外面之間無玻璃框住，座位數量合適，唔係太需要大排長龍。食物來講，有各款漢堡包，意粉，選擇唔少。今次我同我朋友一齊去食，上菜速度合適，唔洗等太耐，我食左一個蜆肉意粉，味道唔錯我朋友食左漢堡包，都幾大份，裡面個牛肉好大塊，食得好飽。

中秋過後 天氣超舒服~踩單車踩到過黎科學園~~兩點幾超肚餓 一定要搵野醫肚。經過見到呢間cafe~二話不說就坐低啦～食物好多選擇啊～先叫個沙律~凱撒沙律配柏爾馬火腿~非常夾。蔬菜好新鮮。然後上忌廉湯~佢呢個忌廉湯texture都幾特別, 打碎左薯仔係底。正, 再來一個賣相一流既all day breakfast~用料非常豐富~黑松露炒蛋味道香濃, 配煙三文魚又係一絕。再黎海鮮墨汁意粉~~有青口, 魷魚等等~白汁配墨汁意就係正。最後再整個new york cheese cake~~甜而不膩. Awesome.

今日有事要入去科學園一轉，由沙田火車站旁邊轉乘小巴，就可直接到達。 入到去差不多11點左右，想著時間尚早，就在這新地方四周穿梭尋找美食。 看見大部分也是food court 形式fast food ，也有一間間大型連鎖快餐店及咖啡店。 跟著看見近大廈正門處有間好大好sharp 白色招牌＂WM cafe ＂，在門口處放了幾張枱及太陽傘。餐廳午餐也提供不少選擇～餐廳四周用上大量玻璃，陽光照射進入餐廳內，令到餐㕔帶有大量天然光，在內進餐也令人精神為之一振。 餐廳內更設有大電視及一些悠閑擺設，令人有回家放鬆吃飯感覺。 巨量級安格斯牛肉芝士漢堡配美式粗薯條，好厚好大塊安格斯牛肉，好有震撼力。意大利四式芝士薄餅，四式芝士芝味濃郁，厚厚芝士層超吸引。餐廳由內到外也坐滿客人

今日約咗朋友踩單車🚲 中途經過科學園 有啲肚餓所以去咗睇吓有咩食 見到呢間餐廳有下午茶餐 就入咗去試🙊 好似樣樣都好吸引 最後我地兩個人嗌左三個餐 係一個好豐富嘅下午茶餐😬我地嗌咗一份炸魚柳薯條 烤玉米片配肉醬芝士 同黑松露烤菇薄餅🍕 上菜速度都幾快 上枱時都熱辣辣😗 賣相仲好吸引 見到都流晒口水呀🤤我特別中意食黑松露烤菇pizza! 佢有好多芝士 而且餅底夠薄 焗完出嚟個邊係脆卜卜嘅😋 而佢嘅菇味同個pizza 好夾而烤玉米片配肉醬芝士 都好好味🐷 肉醬唔算好多 但份量啱啱好 唔會太咸 一路傾計一路食呢個玉米片就perfect喇👏🏼 拎起啲玉米片仲有拉絲添😻一份炸魚薯條有三條魚柳🍟 每條魚柳都好大條 魚身好滑 配埋沙律醬真係好好食🐟 薯條就係切粗條嘅 份量相當足夠 餐廳仲有個自助區比你自己拎需要既醬汁🤤總括嚟講 呢間餐廳環境幾舒適 又有部大電視 係嘆茶一流既地方😎 踩單車踩到攰 入嚟食個tea差差電就最適合啦

約好左星期六去踏單車，雖然颱風將到來，但都無阻我地嘅雅興。但天氣太悶熱了，所以都踏得唔遠，只係由大圍去到科學園已經要休息下，食d野。我地去左W5 個邊，一來個面好似多d野食，二來望落好似呢邊嘅食廳會比較平民價。入面有大型連鎖店嘅餐廳，仲有其他小店，咁黎到呢到梗係唔想又食出面都食到嘅野。所以就揀左呢間。可能颱風將至，呢間餐已經將出面嘅露天茶座都收起左。我地見到佢個下午茶menu 都幾正幾抵食。入面有個大電視，坐低揀好左野食之後就去點餐區到俾錢同點餐。我地叫左三個set。秘製豬扒包配粗薯條果然冇叫錯呢個廚師推介，佢個豬扒包塊豬扒烤得好好。出面烤到乾身，咬落去入邊係軟嘅同唔乾。另外佢嘅食材好新鮮！生菜又脆又有水份，蕃茄又係又厚又新鮮。不過可能有d乾，我諗入面加d沙拉醬會冇咁乾。煙三文魚牛油果牛角酥配粗薯條呢個嘅食材又係好新鮮，牛油果好好味。佢有牛角酥係cafe 水準，讚！粗薯條炸得脆！夏威夷風光薄餅呢個餅底係脆底的，上面有ham 同菠蘿。呢隻ham 同平時個D 火腿唔同，呢個係咸d的。我好surprise 嘅係，我以為會係茶餐廳水準，但連杯凍朱古力都沖得好好！開心搵到呢到，過左個休閒嘅下午。

今早在科學園參加了跑步賽事。早餐不敢吃太飽，但自知運動後兩小時不建議進食，當時也沒有什麼食慾，於是先到不同攤位行逛緩沖一下。途經一間咖啡店，裡面座了不少客人，看似不俗，決定試一試。餐廳座位不算多，大概是因為有比賽舉行，我們入座後一小時基本上是滿席，後來的客人需要等候。眼見時間不遲不早，便單點兩客意大利麵及一杯飲品作午餐。我點的白酒汁帶子意大利麵（$75）味道清淡，未必適合口味濃的人士。白酒味不明顯，麵味卻很突出，麵質能保持 al dente，配上的露筍鮮甜，某部分的車厘茄微酸。可是帶子不算新鮮，欠缺甜味，咬開的質感沒有偏韌，反而較乾爽利落。至於家人點的煙三文魚忌廉芝士闊條麵（$68），三文魚的份量很多，鹹淡鮮味尚算適中。忌廉芝士和麵的比例平均，值得一讚是醬汁香濃不膩，稀稠剛好。兩客主菜的份量蠻足，煙三文魚的比帶子的好吃。正餐快吃完時點了的凍鮮奶咖啡（$28）還未到，原來餐廳要為活動的大會職員準備午膳，百忙之中算漏了，倒是情有可原。不過，咖啡的表現跟連鎖店的差無幾：兩者都不好喝。咖啡和奶味道薄弱，連害怕咖啡過強烈的家人也覺得不濃，無法嚐到牛奶本身乳糖其香甜，似是只有淡奶。雖然要求了飲品少

之前係科學園做野都食過主要食市～茶記、車仔麵日食、近海傍西餐、快餐店，pepperlunch、楠天foodcourt⋯見到呢間有普通港色早餐但無食過 shd be abt $3x-4x早餐都係平食對面果間燒賣野飲當一餐呢間餐廳係全科學園最夜山餐廳ot必食（無選擇）subway好似山630、大家樂會好多食物賣晒間餐廳野飲都好似另配$8 咁上下食物都多款 pasta burger都有～～接到order 先整但上菜時間都ok好似食過兩次都係pasta價錢平過food lab 但無另外兩間西餐咁靚但味道比較好

來到科學園去搵個朋友，到食午餐嘅時候想聚一聚，第一個想法就係呢度呢間餐廳。呢間餐廳係一入門口轉左就望到，搵餐廳時絕對唔會覺得有任何困難，非常方便。而食物嘅選擇種類非常之多，麵啦飯啦，即使係薄餅都一應俱全。嘢飲方面，除咗有特色嘅咖啡之外，仲有各種花茶。咁餐廳嘅點餐方法係自己到櫃檯去買，餐廳服務員，就會畀個牌仔你，送你一個送餐服務，非常體貼！咁我就選擇咗一個夏威夷pizza，面頭有兩塊大大嘅煙三文魚，重有勁多黏黏嘅芝士，同埋幾舊甜甜酸酸嘅菠蘿。成個pizza食落口，簡直個配搭係完美，非常好食。而前菜我就自己點左一個煙三文魚沙律， 沙律嘅定中心就係有三塊大大嘅三文魚卷埋咗一齊，而菜嘅新鮮度同埋乾淨度都非常之好同高，作為前菜我感覺到非常之fresh。啲嘢飲方面我就嗌咗一杯特色咖啡mocha， 一杯朱古力咖啡唔會話特別之甜，朱古力同咖哩比例大概佔一半一半，口感非常之佳。甜品就叫咗一個朱古力蛋糕， 同樣都係朱古力，同樣唔會非常之甜，甜品食落去亦都唔會膩，啱曬作為一個完美嘅結尾。

等左兩個禮拜終於好天，即刻約個朋友去踩單車，吸收下維他命D...一直以為科學園只得一間超市同兩間餐廳，原來入面仲有好多選擇，美式、台式、日式，連酒樓都有兩間，不過我地最終揀左西式既WM Cafe餐廳採取快餐形式，係counter 揀完野食俾埋錢，侍應就會俾個號碼座你，只要擺係檯面食物就有專人奉上。店內仲有一大部電視機，包你唔會悶親蟹肉墨汁意大利粉：意粉彈牙，唔會煮得太淋，每啖都有蟹肉，口感十足，而且仲有露筍，夠哂健康加十蚊有餐湯同蒜蓉包，個蘑菇湯用料十足鮮奶咖啡都異常香滑，奶味特濃夏威夷風光薄餅，餅底奇脆，而且食得出用上新鮮菠蘿，配埋Parma Ham，個一甜一咸中和得唔錯P.S. 原來餐廳係大埔都有另一間分店

星期六和老公去踩單車，經過科學園順便tea 1 tea，時間接近四點，很多店舖都像半關門似的，唯有這間半自助形式的Cafe人流也挺多，而且有tea set，決定一試。二人點了一個夏威夷pizza，一份炸魚薯條。夏威夷pizza以此價錢尚算大塊，有濃濃的芝士味，而且用了Parma Ham取代普通火腿，感覺高級了很多😅！我和老公都很喜歡這款薄批，吃完不會很濟。不過如果菠蘿粒能細粒一點，吃起來的每一口的口感應該會更平均。我其實喜歡他的炸魚薯條（其實是我太愛炸物），這裏的炸漿很薄，所以如果你追求硬脆的感覺可能會失望，但我覺得這種薄薄的炸漿，配魚柳那種軟軟的口感更配，而且少一點罪惡感！不過一定記緊要新鮮熱食，看見也有人買外賣炸魚薯條，但應該會比較失色吧。老公最欣賞這裏有個三個屏幕組成的大電視，他說睇波一流！可惜似乎這間餐廳沒有做晚市，科學園的餐廳要不很貴，其他卻看似很頹。這間cafe中等價位，質素也算很不錯！

今天跟朋友踩單車，經過科學園想買點東西飲，想不到內裡有這麼多商店，見到有間WM Cafe，午餐價錢不算太貴，就跟朋友一起吃完午餐再出發，此餐廳好處是有戶外，可推單車到店外停泊，因為外面太熱，我們選擇入內用餐，重點是有特大電視看，而這餐廳是先付款後送餐形式，故不收加一服務費、店內還有午餐都有很多款選擇，我們點了安格斯牛肉芝士漢堡跟薯條和夏威夷風光薄餅、凍青檸紅茶、跟餐湯和法底多士。店內環境坐得舒服，還有特大電視。午餐餐牌多款選擇，這區來說不算太貴，可接受，重點是免加一服務費。飲品種類都非常多有花茶凍青檸檸檬茶味道清新蘑菇餐湯味道濃厚安格斯牛肉芝士漢堡 份量十足，薯條超大條，一個女生應該吃不完牛肉非常厚，應該有2cm薄餅用新鮮菠蘿，底讚總評：高質快餐Cafe，下次再踩單車經過會再來。

星期六去到科學院，少了平日上班一族的人流，多添了一份寧靜，原本打算先沿着河邊散下步，但天氣實在太熱行左兩步就改入冷氣地方行，經過見到呢間wm cafe，見set lunch都幾抵食就入左去食午餐。星期六嘅人流畢竟較少，cafe鋪面雖小但環境幽靜舒適，餐廳採用自助點餐，但食物就由店員親自送上。Set lunch加$10可配粟米忌廉湯及法包，飲落時食得到粒粒清甜栗米蓉，可見餐廳嘅誠意。我點了個卡邦尼闊條麵，闊條麵唔會煮得過冧而有口感，煙肉片亦都唔多肥肉不會太膩，加上蘑菇嘅香味整個卡邦尼闊條麵都配撘得很好。另外朋友點了個蟹肉墨汁意大利粉，墨汁意大利粉不但外表呈墨汁黑，食落更充滿墨汁香味，配撘啖啖鮮蟹肉十分不錯。我和朋友再叫了壺花茶，內裏有洛神花、玫瑰及茉梨花，洛神花帶嘅酸味道飲落更份外開胃。

ㄧ打風就去邊都唔方便, 雖然只是區區ㄧ號風球, 但狂風暴雨, 什麼地方都不用去。 幸好我家離大埔科學園只有十多分鐘的車程, 所以決定同老公楂車出去食個下午茶, 因為就算是星期六, 那裏也ㄧ定不會人山人海。結果那天科學園真的好静及冇乜人, 我們泊好車出地面後就ㄧ路行ㄧ路找心儀的食店。 最後都是由我選了常去的cafe, 因為看到它下午茶的menu 裏的食物又平又吸引。我揀了牛角包配牛油果加薯條($38 冇加ㄧ), 而老公也照舊叫了他的至愛漢堡包(不是下午茶menu, 所以要$75,另轉凍飲還要加$3)。我們都很enjoy 這頓下午茶, 雖然老公話漢堡包内的牛肉煮得有點老, 應食返hot dog 更好。 我就幾滿意我的牛角包, 更愛那厚厚熱熱的薯條。 這頓下午茶簡直是超值 (連停車場也有$300 消費免2小時停車優惠), 加埋全海景, 令人大有遠離煩囂的感覺。 這ㄧtrip, 正 !